ยอห์น 3:2 - พระคริสตธรรมคัมภีร ภาคพันธสัญญาใหม

² เขา​มา​หา​พระเยซู​ต๋อน​เมื่อคืน อู้​กับ​พระองค์​ว่า “อาจ๋ารย์ หมู่​เฮา​ฮู้​ว่า ต้าน​เป๋น​อาจ๋ารย์​ตี้​มา​จาก​พระเจ้า ย้อน​ว่า​ก๋าน​อัศจ๋รรย์​ตี้​อาจ๋ารย์​เยียะ บ่มี​ใผ​เยียะ​ได้ นอก​จาก​คน​ตี้​พระเจ้า​อยู่​ตวย​เต้าอั้น”

ยอห์น 3:2 Iomraidhean Croise

มัทธิว 22:16

หมู่​เขา​ก็​เลย​ส่ง​สาวก​ของ​ตั๋ว กับ​หมู่​ตี้​สนับ​สนุน​เฮโรด ไป​ถาม​พระเยซู​ว่า “อาจ๋ารย์ หมู่​เฮา​ฮู้​ว่า​อาจ๋ารย์​เป๋น​คน​สัตย์ซื่อ สอน​เรื่อง​ตาง​ของ​พระเจ้า​ต๋าม​ความ​จริง​โดย​บ่ได้​เอาใจ๋​ใผ ย้อน​อาจ๋ารย์​บ่หันแก่​หน้า​ใผ​เลย

มัทธิว 23:7

หมู่​เขา​ซอบ​หื้อ​คน​ไหว้​ก๋าง​กาด​ก๋าง​ลี กับ​ซอบ​หื้อ​คน​ตังหลาย​ฮ้อง​เขา​ว่า ‘อาจ๋ารย์’

มัทธิว 23:8

“แต่​ห้าม​หื้อ​คน​อื่น​ฮ้อง​หมู่​ต้าน​ว่า ‘อาจ๋ารย์’ ย้อน​ว่า​ต้าน​ตังหลาย​มี​อาจ๋ารย์​คน​เดียว กับ​หมู่​ต้าน​ก็​เป๋น​ปี้น้อง​กั๋น​ตึงหมด

มาระโก 12:14

เมื่อ​มา​แผว​แล้ว หมู่​เขา​ก็​ถาม​พระองค์​ว่า “อาจ๋ารย์ หมู่​เฮา​ฮู้​ว่า​อาจ๋ารย์​เป๋น​คน​ซื่อสัตย์ บ่ได้​เอาใจ๋​ใผ กับ​บ่หันแก่​หน้า​ใผ​เลย แต่​สอน​เรื่อง​ตาง​ของ​พระเจ้า​ต๋าม​ความ​จริง ขอ​บอก​เฮา​ว่า​ถูก​กาว่า​บ่ถูก​ตี้​จะ​เสีย​ภาษี​หื้อ​ซีซาร์ เฮา​ควร​จะ​เสีย​ดี​กาว่า​บ่ควร​เสีย​ดี”

ยอห์น 1:38

พระเยซู​ก็​งว้าย​มา แล้ว​หัน​เขา​สอง​คน​เตียว​ตวย​มา พระองค์​ก็​ถาม​ว่า “ต้าน​ต้องก๋าน​อะหยัง” แล้ว​หมู่​เขา​ก็​ตอบ​ว่า “รับบี” (​หมายเถิง​อาจ๋ารย์​) “ต้าน​พัก​อยู่​ตี้​ไหน”

ยอห์น 10:38

แต่​ถ้า​เฮา​เยียะ​ก๋าน​ของ​พระบิดา เถิงแม้​ว่า​หมู่​ต้าน​จะ​บ่เจื้อ​วางใจ๋​เฮา ก็​หื้อ​เจื้อ​ใน​ก๋าน​นั้น​เต๊อะ เปื้อ​หมู่​ต้าน​จะ​ได้​ฮู้​กับ​เข้าใจ๋​ว่า พระบิดา​ก็​อยู่​ใน​เฮา​และ​เฮา​ก็​อยู่​ใน​พระบิดา”

ยอห์น 12:37

เถิงแม้​ว่า​พระเยซู​เยียะ​หมายสำคัญ​หลาย​อย่าง​หื้อ​หมู่​เขา​หัน แต่​หมู่​เขา​ก็​ยัง​บ่เจื้อ​วางใจ๋​พระองค์

ยอห์น 14:10

ต้าน​บ่เจื้อ​กา ว่า​เฮา​เป๋น​อัน​นึ่ง​อัน​เดียว​กั๋น​กับ​พระบิดา​และ​พระบิดา​ก็​เป๋น​อัน​นึ่ง​อัน​เดียว​กั๋น​กับ​เฮา กำ​ตี้​เฮา​อู้ เฮา​บ่ได้​อู้​ต๋ามใจ๋​ตั๋ว​เก่า แต่​พระบิดา​ตี้​อยู่​ใน​เฮา​เยียะ​ก๋าน​ของ​พระองค์​ผ่าน​ตาง​เฮา

ยอห์น 15:24

ถ้า​เฮา​บ่ได้​เยียะ​ก๋าน​อัศจ๋รรย์​ตี้​บ่เกย​มี​ใผ​เยียะ​ใน​หมู่​เขา หมู่​เขา​ก็​จะ​บ่มี​บาป​อะหยัง แต่​หมู่​เขา​ได้​หัน​ก๋าน​อัศจ๋รรย์​หลาย​อย่าง​ตี้​เฮา​เยียะ​ไป​แล้ว หมู่​เขา​ก็​ยัง​จัง​เฮา​กับ​พระบิดา​ของ​เฮา​อยู่

