ยอห์น 5:20 - พระคริสตธรรมคัมภีร ภาคพันธสัญญาใหม

²⁰ ย้อน​ว่า​พระบิดา​ฮัก​พระบุตร เลย​หื้อ​พระบุตร​หัน​กู้​สิ่ง​กู้​อย่าง​ตี้​พระบิดา​เยียะ แล้ว​พระองค์​จะ​หื้อ​พระบุตร​หัน​สิ่ง​ตี้​ยิ่งใหญ่​นัก​เหลือ​นี้​แหม เป๋น​สิ่ง​ตี้​พระบุตร​จะ​เยียะ แล้ว​หมู่​ต้าน​ก็​จะ​งืด

ยอห์น 5:20 Iomraidhean Croise

มัทธิว 11:27

แล้ว​พระองค์​ก็​อู้​กับ​คน​ตังหลาย​ว่า “พระบิดา​ได้​มอบ​สิทธิ​อำนาจ​เหนือ​กู้​สิ่ง​กู้​อย่าง​หื้อ​เฮา บ่มี​ใผ​ฮู้จัก​พระบุตร​นอก​จาก​พระบิดา บ่มี​ใผ​ฮู้จัก​พระบิดา​นอก​จาก​พระบุตร กับ​คน​ตี้​พระบุตร​ต้องก๋าน​เปิดเผย​หื้อ​ฮู้จัก​เต้าอั้น

มัทธิว 17:5

เปโตร​อู้​ลิ้น​ยัง​บ่ตัน​เข้า​ปาก ก็​มี​เมฆ​สว่าง​แจ้ง​หลึ้ง​มา​หุ้ม​หมู่​เขา​ไว้ แล้ว​มี​เสียง​ออก​มา​จาก​เมฆ​ว่า “ต้าน​ผู้​นี้​เป๋น​ลูก​ตี้​เฮา​ฮัก เฮา​ปอใจ๋​ต้าน​นัก​ขนาด​เน่อ หื้อ​เจื้อฟัง​ต้าน​เต๊อะ”

มัทธิว 3:17

แล้ว​มี​เสียง​จาก​ฟ้า​สวรรค์​ว่า “ต้าน​ผู้​นี้​เป๋น​ลูก​ตี้​เฮา​ฮัก เฮา​เปิงใจ๋​แต๊ๆ”

มัทธิว 4:8

ต่อไป​มาร​ปา​พระเยซู​ขึ้น​ไป​บน​ดอย​ตี้​สูงๆ หื้อ​พระองค์​ผ่อ​ความ​จ๋ำเริญ รุ่งเรือง​ของ​อาณาจักร​ตึง​หมด​ใน​โลก​นี้

ลูก๋า 10:22

“พระบิดา​ได้​มอบ​สิทธิ​อำนาจ​เหนือ​กู้​สิ่ง​กู้​อย่าง​หื้อ​เฮา บ่มี​ใผ​ฮู้จัก​พระบุตร​ว่า​เป๋น​ใผ​นอก​จาก​พระบิดา บ่มี​ใผ​ฮู้จัก​พระบิดา​ว่า​เป๋น​ใผ​นอก​จาก​พระบุตร กับ​คน​ตี้​พระบุตร​ต้องก๋าน​เปิดเผย​หื้อ​ฮู้จัก​เต้าอั้น”

ยอห์น 1:18

บ่มี​ใผ​เกย​หัน​พระเจ้า มี​ก้า​พระบุตร​องค์​เดียว​ของ​พระเจ้า ตี้​เป๋น​พระเจ้า​เอง กับ​อยู่​ใก้​พระบิดา ตี้​เยียะ​หื้อ​เฮา​ฮู้จัก​พระเจ้า

ยอห์น 10:32

พระเยซู​ก็​อู้​กับ​หมู่​เขา​ว่า “เฮา​เยียะ​หื้อ​หมู่​ต้าน​หัน​ก๋าน​ดี​หลาย​อย่าง​ตี้​มา​จาก​พระบิดา หมู่​ต้าน​หยิบ​บ่าหิน​ขึ้น​มา​จะ​ขว้าง​เฮา​หื้อ​ต๋าย​ย้อน​ก๋าน​ดี​เรื่อง​ไหน”

