ยากอบ 2:5 - พระคริสตธรรมคัมภีร ภาคพันธสัญญาใหม

⁵ ปี้น้อง​ตี้​ข้าพเจ้า​ฮัก​เหย ฟัง​หื้อ​ดี​เน่อ พระเจ้า​เลือก​คน​ตุ๊ก​ใน​โลก​นี้​หื้อ​เป๋น​คน​ร่ำรวย​ใน​ความ​เจื้อ กับ​หื้อ​มา​ฮับ​ส่วนแบ่ง​ใน​แผ่นดิน​สวรรค์​ตี้​พระเจ้า​ได้​สัญญา​ไว้​ว่า​จะ​หื้อ​กับ​คน​ตี้​ฮัก​พระองค์​บ่ใจ้​กา

ยากอบ 2:5 Iomraidhean Croise

มัทธิว 11:5

คือ​คน​ต๋าบอด​ก็​ผ่อ​หัน​ได้ คน​ง่อย​ก็​เตียว​ได้ คน​ขี้ตู้ด​ก็​หาย​สะอาด คน​หู​หนวก​ก็​ได้​ยิน คน​ต๋าย​ก็​เป๋น​ขึ้น​จาก​ความ​ต๋าย กับ​คน​ตุ๊ก​คน​ยาก​ก็​ได้​ฟัง​ข่าวดี

มัทธิว 25:34

“แล้ว​พระองค์​ผู้​เป๋น​กษัตริย์​จะ​อู้​กับ​หมู่​ตี้​อยู่​ตัง​ขวา​มือ​ว่า ‘ต้าน​ตังหลาย​ตี้​ได้ฮับ​ปอน​จาก​พระบิดา​ของ​เฮา เจิญ​ฮับ​อาณาจักร​ตี้​ได้​เกียม​ไว้​สำหรับ​ต้าน​ตังหลาย​ตั้งแต่​สร้าง​โลก​มา​แล้ว

มัทธิว 5:3

“คน​ใด​ตี้​ตุ๊กยาก​ตาง​ฝ่าย​วิญญาณ พระเจ้า​โผด​หื้อ​คน​นั้น​เป๋น​สุข ย้อน​ว่า​เขา​ได้​เป๋น​คน​ของ​แผ่นดิน​สวรรค์​แล้ว

มาระโก 7:14

พระเยซู​ก็​ฮ้อง​คน​ตังหลาย​เข้า​มา​หา​แหม แล้ว​อู้​กับ​หมู่​เขา​ว่า “หมู่​ต้าน​กู้​คน​ฟัง​หื้อ​ดีๆ หื้อ​เข้าใจ๋​แต๊ๆ เน่อ

ลูก๋า 12:21

“คน​ตี้​สะสม​ทรัพย์​สมบัติ​ไว้​หื้อ​ตั๋ว​เก่า แต่​บ่ได้​ร่ำรวย​ใน​สิ่ง​ดี​ใน​สายต๋า​พระเจ้า​ก็​เป๋น​จาอั้น​ละ”

ลูก๋า 12:32

“หมู่​แกะ​หน้อยๆ เหย บ่ถ้า​กั๋ว​เน่อ พระบิดา​ของ​หมู่​ต้าน​ปอใจ๋​ตี้​จะ​หื้อ​หมู่​ต้าน​อยู่​ใน​แผ่นดิน​ของ​พระองค์

ลูก๋า 16:22

ต่อ​มา​ขอตาน​คน​นั้น​ต๋าย หมู่​ทูตสวรรค์​ก็​ปา​เขา​ไป​อยู่​กับ​อับราฮัม​บน​สวรรค์ แหม​บ่เมิน​เศรษฐี​นั้น​ต๋าย ก็​ถูก​ฝัง​ไว้

