ลูก๋า 12:11 - พระคริสตธรรมคัมภีร ภาคพันธสัญญาใหม

¹¹ “เมื่อ​หมู่​ต้าน​ถูก​ปา​ไป​ตัดสิน​โต้ษ​ใน​ธรรมศาลา กาว่า​ต่อหน้า​เจ้าเมือง​กาว่า​ผู้​มี​อำนาจ​ตัดสิน บ่ต้อง​ฮ้อนอก​ตกใจ๋​ว่า​จะ​ตอบ​จาใด​จะ​อู้​จาใด

ลูก๋า 12:11 Iomraidhean Croise

มัทธิว 23:34

ย้อน​จาอั้น เฮา​จะ​ส่ง​ผู้​เป๋น​ปาก​เป๋น​เสียง​แตน​พระเจ้า คน​ตี้​มี​ปั๋ญญา กับ​ธรรมาจ๋ารย์​มา​หา​เจ้า​ตังหลาย แล้ว​เจ้า​ตังหลาย​ก็​จะ​ยับ​เขา​หมู่​นั้น​ไป​ฆ่า​เหีย​พ่อง ไป​เขิง​บน​ไม้​ก๋าง​เขน​พ่อง​ไป​เฆี่ยน​ใน​ธรรมศาลา​ของ​จาว​ยิว​พ่อง ไล่​หมู่​เขา​หนี​จาก​เมือง​นึ่ง​ไป​แหม​เมือง​นึ่ง​พ่อง

มัทธิว 6:25

“ย้อน​จาอั้น​เฮา​ขอ​บอก​ต้าน​ตังหลาย​ว่า บ่ถ้า​ฮ้อนใจ๋​จี้​วี้​จ้อ​หว้อ​เกี่ยวกับ​จีวิต​ว่า จะ​เอา​อะหยัง​มา​กิ๋น เอา​อะหยัง​มา​ดื่ม กาว่า​เป๋น​ห่วง​เรื่อง​ของ​ตั๋ว​ว่า​จะ​เซาะ​หา​เสื้อผ้า​ตี้​ไหน​มา​นุ่ง ย้อน​ว่า​จีวิต​สำคัญ​นัก​เหลือ​ของ​กิ๋น กับ​ตั๋ว​ของ​คน​เฮา​ก็​สำคัญ​นัก​เหลือ​ผ้า​นุ่ง​บ่ใจ้​กา

มัทธิว 6:27

ใน​หมู่​ต้าน มี​ใผ​พ่อง​ตี้​ฮ้อนใจ๋ แล้ว​ต่อ​จีวิต​ตั๋ว​เก่า​หื้อ​ยาว​ออก​ไป​แหม​สัก​หน้อย​นึ่ง​ได้

มัทธิว 6:28

“แล้ว​เป๋น​อะหยัง​เถิง​เป๋น​ห่วง​เรื่อง​ผ้า​นุ่ง แยง​ผ่อ​ดอกไม้​ต๋ำ​โต้ง​ต๋ำ​นา​ลอ​ว่า งอก​งาม​ขึ้น​มา​ได้​จาใด มัน​บ่ได้​เยียะ​ก๋าน บ่ได้​ปั่น​ฝ้าย

มัทธิว 6:31

ย้อน​จาอั้น​บ่ถ้า​ฮ้อนใจ๋​ว่า ‘จะ​มี​อะหยัง​กิ๋น​พ่อง​ก่อ’ ‘จะ​มี​อะหยัง​ดื่ม​พ่อง​ก่อ’ กาว่า ‘จะ​มี​อะหยัง​มา​นุ่ง​พ่อง​ก่อ’

มัทธิว 6:34

ย้อน​จาอั้น​ก็​บ่ต้อง​ฮ้อน​ใจ๋​เรื่อง​วัน​พูก วัน​พูก​ก็​มี​เรื่อง​ฮ้อน​ใจ๋​สำหรับ​วัน​พูก​อยู่​แล้ว วัน​ใดๆ ก็​มี​ปั๋ญหา​ปอ​สำหรับ​วัน​นั้น​อยู่​แล้ว

ลูก๋า 12:22

พระเยซู​อู้​กับ​หมู่​สาวก​ของ​พระองค์​ว่า “ย้อน​จาอั้น​บ่ถ้า​ฮ้อนใจ๋​จี้​วี้​จ้อ​หว้อ​เกี่ยวกับ​จีวิต​ว่า จะ​เอา​อะหยัง​มา​กิ๋น กาว่า​เป๋น​ห่วง​เรื่อง​ของ​ตั๋ว​ว่า จะ​เซาะ​หา​เสื้อผ้า​ตี้​ไหน​มา​นุ่ง