ยอห์น 14:12

เฮา​บอก​ความ​จริง​แก่​ต้าน​ตังหลาย​ว่า คน​ตี้​เจื้อ​วางใจ๋​เฮา​ก็​จะ​เยียะ​ก๋าน​ตี้​เฮา​เยียะ​นั้น​ตวย และ​เขา​จะ​เยียะ​ก๋าน​ตี้​ยิ่งใหญ่​นัก​เหลือ​นั้น​แหม ย้อน​ว่า​เฮา​จะ​ไป​หา​พระบิดา

ยอห์น 15:15

เฮา​จะ​บ่ฮ้อง​หมู่​ต้าน​ว่า​คน​ฮับใจ๊​แหม ย้อน​ว่า​คน​ฮับใจ๊​บ่ฮู้​ว่า​นาย​ของ​ตั๋ว​เก่า​เยียะ​อะหยัง​พ่อง แต่​เฮา​ฮ้อง​หมู่​ต้าน​ว่า เปื้อน ย้อน​ว่า กู้​สิ่ง​กู้​อย่าง​ตี้​เฮา​ได้ยิน​จาก​พระบิดา​ของ​เฮา เฮา​ก็​บอก​หื้อ​หมู่​ต้าน​ฮู้​แล้ว

ยอห์น 17:26

ข้า​พระองค์​เยียะ​หื้อ​หมู่​เขา​ฮู้จัก​พระองค์​แล้ว กับ​จะ​เยียะ​ต่อ​ไป​แหม เปื้อ​ว่า​ความ​ฮัก​ตี้​พระองค์​มี​หื้อ​ข้า​พระองค์​จะ​อยู่​กับ​หมู่​เขา กับ​ข้า​พระองค์​ก็​จะ​เป๋น​อัน​นึ่ง​อัน​เดียว​กั๋น​กับ​หมู่​เขา​ตวย”

ยอห์น 3:35

พระเจ้า​ฮัก​พระบุตร​กับ​หื้อ​พระองค์​ควบคุม​กู้​สิ่ง​กู้​อย่าง

ยอห์น 5:21

เหมือน​กับ​ตี้​พระบิดา​เยียะ​หื้อ​คน​ต๋าย​แล้ว​เป๋น​ขึ้น​จาก​ความ​ต๋าย พระบุตร​ก็​จะ​หื้อ​จีวิต​กับ​ใผ​ก็​ได้​ตี้​พระองค์​ใค่​โผด​หื้อ​เหมือน​กั๋น

ยอห์น 5:25

เฮา​บอก​ความ​จริง​แก่​ต้าน​ตังหลาย​ว่า เวลา​นั้น​ก็​ใก้​มา​แผว บ่าเดี่ยวนี้​ก็​มา​แผว​แล้ว​ตวย​ตี้​คน​ต๋าย​จะ​ได้​ยิน​เสียง​พระบุตร​ของ​พระเจ้า คน​ตี้​ได้​ยิน​แล้ว​เจื้อฟัง ก็​จะ​มี​จีวิต​นิรันดร์

ยอห์น 5:29

แล้ว​ปา​กั๋น​ออก​มา​จาก​อุโมงค์​ฝังศพ คน​ตี้​เยียะ​ดี​ก็​เป๋น​ขึ้น​มา​เปื้อ​ฮับ​จีวิต​นิรันดร์ คน​ตี้​เยียะ​บ่ดี​ก็​จะ​เป๋น​ขึ้น​มา​เปื้อ​ถูก​ตัดสิน​ลงโต้ษ

2 เปโตร 1:17

ก็​คือ​ต๋อน​ตี้​พระองค์​ได้ฮับ​เกียรติ​กับ​กำ​สรรเสริญ​จาก​พระเจ้า​พระบิดา​นั้น มี​เสียง​จาก​ผู้​ตี้​ยิ่งใหญ่​สูงสุด อู้​กับ​พระองค์​ว่า “ต้าน​ผู้​นี้​เป๋น​ลูก​ตี้​เฮา​ฮัก เฮา​ปอใจ๋​ต้าน​นัก​ขนาด​เน่อ”