ยอห์น 1:13 - พระคริสตธรรมคัมภีร ภาคพันธสัญญาใหม

¹³ บ่ใจ้​ลูก​ตี้​เกิด​จาก​คน กาว่า​เกิด​จาก​ความ​ต้องก๋าน​ตาง​ก๋าย กาว่า​เกิด​จาก​ความ​ต้องก๋าน​ของ​ป้อแม่ แต่​พระเจ้า​เยียะ​หื้อ​เป๋น​ลูก​ของ​พระองค์

ยอห์น 1:13 Iomraidhean Croise

มัทธิว 3:9

บ่ดี​กึ๊ด​เอา​คน​เดียว​ว่า ‘หมู่​เฮา​บ่ต้อง​ถูก​ลงโต้ษ ย้อน​ว่า​หมู่​เฮา​เป๋น​ลูก​หลาน​ต๋านเต๊า​ของ​อับราฮัม’ เฮา​จะ​บอก​หื้อ​ฮู้​ว่า พระเจ้า​จะ​เยียะ​หื้อ​บ่าหิน​หมู่​นี้​ก๋าย​เป๋น​ลูก​หลาน​ของ​อับราฮัม​ก็​ได้​เน่อ

ยอห์น 3:3

พระเยซู​ก็​บอก​ว่า “เฮา​บอก​ความ​จริง​แก่​ต้าน​ว่า ใผ​บ่เกิด​ใหม่​ก็​บ่หัน​แผ่นดิน​ของ​พระเจ้า”

1 โครินธ์ 3:6

ข้าพเจ้า​เป๋น​คน​ปูก อปอลโล​เป๋น​คน​หด​น้ำ แต่​พระเจ้า​เป๋น​ผู้​ตี้​เยียะ​หื้อ​เติบใหญ่​ขึ้น

ฟีลิปปี 2:13

หมู่​ต้าน​เยียะ​จาอี้​ได้ ย้อน​ว่า​พระเจ้า​ก่ำลัง​จ้วย​จิตใจ๋​ของ​หมู่​ต้าน​หื้อ​สามารถ​เยียะ​ตวย​ต๋าม​ความ​ต้องก๋าน​ของ​พระองค์​อย่าง​เต๋ม​ใจ๋

ทิตัส 3:5

พระองค์​ก็​จ้วย​หื้อ​เฮา​รอด​ป๊น​บาป​โต้ษ บ่ใจ๊​ย้อน​ก๋าน​เยียะ​สิ่ง​ตี้​ถูกต้อง​ต๋าม​ธรรม แต่​ย้อน​ความ​เมตต๋า​ของ​พระองค์ พระองค์​ซ่วย​ล้าง​บาป​ของ​เฮา​ออก​ไป กับ​เยียะ​หื้อ​เฮา​เป๋น​คน​ใหม่ มี​จีวิต​ใหม่ โดย​ฤทธิ์​เดช​ของ​พระวิญญาณ​บริสุทธิ์

ยากอบ 1:18

เป๋น​ความ​ต้องก๋าน​ของ​พระองค์ ตี้​หื้อ​เฮา​เกิด​ใหม่​โดย​ถ้อยกำ​ตี้​เป๋น​ความ​จริง เปื้อ​หื้อ​เฮา​ได้​เป๋น​เก๊า​เหง้า​ของ​กู้​อย่าง​ตี้​พระองค์​สร้าง​ขึ้น

1 เปโตร 1:23

ย้อน​ว่า​หมู่​ต้าน​ได้​เกิด​ใหม่​แล้ว​จาก​ถ้อยกำ​ของ​พระเจ้า​ตี้​มี​จีวิต​ตลอด​ไป บ่ใจ้​จาก​คน​ตี้​มี​วัน​ต๋าย

1 เปโตร 1:3

สรรเสริญ​พระเจ้า​พระบิดา​ของ​พระเยซู​คริสต์​องค์​พระผู้เป๋นเจ้า​ของ​เฮา ย้อน​ความ​เมตต๋า​อัน​ยิ่งใหญ่​ของ​พระองค์​ตี้​เยียะ​หื้อ​เฮา​ได้​เกิด​ใหม่​โดย​ก๋าน​เยียะ​หื้อ​พระเยซู​เป๋น​ขึ้น​จาก​ความ​ต๋าย จีวิต​ของ​เฮา​จึง​มี​ความ​หวัง​ตี้​แน่นอน

1 เปโตร 2:2

หื้อ​เป๋น​อย่าง​หละอ่อน​หน้อย ตี้​ใค่​อยาก​กิ๋น​นม​ฝ่าย​วิญญาณ​ตี้​บริสุทธิ์​เปื้อ​หมู่​ต้าน​จะ​ได้​เติบใหญ่​ฝ่าย​จิตวิญญาณ​ขึ้น แล้ว​ฮับ​ความ​รอด​ป๊น​บาป​โต้ษ

1 ยอห์น 3:9

คน​ใด​ตี้​เกิด​จาก​พระเจ้า คน​นั้น​จะ​บ่เยียะ​บาป​แหม​ต่อไป ย้อน​ว่า​ตั๋ว​เขา​มี​เจื๊อ​ของ​พระเจ้า​อยู่ เขา​เป๋น​ลูก​ของ​พระเจ้า​แล้ว จึง​เยียะ​บาป​แหม​บ่ได้

1 ยอห์น 4:7

ต้าน​ตี้​ฮัก​ตังหลาย ขอ​หื้อ​เฮา​ฮัก​กั๋น​ไว้​เน่อ ย้อน​ว่า​ความ​ฮัก​นั้น​มา​จาก​พระเจ้า คน​ตี้​ฮัก​เซิ่ง​กั๋น​และ​กั๋น ก็​เป๋น​ลูก​ของ​พระเจ้า​กับ​ฮู้จัก​พระเจ้า

1 ยอห์น 5:1

คน​ตี้​เจื้อ​ว่า​พระเยซู​เป๋น​พระคริสต์ ก็​ได้​จื้อ​ว่า​เป๋น​ลูก​ของ​พระเจ้า กับ​คน​ตี้​ฮัก​ป้อ​ก็​จะ​ฮัก​ลูกๆ ของ​เขา​ตวย

1 ยอห์น 5:18

เฮา​ฮู้​ว่า​คน​ตี้​เป๋น​ลูก​ของ​พระเจ้า​จะ​บ่เยียะ​บาป​แหม​ต่อไป พระบุตร​ของ​พระเจ้า​ก็​ผ่อกอย​หื้อ​เขา​ปลอดภัย มาร​ฮ้าย​จะ​บ่สามารถ​เยียะ​อะหยัง​เขา​ได้

1 ยอห์น 5:4

ย้อน​คน​ตี้​เป๋น​ลูก​ของ​พระเจ้า​ก็​มี​ชัย​เหนือ​โลก ความ​เจื้อ​ของ​เฮา​เอง​คือ​ตาง​ตี้​จะ​มี​ชัย​เหนือ​โลก​ได้