ยอห์น 9:16 - พระคริสตธรรมคัมภีร ภาคพันธสัญญาใหม

¹⁶ ฟาริสี​บาง​คน​ก็​อู้​ว่า “ป้อจาย​คน​นั้น​บ่ได้​มา​จาก​พระเจ้า ย้อน​ว่า​เขา​บ่ได้​ฮักษา​กฎ​วัน​สะบาโต” แต่​บาง​คน​อู้​ว่า “คน​บาป​จะ​เยียะ​หมายสำคัญ​จาอี้​ได้​จาใด” แล้ว​กำกึ๊ด​ของ​หมู่​เขา​ก็​แตก​กั๋น

ยอห์น 9:16 Iomraidhean Croise

มัทธิว 12:10

มี​ป้อจาย​คน​นึ่ง​อยู่​ตี้​หั้น​มือ​เผิก​นึ่ง​ของ​เขา​ลีบ จาว​ยิว​บาง​คน​ได้​ถาม​ว่า “ห้าม​ฮักษา​คน​เป๋น​พยาธิ​ใน​วัน​สะบาโต​ก่อ” ตี้​เขา​ถาม​เปื้อ​จะ​หา​เหตุ​นาบ​โต้ษ​พระองค์

มัทธิว 12:2

เมื่อ​หมู่​ฟาริสี​หัน​เข้า​ใส่ ก็​ถาม​พระเยซู​ว่า “ผ่อ​หั้น​ลอ หมู่​สาวก​ของ​ต้าน​เยียะ​ใน​สิ่ง​ตี้​ห้าม​เยียะ​ใน​วัน​สะบาโต”

ลูก๋า 13:14

แต่​นาย​ธรรมศาลา​โขด​ตี้​พระเยซู​ฮักษา​โรค​ใน​วัน​สะบาโต จึง​บอก​คน​ตังหลาย​ว่า “มี​หก​วัน​ตี้​หื้อ​เยียะ​ก๋าน​ได้ ใน​หก​วัน​นั้น​หื้อ​มา​ฮักษา​โรค​เต๊อะ แต่​ใน​วัน​สะบาโต​ขอ​ย้าง​ก่อน”

ยอห์น 10:19

บ่ากอง​พระเยซู​อู้​จาอั้น ก็​เกิด​ก๋าน​แตกแยก​กั๋น​แหม​ใน​หมู่​จาว​ยิว

ยอห์น 14:11

เจื้อ​เฮา​เต๊อะ​ว่า เฮา​เป๋น​อัน​นึ่ง​อัน​เดียว​กั๋น​กับ​พระบิดา​และ​พระบิดา​เป๋น​อัน​นึ่ง​อัน​เดียว​กั๋น​กับ​เฮา บ่อั้น​ก็​หื้อ​เจื้อ​ใน​ก๋าน​หมู่​นั้น​ตี้​เฮา​เยียะ​เต๊อะ

ยอห์น 15:24

ถ้า​เฮา​บ่ได้​เยียะ​ก๋าน​อัศจ๋รรย์​ตี้​บ่เกย​มี​ใผ​เยียะ​ใน​หมู่​เขา หมู่​เขา​ก็​จะ​บ่มี​บาป​อะหยัง แต่​หมู่​เขา​ได้​หัน​ก๋าน​อัศจ๋รรย์​หลาย​อย่าง​ตี้​เฮา​เยียะ​ไป​แล้ว หมู่​เขา​ก็​ยัง​จัง​เฮา​กับ​พระบิดา​ของ​เฮา​อยู่

ยอห์น 2:11

นี่​เป๋น​หมายสำคัญ​เตื้อ​แรก​ของ​พระเยซู พระองค์​เยียะ​ตี้​หมู่บ้าน​คานา​ใน​แคว้น​กาลิลี หมู่​สาวก​ก็​ปา​กั๋น​เจื้อ​วางใจ๋​ใน​พระองค์ ย้อน​ได้​หัน​ความ​ยิ่งใหญ่​ของ​พระองค์

