ยอห์น 16:32 - พระคริสตธรรมคัมภีร ภาคพันธสัญญาใหม

³² ผ่อ​ลอ จะ​มี​วัน​นึ่ง​ตี้​จะ​มา​เถิง และ​แต๊ๆ บ่าเดี่ยว​นี้​ก็​เถิง​แล้ว ตี้​หมู่​ต้าน​จะ​แตก​ขะแล​ขะแจ​หนี​ไป​บ้าน​ใผ​บ้าน​มัน แล้ว​จะ​ละ​เฮา​ไว้​หื้อ​อยู่​คน​เดียว แต่​เฮา​บ่ได้​อยู่​คน​เดียว ย้อน​พระบิดา​อยู่​กับ​เฮา

ยอห์น 16:32 Iomraidhean Croise

มัทธิว 26:31

พระเยซู​อู้​กับ​หมู่​สาวก​ว่า “คืน​นี้​หมู่​ต้าน​จะ​หนี​ละ​เฮา​ไป​เหีย​หมด เหมือน​กับ​ตี้​เขียน​ไว้​ใน​พระคัมภีร์​ว่า ‘พระเจ้า​จะ​ฆ่า​คน​เลี้ยง​แกะ แล้ว​แกะ​หมู่​นั้น​จะ​แตก​ขะแล​ขะแจ​หนี​ไป​หมด’

มัทธิว 26:56

แต่​ตี้​เกิด​ขึ้น​ตึงหมด​นี้ ก็​เปื้อ​หื้อ​เป๋น​ไป​ต๋าม​ตี้​ผู้​เป๋น​ปาก​เป๋น​เสียง​แตน​พระเจ้า​ได้​เขียน​ไว้” แล้ว​หมู่​สาวก​ตึง​หมด​ก็​ละ​ขว้าง​พระองค์​แล้ว​ปา​กั๋น​หนี​ไป

มาระโก 14:27

พระเยซู​อู้​กับ​หมู่​สาวก​ว่า “หมู่​ต้าน​จะ​หนี​ละ​เฮา​ไป​เหีย​หมด ย้อน​มี​กำ​เขียน​ไว้​ใน​พระคัมภีร์​ว่า ‘พระเจ้า​จะ​ฆ่า​คน​เลี้ยง​แกะ แล้ว​แกะ​หมู่​นั้น​จะ​แตก​ขะแล​ขะแจ​หนี​ไป​หมด’

มาระโก 14:50

แล้ว​หมู่​สาวก​ตึง​หมด​ก็​ละ​ขว้าง​พระองค์​แล้ว​ปา​กั๋น​หนี​ไป

ยอห์น 12:23

พระเยซู​ก็​อู้​ว่า “เถิง​เวลา​แล้ว​ตี้​พระเจ้า​จะ​เยียะ​หื้อ​หัน​เถิง​ความ​ยิ่งใหญ่​ของ​บุตรมนุษย์

ยอห์น 16:2

เขา​จะ​ไล่​หมู่​ต้าน​ออก​จาก​สมาชิก​ธรรมศาลา​ของ​จาว​ยิว แล้ว​จะ​มี​วัน​นึ่ง​ตี้​กู้​คน​ตี้​ฆ่า​หมู่​ต้าน​จะ​กึ๊ด​ว่า ตี้​เยียะ​จาอั้น​เป๋น​ก๋าน​ฮับใจ๊​พระเจ้า

ยอห์น 16:25

“เฮา​เล่า​เรื่อง​หมู่​นี้​เป๋น​กำเผียบ​หื้อ​หมู่​ต้าน​ฟัง แต่​จะ​มี​วัน​นึ่ง​ตี้​เฮา​จะ​บ่ใจ๊​กำเผียบ​แล้ว แต่​เฮา​จะ​อู้​ซื่อๆ เกี่ยว​กับ​พระบิดา

