ยอห์น 5:15 - พระคริสตธรรมคัมภีร ภาคพันธสัญญาใหม

¹⁵ แล้ว​ป้อจาย​คน​นั้น​ก็​ไป​บอก​หมู่​ผู้นำ​จาว​ยิว​ว่า​พระเยซู​เป๋น​คน​ฮักษา​เขา​หื้อ​หาย

ยอห์น 5:15 Iomraidhean Croise

มาระโก 1:45

แต่​เมื่อ​ป้อจาย​คน​นี้​ออก​ไป​แล้ว ก็​เล่า​หื้อ​คน​ตังหลาย​ฟัง​จ๋น​ฮู้​กั๋น​ไป​ใคว่​หมด เยียะ​หื้อ​พระเยซู​เข้า​ไป​ใน​เมือง​อย่าง​เปิดเผย​บ่ได้ พระองค์​ก็​ต้อง​หลบ​อยู่​นอก​เมือง แต่​ก็​ยัง​มี​คน​นัก​ขนาด​จาก​กู้​หน​กู้​แห่ง​หลั่งไหล​มา​หา​พระองค์

ยอห์น 1:19

นี่​เป๋น​กำ​พยาน​ของ​ยอห์น เมื่อ​หมู่​ผู้นำ​จาว​ยิว​ใน​กรุง​เยรูซาเล็ม​ส่ง​หมู่​ปุโรหิต​กับ​หมู่​เลวี​ไป​หา​ยอห์น หมู่​เขา​มา​ถาม​ยอห์น​ว่า “ต้าน​เป๋น​ใผ”

ยอห์น 4:29

“มา​ผ่อ​กำ​ลอ ป้อจาย​คน​ตี้​บอก​กู้​สิ่ง​กู้​อย่าง​ตี้​ตั๋ว​ข้าเจ้า​เกย​เยียะ ต้าน​แม่น​พระคริสต์​ละ​ก้า”

ยอห์น 5:10

ผู้นำ​จาว​ยิว​ก็​อู้​กับ​ป้อจาย​คน​ตี้​หาย​ว่า “ตี้​ต้าน​แบก​ตี้นอน​เตียว​ไป​เตียว​มา​ใน​วัน​สะบาโต ฮู้​ก่อ มัน​ผิด​บท​บัญญัติ”

ยอห์น 5:12

หมู่​ผู้นำ​จาว​ยิว​ถาม​แหม​กำ​ว่า “ใผ​เป๋น​คน​อู้​จาอั้น”

ยอห์น 5:16

จาอั้น​หมู่​ผู้นำ​จาว​ยิว​ก็​ตั้งเก๊า​ค่ำ​พระองค์ ย้อน​ว่า​พระองค์​เยียะ​สิ่ง​หมู่​นี้​ใน​วัน​สะบาโต

ยอห์น 5:18

ย้อน​จาอี้ หมู่​ผู้นำ​จาว​ยิว​ก็​ซ้ำ​กึ๊ด​จะ​ฆ่า​พระองค์ ย้อน​พระองค์​บ่ได้​ย้าง​เยียะ​ก๋าน​ใน​วัน​สะบาโต ป๋าย​บ่ปอ​พระองค์​ยัง​ฮ้อง​พระเจ้า​ว่า​เป๋น​พระบิดา​ของ​ตั๋ว​เก่า​แหม ก็​เต้า​กับ​เป๋น​ก๋าน​ยก​ตั๋ว​เก่า​เต้า​กับ​พระเจ้า

ยอห์น 9:15

หมู่​ฟาริสี​ก็​ถาม​เขา​ว่า เขา​ผ่อ​หัน​ได้​จาใด ป้อจาย​คน​นี้​ก็​ตอบ​ว่า “เขา​เอา​ขี้เปอะ​แปด​ต๋า​ของ​เฮา แล้ว​เฮา​ก็​ไป​ล้าง​ต๋า​ก็​ผ่อ​หัน​ได้”

ยอห์น 9:25

เขา​ก็​ตอบ​ว่า “ป้อจาย​คน​นั้น​เป๋น​คน​บาป​ก่อ​เฮา​บ่ฮู้ เฮา​ฮู้​ก้า​ว่า​เฮา​เกย​ต๋า​บอด​แล้ว​บ่าเดี่ยว​นี้​ก็​ผ่อ​หัน​ได้​แล้ว”

ยอห์น 9:30

แล้ว​ป้อจาย​คน​นี้​ก็​ตอบ​ว่า “มัน​ตึง​งืด​แต๊ๆ ตี้​หมู่​ต้าน​บ่ฮู้​ว่า​เขา​ลุก​ไหน​มา แต่​เขา​ก็​เยียะ​หื้อ​ต๋า​ของ​เฮา​หาย​บอด

ยอห์น 9:34

หมู่​ผู้นำ​จาว​ยิว​บอก​ป้อจาย​คน​นี้​ว่า “ต้าน​หน่ะ​ก่า บาป​มา​ตั้งแต่​เกิด ก้า​มา​สอน​เฮา​ได้​จาใด” แล้ว​หมู่​เขา​ก็​ไล่​เหิบ​ป้อจาย​คน​นั้น​ออก​ไป