ยอห์น 14:12 - พระคริสตธรรมคัมภีร ภาคพันธสัญญาใหม

¹² เฮา​บอก​ความ​จริง​แก่​ต้าน​ตังหลาย​ว่า คน​ตี้​เจื้อ​วางใจ๋​เฮา​ก็​จะ​เยียะ​ก๋าน​ตี้​เฮา​เยียะ​นั้น​ตวย และ​เขา​จะ​เยียะ​ก๋าน​ตี้​ยิ่งใหญ่​นัก​เหลือ​นั้น​แหม ย้อน​ว่า​เฮา​จะ​ไป​หา​พระบิดา

ยอห์น 14:12 Iomraidhean Croise

มัทธิว 21:21

พระเยซู​ตอบ​ว่า “เฮา​บอก​ความ​จริง​แก่​ต้าน​ตังหลาย​ว่า ถ้า​ต้าน​มี​ความ​เจื้อ บ่อิกขะหลิก​ใจ๋​สัก​หน้อย ต้าน​ก็​จะ​เยียะ​จาอี้​ได้​เหมือน​กั๋น จะ​เยียะ​ได้​นัก​เหลือ​นี้​แหม​ตวย บ่ว่า​จะ​สั่ง​ดอย​ม่อน​นี้​ย้าย​ลง​ไป​ใน​ทะเล​เหีย ก็​จะ​เป๋น​ไป​จาอั้น

มาระโก 11:13

เมื่อ​พระองค์​หัน​ใส่​เก๊า​บ่าเดื่อ​เก๊า​นึ่ง​อยู่​ไก๋​ต๋า​มี​ใบ​เต๋ม​เก๊า พระองค์​ก็​เตียว​เข้า​ไป​ผ่อ​ใก้ๆ ว่า​มี​หน่วย​พ่อง​ก่อ เมื่อ​เตียว​เข้า​ไป​ใก้ หัน​มี​ก้า​ใบ​เต๋ม​เก๊า​ไป​หมด แต่​บ่มี​หน่วย​สัก​แก่น ย้อน​ยัง​บ่เถิง​เวลา​ออก​หน่วย​เตื้อ

มาระโก 16:17

คน​ตี้​เจื้อ​จะ​ฮับ​ฤทธิ์​อำนาจ​เยียะ​หมายสำคัญ คือ​จะ​ไล่​ผี​ออก​ด้วย​จื้อ​ของ​เฮา จะ​อู้​ภาษา​อื่นๆ ตี้​บ่เกย​ฮู้

ยอห์น 14:28

ต้าน​ได้ยิน​ตี้​เฮา​บอก​ต้าน​แล้ว​ว่า เฮา​จะ​ละ​หมู่​ต้าน​ไป​และ​จะ​ปิ๊ก​มา​หา​หมู่​ต้าน​แหม ถ้า​หมู่​ต้าน​ฮัก​เฮา หมู่​ต้าน​ก็​จะ​ดีใจ๋​ตี้​เฮา​จะ​ปิ๊ก​ไป​หา​พระบิดา ย้อน​พระบิดา​เป๋น​ใหญ่​เหลือ​ตั๋ว​เฮา

ยอห์น 16:7

แต่​เฮา​บอก​ความ​จริง​แก่​หมู่​ต้าน​ว่า ตี้​เฮา​จาก​หมู่​ต้าน​ไป​นั้น ก็​เป๋น​ก๋าน​ดี​กับ​หมู่​ต้าน​ย้อน​ว่า​ถ้า​เฮา​บ่ไป พระองค์​ผู้จ้วย​ก็​จะ​บ่มา​หา​หมู่​ต้าน แต่​ถ้า​เฮา​ไป เฮา​ก็​จะ​ส่ง​พระองค์​ผู้จ้วย​มา​หา​หมู่​ต้าน

ยอห์น 4:37

จาอั้น ก็​เป๋น​ไป​ต๋าม​กำ​ตี้​ว่า ‘คน​นึ่ง​ปูก แหม​คน​นึ่ง​เกี่ยว’

