ยากอบ 4:4 - พระคริสตธรรมคัมภีร ภาคพันธสัญญาใหม

⁴ หมู่​คน​บ่ซื่อสัตย์ ต้าน​ตังหลาย​บ่ฮู้​กา ว่า​ก๋าน​เป๋น​เปื้อน​กับ​โลก​นี้​ก็​เต้า​กับ​เป๋น​ศัตรู๋​ของ​พระเจ้า จาอั้น​ใผ​ตี้​ใค่​อยาก​เป๋น​เปื้อน​กับ​โลก ก็​ตั้ง​ตั๋ว​เป๋น​ศัตรู๋​ของ​พระเจ้า

ยากอบ 4:4 Iomraidhean Croise

มัทธิว 12:39

พระเยซู​ก็​ตอบ​ว่า “มี​ก้า​หมู่​คน​บ่ดี​กับ​คน​บ่ซื่อสัตย์​ต่อ​พระเจ้า​ตี้​ฮ้อง​ขอ​หื้อ​เยียะ​หมายสำคัญ​หื้อ​ผ่อ แต่​พระเจ้า​จะ​บ่เยียะ​หื้อ​หัน​เน่อ นอก​จาก​หมายสำคัญ​ตี้​เกิด​ขึ้น​กับ​โยนาห์ ผู้​เป๋น​ปาก​เป๋น​เสียง​แตน​พระเจ้า

มัทธิว 16:4

มี​ก้า​หมู่​คน​บ่ดี​กับ​คน​บ่ซื่อสัตย์​ต่อ​พระเจ้า ตี้​ฮ้อง​ขอ​หื้อ​เยียะ​หมายสำคัญ​หื้อ​ผ่อ แต่​พระเจ้า​จะ​บ่เยียะ​หื้อ​หัน​เน่อ นอก​จาก​หมายสำคัญ​ตี้​เกิด​ขึ้น​กับ​โยนาห์​ผู้​เป๋น​ปาก​เป๋น​เสียง​แตน​พระเจ้า” แล้ว​พระเยซู​ก็​ละ​หมู่​เขา​ไป

มัทธิว 6:24

“บ่มี​ใผ​จะ​ฮับ​ใจ๊​เจ้านาย​สอง​คน​พร้อม​กั๋น​ได้ ย้อน​ว่า​เขา​จะ​จัง​นาย​คน​นึ่ง แล้ว​ก็​ฮัก​นาย​แหม​คน​นึ่ง กาว่า​เขา​ก็​จะ​ซื่อสัตย์​กับ​นาย​คน​นึ่ง​แต่​จะ​ดู​ถูก​ดู​แควน​นาย​แหม​คน​นึ่ง เจ้น​เดียว​กั๋น​ต้าน​จะ​ฮับใจ๊​พระเจ้า​แล้ว​จะ​ฮับใจ๊​เงินคำ​พร้อม​กั๋น​บ่ได้

ลูก๋า 19:27

ส่วน​หมู่​ศัตรู๋​ตังหลาย​ตี้​บ่ยอม​หื้อ​เฮา​เป๋น​กษัตริย์​ปกครอง​เขา หื้อ​ปา​มา​นี้​ฆ่า​เหีย​ต่อ​หน้า​เฮา’ ”

ยอห์น 15:19

ถ้า​หมู่​ต้าน​เป๋น​คน​ของ​โลก​นี้ โลก​นี้​ก็​จะ​ฮัก​หมู่​ต้าน​ตี้​เป๋น​คน​ของ​โลก แต่​หมู่​ต้าน​บ่ได้​เป๋น​คน​ของ​โลก​แล้ว ย้อน​เฮา​ได้​เลือก​หมู่​ต้าน​หื้อ​ออก​จาก​โลก จาอั้น​โลก​เลย​จัง​หมู่​ต้าน