ยอห์น 3:2

เขา​มา​หา​พระเยซู​ต๋อน​เมื่อคืน อู้​กับ​พระองค์​ว่า “อาจ๋ารย์ หมู่​เฮา​ฮู้​ว่า ต้าน​เป๋น​อาจ๋ารย์​ตี้​มา​จาก​พระเจ้า ย้อน​ว่า​ก๋าน​อัศจ๋รรย์​ตี้​อาจ๋ารย์​เยียะ บ่มี​ใผ​เยียะ​ได้ นอก​จาก​คน​ตี้​พระเจ้า​อยู่​ตวย​เต้าอั้น”

ยอห์น 5:10

ผู้นำ​จาว​ยิว​ก็​อู้​กับ​ป้อจาย​คน​ตี้​หาย​ว่า “ตี้​ต้าน​แบก​ตี้นอน​เตียว​ไป​เตียว​มา​ใน​วัน​สะบาโต ฮู้​ก่อ มัน​ผิด​บท​บัญญัติ”

ยอห์น 5:36

“แต่​เฮา​มี​กำ​พยาน​ตี้​ยิ่งใหญ่​นัก​เหลือ​กำ​พยาน​ของ​ยอห์น ย้อน​ว่า​ก๋าน​ตี้​พระบิดา​มอบ​หื้อ​เฮา​เยียะ​จ๋น​แล้ว คือ​กำ​สั่ง​สอน​กับ​หมายสำคัญ​ตี้​เฮา​ก่ำลัง​เยียะ​อยู่ ก๋าน​นี้​เป๋น​พยาน​หื้อ​เฮา​ว่า​พระบิดา​เป๋น​ผู้​ตี้​ใจ๊​เฮา​มา

ยอห์น 6:52

จาว​ยิว​ก็​ตั้งเก๊า​เถียง​กั๋น​ว่า “ป้อจาย​คน​นี้​จะ​เอา​เนื้อหนัง​ของ​เขา​หื้อ​หมู่​เฮา​กิ๋น​ได้​จาใด”

ยอห์น 7:12

คน​ตังหลาย​ตี้​อยู่​ตี้​หั้น​ก็​ปา​กั๋น​ซูบซาบ​เรื่อง​พระองค์​กั๋น​ขนาด พ่อง​ก็​ว่า “เขา​ก็​เป๋น​คน​ดี​ลอ” พ่อง​ก็​ว่า “บ่ใจ้ เขา​เป๋น​คน​ขี้​จุ​ขี้​ล่าย”

ยอห์น 7:23

ถ้า​วัน​สะบาโต​หมู่​ต้าน​ยัง​เยียะ​พิธี​สุหนัต​หื้อ​หละอ่อน​ป้อจาย​ได้ เปื้อ​บ่หื้อ​ผิด​บท​บัญญัติ​ของ​โมเสส แล้ว​หมู่​ต้าน​จะ​มา​โขด​เฮา​ตี้​เฮา​ฮักษา​คนๆ นึ่ง​หื้อ​หาย​เป๋น​ปกติ​ใน​วัน​สะบาโต​เยียะ​หยัง

ยอห์น 7:43

ย้อน​จาอั้น​ก็​เกิด​ก๋าน​แตกแยก​กั๋น​ใน​หมู่​เขา​เรื่อง​พระเยซู

ยอห์น 9:24

หมู่​ผู้นำ​จาว​ยิว​เลย​ฮ้อง​ป้อจาย​ตี้​เกย​ต๋า​บอด​คน​นั้น​มา​แหม​เตื้อ​นึ่ง แล้ว​ก็​บอก​กับ​เขา​ว่า “เจ้า​ต้อง​สาบาน​ต่อหน้า​พระเจ้า​ว่า​จะ​อู้​ความ​จริง เฮา​ฮู้​ว่า​ป้อจาย​คน​นั้น​เป๋น​คน​บาป”

กิจก๋าน 14:4

คน​ตังหลาย​ใน​เมือง​นั้น​แตก​ออก​เป๋น​สอง​หมู่ หมู่​นึ่ง​อยู่​ฝ่าย​จาว​ยิว แหม​หมู่​นึ่ง​อยู่​ฝ่าย​อัครทูต