ลูก๋า 7:34 - พระคริสตธรรมคัมภีร ภาคพันธสัญญาใหม

³⁴ ส่วน​บุตรมนุษย์​ได้​ตึง​กิ๋น​ตึง​ดื่ม ต้าน​ตังหลาย​ก็​ว่า ‘ผ่อ​คน​นี้​ลอ ขี้​กละ ขี้​เมา​ตวย ป๋าย​บ่ปอ​ยัง​เป๋น​เปื้อน​กับ​คน​เก็บ​ภาษี คบ​กั๋น​กับ​คน​บาป’

ลูก๋า 7:34 Iomraidhean Croise

มัทธิว 11:19

ส่วน​บุตรมนุษย์​ได้​ตึง​กิ๋น​ตึง​ดื่ม คน​ตังหลาย​ก็​ว่า ‘ผ่อ​คน​นี้​ลอ ขี้​กละ ขี้​เมา​ตวย ป๋าย​บ่ปอ​ยัง​เป๋น​เปื้อน​กับ​คน​เก็บ​ภาษี คบ​กั๋น​กับ​คน​บาป’ แต่​ปั๋ญญา​ของ​พระเจ้า​นั้น​ก็​ได้ฮับ​ก๋าน​ยอมฮับ​ว่า​ถูกต้อง​แล้ว​จาก​ผล​ตี้​ออก​มา”

มัทธิว 5:46

ถ้า​ต้าน​ตังหลาย​ฮัก​ก้า​คน​ตี้​ฮัก​ต้าน​ต้าน​จะ​ได้​รางวัล​อะหยัง ย้อน​ว่า​แม้​แต่​คน​เก็บ​ภาษี ก็​ยัง​ฮัก​คน​ตี้​ฮัก​เขา​เหมือน​กั๋น​บ่ใจ้​กา

มัทธิว 9:11

เมื่อ​หมู่​ฟาริสี​หัน​จาอั้น ก็​อู้​กับ​หมู่​สาวก​ของ​พระเยซู​ว่า “เป๋น​จาใด​อาจ๋ารย์​ของ​หมู่​ต้าน มา​นั่ง​กิ๋น​ข้าว​ฮ่วม​กับ​คน​เก็บ​ภาษี​ตึง​คน​บาป​จาอั้น”

ลูก๋า 11:37

เมื่อ​พระองค์​อู้​เสร็จ​แล้ว มี​คน​นึ่ง​ใน​หมู่​ฟาริสี​เจิญ​พระองค์​ไป​กิ๋น​ข้าว​ตวย​กั๋น​ตี้​บ้าน พระองค์​ก็​เข้า​ไป​แล้ว​นั่ง​ลง​กิ๋น​ตวย​กั๋น

ลูก๋า 14:1

ใน​วัน​สะบาโต​วัน​นึ่ง พระเยซู​เข้า​ไป​ใน​เฮือน​ของ​ผู้​นำ​คน​นึ่ง​ของ​หมู่​ฟาริสี​เปื้อ​จะ​กิ๋น​ข้าว คน​ตี้​หั้น​ถ้า​ผ่อ​ว่า พระองค์​จะ​เยียะ​ก๋าน​ใน​วัน​สะบาโต​ก่อ

ลูก๋า 15:2

แต่​หมู่​ฟาริสี​กับ​หมู่​ธรรมาจ๋ารย์​จ่ม​ว่า “คน​นี้​ต้อนฮับ​คน​บาป​กับ​กิ๋น​ดื่ม​ตวย​หมู่​เขา”

ลูก๋า 19:7

คน​ตังหลาย​หัน​จาอั้น ก็​ปา​กั๋น​จ่ม​ว่า “พระเยซู​ไป​ย้าง​อยู่​กับ​คน​บาป”

ลูก๋า 5:29

เลวี​จัด​งาน​เลี้ยง​ใหญ่​ตี้​บ้าน​ของ​เขา เปื้อ​เป๋น​เกียรติ​แก่​พระเยซู มี​คน​เก็บ​ภาษี​กับ​คน​อื่น​แหม​หลาย​คน​นั่ง​ฮ่วม​โต๊ะ​ตวย​หมู่​สาวก​ของ​พระองค์

ลูก๋า 7:33

ย้อน​ยอห์น​ผู้​หื้อ​บัพติศมา​ถือ​ศีล​อด​อาหาร​กับ​บ่ได้​กิ๋น​เหล้า​องุ่น ต้าน​ตังหลาย​ก็​ว่า ‘คน​นี้​มี​ผี​เข้า​อยู่’

ลูก๋า 7:35

แต่​ปั๋ญญา​ของ​พระเจ้า​นั้น​ก็​ได้ฮับ​ก๋าน​ยอมฮับ​ว่า​ถูกต้อง​แล้ว​จาก​คน​ตี้​เยียะ​ตวย​ต๋าม​ปั๋ญญา​นั้น”

ลูก๋า 7:36

มี​คน​นึ่ง​ใน​หมู่​ฟาริสี​จื้อ​ซีโมน เจิญ​พระองค์​ไป​กิ๋น​ข้าว​ตวย พระองค์​ก็​ไป​นั่ง​กิ๋น​ใน​เฮือน​ของ​เขา

ยอห์น 12:2

หมู่​คน​ตี้​หั้น​จัด​งานเลี้ยง​หื้อ​พระองค์ มารธา​ก็​จ้วย​ผ่อ​กอย​เรื่อง​ของกิ๋น​ของ​ว่า ต๋อน​นั้น​ลาซารัส​ก็​นั่ง​กิ๋น​ข้าว​อยู่​โต๊ะ​เดียว​กั๋น​กับ​พระองค์

ยอห์น 2:2

พระเยซู​กับ​หมู่​สาวก​ก็​ได้ฮับ​เจิญ​ไป​งาน​นี้​ตวย