ยอห์น 3:16 - พระคริสตธรรมคัมภีร ภาคพันธสัญญาใหม

¹⁶ “ย้อน​ว่า​พระเจ้า​ฮัก​โลก​นี้​นัก​ขนาด จึง​หื้อ​พระบุตร​องค์​เดียว​ของ​พระองค์ เปื้อ​กู้​คน​ตี้​เจื้อ​วางใจ๋​พระบุตร​นั้น​จะ​บ่ฉิบหาย แต่​มี​จีวิต​นิรันดร์

ยอห์น 3:16 Iomraidhean Croise

มัทธิว 9:13

หื้อ​ปิ๊ก​ไป​เฮียน​พระคัมภีร์​ข้อ​นี้​หื้อ​ดีๆ ตี้​พระเจ้า​บอก​ว่า ‘เฮา​ต้องก๋าน​ความ​เมตต๋า บ่ใจ้​ต้องก๋าน​สัตว์​มา​ปู่จา’ ย้อน​เฮา​บ่ได้​มา​เปื้อ​ฮ้อง​หา​คน​ตี้​กึ๊ด​ว่า​เป๋น​คน​ถูกต้อง​ต๋าม​ธรรม แต่​มา​เปื้อ​ฮ้อง​หา​คน​บาป”

มาระโก 12:6

เจ้าของ​สวน​ยัง​มี​แหม​คน​นึ่ง เป๋น​ลูกบ่าว​ตี้​เขา​ฮัก จึง​ส่ง​ลูก​ไป กึ๊ด​ว่า ‘คน​เจ้า​หมู่​นั้น​ก็​จะ​นับถือ​ลูก​บ่าว​ของ​เฮา​พ่อง’

ลูก๋า 2:14

“ขอ​หื้อ​พระเจ้า​ฮับ​เกียรติ​ใน​สวรรค์​สูงสุด ขอ​หื้อ​พระเจ้า​หื้อ​สันติสุข​แก่​คน​ตี้​พระองค์​เปิงใจ๋​ใน​โลก​นี้​เต๊อะ”

ยอห์น 1:14

พระกำ​ได้​มา​เกิด​เป๋น​คน​และ​อยู่​ต้ามก๋าง​หมู่​เฮา พระองค์​มี​พระคุณ​กับ​ความ​จริง​เกี่ยวกับ​พระเจ้า​อย่าง​เต๋ม​ล้น แล้ว​หมู่​เฮา​เกย​หัน​ความ​ยิ่งใหญ่​ของ​พระบุตร​องค์​เดียว​ตี้​มา​จาก​พระบิดา

ยอห์น 1:18

บ่มี​ใผ​เกย​หัน​พระเจ้า มี​ก้า​พระบุตร​องค์​เดียว​ของ​พระเจ้า ตี้​เป๋น​พระเจ้า​เอง กับ​อยู่​ใก้​พระบิดา ตี้​เยียะ​หื้อ​เฮา​ฮู้จัก​พระเจ้า

ยอห์น 1:29

แหม​วัน​นึ่ง ยอห์น​หัน​พระเยซู​เตียว​ซื่อ​มา​ตาง​เขา ยอห์น​ก็​เอิ้น​ว่า “หั้น​ลอ ลูก​แกะ​ของ​พระเจ้า ตี้​จะ​มา​ฮับ​เอา​โต้ษ​บาป​ของ​โลก​ไป

ยอห์น 10:28

เฮา​หื้อ​จีวิต​นิรันดร์​กับ​แกะ​หมู่​นั้น แกะ​หมู่​นั้น​ก็​จะ​บ่มี​วัน​ฉิบหาย กับ​บ่มี​ใผ​ลู่​เอา​แกะ​หมู่​นั้น​ไป​จาก​มือ​เฮา​ได้

ยอห์น 3:15

เปื้อ​ว่า​กู้​คน​ตี้​เจื้อ​วางใจ๋​ใน​พระองค์​จะ​มี​จีวิต​นิรันดร์

ยอห์น 3:18

คน​ใด​ตี้​เจื้อ​วางใจ๋​พระองค์​นั้น​ก็​บ่ถูก​ลงโต้ษ แต่​คน​ใด​ตี้​บ่เจื้อ​วางใจ๋​พระองค์​ก็​ได้​ถูก​ตัดสิน​ลงโต้ษ​ไป​แล้ว ย้อน​เขา​บ่ได้​เจื้อ​วางใจ๋​พระบุตร​องค์​เดียว​ของ​พระเจ้า

ยอห์น 3:36

คน​ตี้​เจื้อ​วางใจ๋​ใน​พระบุตร​นั้น ก็​มี​จีวิต​นิรันดร์ แต่​คน​ตี้​บ่เจื้อ​ฟัง​พระบุตร​ก็​บ่หัน​จีวิต​นิรันดร์ ป๋าย​บ่ปอ​พระเจ้า​จะ​ลง​โต้ษ​เขา​ตลอด​ไป”

