ยอห์น 10:5 - พระคริสตธรรมคัมภีร ภาคพันธสัญญาใหม

⁵ แกะ​จะ​บ่ตวย​คน​อื่น แต่​จะ​หนี​จาก​คน​นั้น​ไป​เหีย ย้อน​บ่ฮู้จัก​เสียง​คน​อื่น​ตี้​บ่ใจ้​คน​เลี้ยง”

ยอห์น 10:5 Iomraidhean Croise

มาระโก 4:24

พระองค์​อู้​กับ​หมู่​เขา​แหม​ว่า “หื้อ​เอา​ใจ๋​ใส่​ใน​สิ่ง​ตี้​ต้าน​ได้​ฟัง​หื้อ​ดีๆ ต้าน​จะ​สวน​สิ่ง​ตี้​ฟัง​มา​ด้วย​ต๋าง​แก่น​ใด พระเจ้า​จะ​สวน​ความ​เข้าใจ๋​คืน​หื้อ​ต้าน​ด้วย​ต๋าง​แก่น​นั้น ป๋าย​บ่ปอ​จะ​เตื่อม​แถ้ง​หื้อ​แหม

ลูก๋า 8:18

ย้อน​จาอั้น ต้าน​ตังหลาย​ฟัง​หื้อ​ดีๆ คน​ตี้​เข้าใจ๋​อยู่​แล้ว​ก็​จะ​เข้าใจ๋​นัก​ขึ้น​แหม ส่วน​คน​ตี้​บ่เข้าใจ๋ แม้​ตี้​เขา​กึ๊ด​ว่า​เขา​เข้าใจ๋ พระเจ้า​จะ​เอา​ไป​จาก​เขา​เหีย”

ยอห์น 10:16

เฮา​มี​แกะ​ตั๋ว​อื่น​ตี้​บ่ใจ้​ของ​คอก​นี้ แกะ​หมู่​นั้น​เฮา​ก็​ต้อง​ปา​มา​ตวย กับ​แกะ​หมู่​นั้น​ก็​จะ​ฟัง​เสียง​เฮา แล้ว​เฮา​ก็​จะ​เอา​แกะ​มา​เปาะ​เป๋น​หมู่​เดียว​กั๋น​ตี้​มี​คน​เลี้ยง​คน​เดียว​เต้าอั้น

ยอห์น 10:4

เมื่อ​ต้อน​แกะ​ของ​ตั๋ว​ออก​จาก​คอก​หมด​แล้ว เขา​ก็​เตียว​นำ​หน้า​แกะ แล้ว​แกะ​ก็​ตวย​ก้น​เขา​ไป ย้อน​แกะ​ฮู้จัก​เสียง​คน​เลี้ยง

2 ทิโมธี 4:3

ย้อน​ว่า​จะ​เถิง​เวลา​นึ่ง ตี้​คน​จะ​ยอม​ทน​ฟัง​หลัก​กำสอน​ตี้​ถูกต้อง​บ่ได้ แต่​หมู่​เขา​จะ​รวบรวม​ครู​หลาย​คน​เอา​ไว้​หื้อ​มา​อู้​ใน​สิ่ง​ตี้​หมู่​เขา​ใค่​ฟัง เปื้อ​เอาใจ๋​ตั๋ว​หมู่​เขา​เอง

1 ยอห์น 2:19

ศัตรู๋​หมู่​นี้​เป๋น​หมู่​ตี้​ได้​ละ​หมู่​เฮา​ไป แต่​หมู่​เขา​บ่ได้​เป๋น​คน​ของ​หมู่​เฮา​แต๊ๆ ถ้า​เป๋น​ก็​จะ​ต้อง​อยู่​ตวย​เฮา​ต่อไป แต่​หมู่​เขา​ละ​หมู่​เฮา​ไป​แล้ว แสดง​ว่า​บ่มี​ใผ​สัก​คน​ใน​หมู่​เขา​ตี้​เป๋น​คน​ของ​หมู่​เฮา​แต๊ๆ

1 ยอห์น 2:21

ตี้​ข้าพเจ้า​เขียน​เถิง​หมู่​ต้าน บ่ใจ้​ว่า​ย้อน​หมู่​ต้าน​บ่ฮู้​ความ​จริง​นี้ แต่​ย้อน​ว่า​หมู่​ต้าน​ฮู้​แล้ว กับ​ยัง​ฮู้​แหม​ว่า​กำจุกำล่าย​บ่ได้​ออก​มา​จาก​ความ​จริง

วิวรณ์ 2:2

เฮา​ฮู้​สิ่ง​ตี้​หมู่​ต้าน​เยียะ ฮู้​เถิง​ก๋าน​หนัก​ตี้​หมู่​ต้าน​เยียะ ฮู้​เถิง​ความ​อดทน​อย่าง​หนัก​ของ​หมู่​ต้าน ฮู้​ว่า​หมู่​ต้าน​ทน​บ่ไหว​กับ​คน​บ่ดี​หมู่​นั้น กับ​หมู่​ต้าน​ก็​ได้​ทดสอบ​คน​หมู่​นั้น​ตี้​แอบ​อ้าง​เป๋น​หมู่​อัครทูต แต๊ๆ บ่ใจ้ แล้ว​หมู่​ต้าน​ก็​หัน​ได้​ว่า​หมู่​เขา​ขี้​จุ