ลูก๋า 2:11 - พระคริสตธรรมคัมภีร ภาคพันธสัญญาใหม

¹¹ คือ​ว่า​วัน​นี้ พระ​ผู้​จ้วย​หื้อ​รอด​ป๊น​บาป​โต้ษ​ของ​ต้าน​ตังหลาย คือ​พระคริสต์ องค์​พระผู้เป๋นเจ้า​มา​เกิด​ตี้​เมือง​เบธเลเฮม บ้าน​เกิด​ของ​กษัตริย์​ดาวิด

ลูก๋า 2:11 Iomraidhean Croise

มัทธิว 1:16

ยาโคบ​เป๋น​ป้อ​โยเซฟ ตี้​เป๋น​ผัว​นาง​มารีย์ แม่​ของ​พระเยซู ตี้​ฮ้อง​กั๋น​ว่า​พระคริสต์

มัทธิว 1:21

มารีย์​จะ​เกิด​ลูก​ป้อจาย เมื่อ​เกิด​มา​แล้ว​หื้อ​ตั้ง​จื้อ​ว่า ‘เยซู’ ย้อน​ว่า​ต้าน​จะ​จ้วย​คน​ของ​ต้าน​หื้อ​รอด​ป๊น​บาป​โต้ษ”

มัทธิว 16:16

ซีโมน​ตี้​ฮ้อง​แหม​จื้อ​ว่า​เปโตร​ตอบ​ว่า “พระองค์​เป๋น​พระคริสต์​เป๋น​พระบุตร​ของ​พระเจ้า​ตี้​มี​จีวิต​อยู่”

มัทธิว 16:20

แล้ว​พระเยซู​สั่ง​หมู่​สาวก​บ่หื้อ​บอก​คน​อื่น​ว่า พระองค์​เป๋น​พระคริสต์

ลูก๋า 1:43

เป๋น​จาใด​พระเจ้า​โผด​ป้า​นัก​ขนาด​จาอี้ ตี้​แม่​ของ​องค์​พระผู้เป๋นเจ้า​ของ​ป้า​มา​แอ่ว​หา

ลูก๋า 1:69

พระองค์​ได้​หื้อ​ผู้จ้วย​หื้อ​รอด​ป๊น​บาป​โต้ษ​ตี้​มี​ฤทธิ์​เกิด​มา ใน​เจื๊อสาย​ของ​กษัตริย์​ดาวิด​ผู้​ฮับใจ๊​ของ​พระองค์

ลูก๋า 2:26

พระวิญญาณ​บริสุทธิ์​เกย​เปิดเผย​แก่​ต้าน​ว่า ต้าน​จะ​บ่ต๋าย​เตื้อ​จ๋น​กว่า​ต้าน​จะ​ได้​หัน​พระคริสต์​ของ​องค์​พระผู้เป๋นเจ้า

ลูก๋า 2:4

โยเซฟ​ก็​ออก​จาก​เมือง​นาซาเร็ธ​แคว้น​กาลิลี ขึ้น​ไป​เมือง​เบธเลเฮม​ตี้​เป๋น​บ้าน​เกิด​ของ​กษัตริย์​ดาวิด​ใน​แคว้น​ยูเดีย ย้อน​ว่า​โยเซฟ​เป๋น​เจื๊อสาย​ของ​กษัตริย์​ดาวิด

ยอห์น 1:41

อย่าง​แรก​ตี้​อันดรูว์​เยียะ ก็​คือ​ไป​หา​ซีโมน​อ้าย​ของ​เขา แล้ว​อันดรูว์​ก็​เล่า​หื้อ​ซีโมน​ฟัง​ว่า “เฮา​ได้​ปะ​กับ​พระ​เมสสิยาห์​แล้ว” (​พระ​เมสสิยาห์​แป๋​ว่า​พระคริสต์​)

