ยอห์น 20:22 - พระคริสตธรรมคัมภีร ภาคพันธสัญญาใหม

²² บ่ากอง​พระเยซู​อู้​จาอั้น​แล้ว ก็​เป่า​ลมหายใจ๋​หด​หมู่​เขา​แล้ว​ก็​อู้​ว่า “ฮับ​พระวิญญาณ​บริสุทธิ์​ไป​เต๊อะ

ยอห์น 20:22 Iomraidhean Croise

ยอห์น 14:16

แล้ว​เฮา​ก็​จะ​ขอ​พระบิดา แล้ว​พระองค์​ก็​จะ​ส่ง​ผู้จ้วย​แหม​ผู้​นึ่ง​มา​หื้อ​หมู่​ต้าน ผู้จ้วย​นี้​จะ​อยู่​กับ​หมู่​ต้าน​ตลอด​ไป

ยอห์น 15:26

“เฮา​จะ​ส่ง​ผู้จ้วย​ตี้​มา​จาก​พระบิดา​มา​หื้อ​หมู่​ต้าน​ก็​คือ พระวิญญาณ​ตี้​เปิดเผย​ความ​จริง พระองค์​จะ​เป๋น​พยาน​หื้อ​ตั๋ว​เฮา

ยอห์น 16:7

แต่​เฮา​บอก​ความ​จริง​แก่​หมู่​ต้าน​ว่า ตี้​เฮา​จาก​หมู่​ต้าน​ไป​นั้น ก็​เป๋น​ก๋าน​ดี​กับ​หมู่​ต้าน​ย้อน​ว่า​ถ้า​เฮา​บ่ไป พระองค์​ผู้จ้วย​ก็​จะ​บ่มา​หา​หมู่​ต้าน แต่​ถ้า​เฮา​ไป เฮา​ก็​จะ​ส่ง​พระองค์​ผู้จ้วย​มา​หา​หมู่​ต้าน

ยอห์น 20:21

แล้ว​พระเยซู​ก็​อู้​แหม​ว่า “ขอ​หื้อ​หมู่​ต้าน​มี​สันติสุข​เต๊อะ ต๋อน​นี้​เฮา​จะ​ใจ๊​หมู่​ต้าน​ไป​เหมือน​กับ​ตี้​พระบิดา​ใจ๊​เฮา​มา”

ยอห์น 20:23

ถ้า​หมู่​ต้าน​ยกโต้ษ​ความ​บาป​หื้อ​ใผ คน​นั้น​ก็​ได้​ฮับ​ก๋าน​ยกโต้ษ แต่​ถ้า​หมู่​ต้าน​บ่ยอม​ยกโต้ษ​หื้อ​ใผ คน​นั้น​ก็​บ่ได้​ฮับ​ก๋าน​ยกโต้ษ​ตวย”

ยอห์น 7:39

ตี้​พระเยซู​อู้​จาอั้น​พระองค์​หมาย​เถิง​พระวิญญาณ เซิ่ง​ถ้า​ใผ​เจื้อ​วางใจ๋​พระองค์ ก็​จะ​ได้​ฮับ​พระวิญญาณ​ไป แต่​ยัง​บ่มี​ใผ​ได้​ฮับ​ต๋อน​นั้น ย้อน​พระเยซู​ยัง​บ่ได้​ฮับ​เกียรติ​อัน​ยิ่งใหญ่​ของ​พระองค์​เตื้อ

กิจก๋าน 10:47

“บ่มี​ใผ​ตี้​จะ​ว่า​บ่หื้อ​คน​หมู่​นี้​ฮับ​บัพติศมา​ด้วย​น้ำ​ได้ ย้อน​ว่า​หมู่​เขา​ก็​ฮับ​พระวิญญาณ​บริสุทธิ์​เหมือน​กับ​หมู่​เฮา”

กิจก๋าน 19:2

เปาโล​ถาม​เขา​ว่า “หลังจาก​ฮับเจื้อ​พระเยซู​แล้ว​นั้น หมู่​ต้าน​ได้​ฮับ​พระวิญญาณ​บริสุทธิ์​กั๋น​ก่อ” เขา​ตอบ​ว่า “อึ หมู่​เฮา​บ่เกย​ได้ยิน​เรื่อง​พระวิญญาณ​บริสุทธิ์​สัก​เตื้อ”

กิจก๋าน 2:38

เปโตร​จึง​ตอบ​ว่า “หมู่​ต้าน​จง​กลับใจ๋​จาก​บาป แล้ว​ฮับ​บัพติศมา​ใน​นาม​พระเยซู​คริสต์​เปื้อ​ฮับ​ก๋าน​ยกโต้ษ​บาป แล้ว​พระเจ้า​จะ​หื้อ​พระวิญญาณ​บริสุทธิ์​แก่​ต้าน

กิจก๋าน 2:4

แล้ว​หมู่​เขา​กู้​คน​ก็​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์ จึง​ตั้งเก๊า​อู้​ภาษา​ต่างๆ ตี้​บ่เกย​ฮู้​ต๋าม​ตี้​พระวิญญาณ​บริสุทธิ์​โผด​หื้อ​อู้

กิจก๋าน 4:8

เวลา​นั้น​เปโตร​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์ จึง​ตอบ​หมู่​เขา​ไป​ว่า “ต้าน​ผู้​นำ​ของ​จ้าด​เฮา หมู่​คน​เฒ่า​คน​แก่​ตังหลาย

กิจก๋าน 8:15

เมื่อ​เปโตร​กับ​ยอห์น​มา​แผว​แคว้น​สะมาเรีย​แล้ว ก็​อธิษฐาน​เผื่อ​ผู้เจื้อ​ตังหลาย เปื้อ​หื้อ​หมู่​เขา​ฮับ​พระวิญญาณ​บริสุทธิ์

กาลาเทีย 3:2

ข้าพเจ้า​ใค่​ฮู้​ข้อ​เดียว​ว่า ต้าน​ตังหลาย​ได้​ฮับ​พระวิญญาณ​บริสุทธิ์​จาใด ได้​ฮับ​โดย​ก๋าน​เยียะ​ต๋าม​บท​บัญญัติ​กา กาว่า​ได้​ฮับ​เมื่อ​ได้​ฟัง​ข่าวดี​แล้ว​มี​ความ​เจื้อ