ยอห์น 5:3 - พระคริสตธรรมคัมภีร ภาคพันธสัญญาใหม

³ แล้ว​ก็​มี​คน​เจ็บ​คน​ป่วย​นัก​ขนาด​ตี้​นอน​อยู่​ใน​ศาลา​ต่างๆ นั้น​คือ คน​ต๋าบอด คน​เป๋น​ง่อย กับ​คน​เป๋น​อัมพาต

ยอห์น 5:3 Iomraidhean Croise

มัทธิว 15:30

มี​หมู่​คน​จ๋ำนวน​นัก​มา​หา​พระองค์ ปา​หมู่​คน​ง่อย คน​ต๋า​บอด คน​พิก๋าน คน​เป๋น​ใบ้ ตึง​คน​ตี้​เป๋น​พยาธิ​สะป๊ะ มา​วาง​นอน​ใก้​ตี๋น​พระเยซู แล้ว​พระองค์​ก็​โผด​ฮักษา​หมู่​เขา​จ๋น​หาย​กั๋น​หมด​กู้​คน

มัทธิว 4:24

เยียะ​หื้อ​จื้อ​เสียง​ของ​พระองค์​ดัง​ไป​ใคว่​ประเทศ​ซีเรีย หมู่​คน​ก็​ปา​คน​ตังหลาย​ตี้​เป๋น​พยาธิ​ต่างๆ มา​หา​พระองค์ อย่าง​คน​ตี้​เจ็บ​ป่วย​นัก คน​โดน​ผี​เข้า คน​เป๋น​ลม​บ้า​หมู คน​เป๋น​ง่อย พระองค์​ก็​ได้​ฮักษา​หมู่​เขา​จ๋น​หาย​กั๋น​หมด​กู้​คน

ลูก๋า 7:22

พระองค์​ตอบ​สาวก​สอง​คน​นั้น​ไป​ว่า “ปิ๊ก​ไป​บอก​ยอห์น​ต๋าม​ตี้​หมู่​ต้าน​ได้​ยิน​กับ​ได้​หัน คือ​คน​ต๋าบอด​ก็​ผ่อ​หัน​ได้ คน​ง่อย​ก็​เตียว​ได้ คน​ขี้ตู้ด​ก็​หาย​สะอาด คน​หู​หนวก​ก็​ได้​ยิน คน​ต๋าย​ก็​เป๋น​ขึ้น​จาก​ความ​ต๋าย คน​ตุ๊ก​คน​ยาก​ก็​ได้​ฟัง​ข่าวดี

ยอห์น 5:2

ใน​กรุง​เยรูซาเล็ม​มี​สระน้ำ​อยู่​ใก้ๆ ปะตู๋​ตี้​จื้อ​ว่า ปะตู๋​แกะ ภาษา​ฮีบรู​ฮ้อง​ว่า “เบธซาธา” ตี้​หั้น​มี​ศาลา​ห้า​หลัง

โรม 8:25

แต่​ถ้า​เฮา​หวัง​ใน​สิ่ง​ตี้​เฮา​ยัง​บ่ได้ เฮา​ก็​ถ้า​อย่าง​อดทน

ยากอบ 5:7

ย้อน​จาอั้น​ปี้น้อง​เหย อดทน​ไว้​จ๋น​กว่า​องค์​พระ​ผู้​เป๋น​เจ้า​จะ​ปิ๊ก​มา​เน่อ ผ่อ​ลอ จาวนา​ยัง​อดทน​กอย​ถ้า​ข้าว​ตี้​มี​ก้า​จาก​แผ่นดิน อดทน​กอย​ถ้า​หื้อ​ฝน​ตก​ตั้งแต่​ต้น​หละดู​จ๋น​แผว​ป๋าย​หละดู