ยอห์น 1:45

แล้ว​ฟีลิป​ก็​ไป​หา​นาธานาเอล แล้ว​บอก​เขา​ว่า “เฮา​ได้​ปะ​คน​นั้น​ตี้​โมเสส​เขียน​เถิง​ใน​บท​บัญญัติ กับ​ผู้​เป๋น​ปาก​เป๋น​เสียง​แตน​พระเจ้า​ได้​เขียน​เถิง​ต้าน​ไว้​ตวย คือ​เยซู​จาว​เมือง​นาซาเร็ธ​ตี้​เป๋น​ลูกบ่าว​ของ​โยเซฟ”

ยอห์น 11:27

มารธา​ก็​บอก​พระองค์​ว่า “อาจ๋ารย์ ข้าเจ้า​เจื้อ​ว่า​อาจ๋ารย์​เป๋น​พระคริสต์ เป๋น​พระบุตร​ของ​พระเจ้า​ตี้​ว่า​กั๋น​ว่า​จะ​เข้า​มา​ใน​โลก​นี้”

ยอห์น 20:31

แต่​ตี้​ได้​เขียน​สิ่ง​หมู่​นี้​ลง​ไป​ก็​เปื้อ​หมู่​ต้าน​จะ​เจื้อ​ว่า พระเยซู​เป๋น​พระคริสต์ คือ​พระบุตร​ของ​พระเจ้า และ​ถ้า​ใผ​วางใจ๋​พระองค์ ก็​จะ​มี​จีวิต​นิรันดร์

ยอห์น 4:25

แม่ญิง​คน​นั้น​ก็​อู้​ว่า “ข้าเจ้า​ฮู้​ว่า​พระ​เมสสิยาห์ (​ตี้​ฮ้อง​ว่า​พระคริสต์​) จะ​มา เมื่อ​พระองค์​มา​เถิง ก็​จะ​อธิบาย​กู้​สิ่ง​กู้​อย่าง​หื้อ​เฮา​ฮู้”

ยอห์น 4:42

แล้ว​จาว​เมือง​ก็​บอก​แม่ญิง​คน​นั้น​ว่า “ตั้งแต่​นี้ หมู่​เฮา​เจื้อ​วางใจ๋​พระเยซู​บ่ใจ้​ย้อน​กำ​พยาน​ของ​เจ้า​อย่าง​เดียว แต่​ย้อน​ว่า​หมู่​เฮา​ได้​ยิน​กับ​หู และ​ได้​ฮู้​ว่า​ต้าน​คน​นี้​เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​โลก​แน่ๆ”

ยอห์น 6:69

หมู่​เฮา​เจื้อ​และ​ฮู้​ว่า​พระองค์​เป๋น​ผู้​บริสุทธิ์​ของ​พระเจ้า​แต๊ๆ”

ยอห์น 7:41

บาง​คน​ก็​อู้​ว่า “เขา​เป๋น​พระคริสต์” บาง​คน​ก็​อู้​ว่า “พระคริสต์​จะ​มา​จาก​แคว้น​กาลิลี​ได้​จาใด

กิจก๋าน 10:36

ต้าน​ก็​ฮู้​ถ้อยกำ​ตี้​พระเจ้า​มอบ​หื้อ​กับ​จาว​อิสราเอล คือ​ถ้อยกำ​ตี้​บอก​เถิง​ข่าวดี​เกี่ยวกับ​สันติสุข​ผ่าน​ตาง​พระเยซู​คริสต์​ผู้​เป๋น​องค์​พระ​ผู้​เป๋น​เจ้า​ของ​คน​ตังหลาย

กิจก๋าน 13:23

“แล้ว​จาก​เจื๊อสาย​ของ​กษัตริย์​ดาวิด​นี่​ละ พระเจ้า​โผด​หื้อ​จาว​อิสราเอล​ตังหลาย​มี​พระ​ผู้​จ้วย​หื้อ​รอด​ป๊น​บาป​โต้ษ​เกิด​มา​คือ พระเยซู ต๋าม​ตี้​สัญญา​ไว้​แล้ว​นั้น

กิจก๋าน 17:3

ต้าน​อธิบาย​พระคัมภีร์​กับ​พิสูจน์​หื้อ​หมู่​เขา​หัน​ว่า พระคริสต์​จ๋ำเป๋น​ต้อง​ทนตุ๊ก​จ๋น​ต๋าย แล้ว​เป๋น​ขึ้น​จาก​ความ​ต๋าย เปาโล​อู้​ว่า “พระเยซู​ตี้​ข้าพเจ้า​บอก​หื้อ​หมู่​ต้าน​ฟัง​นี้​ละ​คือ​พระคริสต์”