ยอห์น 5:20

ย้อน​ว่า​พระบิดา​ฮัก​พระบุตร เลย​หื้อ​พระบุตร​หัน​กู้​สิ่ง​กู้​อย่าง​ตี้​พระบิดา​เยียะ แล้ว​พระองค์​จะ​หื้อ​พระบุตร​หัน​สิ่ง​ตี้​ยิ่งใหญ่​นัก​เหลือ​นี้​แหม เป๋น​สิ่ง​ตี้​พระบุตร​จะ​เยียะ แล้ว​หมู่​ต้าน​ก็​จะ​งืด

ยอห์น 7:33

แล้ว​พระเยซู​ก็​อู้​ว่า “เฮา​จะ​อยู่​กับ​หมู่​ต้าน​ไป​แหม​บ่เมิน แล้ว​ก็​จะ​ปิ๊ก​ไป​หา​พระองค์​ผู้​ตี้​ใจ๊​เฮา​มา

ยอห์น 7:39

ตี้​พระเยซู​อู้​จาอั้น​พระองค์​หมาย​เถิง​พระวิญญาณ เซิ่ง​ถ้า​ใผ​เจื้อ​วางใจ๋​พระองค์ ก็​จะ​ได้​ฮับ​พระวิญญาณ​ไป แต่​ยัง​บ่มี​ใผ​ได้​ฮับ​ต๋อน​นั้น ย้อน​พระเยซู​ยัง​บ่ได้​ฮับ​เกียรติ​อัน​ยิ่งใหญ่​ของ​พระองค์​เตื้อ

กิจก๋าน 10:46

ย้อน​หมู่​เขา​ได้ยิน​คน​หมู่​นี้​อู้​ภาษา​อื่นๆ กับ​สรรเสริญ​พระเจ้า เปโตร​ก็​อู้​ขึ้น​ว่า

กิจก๋าน 16:18

นาง​เยียะ​จาอี้​ติดต่อ​กั๋น​หลาย​วัน ก๋วนใจ๋​เปาโล​ขนาด​จ๋น​อด​บ่ได้ เปาโล​จึง​งว้าย​ไป​สั่ง​ผี​ตี้​เข้า​นั้น​ว่า “ใน​นาม​ตึง​อำนาจ​ของ​พระเยซู​คริสต์​ข้า​สั่ง​หื้อ​ออก​จาก​ตั๋ว​นาง​บ่าเดี่ยว​นี้” แล้ว​ผี​ต๋น​นั้น​ก็​ออก​ไป​บ่า​เดี่ยว​นั้น​เลย

กิจก๋าน 19:12

แม้​แต่​ผ้า​เจ๊ด​หน้า​กับ​ผ้า​กั๋น​เปื้อน​ตี้​ถูก​ตั๋ว​เปาโล เมื่อ​เอา​ไป​วาง​บน​ตั๋ว​คน​บ่สบาย โรค​ก็​หาย กับ​ผี​ฮ้าย​ก็​ออก​ตวย

กิจก๋าน 2:33

พระเจ้า​ก็​ฮับ​พระเยซู​ขึ้น​ไป​อยู่​ตัง​เผิก​ขวา​ของ​พระองค์​แล้ว พระเจ้า​ตี้​เป๋น​พระบิดา​ก็​มอบ​พระวิญญาณ​บริสุทธิ์​หื้อ​กับ​พระเยซู ต๋าม​ตี้​สัญญา​ไว้ พระเยซู​ก็​หื้อ​พระวิญญาณ​บริสุทธิ์​นี้​ไว้​กับ​หมู่​เฮา อย่าง​ตี้​หมู่​ต้าน​ได้​หัน​กับ​ได้ยิน​อยู่​แล้ว

กิจก๋าน 2:41

คน​ตังหลาย​ตี้​ยอมฮับ​สิ่ง​ตี้​เปโตร​อู้​ก็​ฮับ​บัพติศมา ใน​วัน​นั้น​มี​คน​เข้า​มา​เป๋น​ผู้เจื้อ​ประมาณ​สาม​ปัน​คน

กิจก๋าน 4:16

“หมู่​เฮา​จะ​เอา​จาใด​กับ​สอง​คน​นี้​ดี​หา ย้อน​คน​ตังหลาย​ตี้​อยู่​ใน​กรุง​เยรูซาเล็ม​ก็​ฮู้​แล้ว​ว่า​สอง​คน​นี้​เยียะ​ก๋าน​อัศจ๋รรย์​ตี้​ยิ่งใหญ่ หมู่​เฮา​จะ​บ่ยอมฮับ​ก็​บ่ได้

