ยอห์น 6:40 - พระคริสตธรรมคัมภีร ภาคพันธสัญญาใหม

⁴⁰ ย้อน​ว่า​พระบิดา​ต้องก๋าน​หื้อ​กู้​คน​ตี้​หัน​พระบุตร​กับ​เจื้อ​วางใจ๋​ใน​พระองค์​นั้น​ได้​ฮับ​จีวิต​นิรันดร์ และ​เฮา​จะ​เยียะ​หื้อ​เขา​เป๋น​ขึ้น​จาก​ความ​ต๋าย​ใน​วัน​สุดต๊าย”

ยอห์น 6:40 Iomraidhean Croise

มัทธิว 10:15

เฮา​บอก​ความ​จริง​แก่​เจ้า​ตังหลาย​ว่า ใน​วัน​ตัดสิน​ลงโต้ษ​บาป​นั้น​จาว​เมือง​โสโดม​กับ​เมือง​โกโมราห์​จะ​มี​โต้ษ​เบา​เหลือ​จาว​เมือง​นั้น​แหม

มัทธิว 25:46

“แล้ว​คน​ตังหลาย​หมู่​นั้น​ก็​จะ​ต้อง​ฮับ​โต้ษ​ตลอด​ไป แต่​คน​ตี้​เยียะ​ถูกต้อง​ต๋าม​ธรรม​จะ​เข้า​สู่​จีวิต​นิรันดร์”

มาระโก 16:16

คน​ใด​เจื้อ​และ​ฮับ​บัพติศมา​คน​นั้น​ก็​จะ​รอด​ป๊น​บาป​โต้ษ แต่​คน​ใด​บ่เจื้อ​จะ​ถูก​ตัดสิน​ลง​โต้ษ

ลูก๋า 2:30

ย้อน​ว่า ต๋า​ของ​ข้าพเจ้า​ได้​หัน​พระ​ผู้​จ้วย​หื้อ​รอด​ป๊น​บาป​โต้ษ​ตี้​พระเจ้า​ส่ง​มา​แล้ว

ยอห์น 1:14

พระกำ​ได้​มา​เกิด​เป๋น​คน​และ​อยู่​ต้ามก๋าง​หมู่​เฮา พระองค์​มี​พระคุณ​กับ​ความ​จริง​เกี่ยวกับ​พระเจ้า​อย่าง​เต๋ม​ล้น แล้ว​หมู่​เฮา​เกย​หัน​ความ​ยิ่งใหญ่​ของ​พระบุตร​องค์​เดียว​ตี้​มา​จาก​พระบิดา

ยอห์น 10:28

เฮา​หื้อ​จีวิต​นิรันดร์​กับ​แกะ​หมู่​นั้น แกะ​หมู่​นั้น​ก็​จะ​บ่มี​วัน​ฉิบหาย กับ​บ่มี​ใผ​ลู่​เอา​แกะ​หมู่​นั้น​ไป​จาก​มือ​เฮา​ได้

ยอห์น 11:24

มารธา​อู้​ว่า “ข้าเจ้า​ฮู้​ว่า​เขา​จะ​เป๋น​ขึ้น​จาก​ความ​ต๋าย​ใน​วัน​สุดต๊าย”

ยอห์น 11:25

พระเยซู​อู้​กับ​มารธา​ว่า “เฮา​เป๋น​ผู้​ตี้​เยียะ​หื้อ​คน​เป๋น​ขึ้น​จาก​ความ​ต๋าย​และ​หื้อ​จีวิต​กับ​หมู่​เขา กู้​คน​ตี้​เจื้อ​วางใจ๋​เฮา เถิงแม้​ต๋าย​ไป​แล้ว​ก็​ยัง​มี​จีวิต​อยู่

ยอห์น 12:45

คน​ตี้​ผ่อ​หัน​เฮา เขา​ก็​หัน​พระองค์​ผู้​ตี้​ใจ๊​เฮา​มา

ยอห์น 12:50

แล้ว​เฮา​ก็​ฮู้​ว่า​กำสั่ง​ของ​พระองค์​นั้น​จะ​นำ​ไป​เถิง​จีวิต​นิรันดร์ เฮา​เลย​อู้​ต๋าม​ตี้​พระบิดา​สั่ง​หื้อ​อู้”

