ยอห์น 5:34 - พระคริสตธรรมคัมภีร ภาคพันธสัญญาใหม

³⁴ ตี้​เฮา​อู้​จาอี้​บ่ใจ้​ว่า​เฮา​ต้อง​หื้อ​คน​มา​เป๋น​พยาน​หื้อ แต่​เปื้อ​จ้วย​หื้อ​หมู่​ต้าน​เจื้อ​เฮา แล้ว​รอด​ป๊น​บาป​โต้ษ

ยอห์น 5:34 Iomraidhean Croise

ลูก๋า 13:34

“โอ เยรูซาเล็ม เยรูซาเล็ม​เหย เจ้า​คือ​ผู้​ตี้​ได้​ฆ่า​ผู้​เป๋น​ปาก​เป๋น​เสียง​แตน​พระเจ้า แล้ว​เอา​บ่าหิน​ขว้าง​คน​หมู่​นั้น​ตี้​พระเจ้า​ส่ง​มา​หา​หมู่​เจ้า​จ๋น​ต๋าย หลาย​เตื้อ​เฮา​ใค่​เอา​ลูก​ของ​เจ้า​มา​ไว้​ใน​อ้อม​อก​เหมือน​แม่​ไก่​กก​ลูก​อยู่​ใต้​ปีก​ของ​มัน แต่​เจ้า​บ่ยอม

ลูก๋า 19:10

ย้อน​ว่า​บุตรมนุษย์​มา​เปื้อ​จะ​เซาะ​หา​แล้ว​จ้วย​คน​ตี้​หลง​หาย​หื้อ​รอด​ป๊น​บาป​โต้ษ”

ลูก๋า 24:47

แล้ว​หื้อ​บอก​คน​กู้​จ้าด​ใน​นาม​ของ​พระองค์ เรื่อง​ก๋าน​กลับใจ๋​จาก​บาป กับ​เรื่อง​ก๋าน​ยกโต้ษ​บาป ตั้งเก๊า​ตี้​กรุง​เยรูซาเล็ม​ก่อน

ยอห์น 20:31

แต่​ตี้​ได้​เขียน​สิ่ง​หมู่​นี้​ลง​ไป​ก็​เปื้อ​หมู่​ต้าน​จะ​เจื้อ​ว่า พระเยซู​เป๋น​พระคริสต์ คือ​พระบุตร​ของ​พระเจ้า และ​ถ้า​ใผ​วางใจ๋​พระองค์ ก็​จะ​มี​จีวิต​นิรันดร์

ยอห์น 5:32

แต่​เฮา​มี​ผู้​นึ่ง​เป๋น​พยาน​หื้อ​เฮา เฮา​ฮู้​ว่า​กำ​พยาน​ของ​พระองค์​เรื่อง​เฮา​นั้น​เป๋น​ความ​จริง

ยอห์น 5:41

“เฮา​บ่สนใจ๋​กำ​ยกย่อง​ของ​คน

ยอห์น 8:54

พระเยซู​ตอบ​ว่า “ถ้า​เฮา​ยกย่อง​สรรเสริญ​ตั๋วเก่า กำ​ยกย่อง​สรรเสริญ​นั้น​ก็​บ่มี​ความหมาย​อะหยัง​เลย พระบิดา​ของ​เฮา​ผู้​ตี้​หมู่​ต้าน​อ้าง​ว่า​เป๋น​พระเจ้า​ของ​หมู่​ต้าน​นั้น​เนาะ เป๋น​ผู้​ตี้​ยกย่อง​สรรเสริญ​เฮา

โรม 10:1

ปี้น้อง​ผู้เจื้อ​ตังหลาย ใจ๋​ของ​ข้าพเจ้า​ก็​อ้อนวอน​ต่อ​พระเจ้า​กับ​ใค่​หื้อ​จาว​อิสราเอล​ได้​ฮับ​ความ​รอด​ป๊น​บาป​โต้ษ​แต๊ๆ

โรม 10:21

แต่​ส่วน​จาว​อิสราเอล พระเจ้า​อู้​ว่า “เฮา​ได้​ยื่น​มือ​ออก​ต้อนฮับ​วันค่ำ หื้อ​กับ​คน​ตี้​หลึกหลึ่ง​กับ​บ่ยอม​เจื้อฟัง​เฮา”​

โรม 12:21

ห้าม​หื้อ​ความ​บ่ดี​มี​ชัย​เหนือ​ต้าน แต่​หื้อ​มี​ชัย​เหนือ​ความ​บ่ดี​ด้วย​ความ​ดี

โรม 3:3

ถ้า​มี​จาว​ยิว​บาง​คน​บ่ซื่อสัตย์ ต้าน​กึ๊ด​ว่า​ก๋าน​บ่ซื่อสัตย์​ของ​เขา​จะ​เยียะ​หื้อ​พระเจ้า​บ่ซื่อสัตย์​จาอั้น​กา

1 โครินธ์ 9:22

เมื่อ​อยู่​กับ​หมู่​ตี้​บ่เข้มแข็ง​ใน​ความ​เจื้อ ข้าพเจ้า​ก็​เยียะ​เหมือน​หมู่​เขา เปื้อ​หื้อ​ได้​หมู่​เขา​มา ข้าพเจ้า​ยอม​ตี้​จะ​เยียะ​เหมือน​คน​กู้​แบบ เปื้อ​ว่า​ข้าพเจ้า​จะ​ได้​จ้วย​บาง​คน​หื้อ​รอด​ป๊น​บาป​โต้ษ​ได้​พ่อง

1 ทิโมธี 4:16

หื้อ​หละวัง​ก๋าน​ใจ๊​จีวิต​กับ​กำ​สอน​ของ​ต้าน​หื้อ​ดี หื้อ​เยียะ​เรื่อง​ตี้​ข้าพเจ้า​สั่ง​สอน​ไว้​ต่อ​ไป​ติกๆ ย้อน​ว่า​จะ​จ้วย​หื้อ​ต้าน​กับ​คน​ตี้​ฟัง​ต้าน​รอด​ป๊น​บาป​โต้ษ

1 ยอห์น 5:9

ถ้า​เฮา​เจื้อถือ​พยาน​ตี้​เป๋น​มนุษย์​ได้ กำพยาน​ของ​พระเจ้า​ก็​น่า​เจื้อถือ​นัก​เหลือ​นั้น​แหม ย้อน​ว่า​พระเจ้า​เอง​เป๋น​พยาน​หื้อ​กับ​พระบุตร​ของ​พระองค์