ยอห์น 16:26 - พระคริสตธรรมคัมภีร ภาคพันธสัญญาใหม

²⁶ ใน​วัน​นั้น​หมู่​ต้าน​จะ​บ่ต้อง​ขอ​อะหยัง​ผ่าน​ตาง​เฮา​แหม​แล้ว ต้าน​ขอ​จาก​พระบิดา​ได้​โดย​ตรง​เลย

ยอห์น 16:26 Iomraidhean Croise

ยอห์น 14:16

แล้ว​เฮา​ก็​จะ​ขอ​พระบิดา แล้ว​พระองค์​ก็​จะ​ส่ง​ผู้จ้วย​แหม​ผู้​นึ่ง​มา​หื้อ​หมู่​ต้าน ผู้จ้วย​นี้​จะ​อยู่​กับ​หมู่​ต้าน​ตลอด​ไป

ยอห์น 14:20

ใน​วัน​นั้น​หมู่​ต้าน​ก็​จะ​ฮู้​ว่า​เฮา​เป๋น​อัน​นึ่ง​อัน​เดียว​กั๋น​กับ​พระบิดา​ของ​เฮา และ​หมู่​ต้าน​ก็​เป๋น​อัน​นึ่ง​อัน​เดียว​กั๋น​กับ​เฮา และ​เฮา​ก็​เป๋น​อัน​นึ่ง​อัน​เดียว​กั๋น​กับ​หมู่​ต้าน

ยอห์น 16:19

พระเยซู​ฮู้​ว่า​หมู่​เขา​ใค่​ถาม​พระองค์ พระองค์​ก็​เลย​อู้​กับ​หมู่​เขา​ว่า “หมู่​ต้าน​ถาม​กั๋น​อยู่​กา ว่า​เฮา​หมายความ​ว่า​จาใด ตี้​เฮา​อู้​ว่า แหม​หน้อย​หมู่​ต้าน​ก็​จะ​บ่หัน​เฮา แล้ว​ต่อ​ไป​แหม​หน้อย​หมู่​ต้าน​ก็​จะ​หัน​เฮา

ยอห์น 16:23

ใน​วัน​นั้น​หมู่​ต้าน​ก็​จะ​บ่ถาม​อะหยัง​เฮา​แหม เฮา​บอก​ความ​จริง​แก่​หมู่​ต้าน​ว่า ถ้า​ต้าน​ขอ​อะหยัง​จาก​พระบิดา​ใน​นาม​ของ​เฮา พระองค์​ก็​จะ​หื้อ​กับ​หมู่​ต้าน

ยอห์น 16:30

ต๋อน​นี้​หมู่​เฮา​เข้าใจ๋​แล้ว​ว่า​อาจ๋ารย์​ฮู้​กู้​สิ่ง​กู้​อย่าง บ่จ๋ำ​เป๋น​ตี้​ใผ​จะ​ต้อง​ถาม​อาจ๋ารย์​แหม ย้อน​ว่า​อาจ๋ารย์​ฮู้​แล้ว​ว่า​หมู่​เฮา​กึ๊ด​จะ​ถาม​อะหยัง มอกอี้​หมู่​เฮา​ก็​เจื้อ​แล้ว​ว่า​อาจ๋ารย์​มา​จาก​พระเจ้า”

ยอห์น 17:19

ข้า​พระองค์​ขอ​ถวาย​ตั๋ว​ฮับใจ๊​พระองค์ เปื้อ​หมู่​เขา​ก็​จะ​ถวาย​ตั๋ว​ฮับใจ๊​พระองค์​อย่าง​แต๊​จริง​เหมือน​กั๋น

ยอห์น 17:24

“ข้า​แต่​พระบิดา ข้า​พระองค์​ใค่​หื้อ​คน​หมู่​นี้​ตี้​พระองค์​หื้อ​ข้า​พระองค์ อยู่​กับ​ข้า​พระองค์​ใน​ตี้​ตี้​ข้า​พระองค์​อยู่​นั้น เปื้อ​หมู่​เขา​จะ​ได้​หัน​เถิง​ความ​ยิ่งใหญ่​ของ​ข้า​พระองค์ ตี้​พระองค์​หื้อ​ข้า​พระองค์​ไว้ ย้อน​พระองค์​ฮัก​ข้า​พระองค์​ก่อน​สร้าง​โลก​นี้

ยอห์น 17:9

ข้า​พระองค์​อธิษฐาน​หื้อ​หมู่​เขา บ่ใจ้​อธิษฐาน​หื้อ​คน​ใน​โลก แต่​อธิษฐาน​หื้อ​คน​หมู่​นั้น​ตี้​พระองค์​มอบ​หื้อ​ข้า​พระองค์​ไว้ ย้อน​หมู่​เขา​เป๋น​คน​ของ​พระองค์

โรม 8:34

แล้ว​ใผ​จะ​ตัดสิน​ลงโต้ษ​หมู่​เฮา พระเยซู​คริสต์​กา บ่ใจ้​เน่อ ย้อน​พระองค์​ได้​ต๋าย​เปื้อ​หมู่​เฮา แล้ว​พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย แล้ว​อยู่​ตัง​ขวา​มือ​ของ​พระเจ้า กับ​ได้​อ้อนวอน​ขอ​จาก​พระเจ้า​เปื้อ​หมู่​เฮา