ลูก๋า 9:26 - พระคริสตธรรมคัมภีร ภาคพันธสัญญาใหม

²⁶ ถ้า​คน​ใด​อาย​ย้อน​ติดต๋าม​เฮา​กับ​กำสอน​ของ​เฮา เฮา​ผู้​เป๋น​บุตรมนุษย์​ก็​จะ​อาย​คน​นั้น​ตวย เมื่อ​เฮา​ปิ๊ก​มา​ใน​โลก​ด้วย​รัศมี​ของ​ต้าน กับ​ของ​พระบิดา ตึง​ของ​หมู่​ทูตสวรรค์​บริสุทธิ์

ลูก๋า 9:26 Iomraidhean Croise

มัทธิว 16:27

แต่​บุตรมนุษย์​จะ​ปิ๊ก​มา​ด้วย​รัศมี​ของ​พระบิดา​พร้อม​กับ​ทูตสวรรค์​ของ​พระองค์ แล้ว​บุตรมนุษย์​จะ​มา​ตัดสิน​กู้​คน​ต๋าม​ตี้​แต่​ละ​คน​ได้​เยียะ​เอา​ไว้

มัทธิว 25:31

“เมื่อ​บุตรมนุษย์​จะ​ปิ๊ก​มา​โดย​รัศมี​อัน​ยิ่งใหญ่​ฮ่วม​กับ​หมู่​ทูตสวรรค์ พระองค์​จะ​นั่ง​บน​บัลลังก์​ตี้​เต๋ม​ไป​ด้วย​รัศมี​ตี้​มา​จาก​สวรรค์

มัทธิว 26:64

พระเยซู​ตอบ​เขา​ว่า “อู้​ถูก​แล้ว แต่​เฮา​จะ​บอก​หื้อ​ฮู้​แหม​ว่า ตั้งแต่​นี้​ไป ต้าน​ตังหลาย​จะ​ได้​หัน​บุตรมนุษย์​นั่ง​ตัง​เผิก​ขวา​ของ​พระเจ้า​ผู้​มี​ฤทธิ์​อำนาจ กับ​จะ​ลง​มา​บน​เมฆ​ใน​ฟ้า​สวรรค์”

มาระโก 8:38

ใน​ยุค​นี้​ตี้​มี​คน​บาป​เป๋น​คน​บ่ซื่อสัตย์​ต่อ​พระเจ้า ถ้า​คน​ใด​อาย​ย้อน​ติดต๋าม​เฮา​กับ​กำสอน​ของ​เฮา เฮา​ผู้​เป๋น​บุตรมนุษย์​ก็​จะ​อาย​คน​นั้น​ตวย​เมื่อ​เฮา​ปิ๊ก​มา​ใน​โลก​ด้วย​รัศมี​ของ​พระบิดา​ฮ่วม​กับ​หมู่​ทูตสวรรค์​บริสุทธิ์”

ยอห์น 12:43

ย้อน​ว่า​หมู่​เขา​ซอบ​กำ​ยกย่อง​ของ​คน​นัก​เหลือ​กำ​ยกย่อง​ของ​พระเจ้า

ยอห์น 5:44

หมู่​ต้าน​จะ​เจื้อ​เฮา​ได้​จาใด ย้อน​หมู่​ต้าน​ซอบ​ยกย่อง​กั๋น แต่​บ่สนใจ๋​เซาะ​หา​กำ​ยกย่อง​ตี้​มา​จาก​พระเจ้า​องค์​เดียว

กิจก๋าน 10:22

หมู่​เขา​ปา​กั๋น​ตอบ​ว่า “นายร้อย​โครเนลิอัส​หื้อ​หมู่​เฮา​มา​หา​ต้าน เปิ้น​เป๋น​คน​ตี้​ถูกต้อง​ต๋าม​ธรรม​กับ​เก๋งกั๋ว​พระเจ้า จาว​ยิว​ก็​ยกย่อง​นับถือ​ต้าน ทูตสวรรค์​บริสุทธิ์​บอก​เปิ้น​หื้อ​มา​เจิญ​ต้าน​ไป​ตี้​บ้าน เปื้อ​ขอ​หื้อ​ต้าน​เล่า​เรื่อง​หื้อ​ฟัง”

