ยอห์น 7:19 - พระคริสตธรรมคัมภีร ภาคพันธสัญญาใหม

¹⁹ โมเสส​ได้​หื้อ​บท​บัญญัติ​กับ​หมู่​ต้าน​บ่ใจ้​กา แต่​หมู่​ต้าน​ก็​บ่ได้​เยียะ​ต๋าม​บท​บัญญัติ​นั้น​สัก​คน แล้ว​จาใด​หมู่​ต้าน​เซาะ​หา​ตาง​ตี้​จะ​ฆ่า​เฮา​จ๋น​ได้”

ยอห์น 7:19 Iomraidhean Croise

มัทธิว 12:14

แล้ว​หมู่​ฟาริสี​ก็​เลย​ปา​กั๋น​ออก​ไป​วางแผน​ว่า​จะ​ฆ่า​พระเยซู​ได้​จาใด

มัทธิว 21:38

“แต่​เมื่อ​หมู่​คน​เจ้า​หัน​ใส่​ลูก​บ่าว​เจ้าของ​สวน​มา ก็​อู้​กั๋น​ว่า ‘นี่​ลอ คน​ตี้​จะ​ฮับ​มรดก หมู่​เฮา​จ้วย​กั๋น​ฆ่า​มัน​เหีย​เต๊อะ แล้ว​มรดก​นั้น​จะ​ตก​เป๋น​ของ​หมู่​เฮา’

มาระโก 11:18

เมื่อ​หมู่​หัวหน้า​ปุโรหิต​กับ​หมู่​ธรรมาจ๋ารย์​ฮู้​หัน​จาอั้น หมู่​เขา​ก็​กั๋ว​พระองค์ ก็​เลย​เปิ็กษา​หารือ​กั๋น​เปื้อ​หา​ตาง​ตี้​จะ​ฆ่า​พระองค์​เหีย ย้อน​ว่า​คน​ตังหลาย​ตี้​ได้​ฟัง​กำ​สอน​ของ​พระเยซู​ก็​งืด

มาระโก 3:4

แล้ว​พระองค์​ก็​ถาม​หมู่​เขา​ว่า “ควร​จะ​เยียะ​ก๋าน​ดี​กาว่า​เยียะ​ก๋าน​ฮ้าย​ใน​วัน​สะบาโต จะ​จ้วย​จีวิต​กาว่า​จะ​ทำลาย​จีวิต” แต่​หมู่​เขา​ก็​ปา​กั๋น​ดัก​ปิ้ง

มาระโก 3:6

เมื่อ​หมู่​ฟาริสี​หัน​จาอั้น ก็​ฟั่ง​ออก​ไป​วางแผน​กับ​หมู่​ของ​กษัตริย์​เฮโรด​ว่า​จะ​ฆ่า​พระเยซู​ได้​จาใด

ยอห์น 1:17

พระเจ้า​ได้​หื้อ​บท​บัญญัติ​ของ​พระองค์​ผ่าน​ตาง​โมเสส แต่​หื้อ​พระคุณ​กับ​ความ​จริง​เกี่ยวกับ​พระองค์​ผ่าน​ตาง​พระเยซู​คริสต์

ยอห์น 10:39

หมู่​เขา​ก็​ฮิ​จะ​ยับ​พระองค์​แหม​เตื้อ แต่​พระองค์​ก็​รอด​ป๊น​จาก​มือ​หมู่​เขา​ไป​ได้

ยอห์น 11:53

ตั้งแต่​วัน​นั้น​หมู่​ผู้นำ​จาว​ยิว​ก็​วางแผน​จะ​ฆ่า​พระเยซู

ยอห์น 5:16

จาอั้น​หมู่​ผู้นำ​จาว​ยิว​ก็​ตั้งเก๊า​ค่ำ​พระองค์ ย้อน​ว่า​พระองค์​เยียะ​สิ่ง​หมู่​นี้​ใน​วัน​สะบาโต