ลูก๋า 16:25

อับราฮัม​จึง​ตอบ​ว่า ‘ลูก​เหย เจ้า​กึ๊ด​ผ่อ​เต๊อะ​ว่า​เมื่อ​ยัง​มี​จีวิต​อยู่ เจ้า​ได้​ของ​ดี​มา​ตลอด แต่​ลาซารัส​ได้​สิ่ง​บ่ดี​เลย บ่าเดี่ยว​นี้​เขา​ได้ฮับ​ก๋าน​ปลอบใจ๋ แต่​เจ้า​ได้ฮับ​ความ​ตุ๊ก​ทรมาน

ลูก๋า 22:29

พระบิดา​ได้​จัด​เกียม​แผ่นดิน​แล้ว​มอบ​หื้อ​เฮา​จาใด เฮา​ก็​จัด​เกียม​แล้ว​มอบ​หื้อ​ต้าน​ตังหลาย​จาอั้น

ลูก๋า 6:20

พระเยซู​ผ่อ​หน้า​หมู่​สาวก​ของ​พระองค์ อู้​กับ​หมู่​เขา​ว่า “หมู่​ต้าน​ตี้​ตุ๊กยาก พระเจ้า​โผด​หื้อ​หมู่​ต้าน​เป๋น​สุข ย้อน​ว่า​หมู่​ต้าน​ได้​เป๋น​คน​ของ​แผ่นดิน​ของ​พระเจ้า​แล้ว

ยอห์น 7:48

ผ่อ​ลอ มี​ใผ​ใน​หมู่​ผู้​นำ​กาว่า​หมู่​ฟาริสี​ตี้​หลง​เจื้อ​เขา​พ่อง

กิจก๋าน 7:2

สเทเฟน​ก็​ตอบ​ว่า “ต้าน​คน​เฒ่า​คน​แก่​กับ​ปี้น้อง​ตังหลาย​ฟัง​หื้อ​ดี​ก่อน พระเจ้า​ผู้​ยิ่งใหญ่​ป๋ากฏ​ตั๋ว​ต่อ​อับราฮัม​ป้ออุ๊ย​แม่หม่อน​เก๊า​เหง้า​ของ​หมู่​เฮา ต๋อน​นั้น​ต้าน​ยัง​อยู่​ตี้​ดินแดน​เมโสโปเตเมีย​ก่อน​จะ​ย้าย​ไป​อยู่​ตี้​เมือง​ฮาราน

โรม 8:17

ถ้า​เฮา​เป๋น​ลูก​ของ​พระเจ้า​แล้ว เฮา​ก็​มี​ส่วน​ได้​มรดก​ตี้​พระเจ้า​ได้​หื้อ​ไว้​กับ​พระคริสต์​ตวย ถ้า​เฮา​ตังหลาย​ฮ่วม​ตุ๊ก​กับ​พระองค์​นั้น เฮา​ก็​จะ​ได้​ฮับ​เกียรติ​ตวย​กั๋น​กับ​พระองค์​ตวย

1 โครินธ์ 2:9

อย่าง​ตี้​มี​เขียน​ใน​พระคัมภีร์​ว่า “สิ่ง​ตี้​ต๋า​ของ​คน​บ่เกย​หัน กับ​หู​บ่เกย​ได้ยิน​กาว่า​คน​กึ๊ด​บ่เถิง​ว่า​จะ​เกิด​ขึ้น ก็​เป๋น​สิ่ง​ตี้​พระเจ้า​ได้​เกียม​ไว้​แล้ว​สำหรับ​คน​ตี้​ฮัก​พระองค์”

2 โครินธ์ 4:15

ย้อน​ว่า​กู้​อย่าง​ตี้​เกิด​ขึ้น​กับ​เฮา​นี้​ก็​เปื้อ​หัน​แก่​หมู่​ต้าน เปื้อ​ว่า​ยิ่ง​มี​คน​จ๋ำนวน​นัก​เต้าใด​ตี้​ได้ฮับ​พระคุณ​ของ​พระเจ้า ก็​จะ​มี​คน​จ๋ำนวน​นัก​เต้าอั้น​ตี้​จะ​อธิษฐาน​ขอบพระคุณ​พระเจ้า พระองค์​ก็​จะ​ได้ฮับ​เกียรติ