ยอห์น 17:14

ข้า​พระองค์​ได้​หื้อ​ถ้อยกำ​ของ​พระองค์​กับ​หมู่​เขา​แล้ว และ​โลก​นี้​จัง​หมู่​เขา ย้อน​ว่า​หมู่​เขา​บ่ใจ้​ของ​โลก​เหมือน​กับ​ตี้​ข้า​พระองค์​บ่ใจ้​ของ​โลก

ยอห์น 7:7

คน​ใน​โลก​นี้​เขา​บ่มี​อะหยัง​หื้อ​จัง​หมู่​น้อง แต่​หมู่​เขา​จัง​เฮา​ย้อน​เฮา​บอก​ว่า​หมู่​เขา​เยียะ​บ่ดี

โรม 5:10

ย้อน​ว่า​ต๋อน​ตี้​เฮา​ยัง​เป๋น​ศัตรู๋​ต่อ​พระเจ้า​นั้น พระบุตร​ของ​พระเจ้า​ยัง​ต๋าย​เปื้อ​หมู่​เฮา เยียะ​หื้อ​หมู่​เฮา​ได้​คืนดี​กับ​พระเจ้า นัก​เหลือ​นั้น​แหม หมู่​เฮา​ก็​จะ​รอด​จาก​ก๋าน​ลงโต้ษ​ของ​พระเจ้า​โดย​จีวิต​ของ​พระองค์

โรม 8:7

ย้อน​ว่า​จิตใจ๋​ตี้​ใค่​เยียะ​ตวย​ต๋าม​สันดาน​บาป​ก็​เป๋น​ศัตรู๋​พระเจ้า คือ​บ่ยอม​เยียะ​ต๋าม​บท​บัญญัติ​ของ​พระเจ้า แต๊ๆ แล้ว​เยียะ​ต๋าม​บ่ได้

1 โครินธ์ 1:20

ไหน​หมู่​คน​หลวก ไหน​หมู่​ธรรมาจ๋ารย์ ไหน​หมู่​นัก​ปราชญ์​สมัย​นี้ พระเจ้า​เยียะ​หื้อ​หัน​แล้ว​บ่ใจ้​กา ว่า​ปั๋ญญา​ของ​โลก​นี้​มัน​ง่าว

1 โครินธ์ 1:21

ย้อน​พระเจ้า​ได้​ใจ๊​พระ​ปั๋ญญา​ของ​พระองค์​วางแผน​ไว้​แล้ว​ว่า โลก​จะ​บ่สามารถ​ฮู้จัก​พระองค์​โดย​ก๋าน​เปิ้ง​ปั๋ญญา​ของ​ตั๋ว​เก่า พระเจ้า​จึง​ตั้งใจ๋​ตี้​จะ​จ้วย​คน​ตี้​เจื้อ​วางใจ๋​หื้อ​รอด​ป๊น​บาป​โต้ษ โดย​กำ​เตสนา​ง่าวๆ ของ​หมู่​เฮา​หมู่​นี้​แตน

กาลาเทีย 1:10

ตี้​อู้​จาอี้​ข้าพเจ้า​อู้​เอาใจ๋​คน​กา บ่ใจ้​เน่อ ข้าพเจ้า​ก่ำลัง​เยียะ​หื้อ​พระเจ้า​ปอใจ๋ ข้าพเจ้า​อู้​หื้อ​คน​ยอมฮับ​กา ถ้า​ข้าพเจ้า​เป๋น​จาอั้น ข้าพเจ้า​ก็​บ่มา​เป๋น​คน​ฮับใจ๊​พระคริสต์​อยู่​จาอี้​แน่ๆ

ยากอบ 1:27

ศาสนา​ตี้​บริสุทธิ์​กับ​ตี้​แต๊​จริง​ใน​สายต๋า​ของ​พระเจ้า​พระบิดา ก็​คือ ก๋าน​จ้วยเหลือ​หละอ่อน​ก่ำพร้า​กับ​หมู่​แม่​หม้าย​ตี้​ได้ฮับ​ความ​ตุ๊กยาก และ​ฮักษา​ตั๋ว​หื้อ​ป๊น​จาก​บาป​ของ​โลก​นี้