ยอห์น 6:40

ย้อน​ว่า​พระบิดา​ต้องก๋าน​หื้อ​กู้​คน​ตี้​หัน​พระบุตร​กับ​เจื้อ​วางใจ๋​ใน​พระองค์​นั้น​ได้​ฮับ​จีวิต​นิรันดร์ และ​เฮา​จะ​เยียะ​หื้อ​เขา​เป๋น​ขึ้น​จาก​ความ​ต๋าย​ใน​วัน​สุดต๊าย”

โรม 5:10

ย้อน​ว่า​ต๋อน​ตี้​เฮา​ยัง​เป๋น​ศัตรู๋​ต่อ​พระเจ้า​นั้น พระบุตร​ของ​พระเจ้า​ยัง​ต๋าย​เปื้อ​หมู่​เฮา เยียะ​หื้อ​หมู่​เฮา​ได้​คืนดี​กับ​พระเจ้า นัก​เหลือ​นั้น​แหม หมู่​เฮา​ก็​จะ​รอด​จาก​ก๋าน​ลงโต้ษ​ของ​พระเจ้า​โดย​จีวิต​ของ​พระองค์

โรม 5:8

แต่​พระเจ้า​เยียะ​หื้อ​เฮา​ตังหลาย​หัน​ความ​ฮัก​ของ​พระองค์​โดย​ยอม​ส่ง​พระเยซู​คริสต์​มา​ต๋าย​เปื้อ​หมู่​เฮา ใน​ต๋อน​ตี้​หมู่​เฮา​ยัง​เป๋น​คน​บาป​อยู่

โรม 8:32

แม้แต่​พระบุตร​องค์​เดียว​ของ​พระองค์ พระองค์​ก็​บ่ได้​ขาง แต่​ยัง​ยก​หื้อ​หมู่​เฮา​กู้​คน​ได้ ถ้า​เป๋น​จาอี้ จะ​บ่โผด​หื้อ​กู้​อย่าง​แก่​หมู่​เฮา​ตวย​กา

เอเฟซัส 2:4

แต่​ความ​เมตต๋า​ของ​พระเจ้า​กับ​ความ​ฮัก​ตี้​พระองค์​มี​หื้อ​เฮา​นั้น​นัก​ขนาด

2 เธสะโลนิก๋า 2:16

ขอ​หื้อ​องค์​พระเยซู​คริสต์​ของ​เฮา ตึง​พระเจ้า​พระบิดา​ของ​เฮา ผู้​ตี้​ฮัก​เฮา กับ​หื้อ​เฮา​มี​ก๋ำลังใจ๋​ตลอด​ไป ตึง​มี​ความ​หวัง​ตี้​มั่นคง​โดย​พระคุณ​ของ​พระองค์

ทิตัส 3:4

แต่​เมื่อ​พระเจ้า​ผู้​จ้วย​หื้อ​รอด​ป๊น​บาป​โต้ษ​ของ​เฮา​แสดง​ความ​ฮัก​ความ​เมตต๋า​หื้อ​เฮา​หัน​แล้ว

ฮีบรู 2:9

แต่​เฮา​หัน​ว่า​พระเยซู​ผู้​ตี้​พระเจ้า​เยียะ​หื้อ​ต่ำ​เหลือ​หมู่​ทูตสวรรค์​หน้อย​นึ่ง​นั้น บ่าเดี่ยวนี้​ก็​ได้​ฮับ​เกียรติ​กับ​กำ​สรรเสริญ​แล้ว ย้อน​ว่า​พระองค์​ได้​ยอม​ฮับ​ความ​เจ็บปวด​จ๋น​ต๋าย ตี้​เป๋น​จาอี้​ก็​โดย​พระคุณ​ของ​พระเจ้า พระเยซู​เถิง​ได้​ต๋าย​เปื้อ​เฮา​กู้​คน

1 ยอห์น 3:1

ลอง​กึ๊ด​ผ่อ​เต๊อะ พระบิดา​ฮัก​เฮา​นัก​ขนาด​ไหน เถิง​ได้​ฮ้อง​เฮา​ว่า​เป๋น​ลูก​ของ​พระองค์ แล้ว​เฮา​ก็​เป๋น​จาอั้น​แต๊ๆ โลก​บ่ฮู้จัก​เฮา​ก็​ย้อน​ว่า​โลก​บ่ฮู้จัก​พระองค์

1 ยอห์น 4:19

ตี้​หมู่​เฮา​ฮัก​ก็​ย้อน​ว่า​พระเจ้า​ฮัก​เฮา​ก่อน

วิวรณ์ 1:5

กับ​จาก​พระเยซู​คริสต์​ผู้​เป๋น​พยาน​ตี้​ซื่อสัตย์ เป๋น​คน​เก๊าหัวที​ตี้​เป๋น​ขึ้น​จาก​ความ​ต๋าย​กับ​เป๋น​ผู้​มี​อำนาจ​เหนือ​กษัตริย์​ตังหลาย​ใน​โลก​นี้ พระเยซู​คริสต์​ฮัก​เฮา กับ​ได้​จ้วย​หื้อ​เฮา​มี​อิสระ​จาก​บาป​ของ​เฮา​ผ่าน​ตาง​เลือด​ของ​พระองค์​เอง