ยอห์น 15:5 - พระคริสตธรรมคัมภีร ภาคพันธสัญญาใหม

⁵ “เฮา​เป๋น​เคือ​องุ่น หมู่​ต้าน​เป๋น​กิ่ง ใผ​ตี้​ติด​อยู่​กับ​เฮา​และ​เฮา​ติด​อยู่​กับ​เขา คน​นั้น​ก็​จะ​ออก​หน่วย​นัก ย้อน​ถ้า​ใผ​แยก​จาก​เฮา เขา​ก็​เยียะ​อะหยัง​บ่ได้​เลย

ยอห์น 15:5 Iomraidhean Croise

มัทธิว 13:21

แต่​ฮาก​ลง​ดิน​บ่เลิ็ก อยู่​ได้​บ่เมิน เมื่อ​เกิด​ปั๋ญหา​กาว่า​โดน​ค่ำ ย้อน​ถ้อยกำ​นั้น​เขา​ก็​เลิก​เจื้อ​ไป​เหีย

ยอห์น 12:24

เฮา​บอก​ความ​จริง​แก่​ต้าน​ตังหลาย​ว่า ถ้า​เม็ด​ข้าว​แห้ง​แล้ว​ตก​ลง​ดิน ก็​จะ​งอก​ขึ้น​มา​หื้อ​ผล​แหม​หลาย​เม็ด แต่​ถ้า​บ่ตก​ลง​ดิน ก็​จะ​เป๋น​ก้า​เม็ด​ข้าว​เม็ด​เดียว​เต้าอั้น

ยอห์น 15:16

หมู่​ต้าน​บ่ได้​เลือก​เฮา แต่​เฮา​เป๋น​คน​เลือก​หมู่​ต้าน กับ​มอบหมาย​งาน​หื้อ​หมู่​ต้าน​ไป​เยียะ​จ๋น​เกิด​ผล เป๋น​ผล​ตี้​อยู่​ได้​ตลอด ย้อน​จาอั้น อะหยัง​ก็​ต๋าม​ตี้​หมู่​ต้าน​ขอ​ใน​นาม​ของ​เฮา พระบิดา​ก็​จะ​หื้อ​กับ​หมู่​ต้าน

ยอห์น 5:19

พระเยซู​บอก​กับ​หมู่​ผู้นำ​จาว​ยิว​ว่า “เฮา​บอก​ความ​จริง​แก่​ต้าน​ตังหลาย​ว่า พระบุตร​เยียะ​ต๋าม​ใจ๋​ตั๋ว​เก่า​บ่ได้ พระองค์​เยียะ​ได้​ก้า​สิ่ง​ตี้​หัน​พระบิดา​เยียะ​เต้าอั้น ย้อน​ว่า​อะหยัง​ตี้​พระบิดา​เยียะ พระบุตร​ก็​เยียะ​ตวย

ยอห์น 9:33

ถ้า​เขา​บ่ได้​มา​จาก​พระเจ้า เขา​ก็​เยียะ​จาอี้​บ่ได้”

กิจก๋าน 4:12

นอกจาก​พระเยซู​แล้ว ก็​บ่มี​ใผ​จ้วย​หมู่​เฮา​รอด​ป๊น​บาป​โต้ษ​ได้ ย้อน​ว่า​บ่มี​ใผ​คน​ใด​ใน​โลก​ตี้​พระเจ้า​หื้อ​เป๋น​ผู้​จ้วย​หื้อ​รอด​สำหรับ​หมู่​เฮา”

โรม 12:5

ใน​ทำนอง​เดียว​กั๋น เถิง​แม้​ว่า​หมู่​เฮา​มี​หลาย​คน หมู่​เฮา​ก็​ยัง​เป๋น​เหมือน​ตั๋ว​เดียว​กั๋น​ย้อน​เป๋น​อัน​นึ่ง​อัน​เดียว​กั๋น​กับ​พระคริสต์ หมู่​เฮา​อยู่​ฮ่วม​กั๋น​โดย​กู้​คน​เป๋น​เหมือน​อวัยวะ​ต่างๆ ใน​ตั๋ว​เดียว