กิจก๋าน 4:33

หมู่​อัครทูต​ได้​อู้​อย่าง​มี​อำนาจ เป๋น​พยาน​เรื่อง​พระเยซู​องค์​พระ​ผู้​เป๋น​เจ้า​เป๋น​ขึ้น​จาก​ความ​ต๋าย แล้ว​พระเจ้า​ก็​ปั๋นปอน​หมู่​เขา​กู้​คู่​กู้​คน​นัก​ขนาด

กิจก๋าน 4:4

แต่​หลาย​คน​ตี้​ฟัง​ก็​เจื้อ​ใน​เรื่อง​ตี้​เปโตร​กับ​ยอห์น​สั่ง​สอน จ๋น​บ่าเดี่ยวนี้​มี​ผู้เจื้อ​ตี้​เป๋น​ป้อจาย​ประมาณ​ห้า​ปัน​คน​แล้ว

กิจก๋าน 5:15

ย้อน​สิ่ง​ตี้​หมู่​อัครทูต​ได้​เยียะ​นั้น คน​ตังหลาย​ก็​ปา​กั๋น​หาม​คน​เจ็บ​คน​ป่วย​ไป​วาง​บน​ตี้นอน​กับ​สาด​แล้ว​ไป​ไว้​ข้าง​ตาง เปื้อ​อย่าง​หน้อย​เวลา​ตี้​เปโตร​เตียว​ก๋าย​ไป เงา​ของ​ต้าน​อาจ​จะ​ฟาด​ถูก​ตั๋ว​ของ​คน​ป่วย​หมู่​นั้น​พ่อง แล้ว​จะ​หาย​ป่วย

กิจก๋าน 6:7

ก๋าน​บอก​ถ้อยกำ​ของ​พระเจ้า​ก็​แผ่​ขยาย​กว้าง​ออก​ไป​ติกๆ มี​คน​มา​ฮับเจื้อ​พระเยซู​ใน​กรุง​เยรูซาเล็ม​นัก​ขึ้น​เวย​ขนาด กับ​มี​หมู่​ปุโรหิต​หลาย​คน​ฮับเจื้อ​ตวย

กิจก๋าน 8:7

เจ้น เมื่อ​ฟีลิป​ไล่​ผี​ฮ้าย ผี​ฮ้าย​ตี้​เข้า​คน​อยู่​ก็​ฮ้อง​เสียง​ดัง​ออก​ไป​จาก​คน​นั้น​เหีย หมู่​คน​ตี้​เป๋น​โรค​ต๋ายผาก​กับ​คน​ง่อย​ก็​ฮับ​ก๋าน​ฮักษา​จ๋น​หาย

กิจก๋าน 9:34

เปโตร​อู้​กับ​เขา​ว่า “ไอเนอัส​เหย พระเยซู​คริสต์​ฮักษา​ต้าน​หื้อ​หาย​แล้ว ลุก​ขึ้น​เก็บ​ตี้นอน​เหีย​เต๊อะ” แล้ว​ไอเนอัส​ก็​ลุก​ขึ้น​บ่า​เดี่ยว​นั้น

กิจก๋าน 9:40

เปโตร​จึง​ขอ​หื้อ​หมู่​เขา​ออก​ไป​ตัง​นอก ต้าน​ก็​คุก​เข่า​อธิษฐาน แล้ว​บิ่น​หน้า​มา​ตัง​ศพ​อู้​ว่า “ทาบิธา​ลุก​ขึ้น​เต๊อะ” นาง​ก็​มืน​ต๋า​ขึ้น เมื่อ​หัน​เปโตร นาง​ก็​ลุก​ขึ้น​นั่ง

โรม 15:19

คือ​โดย​ฤทธิ์​อำนาจ​ของ​หมายสำคัญ​กับ​ก๋าน​อัศจ๋รรย์​ต่างๆ ตึง​ฤทธิ์​อำนาจ​ของ​พระวิญญาณ​บริสุทธิ์ ข้าพเจ้า​ก็​ได้​บอก​ข่าวดี​เรื่อง​พระเยซู​คริสต์​กู้ๆ ตี้ ตั้งเก๊า​ตี้​กรุง​เยรูซาเล็ม​ไป​จ๋น​แผว​เมือง​อิลลีริคุม