กิจก๋าน 2:36

เปโตร​อู้​ต่อ​ว่า “ย้อนจาอั้น​ขอ​หื้อ​จาว​อิสราเอล​ตังหลาย​ฮู้​แต๊ๆ เน่อ​ว่า พระเจ้า​ตั้ง​พระเยซู​ผู้​ตี้​หมู่​ต้าน​ปา​กั๋น​เอา​ไป​เขิง​ไว้​บน​ไม้​ก๋าง​เขน​นั้น หื้อ​เป๋น​ตึง​องค์​พระ​ผู้​เป๋น​เจ้า​เป๋น​ตึง​พระคริสต์​ตวย”

กิจก๋าน 5:31

พระเจ้า​ยก​พระเยซู​ไว้​หื้อ​อยู่​ตัง​เผิก​ขวา​ของ​พระองค์ ใน​ฐานะ​เป๋น​เจ้า​เป๋น​นาย​กับ​เป๋น​พระ​ผู้​จ้วย​หื้อ​รอด​ป๊น​บาป​โต้ษ เปื้อ​คน​จ้าด​อิสราเอล​จะ​สามารถ​กลับใจ๋​จาก​บาป แล้ว​ฮับ​ก๋าน​ยกโต้ษ​บาป

1 โครินธ์ 15:47

ป้อจาย​คน​เก๊า​หัวที​นั้น​มา​จาก​ดิน​ใน​โลก​นี้ แต่​ป้อจาย​คน​ตี้​สอง​นั้น​มา​จาก​สวรรค์

ฟีลิปปี 2:11

กับ​กู้​คน​จะ​ยอมฮับ​ว่า พระเยซู​คริสต์​เป๋น​องค์​พระผู้เป๋นเจ้า เซิ่ง​เป๋น​ก๋าน​ถวาย​เกียรติ​พระเจ้า​พระบิดา

ฟีลิปปี 3:8

นัก​เหลือ​นั้น​แหม ข้าพเจ้า​หัน​ว่า​ซะป๊ะ​กู้​สิ่ง​บ่มี​ประโยชน์ เมื่อ​เผียบ​กับ​ก๋าน​ตี้​ได้​ฮู้จัก​พระเยซู​คริสต์​องค์​พระผู้เป๋นเจ้า​ของ​ข้าพเจ้า เซิ่ง​มี​ก้า​นัก​เหลือ ข้าพเจ้า​ยอม​ละ​ขว้าง​กู้​อย่าง ย้อน​หันแก่​พระองค์ ข้าพเจ้า​ถือ​ว่า​กู้​อย่าง​นั้น​เป๋น​ขยะ เปื้อ​จะ​ได้​พระคริสต์

โคโลสี 2:6

ย้อน​ว่า​ต้าน​ได้​ยอมฮับ​พระเยซู​คริสต์​เป๋น​องค์​พระ​ผู้​เป๋น​เจ้า​แล้ว ก็​ขอ​หื้อ​ต้าน​ใจ๊​จีวิต​เป๋น​อัน​นึ่ง​อัน​เดียว​กั๋น​กับ​พระเยซู​คริสต์​ต่อไป

1 ยอห์น 4:14

เฮา​ได้​หัน​แล้ว​กับ​เป๋น​พยาน​บอก​คน​ตังหลาย​ว่า​พระบิดา​ส่ง​พระบุตร​ของ​พระองค์​มา​เป๋น​ผู้จ้วย​หื้อ​โลก​นี้​รอด​ป๊น​บาป​โต้ษ

1 ยอห์น 5:1

คน​ตี้​เจื้อ​ว่า​พระเยซู​เป๋น​พระคริสต์ ก็​ได้​จื้อ​ว่า​เป๋น​ลูก​ของ​พระเจ้า กับ​คน​ตี้​ฮัก​ป้อ​ก็​จะ​ฮัก​ลูกๆ ของ​เขา​ตวย