2 โครินธ์ 6:10

เฮา​มี​ความ​ตุ๊ก แต่​เฮา​ยัง​ยินดี​อยู่​ตลอด เฮา​เป๋น​คน​ตุ๊ก แต่​ยัง​เยียะ​หื้อ​คน​จ๋ำนวน​นัก​ร่ำรวย เฮา​บ่มี​อะหยัง​เลย แต่​ก็​ยัง​เป๋น​เจ้า​ของ​กู้​สิ่ง​กู้​อย่าง

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก

เอเฟซัส 1:18

ขอ​พระองค์​จ้วย​เปิดต๋า​เปิดใจ๋​ของ​หมู่​ต้าน เปื้อ​หมู่​ต้าน​จะ​ได้​ฮู้​ว่า พระองค์​ฮ้อง​หื้อ​หมู่​ต้าน​มา​มี​ความ​หวัง​อะหยัง กับ​ฮู้​ว่า​ปอน​ตี้​พระองค์​สัญญา​ว่า​จะ​หื้อ​กับ​คน​ของ​พระองค์​นั้น​ดีเลิศ​มอก​ใด

เอเฟซัส 3:8

เถิงแม้​ว่า ข้าพเจ้า​เป๋น​คน​ตี้​ต่ำต้อย​เหลือ​คน​ต่ำต้อย​ตี้​สุด​ใน​หมู่​คน​ของ​พระเจ้า แต่​พระเจ้า​ก็​ได้​หื้อ​พระคุณ​นี้​กับ​ข้าพเจ้า​เปื้อ​หื้อ​เอา​ข่าวดี​มา​บอก​คน​ต่างจ้าด ข่าวดี​นั้น​ก็​คือ​ปอน​ของ​พระคริสต์​ตี้​นัก​จ๋น​สุด​กำกึ๊ด​ตี้​จะ​กึ๊ด​ได้

1 เธสะโลนิก๋า 2:12

คือ​หื้อ​ก๋ำลังใจ๋ ปลอบใจ๋ กับ​อู้​ย้ำ​หื้อ​หมู่​ต้าน​ใจ๊​จีวิต​เป๋น​ตี้​เปิงใจ๋​พระเจ้า ผู้​ตี้​ฮ้อง​หมู่​ต้าน​เข้า​มา​มี​ส่วน​ฮ่วม​ใน​แผ่นดิน​ของ​พระเจ้า​กับ​ความ​ยิ่งใหญ่​ของ​พระองค์

2 เธสะโลนิก๋า 1:5

สิ่ง​หมู่​นี้​แสดง​เถิง​ก๋าน​ตัดสิน​อัน​ยุติธรรม​ของ​พระเจ้า ย้อน​โดย​ความ​ตุ๊ก​ตี้​หมู่​ต้าน​ได้​อดทน พระเจ้า​ก็​จะ​นับ​ต้าน​ตังหลาย​ว่า สมควร​ตี้​จะ​เข้า​อยู่​ใน​แผ่นดิน​ของ​พระเจ้า ตี้​หมู่​ต้าน​ก่ำลัง​ฮับ​ความ​ตุ๊กยาก​เปื้อ​อาณาจักร​นั้น

1 ทิโมธี 6:18

สั่ง​หมู่​เขา​ว่า​หื้อ​เยียะ​ความ​ดี​จ๋น​เป๋น​คน​รวย​ความ​ดี รวย​น้ำใจ๋ กับ​ฮู้จัก​ปั๋น​หื้อ​คน​อื่น​อย่าง​เต๋มใจ๋​ตวย