ยอห์น 5:18

ย้อน​จาอี้ หมู่​ผู้นำ​จาว​ยิว​ก็​ซ้ำ​กึ๊ด​จะ​ฆ่า​พระองค์ ย้อน​พระองค์​บ่ได้​ย้าง​เยียะ​ก๋าน​ใน​วัน​สะบาโต ป๋าย​บ่ปอ​พระองค์​ยัง​ฮ้อง​พระเจ้า​ว่า​เป๋น​พระบิดา​ของ​ตั๋ว​เก่า​แหม ก็​เต้า​กับ​เป๋น​ก๋าน​ยก​ตั๋ว​เก่า​เต้า​กับ​พระเจ้า

ยอห์น 5:45

บ่ต้อง​กึ๊ด​ว่า​เฮา​จะ​ฟ้อง​หมู่​ต้าน​ต่อหน้า​พระบิดา หมู่​ต้าน​หวัง​จะ​รอด​ป๊น​บาป​โต้ษ​โดย​เจื้อ​ฟัง​บท​บัญญัติ​ของ​โมเสส แต่​โมเสส​คน​เนียะ จะ​เป๋น​คน​ฟ้อง​หมู่​ต้าน

ยอห์น 7:1

หลังจาก​นั้น​พระเยซู​ก็​เตียว​ไป​ใคว่​แคว้น​กาลิลี พระองค์​บ่อยาก​ไป​แคว้น​ยูเดีย ย้อน​ว่า​หมู่​ผู้นำ​จาว​ยิว​เซาะ​หา​ตาง​ตี้​จะ​ฆ่า​พระองค์

ยอห์น 7:25

บาง​คน​ใน​กรุง​เยรูซาเล็ม​ถาม​กั๋น​ว่า “คน​นี้​บ่ใจ้​กา​ตี้​หมู่​ผู้​นำ​ฮิ​หา​ฮ่อม​จะ​ฆ่า

กิจก๋าน 7:38

โมเสส​คน​นี้​อยู่​กับ​จุมนุม​จาว​อิสราเอล​ป้ออุ๊ย​แม่หม่อน​ของ​หมู่​เฮา​ใน​ดินแดน​ทุรกั๋นดาร ฮ่วม​กับ​ทูตสวรรค์​ตี้​อู้​กับ​โมเสส​ใน​ดอย​ซีนาย ตี้​หั้น​ต้าน​ฮับ​ถ้อยกำ​แห่ง​จีวิต​มา​หื้อ​เฮา​ตังหลาย

กาลาเทีย 3:19

ถ้า​เป๋น​จาอี้​แล้ว บท​บัญญัติ​มี​ไว้​เยียะ​หยัง ก็​มี​ไว้​หื้อ​คน​ตี้​เยียะ​ผิด​ฮู้​ว่า เขา​ได้​ฝ่าฝืน​บท​บัญญัติ​นั้น จ๋น​กว่า​ลูก​หลาน​คน​นั้น​ตี้​พระเจ้า​ได้​สัญญา​ไว้​จะ​มา​เถิง พระเจ้า​ใจ๊​ทูตสวรรค์​เอา​บท​บัญญัติ​นั้น​หื้อ​โมเสส เปื้อ​โมเสส​จะ​ได้​เป๋น​คน​ก๋าง​เอา​ไป​หื้อ​คน​ตังหลาย

กาลาเทีย 6:13

ขนาด​คน​ตี้​เข้า​พิธี​สุหนัต​แล้ว ก็​ยัง​บ่เยียะ​ตวย​บท​บัญญัติ​เลย แต่​ตี้​หมู่​เขา​บังคับ​ต้าน​ตังหลาย​หื้อ​เข้า​พิธี​สุหนัต ก็​เปื้อ​หมู่​เขา​จะ​อู้​อวด​ตั๋ว​ว่า​หมู่​ต้าน​ได้​ติดต๋าม​หมู่​เขา​แล้ว