โรม 1:16

ข้าพเจ้า​บ่อาย​ตี้​จะ​บอก​ข่าวดี ย้อน​ว่า​เรื่อง​ข่าวดี​เป๋น​ฤทธิ์​อำนาจ​ตี้​มา​จาก​พระเจ้า เปื้อ​จ้วย​หื้อ​กู้​คน​ตี้​เจื้อ ได้​รอด​ป๊น​บาป​โต้ษ จ้วย​จาว​ยิว​ก่อน​แล้ว​ก็​จ้วย​คน​ต่างจ้าด

2 โครินธ์ 12:10

ย้อน​จาอี้ เปื้อ​หัน​แก่​พระคริสต์ ข้าพเจ้า​ก็​มี​ใจ๋​ยินดี​ตี้​มี​ความ​อ่อนแอ มี​คน​ดู​หมิ่น​ดู​แควน มี​ความ​ตุ๊ก​ยาก มี​คน​ค่ำ กับ​มี​ความ​ยาก​ลำบาก​ต่างๆ ย้อน​ว่า​เมื่อใด​ตี้​ข้าพเจ้า​อ่อนแอ ข้าพเจ้า​ก็​จะ​เข้มแข็ง​ขึ้น

กาลาเทีย 6:14

ข้าพเจ้า​บ่ขอ​อวด​อะหยัง​เลย นอก​จาก​เรื่อง​ก๋าน​ต๋าย​บน​ไม้​ก๋าง​เขน​ของ​พระเยซู​คริสต์​องค์​พระ​ผู้​เป๋น​เจ้า​ของ​หมู่​เฮา​เต้า​อั้น โดย​ไม้​ก๋าง​เขน​นั้น​โลก​นี้​ได้​ต๋าย​จาก​ข้าพเจ้า​ไป​แล้ว กับ​ข้าพเจ้า​ก็​ได้​ต๋าย​จาก​โลก​นี้​เหมือน​กั๋น

1 ทิโมธี 5:21

ข้าพเจ้า​สั่ง​ต้าน​ต่อ​หน้า​พระเจ้า กับ​ต่อ​พระเยซู​คริสต์​ตึง​หมู่​ทูตสวรรค์​ตี้​พระองค์​เลือก​ไว้ หื้อ​ฮักษา​กำ​สั่ง​สอน​ตี้​อู้​มา​แล้ว​นี้​ไว้​หื้อ​ดี โดย​บ่หัน​แก่​หน้า​ใผ​กับ​โดย​บ่ลำเอียง

2 ทิโมธี 1:12

ย้อน​จาอี้​ข้าพเจ้า​จึง​ฮับ​ความ​ตุ๊ก​ทรมาน​อย่าง​ตี้​เป๋น​อยู่​นี้ แต่​ข้าพเจ้า​ก็​บ่อาย ย้อน​ข้าพเจ้า​ฮู้จัก​ผู้​ตี้​ข้าพเจ้า​เจื้อ​วางใจ๋ กับ​มั่นใจ๋​ว่า​พระองค์​สามารถ​ฮักษา​สิ่ง​ตี้​ข้าพเจ้า​มอบ​หื้อ​พระองค์ จ๋น​กว่า​วัน​สุดต๊าย​มา​แผว

2 ทิโมธี 2:12

ถ้า​เฮา​ทน​ตุ๊กยาก เฮา​ก็​จะ​ได้​ปกครอง​ฮ่วม​กับ​พระองค์ ถ้า​เฮา​บ่ยอมฮับ​พระองค์ พระองค์​ก็​จะ​บ่ยอมฮับ​เฮา​เหมือน​กั๋น