ยอห์น 14:17

ผู้จ้วย​พระองค์​นี้​ก็​คือ​พระวิญญาณ​ตี้​เปิดเผย​ความ​จริง โลก​นี้​ยอมฮับ​พระองค์​บ่ได้​ย้อน​ผ่อ​บ่หัน​กับ​บ่ฮู้จัก​พระองค์ แต่​หมู่​ต้าน​ฮู้จัก​พระองค์​แล้ว ย้อน​ว่า​บ่าเดี่ยว​นี้​พระองค์​ก็​อยู่​กับ​หมู่​ต้าน กับ​จะ​อยู่​ใน​ตั๋ว​หมู่​ต้าน​หลังจาก​นี้​ตวย

ยอห์น 14:19

แหม​บ่เมิน​โลก​ก็​จะ​บ่หัน​เฮา แต่​หมู่​ต้าน​จะ​หัน​เฮา ย้อน​เฮา​มี​จีวิต​อยู่ หมู่​ต้าน​ก็​จะ​มี​จีวิต​อยู่​ตวย

ยอห์น 17:2

ย้อน​ว่า​พระองค์​ได้​หื้อ​พระบุตร​มี​สิทธิ​อำนาจ​เหนือ​กู้​คน เปื้อ​พระบุตร​จะ​หื้อ​จีวิต​นิรันดร์​กับ​กู้​คน​ตี้​พระองค์​ได้​หื้อ​พระบุตร​ไว้

ยอห์น 3:36

คน​ตี้​เจื้อ​วางใจ๋​ใน​พระบุตร​นั้น ก็​มี​จีวิต​นิรันดร์ แต่​คน​ตี้​บ่เจื้อ​ฟัง​พระบุตร​ก็​บ่หัน​จีวิต​นิรันดร์ ป๋าย​บ่ปอ​พระเจ้า​จะ​ลง​โต้ษ​เขา​ตลอด​ไป”

ยอห์น 4:14

แต่​คน​ตี้​ได้​กิ๋น​น้ำ​ตี้​เฮา​จะ​หื้อ ก็​จะ​บ่อยาก​กิ๋น​น้ำ​แหม ย้อน​ว่า​น้ำ​ตี้​เฮา​จะ​หื้อ​นั้น​ก็​ก๋าย​เป๋น​ต๋าน้ำ​ตี้​ไหล​บ่หยุด​ใน​ตั๋ว​เขา กับ​จะ​หื้อ​เขา​มี​จีวิต​นิรันดร์”

ยอห์น 5:24

“เฮา​บอก​ความ​จริง​แก่​ต้าน​ตังหลาย​ว่า คน​ตี้​ฟัง​กำ​เฮา​และ​เจื้อ​วางใจ๋​พระองค์​ผู้​ตี้​ใจ๊​เฮา​มา เขา​ก็​มี​จีวิต​นิรันดร์ กับ​จะ​บ่ถูก​ตัดสิน​ลงโต้ษ ย้อน​ว่า​เขา​ได้​ป๊น​จาก​ความ​ต๋าย ไป​มี​จีวิต​นิรันดร์​แล้ว

ยอห์น 6:27

บ่ถ้า​เยียะ​ก๋าน​เปื้อ​ของกิ๋น​ตี้​เน่า​บูด​ได้ แต่​หื้อ​เยียะ​ก๋าน เปื้อ​ของ​กิ๋น​ตี้​อยู่​ได้​จ๋น​เถิง​จีวิต​นิรันดร์ บุตรมนุษย์​จะ​เป๋น​คน​หื้อ​ของกิ๋น​นั้น​กับ​หมู่​ต้าน ย้อน​ว่า​พระเจ้า​พระบิดา​หื้อ​สิทธิ​อำนาจ​กับ​บุตรมนุษย์​ตี้​จะ​เยียะ​จาอี้​ได้”

ยอห์น 6:39

ความ​ต้องก๋าน​ของ​ผู้​ตี้​ใจ๊​เฮา​มา​ก็​คือ ฮักษา​กู้​คน​ตี้​พระองค์​หื้อ​เฮา​ไว้​บ่หื้อ​หาย​ไป​สัก​คน​เดียว และ​เยียะ​หื้อ​คน​หมู่​นั้น​เป๋น​ขึ้น​จาก​ความ​ต๋าย ใน​วัน​สุดต๊าย

ยอห์น 6:44

บ่มี​ใผ​ติดต๋าม​เฮา​ได้ ถ้า​พระบิดา​ผู้​ตี้​ใจ๊​เฮา​มา​บ่ได้​ปา​เขา​มา​หา​เฮา และ​เฮา​จะ​เยียะ​หื้อ​เขา​เป๋น​ขึ้น​จาก​ความ​ต๋าย​ใน​วัน​สุดต๊าย

