ลูก๋า 5:30 - พระคริสตธรรมคัมภีร ภาคพันธสัญญาใหม

³⁰ หมู่​ฟาริสี​กับ​หมู่​ธรรมาจ๋ารย์​ตี้​อยู่​ใน​หมู่​ของ​เขา​ซูบซาบ​กั๋น ติ​หมู่​สาวก​ของ​พระเยซู​ว่า เป๋น​จาใด​หมู่​ต้าน​มา​กิ๋น​มา​ดื่ม​กับ​หมู่​คน​เก็บ​ภาษี​กับ​หมู่​คน​บาป

ลูก๋า 5:30 Iomraidhean Croise

มัทธิว 5:46

ถ้า​ต้าน​ตังหลาย​ฮัก​ก้า​คน​ตี้​ฮัก​ต้าน​ต้าน​จะ​ได้​รางวัล​อะหยัง ย้อน​ว่า​แม้​แต่​คน​เก็บ​ภาษี ก็​ยัง​ฮัก​คน​ตี้​ฮัก​เขา​เหมือน​กั๋น​บ่ใจ้​กา

มัทธิว 9:11

เมื่อ​หมู่​ฟาริสี​หัน​จาอั้น ก็​อู้​กับ​หมู่​สาวก​ของ​พระเยซู​ว่า “เป๋น​จาใด​อาจ๋ารย์​ของ​หมู่​ต้าน มา​นั่ง​กิ๋น​ข้าว​ฮ่วม​กับ​คน​เก็บ​ภาษี​ตึง​คน​บาป​จาอั้น”

มาระโก 2:16

มี​หมู่​คน​ตี้​เป๋น​ตึง​ธรรมาจ๋ารย์​เป๋น​ตึง​ฟาริสี​หัน​พระเยซู​นั่ง​กิ๋น​ข้าว​ตวย​กั๋น​กับ​คน​เก็บ​ภาษี​ตึง​หมู่​คน​บาปก็​ถาม​สาวก​ของ​พระองค์​ว่า “เป๋น​จาใด​อาจ๋ารย์​ของ​หมู่​ต้าน​นั่ง​กิ๋น​ข้าว​ฮ่วม​กับ​คน​เก็บ​ภาษี​กับ​คน​บาป​จาอั้น”

มาระโก 7:3

(​จาว​ยิว​ตังหลาย​ตึง​คน​ตี้​เป๋น​หมู่​ฟาริสี​จะ​ถือ​ต๋าม​กำสอน​ตี้​ป้ออุ๊ย​แม่หม่อน​สอน​ต่อๆ กั๋น​มา​ว่า ถ้า​บ่ซ่วย​มือ​ต๋าม​พิธี​ตาง​ศาสนา​เหีย​ก่อน จะ​บ่กิ๋น​ข้าว​เตื้อ

มาระโก 9:16

พระเยซู​ถาม​หมู่​เขา​ว่า “ก่ำลัง​เถียง​กั๋น​เรื่อง​อะหยัง”

ลูก๋า 18:11

คน​ฟาริสี​หยิ่ง​จ๋องหอง​คน​นั้น​ลุก​ขึ้น​ยืน​อธิษฐาน​ว่า ‘พระองค์​เจ้า​ข้า ขอบพระคุณ​พระองค์​ตี้​ข้าพเจ้า​บ่เหมือน​คน​อื่น ตี้​เป๋น​คน​โลภ​คน​บ่ดี คน​ล่วง​ประเวณี กับ​บ่เหมือน​คน​เก็บ​ภาษี​คน​นี้

ลูก๋า 19:7

คน​ตังหลาย​หัน​จาอั้น ก็​ปา​กั๋น​จ่ม​ว่า “พระเยซู​ไป​ย้าง​อยู่​กับ​คน​บาป”

ลูก๋า 5:17

วัน​นึ่ง​เมื่อ​พระองค์​ก่ำลัง​สั่ง​สอน​อยู่ ก็​มี​หมู่​ฟาริสี​กับ​หมู่​ธรรมาจ๋ารย์​นั่ง​ฟัง​อยู่​ตี้​หั้น​ตวย หมู่​เขา​มา​จาก​กู้​หมู่​บ้าน​ใน​แคว้น​กาลิลี แคว้น​ยูเดีย​กับ​กรุง​เยรูซาเล็ม กับ​พระเจ้า​ได้​หื้อ​ฤทธิ์​อำนาจ​กับ​พระเยซู​ตี้​ฮักษา​โรค​ต่างๆ หื้อ​หาย

ลูก๋า 5:21

หมู่​ธรรมาจ๋ารย์​กับ​หมู่​ฟาริสี​กึ๊ด​ใน​ใจ๋​ว่า “คน​นี้​เป๋น​ใผ ตี้​อู้​หมิ่น​ประมาท​พระเจ้า ใผ​จะ​ยก​โต้ษ​บาป​ได้​นอก​จาก​พระเจ้า​องค์​เดียว​เต้าอั้น”

ลูก๋า 7:34

ส่วน​บุตรมนุษย์​ได้​ตึง​กิ๋น​ตึง​ดื่ม ต้าน​ตังหลาย​ก็​ว่า ‘ผ่อ​คน​นี้​ลอ ขี้​กละ ขี้​เมา​ตวย ป๋าย​บ่ปอ​ยัง​เป๋น​เปื้อน​กับ​คน​เก็บ​ภาษี คบ​กั๋น​กับ​คน​บาป’

ลูก๋า 7:39

ฟาริสี​ตี้​ได้​เจิญ​พระเยซู​มา​บ้าน​หัน​ใส่ ก็​กึ๊ด​ใน​ใจ๋​ว่า “ถ้า​ต้าน​เป๋น​ผู้​เป๋น​ปาก​เป๋น​เสียง​แตน​พระเจ้า​แต๊ ก็​ต้อง​ฮู้​ว่า​แม่ญิง​คน​ตี้​ถูก​ตั๋ว​ของ​ต้าน​นั้น​เป๋น​ใผ เป๋น​คน​จาใด ย้อน​นาง​เป๋น​คน​บาป”

กิจก๋าน 23:9

ตึง​สอง​หมู่​จึง​ผิด​เถียง​กั๋น​เสียง​ดัง​นัก​ขึ้น​ติกๆ แล้ว​มี​ธรรมาจ๋ารย์​บาง​คน​ตี้​เป๋น​ฟาริสี​ยืน​ขึ้น​เถียง​อย่าง​หนักแน่น​ว่า “หมู่​เฮา​บ่หัน​ว่า​ป้อจาย​คน​นี้​เยียะ​ผิด​อะหยัง​สัก​หน้อย วิญญาณ​กาว่า​ทูตสวรรค์​อาจ​จะ​อู้​กับ​เขา​แต๊”