ยอห์น 11:52 - พระคริสตธรรมคัมภีร ภาคพันธสัญญาใหม

⁵² และ​พระองค์​บ่ได้​ต๋าย​เปื้อ​จาว​ยิว​เต้าอั้น แต่​เปื้อ​จะ​รวม​คน​ของ​พระเจ้า​ตี้​แตก​ขะแล​ขะแจ​ไป​ใคว่​โลก​หื้อ​มา​อยู่​เป๋น​หมู่​เดียว​กั๋น

ยอห์น 11:52 Iomraidhean Croise

ลูก๋า 15:8

“กาว่า​แม่ญิง​คน​ใด​มี​เหรียญ​เงิน​สิบ​เหรียญ แต่​เหรียญ​นึ่ง​หาย​ไป​จะ​บ่ต๋าม​โกม​ไฟ​กวาด​เฮือน​เซาะ​หา​จ๋น​ปะ​กา

ลูก๋า 2:32

ผู้​ตี้​เป๋น​แสง​ส่อง​แจ้ง​หื้อ​คน​ต่างจ้าด​ฮู้จัก​พระเจ้า กับ​เป๋น​ผู้​นำ​เกียรติ​อัน​ยิ่งใหญ่​มา​หื้อ​จาว​อิสราเอล​คน​ของ​พระเจ้า”

ยอห์น 1:12

แต่​ใผ​ตี้​ยอมฮับ​และ​เจื้อ​วางใจ๋​ใน​พระองค์ พระองค์​ก็​หื้อ​สิทธิ์​เขา​เป๋น​ลูก​ของ​พระเจ้า

ยอห์น 1:29

แหม​วัน​นึ่ง ยอห์น​หัน​พระเยซู​เตียว​ซื่อ​มา​ตาง​เขา ยอห์น​ก็​เอิ้น​ว่า “หั้น​ลอ ลูก​แกะ​ของ​พระเจ้า ตี้​จะ​มา​ฮับ​เอา​โต้ษ​บาป​ของ​โลก​ไป

ยอห์น 10:16

เฮา​มี​แกะ​ตั๋ว​อื่น​ตี้​บ่ใจ้​ของ​คอก​นี้ แกะ​หมู่​นั้น​เฮา​ก็​ต้อง​ปา​มา​ตวย กับ​แกะ​หมู่​นั้น​ก็​จะ​ฟัง​เสียง​เฮา แล้ว​เฮา​ก็​จะ​เอา​แกะ​มา​เปาะ​เป๋น​หมู่​เดียว​กั๋น​ตี้​มี​คน​เลี้ยง​คน​เดียว​เต้าอั้น

ยอห์น 12:32

เมื่อ​เฮา​ถูก​ยก​ขึ้น​จาก​แผ่นดิน​โลก เฮา​ก็​จะ​จั๊ก​นำ​กู้​คน​มา​เจื้อ​วางใจ๋​เฮา”

กิจก๋าน 18:10

เฮา​อยู่​กับ​เจ้า จะ​บ่มี​ใผ​เข้า​มา​เยียะ​ฮ้าย​ต่อ​เจ้า ย้อน​ใน​เมือง​นี้​มี​คน​จ๋ำนวน​นัก​ตี้​เป๋น​คน​ของ​เฮา”

โรม 3:29

พระเจ้า​เป๋น​พระเจ้า​ของ​จาว​ยิว​เต้าอั้น​กา พระองค์​บ่ใจ้​เป๋น​พระเจ้า​ของ​คน​ต่างจ้าด​ตวย​กา แน่นอน​ตี้​สุด พระองค์​ก็​เป๋น​พระเจ้า​ของ​คน​ต่างจ้าด​ตวย

โรม 4:17

ต๋าม​ตี้​มี​เขียน​ใน​พระคัมภีร์​ไว้​ว่า “เฮา​หื้อ​เจ้า​เป๋น​ป้อ​ของ​คน​หลาย​จ้าด” มี​ความหมาย​จาอี้​ว่า อับราฮัม​เป๋น​ป้อ​ของ​หมู่​เฮา​ใน​สายต๋า​ของ​พระเจ้า​ตี้​ต้าน​เจื้อ คือ​พระเจ้า​ผู้​เยียะ​หื้อ​คน​ต๋าย​เป๋น​ขึ้น​มา​ใหม่​กับ​สั่ง​สิ่ง​ตี้​ยัง​บ่มี​หื้อ​เกิด​ขึ้น

เอเฟซัส 1:5

ย้อน​พระองค์​ฮัก​เฮา พระองค์​จึง​ได้​ก๋ำหนด​เฮา​ไว้​ก่อน​แล้ว​ว่า หื้อ​เฮา​เป๋น​ลูก​ของ​พระองค์​โดย​ตาง​พระเยซู​คริสต์ นี่​เป๋น​สิ่ง​ตี้​พระองค์​ปอใจ๋​กับ​เป๋น​ความ​ต้องก๋าน​ของ​พระองค์

