ลูก๋า 4:40 - พระคริสตธรรมคัมภีร ภาคพันธสัญญาใหม

⁴⁰ เมื่อแลง​ใก้​ตะวัน​ตก​ดิน ก็​มี​คน​ปา​คน​เจ็บป่วย​เป๋น​พยาธิ​พะยำ​ต่างๆ มา​หา​พระเยซู พระองค์​ก็​วาง​มือ​บน​ตั๋ว​คน​ป่วย​หมู่​นั้น​กู้​คน ฮักษา​หมู่​เขา​หื้อ​หาย

ลูก๋า 4:40 Iomraidhean Croise

มัทธิว 11:5

คือ​คน​ต๋าบอด​ก็​ผ่อ​หัน​ได้ คน​ง่อย​ก็​เตียว​ได้ คน​ขี้ตู้ด​ก็​หาย​สะอาด คน​หู​หนวก​ก็​ได้​ยิน คน​ต๋าย​ก็​เป๋น​ขึ้น​จาก​ความ​ต๋าย กับ​คน​ตุ๊ก​คน​ยาก​ก็​ได้​ฟัง​ข่าวดี

มัทธิว 14:13

เมื่อ​พระเยซู​ได้ยิน​เรื่อง​ของ​ยอห์น​แล้ว ก็​ลง​เฮือ​ไป​ตี้​เงียบๆ เป๋น​ส่วน​ตั๋ว คน​ตังหลาย​ต๋าม​เมือง​ต่างๆ ฮู้​ก็​ปา​กั๋น​เตียว​ตวย​พระองค์​ไป

มาระโก 3:10

ย้อน​ใน​วัน​นั้น​พระองค์​ได้​ฮักษา​คน​จ๋ำนวน​นัก​หื้อ​หาย คน​เป๋น​พยาธิ​พะยำ​ต่างๆ ก็​ยัด​ยู้​กั๋น​เข้า​มา​เปื้อ​จะ​หยุบ​จะ​ก๋ำ​พระองค์ แล้ว​จะ​หาย​โรค

มาระโก 5:23

อ้อนวอน​พระองค์​ว่า “ลูกสาว​หน้อยๆ ของ​ข้าพเจ้า​ป่วย​ก่ำลัง​จะ​ต๋าย ขอ​พระองค์​โผด​ไป​วาง​มือ​บน​ตั๋ว​เขา​น่อย​เต๊อะ เปื้อ​เขา​จะ​ได้​หาย​โรค แล้ว​บ่ต๋าย”

มาระโก 6:5

ต๋อน​ตี้​อยู่​ตี้​หั้น พระเยซู​ก็​บ่สามารถ​เยียะ​ก๋าน​อัศจ๋รรย์​ได้ นอกจาก​วาง​มือ​ฮักษา​คน​ป่วย​หื้อ​หาย​บ่กี่​คน​เต้าอั้น

กิจก๋าน 19:12

แม้​แต่​ผ้า​เจ๊ด​หน้า​กับ​ผ้า​กั๋น​เปื้อน​ตี้​ถูก​ตั๋ว​เปาโล เมื่อ​เอา​ไป​วาง​บน​ตั๋ว​คน​บ่สบาย โรค​ก็​หาย กับ​ผี​ฮ้าย​ก็​ออก​ตวย

กิจก๋าน 5:15

ย้อน​สิ่ง​ตี้​หมู่​อัครทูต​ได้​เยียะ​นั้น คน​ตังหลาย​ก็​ปา​กั๋น​หาม​คน​เจ็บ​คน​ป่วย​ไป​วาง​บน​ตี้นอน​กับ​สาด​แล้ว​ไป​ไว้​ข้าง​ตาง เปื้อ​อย่าง​หน้อย​เวลา​ตี้​เปโตร​เตียว​ก๋าย​ไป เงา​ของ​ต้าน​อาจ​จะ​ฟาด​ถูก​ตั๋ว​ของ​คน​ป่วย​หมู่​นั้น​พ่อง แล้ว​จะ​หาย​ป่วย