ยอห์น 3:11 - พระคริสตธรรมคัมภีร ภาคพันธสัญญาใหม

¹¹ เฮา​บอก​ความ​จริง​แก่​ต้าน​ว่า หมู่​เฮา​เล่า​เรื่อง​ตี้​หมู่​เฮา​ได้​ฮู้ กับ​เป๋น​พยาน​ใน​สิ่ง​ตี้​ได้​หัน แต่​หมู่​ต้าน​ก็​บ่ยอม​ฮับ​กำ​พยาน​ของ​หมู่​เฮา

ยอห์น 3:11 Iomraidhean Croise

มัทธิว 11:27

แล้ว​พระองค์​ก็​อู้​กับ​คน​ตังหลาย​ว่า “พระบิดา​ได้​มอบ​สิทธิ​อำนาจ​เหนือ​กู้​สิ่ง​กู้​อย่าง​หื้อ​เฮา บ่มี​ใผ​ฮู้จัก​พระบุตร​นอก​จาก​พระบิดา บ่มี​ใผ​ฮู้จัก​พระบิดา​นอก​จาก​พระบุตร กับ​คน​ตี้​พระบุตร​ต้องก๋าน​เปิดเผย​หื้อ​ฮู้จัก​เต้าอั้น

มัทธิว 23:37

“โอ เยรูซาเล็ม เยรูซาเล็ม​เหย เจ้า​คือ​ผู้​ตี้​ได้​ฆ่า​ผู้​เป๋น​ปาก​เป๋น​เสียง​แตน​พระเจ้า แล้ว​เอา​บ่าหิน​ขว้าง​คน​หมู่​นั้น​ตี้​พระเจ้า​ส่ง​มา​หา​หมู่​เจ้า​จ๋น​ต๋าย หลาย​เตื้อ​เฮา​ใค่​เอา​ลูก​ของ​เจ้า​มา​ไว้​ใน​อ้อม​อก เหมือน​แม่​ไก่​กก​ลูก​อยู่​ใต้​ปีก​ของ​มัน แต่​เจ้า​บ่ยอม

ลูก๋า 10:22

“พระบิดา​ได้​มอบ​สิทธิ​อำนาจ​เหนือ​กู้​สิ่ง​กู้​อย่าง​หื้อ​เฮา บ่มี​ใผ​ฮู้จัก​พระบุตร​ว่า​เป๋น​ใผ​นอก​จาก​พระบิดา บ่มี​ใผ​ฮู้จัก​พระบิดา​ว่า​เป๋น​ใผ​นอก​จาก​พระบุตร กับ​คน​ตี้​พระบุตร​ต้องก๋าน​เปิดเผย​หื้อ​ฮู้จัก​เต้าอั้น”

ยอห์น 1:11

พระองค์​ได้​มา​ตี้​บ้านเมือง​ของ​พระองค์ แต่​ปี้น้อง​จาว​บ้าน​ของ​พระองค์ ก็​ยัง​บ่ยอม​ฮับ​พระองค์

ยอห์น 1:18

บ่มี​ใผ​เกย​หัน​พระเจ้า มี​ก้า​พระบุตร​องค์​เดียว​ของ​พระเจ้า ตี้​เป๋น​พระเจ้า​เอง กับ​อยู่​ใก้​พระบิดา ตี้​เยียะ​หื้อ​เฮา​ฮู้จัก​พระเจ้า

ยอห์น 12:49

ย้อน​กำ​อู้​หมู่​นี้​เฮา​บ่ได้​อู้​ต๋ามใจ๋​ตั๋วเก่า แต่​พระบิดา​ผู้​ตี้​ใจ๊​เฮา​มา​สั่ง​เฮา​ว่า​จะ​อู้​อะหยัง​อย่างใด​พ่อง

ยอห์น 14:24

คน​ไหน​บ่ฮัก​เฮา เขา​ก็​จะ​บ่เยียะ​ต๋าม​กำ​สั่ง​สอน​ของ​เฮา กำ​สั่ง​สอน​ตี้​หมู่​ต้าน​ได้​ยิน​บ่ใจ้​เป๋น​กำ​สั่ง​สอน​ของ​เฮา แต่​เป๋น​ของ​พระบิดา​ผู้​ตี้​ใจ๊​เฮา​มา

ยอห์น 3:12

นี่​ขนาด​เฮา​อู้​เถิง​เรื่อง​ใน​โลก​นี้ หมู่​ต้าน​ยัง​บ่ยอม​เจื้อ​เลย แล้ว​ถ้า​เฮา​อู้​เถิง​เรื่อง​ใน​สวรรค์​หื้อ​หมู่​ต้าน​ฟัง หมู่​ต้าน​จะ​เจื้อ​เฮา​กา

ยอห์น 3:13

บ่มี​ใผ​เกย​ขึ้น​ไป​บน​สวรรค์ นอก​จาก​คน​ตี้​ลง​มา​จาก​สวรรค์​เต้าอั้น ก็​คือ บุตรมนุษย์

ยอห์น 3:3

พระเยซู​ก็​บอก​ว่า “เฮา​บอก​ความ​จริง​แก่​ต้าน​ว่า ใผ​บ่เกิด​ใหม่​ก็​บ่หัน​แผ่นดิน​ของ​พระเจ้า”