ยอห์น 16:31

แล้ว​พระเยซู​ก็​อู้​ว่า “บ่าเดี่ยว​นี้​หมู่​ต้าน​เจื้อ​เฮา​แล้ว​กา

ยอห์น 19:27

แล้ว​พระองค์​ก็​อู้​กับ​สาวก​คน​นั้น​ว่า “ฮับ​นาง​เป๋น​แม่​ของ​ต้าน​ตวย” สาวก​คน​นั้น​ก็​ฮับ​แม่​ของ​พระองค์​มา​อยู่​ตี้​บ้าน​ของ​ตั๋ว​เก่า​ตั้งแต่​ต๋อน​นั้น

ยอห์น 20:10

แล้ว​สาวก​ตึง​สอง​คน​ก็​ปิ๊ก​ไป​บ้าน

ยอห์น 4:21

พระองค์​ก็​ตอบ​ว่า “หื้อ​เจื้อ​เฮา​เต๊อะ สัก​วัน​นึ่ง คน​ตังหลาย​จะ​บ่นมัสก๋าน​พระบิดา​ก้า​ตี้​กรุง​เยรูซาเล็ม​กาว่า​บน​ดอย​นี้​เต้าอั้น

ยอห์น 4:23

แต่​เวลา​นั้น​ก็​ใก้​มา​แผว​แล้ว บ่าเดี่ยวนี้​ก็​มา​แผว​แล้ว​ตวย ตี้​คน​นมัสก๋าน​พระเจ้า​อย่าง​แต๊​จริง จะ​นมัสก๋าน​พระบิดา​โดย​อำนาจ​ของ​พระวิญญาณ​กับ​นมัสก๋าน​ต๋าม​ความ​จริง พระเจ้า​ตวย​เซาะ​หา​คน​จาอี้​เนาะ​ตี้​จะ​มา​นมัสก๋าน​พระองค์​จาอั้น

ยอห์น 5:25

เฮา​บอก​ความ​จริง​แก่​ต้าน​ตังหลาย​ว่า เวลา​นั้น​ก็​ใก้​มา​แผว บ่าเดี่ยวนี้​ก็​มา​แผว​แล้ว​ตวย​ตี้​คน​ต๋าย​จะ​ได้​ยิน​เสียง​พระบุตร​ของ​พระเจ้า คน​ตี้​ได้​ยิน​แล้ว​เจื้อฟัง ก็​จะ​มี​จีวิต​นิรันดร์

ยอห์น 5:28

หมู่​ต้าน​บ่ต้อง​งืด​ใน​เรื่อง​นี้ ย้อน​ว่า​เวลา​ใก้​จะ​มา​แผว​แล้ว​ตี้​คน​ต๋าย​จะ​ได้ยิน​เสียง​บุตรมนุษย์

ยอห์น 8:16

แต่​ถ้า​เฮา​ตัดสิน​คน​ใด กำ​ตัดสิน​ของ​เฮา​ก็​ถูกต้อง ย้อน​เฮา​บ่ได้​ตัดสิน​คน​เดียว แต่​เฮา​ตัดสิน​ฮ่วม​กับ​พระบิดา​ผู้​ตี้​ใจ๊​เฮา​มา

ยอห์น 8:29

พระองค์​ผู้​ตี้​ใจ๊​เฮา​มา​ก็​อยู่​กับ​เฮา​ตวย พระองค์​บ่เกย​ละ​เฮา​ไว้​หื้อ​อยู่​คน​เดียว ย้อน​เฮา​เยียะ​ต๋ามใจ๋​พระองค์​ตลอด”

กิจก๋าน 21:6

แล้ว​ล่ำลา​กั๋น จาก​นั้น​หมู่​เฮา​ก็​ลง​เฮือ หมู่​เขา​ก็​ปา​กั๋น​ปิ๊ก​บ้าน

กิจก๋าน 8:1

เซาโล​ก็​อยู่​ตี้​หั้น เขา​หันดี​ตวย​ใน​ก๋าน​ฆ่า​สเทเฟน ใน​วัน​นั้น​มี​ก๋าน​ตั้งเก๊า​ค่ำเข​คริสตจักร​ครั้ง​ใหญ่​ใน​กรุง​เยรูซาเล็ม ผู้เจื้อ​ตังหลาย​เว้น​แต่​หมู่​อัครทูต​แตก​หนี​ขะแล​ขะแจ​ไป​ทั่ว​แคว้น​ยูเดีย​กับ​แคว้น​สะมาเรีย