เอเฟซัส 3:11

ก็​เป๋น​ไป​ต๋าม​แผนก๋าน​ตี้​พระองค์​วาง​ไว้​ตั้งแต่​เก๊า เซิ่ง​เรื่อง​นี้​พระองค์​ก็​เยียะ​สำเร็จ​แล้ว​ผ่าน​ตาง​พระเยซู​คริสต์ องค์​พระผู้เป๋นเจ้า​ของ​เฮา

ยากอบ 1:1

จดหมาย​ฉบับ​นี้​จาก​ข้าพเจ้า ยากอบ ผู้​ฮับใจ๊​ของ​พระเจ้า​ตึง​ของ​พระเยซู​คริสต์​องค์​พระผู้เป๋นเจ้า ขอ​ตั๊กตวาย​คน​ของ​พระเจ้า​กู้​คน​ตี้​แตก​ขะแล​ขะแจ​ไป​ใคว่​โลก

1 เปโตร 1:1

จดหมาย​ฉบับ​นี้​จาก เปโตร​อัครทูต​ของ​พระเยซู​คริสต์ เถิง​คน​ตี้​เป๋น​เหมือน​คน​ต่างด้าว​ของ​โลก​นี้​ตี้​พระเจ้า​ได้​เลือก​ไว้ ตี้​ได้​แตก​ขะแล​ขะแจ​ไป​อยู่​ต๋าม​แคว้น​ปอนทัส แคว้น​กาลาเทีย แคว้น​คัปปาโดเซีย แคว้น​เอเชีย กับ​แคว้น​บิธีเนีย

1 ยอห์น 2:2

พระองค์​เป๋น​เครื่อง​ปู่จา​ฮับ​เอา​ความ​บาป​ของ​เฮา​ไป พระองค์​บ่ได้​ฮับ​เอา​ความ​บาป​ของ​หมู่​เฮา​เต้าอั้น แต่​ฮับ​เอา​ของ​คน​ตึง​โลก​ไป​ตวย

1 ยอห์น 3:1

ลอง​กึ๊ด​ผ่อ​เต๊อะ พระบิดา​ฮัก​เฮา​นัก​ขนาด​ไหน เถิง​ได้​ฮ้อง​เฮา​ว่า​เป๋น​ลูก​ของ​พระองค์ แล้ว​เฮา​ก็​เป๋น​จาอั้น​แต๊ๆ โลก​บ่ฮู้จัก​เฮา​ก็​ย้อน​ว่า​โลก​บ่ฮู้จัก​พระองค์

1 ยอห์น 3:10

จาอั้น​เฮา​จึง​ฮู้​ได้​ว่า​ใผ​เป๋น​ลูก​ของ​พระเจ้า ใผ​เป๋น​ลูก​ของ​มาร คน​ตี้​บ่เยียะ​สิ่ง​ตี้​ถูกต้อง กาว่า​บ่ได้​ฮัก​ปี้น้อง​ผู้เจื้อ​ของ​ตั๋ว ก็​บ่ใจ้​ลูก​ของ​พระเจ้า

1 ยอห์น 3:2

ต้าน​ตี้​ฮัก​ตังหลาย ต๋อน​นี้​เฮา​ได้​เป๋น​ลูก​ของ​พระเจ้า​แล้ว เฮา​ยัง​บ่ฮู้​ว่า​ต่อ​ไป​ตังหน้า​เฮา​จะ​เป๋น​จาใด แต่​เฮา​ฮู้​ว่า​เมื่อ​พระคริสต์​มา​ป๋ากฏ เฮา​จะ​เป๋น​เหมือน​พระองค์ ย้อน​ว่า​เฮา​จะ​หัน​พระองค์​ต๋าม​ตี้​พระองค์​เป๋น​แต๊ๆ

วิวรณ์ 5:9

หมู่​เขา​ก็​ฮ้อง​เพลง​บท​ใหม่​ว่า “พระองค์​เป๋น​ผู้​ตี้​สมควร​ตี้​จะ​ได้ฮับ​หนังสือ​ม้วน​นี้ กับ​แกะ​ก๋า​ออก ย้อน​พระองค์​ได้​ถูก​ฆ่า​แล้ว กับ​ได้​ไถ่​คน​ตังหลาย​หื้อ​พระเจ้า​โดย​เลือด​ของ​พระองค์ เซิ่ง​คน​หมู่​นั้น​มา​จาก​กู้​เผ่า กู้​ภาษา กู้​จ้าด กับ​กู้​บ้านเมือง