ยอห์น 3:5

พระเยซู​ก็​ตอบ​แหม​ว่า “เฮา​บอก​ความ​จริง​แก่​ต้าน​ว่า ถ้า​ใผ​บ่ได้​เกิด​จาก​น้ำ​กับ​พระวิญญาณ ก็​จะ​เข้า​แผ่นดิน​ของ​พระเจ้า​บ่ได้

ยอห์น 5:43

เฮา​มา​ใน​นาม​ของ​พระบิดา หมู่​ต้าน​ก็​บ่ยอม​ฮับ​เฮา แต่​ถ้า​มี​คน​มา​อู้​ใน​นาม​ตั๋ว​เก่า หมู่​ต้าน​ก็​จะ​ยอม​ฮับ​เขา​เหีย

ยอห์น 7:16

พระเยซู​ตอบ​ว่า “กำสอน​ของ​เฮา​นั้น​บ่ใจ้​เป๋น​กำ​ของ​เฮา แต่​มา​จาก​พระองค์​ผู้​ตี้​ใจ๊​เฮา​มา

ยอห์น 8:14

พระเยซู​ก็​ตอบ​ว่า “เถิง​เฮา​เป๋น​พยาน​หื้อ​ตั๋ว​เก่า แต่​สิ่ง​ตี้​เฮา​อู้​มา​นั้น​ก็​เป๋น​ความ​จริง ย้อน​ว่า​เฮา​ฮู้​ว่า​ตั๋ว​เฮา​ลุก​ไหน​มา​กับ​ก่ำลัง​จะ​ไป​ไหน แต่​หมู่​ต้าน​บ่ฮู้​ว่า​เฮา​ลุก​ไหน​มา​กาว่า​ก่ำลัง​จะ​ไป​ไหน

ยอห์น 8:26

แต๊ๆ เฮา​มี​หลาย​เรื่อง​ตี้​จะ​ว่า​หื้อ​หมู่​ต้าน​กับ​ตัดสิน​ลงโต้ษ​หมู่​ต้าน แต่​เฮา​จะ​อู้​ก้า​เรื่อง​ตี้​เฮา​ได้​ยิน​จาก​พระองค์​ผู้​ตี้​ใจ๊​เฮา​มา​หื้อ​คน​ใน​โลก​ฟัง ย้อน​พระองค์​อู้​ความ​จริง”

ยอห์น 8:38

เฮา​บอก​หมู่​ต้าน​เถิง​สิ่ง​ตี้​พระบิดา​ของ​เฮา​เยียะ​หื้อ​เฮา​หัน แต่​หมู่​ต้าน​ก็​เยียะ​สิ่ง​ตี้​ได้​ยิน​จาก​ป้อ​ของ​หมู่​ต้าน”

กิจก๋าน 22:18

แล้ว​ข้าพเจ้า​ก็​หัน​องค์​พระ​ผู้​เป๋น​เจ้า พระองค์​อู้​กับ​ข้าพเจ้า​ว่า ‘ขะใจ๋​ออก​ไป​จาก​กรุง​เยรูซาเล็ม​เวยๆ เน่อ ย้อน​ว่า​คน​ตี้​นี่​จะ​บ่ยอมฮับ​เรื่อง​ตี้​ต้าน​อู้​เกี่ยวกับ​เฮา’

2 โครินธ์ 4:4

พระ​ของ​คน​ยุค​นี้​ได้​เยียะ​หื้อ​กำกึ๊ด​ของ​คน​ตี้​บ่เจื้อ​มืดมน​ไป​เหมือน​คน​ต๋าบอด เปื้อ​บ่หื้อ​หมู่​เขา​หัน​แสง​เป่งแจ้ง​ของ​ข่าวดี ข่าวดี​นี้​ก็​คือ​เรื่อง​รัศมี​ของ​พระคริสต์​ผู้​ตี้​เป๋น​ภาพ​สะท้อน​ของ​พระเจ้า

วิวรณ์ 1:5

กับ​จาก​พระเยซู​คริสต์​ผู้​เป๋น​พยาน​ตี้​ซื่อสัตย์ เป๋น​คน​เก๊าหัวที​ตี้​เป๋น​ขึ้น​จาก​ความ​ต๋าย​กับ​เป๋น​ผู้​มี​อำนาจ​เหนือ​กษัตริย์​ตังหลาย​ใน​โลก​นี้ พระเยซู​คริสต์​ฮัก​เฮา กับ​ได้​จ้วย​หื้อ​เฮา​มี​อิสระ​จาก​บาป​ของ​เฮา​ผ่าน​ตาง​เลือด​ของ​พระองค์​เอง

วิวรณ์ 3:14

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​เลาดีเซีย​ว่า “นี่​เป๋น​กำ​อู้​ของ​พระองค์​ผู้​ตี้​ได้​จื้อ​ว่า อาเมน ผู้​ตี้​เป๋น​พยาน​ตี้​ซื่อสัตย์​กับ​แต๊​จริง พระเจ้า​ได้​สร้าง​กู้​สิ่ง​กู้​อย่าง​ขึ้น​มา​ผ่าน​ตาง​ผู้​นี้ พระองค์​อู้​ว่า