ฮีบรู 11:26

ต้าน​ถือ​ว่า​ก๋าน​ยอม​ถูก​ดูถูก​ดู​แควน​เปื้อ​พระคริสต์​ยัง​มี​ก้า​นัก​เหลือ​สมบัติ​ต่างๆ ของ​ประเทศ​อียิปต์ ย้อน​ต้าน​ผ่อ​ไป​ตังหน้า​เถิง​รางวัล​ตี้​จะ​ได้​ฮับ

ฮีบรู 13:13

จาอั้น​หื้อ​เฮา​ตังหลาย​ออก​ไป​หา​พระเยซู​นอก​ค่าย กับ​ยอม​ฮับ​กำ​ดูถูก​ดู​แควน​เหมือน​กั๋น​กับ​พระองค์

ยูดา 1:14

เอโนค เป๋น​เจื๊อสาย​ของ​อาดัม​นับ​ลง​มา​เจ็ด​เจ้น ได้​ตวายตั๊ก​เถิง​คน​หมู่​นี้​ไว้​ว่า “ผ่อ​หั้น​เต๊อะ องค์​พระ​ผู้​เป๋น​เจ้า​มา​กับ​หมู่​ทูตสวรรค์​บริสุทธิ์​ของ​พระองค์​เป๋น​หมื่นๆ

วิวรณ์ 1:7

ผ่อ​เต๊อะ พระเยซู​ก่ำลัง​จะ​มา​ใน​หมู่​เมฆ กู้​คน​จะ​หัน​พระองค์ แม้แต่​คน​ตี้​แตง​พระองค์ กู้​เผ่าพันธุ์​ใน​โลก​จะ​โศกเศร้า​ย้อน​พระองค์ จะ​เป๋น​ต๋าม​นั้น​อย่าง​แน่นอน อาเมน

วิวรณ์ 20:11

แล้ว​ข้าพเจ้า​หัน​บัลลังก์​ใหญ่​สี​ขาว​กับ​พระเจ้า​ผู้​ตี้​นั่ง​อยู่​บน​บัลลังก์​นั้น เมื่อ​พระองค์​มา​ป๋ากฏ แผ่นดิน​โลก​กับ​สวรรค์​ก็​หาย​ไป​บ่เหลือ​ฮอย​หื้อ​ใผ​หัน​แหม​เลย

วิวรณ์ 21:8

แต่​คน​ตี้​ขี้แขะ คน​ตี้​ละ​ความ​เจื้อ​ไป คน​ตี้​เยียะ​สิ่ง​ตี้​น่า​ขี้จ๊ะ คน​ตี้​ฆ่า​คน คน​ตี้​ล่วง​ประเวณี คน​ตี้​ใจ๊​เวทมนตร์​กาถา คน​ตี้​กราบ​ไหว้​ฮูป​เคารพ กับ​กู้​คน​ตี้​อู้​ขี้​จุ​ขี้​ล่าย จะ​อยู่​ใน​บึง​ไฟ​กำมะถัน​ตี้​ก่ำลัง​ลุก​ไหม้ นั่น​จะ​เป๋น​ความ​ต๋าย​เตื้อ​สุดต๊าย”

วิวรณ์ 3:5

คน​ตี้​มี​ชัย จะ​ได้​ใส่​เสื้อผ้า​สี​ขาว​เหมือน​หมู่​เขา แล้ว​เฮา​จะ​บ่ลบ​จื้อ​ของ​เขา​ออก​จาก​หนังสือ​แห่ง​จีวิต แต่​เฮา​จะ​ยืนยัน​ต่อหน้า​พระบิดา​ของ​เฮา​กับ​ต่อหน้า​หมู่​ทูตสวรรค์​ของ​พระองค์​ว่า คนๆ นี้​เป๋น​ของ​เฮา