ยอห์น 6:54

ใผ​ตี้​กิ๋น​เนื้อหนัง​กับ​เลือด​ของ​เฮา ก็​มี​จีวิต​นิรันดร์ และ​เฮา​จะ​หื้อ​เขา​เป๋น​ขึ้น​จาก​ความ​ต๋าย​ใน​วัน​สุดต๊าย

ยอห์น 8:56

อับราฮัม​ป้อ​อุ๊ย​แม่​หม่อน​ของ​หมู่​ต้าน​ดีใจ๋​ตี้​จะ​หัน​วัน​ตี้​เฮา​มา เขา​ได้​หัน​ล่วงหน้า​แล้ว กับ​ดีใจ๋​แล้ว​ตวย”

โรม 5:21

เหมือน​กับ​ตี้​บาป​เกย​มี​อำนาจ​เยียะ​หื้อ​หมู่​เฮา​ต้อง​ต๋าย​จาใด พระคุณ​ของ​พระเจ้า​ก็​มี​อำนาจ​เยียะ​หื้อ​หมู่​เฮา​เป๋น​คน​ถูกต้อง​ต๋าม​ธรรม​แล้ว​ได้ฮับ​จีวิต​นิรันดร์​ผ่าน​ตาง​พระเยซู​คริสต์​องค์​พระ​ผู้​เป๋น​เจ้า​ของ​หมู่​เฮา​จาอั้น

โรม 6:23

ย้อน​ว่า​ก๋าน​เยียะ​บาป​นำ​ไป​สู่​ความ​ต๋าย แต่​สิ่ง​ตี้​พระเจ้า​โผด​หื้อ​บ่ดาย​คือ​จีวิต​นิรันดร์​โดย​ผ่าน​ตาง​พระเยซู​องค์​พระผู้เป๋นเจ้า​ของ​เฮา

2 โครินธ์ 4:6

ย้อน​ว่า​พระเจ้า​ผู้​ตี้​บอก​ว่า “หื้อ​มี​แสง​เป่งแจ้ง​ออก​มา​จาก​ความ​มืด” ก็​เป๋น​องค์​เดียว​กั๋น​กับ​ตี้​ได้​ส่อง​แสง​เป่งแจ้ง​เข้า​มา​ใน​จิตใจ๋​ของ​เฮา เยียะ​หื้อ​เฮา​ฮู้​เถิง​รัศมี​ของ​พระองค์​ตี้​อยู่​บน​หน้า​ของ​พระเยซู​คริสต์

ฮีบรู 11:1

ความ​เจื้อ​คือ​ความ​แน่ใจ๋​ใน​สิ่ง​ตี้​เฮา​หวัง​ไว้ เป๋น​ความ​มั่นใจ๋​ใน​สิ่ง​ตี้​เฮา​ผ่อ​บ่หัน

ฮีบรู 11:27

ย้อน​ความ​เจื้อ​ต้าน​ออก​จาก​ประเทศ​อียิปต์​อย่าง​บ่กั๋ว​ก๋าน​โขด​ของ​กษัตริย์ ต้าน​ตั้งใจ๋​แน่วแน่ อย่าง​กับ​ได้​หัน​พระเจ้า​ผู้​ตี้​ผ่อ​หัน​บ่ได้

1 เปโตร 1:8

เถิงแม้​ว่า​หมู่​ต้าน​บ่เกย​หัน​พระเจ้า แต่​หมู่​ต้าน​ก็​ยัง​ฮัก​พระองค์ ต๋อน​นี้​หมู่​ต้าน​ก็​ยัง​บ่หัน​พระองค์ แต่​หมู่​ต้าน​ก็​เจื้อ​วางใจ๋​พระองค์​กับ​มี​ความ​สุข ตึง​ความ​จื้นจมยินดี​จ๋น​เสี้ยง​สุด​กำ​อู้​ใด​จะ​มา​เผียบ

1 ยอห์น 2:25

อัน​นี้​เป๋น​สิ่ง​ตี้​พระเยซู​ได้​สัญญา​ไว้​กับ​หมู่​เฮา คือ​หื้อ​เฮา​มี​จีวิต​นิรันดร์

ยูดา 1:21

หื้อ​ยึดมั่น​อยู่​ใน​ความ​ฮัก​ของ​พระเจ้า ใน​หละหว่าง​ตี้​หมู่​ต้าน​กอย​ถ้า​พระเยซู​คริสต์​องค์​พระ​ผู้​เป๋น​เจ้า​ของ​เฮา มา​โผด​หื้อ​หมู่​ต้าน​มี​จีวิต​นิรันดร์ ย้อน​ความ​เมตต๋า​ของ​พระองค์