ยอห์น 2:11

นี่​เป๋น​หมายสำคัญ​เตื้อ​แรก​ของ​พระเยซู พระองค์​เยียะ​ตี้​หมู่บ้าน​คานา​ใน​แคว้น​กาลิลี หมู่​สาวก​ก็​ปา​กั๋น​เจื้อ​วางใจ๋​ใน​พระองค์ ย้อน​ได้​หัน​ความ​ยิ่งใหญ่​ของ​พระองค์

ยอห์น 20:16

พระเยซู​ก็​เลย​อู้​ว่า “มารีย์​เหย” มารีย์​ก็​งว้าย​หลัง​มา​ผ่อ​พระองค์​แหม​เตื้อ​แล้ว​ก็​ฮ้อง​เป๋น​ภาษา​ฮีบรู​ว่า “รับโบนี” (​แป๋​ว่า อาจ๋ารย์​)

ยอห์น 3:26

แล้ว​หมู่​เขา​ก็​ปา​กั๋น​มา​หา​ยอห์น บอก​ยอห์น​ว่า “อาจ๋ารย์​ครับ คน​ตี้​อาจ๋ารย์​เกย​อู้​เถิง ตี้​เกย​อยู่​กับ​อาจ๋ารย์​ฝั่ง​ปู๊น​ของ​แม่น้ำ​จอร์แดน บ่าเดี่ยว​นี้​เขา​ก่ำลัง​หื้อ​บัพติศมา​อยู่ แล้ว​กู้​คน​ก็​ปา​กั๋น​แห่​ไป​หา​เขา​เหีย​หมด”

ยอห์น 4:31

หละหว่าง​นั้น​หมู่​สาวก​ก็​อ้อนวอน​พระองค์​ว่า “อาจ๋ารย์ กิ๋น​อะหยัง​พ่อง​เต๊อะ”

ยอห์น 5:36

“แต่​เฮา​มี​กำ​พยาน​ตี้​ยิ่งใหญ่​นัก​เหลือ​กำ​พยาน​ของ​ยอห์น ย้อน​ว่า​ก๋าน​ตี้​พระบิดา​มอบ​หื้อ​เฮา​เยียะ​จ๋น​แล้ว คือ​กำ​สั่ง​สอน​กับ​หมายสำคัญ​ตี้​เฮา​ก่ำลัง​เยียะ​อยู่ ก๋าน​นี้​เป๋น​พยาน​หื้อ​เฮา​ว่า​พระบิดา​เป๋น​ผู้​ตี้​ใจ๊​เฮา​มา

ยอห์น 6:2

มี​คน​นัก​ขนาด​ตวย​พระองค์​ไป ย้อน​ว่า​หมู่​เขา​ได้​หัน​หมายสำคัญ​ตี้​พระองค์​ได้​ฮักษา​คน​บ่สบาย

ยอห์น 7:31

แต่​มี​หลาย​คน​ใน​หมู่​นั้น​เจื้อ​วางใจ๋​พระองค์ หมู่​เขา​ก็​อู้​ว่า “เมื่อ​พระคริสต์​มา​นั้น พระองค์​จะ​เยียะ​หมายสำคัญ​นัก​เหลือ​ตี้​ป้อจาย​คน​นี้​เยียะ​กา”

ยอห์น 9:16

ฟาริสี​บาง​คน​ก็​อู้​ว่า “ป้อจาย​คน​นั้น​บ่ได้​มา​จาก​พระเจ้า ย้อน​ว่า​เขา​บ่ได้​ฮักษา​กฎ​วัน​สะบาโต” แต่​บาง​คน​อู้​ว่า “คน​บาป​จะ​เยียะ​หมายสำคัญ​จาอี้​ได้​จาใด” แล้ว​กำกึ๊ด​ของ​หมู่​เขา​ก็​แตก​กั๋น

กิจก๋าน 10:38

คือ​ว่า​พระเจ้า​เจิม​พระเยซู​จาว​นาซาเร็ธ​ด้วย​พระวิญญาณ​บริสุทธิ์​ตึง​ฤทธิ์​อำนาจ พระเยซู​เยียะ​สิ่ง​ดีๆ ไป​ผับใคว่ ตึง​ฮักษา​คน​ตี้​ตก​เป๋น​ขี้ข้า​อยู่​ใต้​อำนาจ​ของ​มาร ย้อน​ว่า​พระเจ้า​อยู่​ตวย​พระองค์

กิจก๋าน 2:22

“จาว​อิสราเอล​ตังหลาย​เหย จง​ฟัง​เน่อ พระเยซู​จาว​นาซาเร็ธ​เป๋น​ผู้​ตี้​พระเจ้า​รับรอง โดย​เยียะ​ก๋าน​ปาฏิหาริย์ ก๋าน​อัศจ๋รรย์ ตึง​หมายสำคัญ​ต่างๆ ผ่าน​พระเยซู ต๋าม​ตี้​ต้าน​ตังหลาย​ก็​ฮู้​ก็​หัน​มา​แล้ว

ฟีลิปปี 1:14

ตี้​ข้าพเจ้า​ถูก​ขัง​คอก​อยู่​นี้​ก็​เยียะ​หื้อ​ปี้น้อง​ผู้เจื้อ​ส่วน​ใหญ่​มี​ความ​มั่นใจ๋​ใน​องค์​พระ​ผู้​เป๋น​เจ้า กับ​มี​ใจ๋​ก้า​ตี้​จะ​บอก​เรื่อง​ข่าวดี​ของ​พระเจ้า​อย่าง​บ่กั๋ว​ใผ