ลูก๋า 8:28 - พระคริสตธรรมคัมภีร ภาคพันธสัญญาใหม

²⁸ เมื่อ​เขา​หัน​พระเยซู เขา​ก็​หุย​เสียง​ดัง ยอบ​ตั๋ว​ลง​ไหว้​ส่อง​หน้า​พระองค์​ฮ้อง​เสียง​ดัง​ว่า “โอ​พระเยซู​พระบุตร​ของ​พระเจ้า​ผู้​สูงสุด มา​ยุ่ง​กับ​เฮา​เยียะ​หยัง ขอ​เต๊อะ ห้าม​ทรมาน​เฮา​เน่อ”

ลูก๋า 8:28 Iomraidhean Croise

มัทธิว 8:29

ป้อจาย​สอง​คน​นั้น​เอ็ก​ปั๊ด​ใส่​พระเยซู​ว่า “ต้าน​เป๋น​พระบุตร​ของ​พระเจ้า มา​ยุ่ง​กับ​หมู่​เฮา​เยียะ​หยัง ต้าน​ต้องก๋าน​มา​ทรมาน​หมู่​เฮา​ก่อน​เวลา​ตี้​พระเจ้า​ก๋ำหนด​ไว้​แล้ว​จาอั้น​กา”

ลูก๋า 8:27

เมื่อ​พระองค์​ขึ้น​ฝั่ง มี​คน​นึ่ง​ออก​มา​จาก​เมือง​มา​ปะ​พระองค์ คน​นั้น​มี​ผี​เข้า​อยู่ บ่ได้​นุ่ง​เสื้อ​นุ่ง​ผ้า บ่ได้​อยู่​กับ​บ้าน​กับ​เฮือน อยู่​ต๋าม​อุโมงค์​ฝัง​ศพ​มา​เมิน​แล้ว

ลูก๋า 8:29

ตี้​เขา​อู้​จาอั้น ก็​ย้อน​พระเยซู​ได้​สั่ง​ผี​ฮ้าย​หื้อ​ออก​จาก​เขา ผี​นั้น​เกย​เข้า​เขา​หลาย​เตื้อ เขา​เกย​ถูก​คน​เอา​เจื้อก​เหล็ก​ล่าม​กับ​กุม​เขา​ไว้ แต่​เขา​ก็​สะต๊ก​เจื้อก​เหล็ก​ปุด​หมด กับ​ผี​ฮ้าย​ก็​ปา​เขา​เข้า​ไป​อยู่​ใน​ป่า​คน​เดียว

ยากอบ 2:19

ต้าน​เจื้อ​ว่า​พระเจ้า​มี​องค์​เดียว​ก็​ดี หมู่​ผี​ฮ้าย​ก็​เจื้อ​เหมือน​กั๋น กับ​มัน​ก็​กั๋ว​จ๋น​ตั๋ว​สั่น​ถาบๆ ตวย

2 เปโตร 2:4

ทูตสวรรค์​ตี้​ได้​เยียะ​บาป​นั้น​พระเจ้า​ก็​บ่เว้น แต่​ได้​โจ้ง​หมู่​เขา​ไว้​ใน​หม้อหน้าฮก แล้ว​เอา​เจื้อก​เหล็ก​ล่าม​ขัง​หมู่​เขา​ไว้​ใน​คอก​ตี้​ดับ​มืด กอย​ถ้า​วัน​ตัดสิน​ลงโต้ษ​จาก​พระเจ้า

1 ยอห์น 3:8

คน​ใด​ตี้​ยัง​เยียะ​บาป​อยู่ คน​นั้น​ก็​เป๋น​ของ​มาร ย้อน​ว่า​มาร​ได้​เยียะ​บาป​มา​ตั้งแต่​เมื่อ​เก๊าหัวที​แล้ว นี่​เป๋น​เหตุ​ตี้​พระบุตร​ของ​พระเจ้า​มา​ป๋ากฏ เปื้อ​มา​ทำลาย​ก๋าน​งาน​ของ​มาร​เหีย

วิวรณ์ 20:10

มาร​เซิ่ง​ได้​หลอกลวง​หมู่​เขา​นั้น ถูก​โจ้ง​ลง​ไป​ใน​บึง​ไฟ​กำมะถัน​ตี้​ก่ำลัง​ลุก​ไหม้ ใน​บึง​นั้น​มี​สัตว์​ฮ้าย​ตึง​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​อยู่​ตวย หมู่​มัน​ตึงหมด​ได้​ฮับ​ความ​ตุ๊ก​ทรมาน​ตึง​วัน​ตึง​คืน​ตลอดไป