โรม 6:22

แต่​บ่าเดี่ยวนี้​ต้าน​ตังหลาย​ป๊น​จาก​ก๋าน​เป๋น​ขี้ข้า​ของ​บาป แล้ว​มา​เป๋น​ขี้ข้า​ของ​พระเจ้า ประโยชน์​ตี้​หมู่​ต้าน​จะ​ได้ฮับ​ก็​คือ​ก๋าน​เป๋น​คน​บริสุทธิ์ แล้ว​จะ​เยียะ​หื้อ​ต้าน​ได้ฮับ​จีวิต​นิรันดร์

โรม 7:4

เหมือน​เดียว​กั๋น​ปี้น้อง​ตังหลาย โดย​ก๋าน​ต๋าย​ของ​พระคริสต์ หมู่​ต้าน​จึง​ได้​ต๋าย​จาก​บท​บัญญัติ​แล้ว เปื้อ​หมู่​ต้าน​จะ​ได้​เป๋น​คน​ของ​พระองค์​ผู้​ตี้​พระเจ้า​เยียะ​หื้อ​เป๋น​ขึ้น​จาก​ความ​ต๋าย เปื้อ​ว่า​จีวิต​หมู่​เฮา​จะ​ได้​เป๋น​ประโยชน์​สำหรับ​พระเจ้า

1 โครินธ์ 10:16

เมื่อ​เฮา​ขอบ​พระคุณ​พระเจ้า​ต๋อน​กิ๋น​จาก​ถ้วย​ใน​โต๊ะ​ของ​พระองค์ เฮา​ก็​มี​ส่วน​ฮ่วม​ใน​เลือด​ของ​พระคริสต์​บ่ใจ้​กา กับ​เมื่อ​เฮา​บิ​กิ๋น​เข้าหนมปัง เฮา​ก็​มี​ส่วน​ฮ่วม​ใน​ตั๋ว​ของ​พระคริสต์​ตวย​บ่ใจ้​กา

1 โครินธ์ 12:12

ก็​เหมือน​กับ​ตั๋วๆ​เดียว​ตี้​มี​หลาย​ส่วน​อยู่​ตวย​กั๋น เถิงแม้​จะ​มี​หลาย​ส่วน แต่​ตึงหมด​ก็​ยัง​เป๋น​ตั๋ว​เดียว​กั๋น ตั๋ว​ของ​พระคริสต์​ก็​เป๋น​จาอั้น

1 โครินธ์ 12:27

หมู่​ต้าน​ก็​เป๋น​ตั๋ว​ของ​พระคริสต์ แต่​ละ​คน​ก็​เป๋น​ส่วน​นึ่ง​ของ​ตั๋ว​นั้น

2 โครินธ์ 13:8

มัน​เป๋น​ไป​บ่ได้​ตี้​เฮา​จะ​เยียะ​ใน​สิ่ง​ตี้​ขัด​กับ​ความ​จริง แต่​เฮา​เยียะ​เปื้อ​ความ​จริง​เต้าอั้น

2 โครินธ์ 9:10

กับ​พระเจ้า​ผู้​ตี้​หื้อ​เม็ด​พืช​กับ​คน​ตี้​หว่าน กับ​หื้อ​ของ​กิ๋น​กับ​คน​ตี้​กิ๋น ก็​จะ​หื้อ​เม็ด​พืช​แก่​หมู่​ต้าน กับ​จะ​เยียะ​หื้อ​มัน​มี​นัก​ขึ้น แล้ว​จะ​หื้อ​หมู่​ต้าน​เก็บเกี่ยว​ผล​นัก​ขนาด​จาก​ความ​ใจ๋กว้าง​ของ​หมู่​ต้าน

กาลาเทีย 5:22

แต่​ถ้า​ต้าน​ตังหลาย​หื้อ​พระวิญญาณ​เป๋น​ผู้​นำ​จีวิต ผล​ของ​พระวิญญาณ​นั้น​คือ​ความ​ฮัก ความ​จื้น​จม​ยิน​ดี สันติสุข ความ​อด​ทน ความ​เมตต๋า ความ​ดี ความ​ซื่อสัตย์

เอเฟซัส 5:9

(​ย้อน​ว่า​ความ​เป่งแจ้ง​นั้น​เยียะ​หื้อ​เฮา​เยียะ​แต่​สิ่ง​ดี สิ่ง​ตี้​ถูกต้อง​ต๋าม​ธรรม กับ​สิ่ง​ตี้​เป๋น​ความ​จริง​)

ฟีลิปปี 1:11

พระเยซู​คริสต์​จะ​เยียะ​หื้อ​จีวิต​ของ​หมู่​ต้าน​เต๋ม​ไป​ด้วย​ความ​ดี​งาม เซิ่ง​จะ​เยียะ​หื้อ​พระเจ้า​ได้ฮับ​เกียรติ​กับ​ได้ฮับ​ก๋าน​สรรเสริญ

ฟีลิปปี 4:13

ข้าพเจ้า​เยียะ​ผ่าน​กู้​อย่าง​ได้​ย้อน​พระคริสต์​เป๋น​ผู้​ตี้​หื้อ​แฮง​กับ​ข้าพเจ้า

ฟีลิปปี 4:17

ข้าพเจ้า​อู้​จาอี้​บ่ใจ้​ต้องก๋าน​ฮับ​ของ​อะหยัง​จาก​หมู่​ต้าน แต่​ว่า​ข้าพเจ้า​ใค่​หื้อ​พระเจ้า​ปั๋น​ปอน​หมู่​ต้าน​นักๆ ย้อน​ได้​จ้วยเหลือ​ข้าพเจ้า

โคโลสี 1:10

เปื้อ​ต้าน​จะ​ใจ๊​จีวิต​ตี้​เปิง​เป๋น​คน​ของ​พระเจ้า กับ​เยียะ​หื้อ​พระองค์​ปอใจ๋​ใน​กู้​อย่าง คือ​หื้อ​ต้าน​เกิด​ผล​ใน​ก๋าน​ดี​กู้​เรื่อง กับ​ฮู้จัก​พระเจ้า​นัก​ขึ้น

โคโลสี 1:6

ตี้​มี​คน​มา​บอก​หมู่​ต้าน​แล้ว ข่าวดี​นั้น​ก่ำลัง​เกิด​ผล​กับ​ขยาย​ไป​ใคว่​โลก อย่าง​เดียว​กั๋น​กับ​ตี้​ก่ำลัง​เกิด​กับ​หมู่​ต้าน นับ​ตั้งแต่​ตี้​ต้าน​ได้​ฟัง​กับ​เข้าใจ๋​แต๊ๆ เกี่ยวกับ​พระคุณ​ของ​พระเจ้า

ยากอบ 1:17

ของ​ตี้​ดี​กับ​ดี​พร้อม​กู้​อย่าง​ก็​มา​จาก​สวรรค์ คือ​มา​จาก​พระเจ้า ผู้​ตี้​สร้าง​กู้​อย่าง​ตี้​ส่อง​แสง​ใน​ต๊องฟ้า แต่​พระองค์​บ่เปี่ยนแปลง บ่เหมือน​กับ​สิ่ง​หมู่​นั้น​กาว่า​เงา​ของ​มัน​ตี้​เปี่ยน​ไป​เปี่ยน​มา

1 เปโตร 2:4

หื้อ​มา​หา​พระองค์ ผู้​ตี้​เป๋น​ศิลา​ตี้​มี​จีวิต​อยู่​เต๊อะ เถิงแม้​คน​ใน​โลก​เกย​บ่ยอมฮับ​ศิลา​นี้ แต่​พระองค์​ก็​เป๋น​ศิลา​ตี้​มี​ก้า​นัก​ขนาด​ใน​สายต๋า​ของ​พระเจ้า​ผู้​ตี้​ได้​เลือก​พระองค์​มา

2 เปโตร 3:18

แต่​ขอ​หื้อ​พระคุณ​กับ​ความ​ฮู้​ของ​ต้าน​จ๋ำเริญ​ขึ้น​ติกๆ ใน​เรื่อง​ของ​พระเยซู​คริสต์​องค์​พระ​ผู้​เป๋น​เจ้า ผู้​ตี้​เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา ขอ​เกียรติ​จง​มี​แก่​พระองค์​บ่าเดี่ยว​นี้ และ​ตลอด​ไป อาเมน