2 ทิโมธี 4:18

พระเจ้า​ก็​จะ​จ้วย​หื้อ​ข้าพเจ้า​รอด​จาก​ก๋าน​ถูก​เยียะ​ฮ้าย​กู้​อย่าง แล้ว​จะ​ปา​ข้าพเจ้า​เข้า​แผ่นดิน​สวรรค์​ของ​พระองค์​อย่าง​ปลอดภัย​ตวย ขอ​เกียรติ​จง​มี​แก่​พระองค์​ตลอด​ไป อาเมน

2 ทิโมธี 4:8

ตั้งแต่​นี้​ไป​รางวัล​แห่ง​ก๋าน​มี​ชัย​ย้อน​เยียะ​ต๋าม​ความ​ถูกต้อง​ต๋าม​ธรรม ก่ำลัง​รอ​หื้อ​ข้าพเจ้า​ฮับ​อยู่ องค์​พระ​ผู้​เป๋น​เจ้า​ตี้​เป๋น​ผู้​พิพากษา​ตี้​ยุติธรรม​จะ​ยก​รางวัล​นี้​หื้อ​ข้าพเจ้า​ใน​วัน​ตี้​พระองค์​จะ​ปิ๊ก​มา บ่ใจ้​หื้อ​ข้าพเจ้า​คน​เดียว แต่​จะ​หื้อ​กู้​คน​ตี้​ตั้งใจ๋​กองหา​พระองค์​ปิ๊ก​มา​แหม​เตื้อ

ฮีบรู 11:26

ต้าน​ถือ​ว่า​ก๋าน​ยอม​ถูก​ดูถูก​ดู​แควน​เปื้อ​พระคริสต์​ยัง​มี​ก้า​นัก​เหลือ​สมบัติ​ต่างๆ ของ​ประเทศ​อียิปต์ ย้อน​ต้าน​ผ่อ​ไป​ตังหน้า​เถิง​รางวัล​ตี้​จะ​ได้​ฮับ

ยากอบ 1:12

พระเจ้า​จะ​ปั๋นปอน​คน​ตี้​อดทน​ต่อ​ก๋าน​ทดลองใจ๋ ย้อน​ว่า​เมื่อ​เขา​ผ่าน​ก๋าน​ทดสอบ​นี้​ได้​แล้ว เขา​ก็​จะ​ได้​ฮับ​มงกุฎ​แห่ง​จีวิต​ตี้​พระเจ้า​สัญญา​ว่า​จะ​หื้อ​กับ​คน​ตี้​ฮัก​พระองค์

ยากอบ 1:16

ปี้น้อง​ตี้​ข้าพเจ้า​ฮัก​เหย ห้าม​หื้อ​ใผ​จุล่าย​ได้​เน่อ

ยากอบ 1:19

ปี้น้อง​ตังหลาย​ตี้​ข้าพเจ้า​ฮัก จ๋ำ​ไว้​เต๊อะ​ว่า หื้อ​ว่อง​ใน​ก๋าน​ฟัง หื้อ​จ๊า​ใน​ก๋าน​อู้ กับ​จ๊า​ใน​ก๋าน​โขด

ยากอบ 1:9

ปี้น้อง​ผู้เจื้อ​ตี้​เป๋น​คน​ตุ๊ก​ควร​จะ​ภูมิใจ๋ ตี้​พระเจ้า​โผด​ยก​หมู่​เขา​ขึ้น

1 เปโตร 1:4

กับ​พระเจ้า​ได้​เก็บ​มรดก​ไว้​หื้อ​กับ​หมู่​ต้าน​แล้ว​ใน​สวรรค์ เป๋น​มรดก​ตี้​บ่มี​วัน​เสียหาย เน่า​เปื่อย กาว่า​จ๋าง​หาย​ไป

2 เปโตร 1:11

กับ​หมู่​ต้าน​ก็​จะ​มี​สิทธิ์​เต๋ม​ตี้​ตี้​จะ​เข้า​ไป​ใน​แผ่นดิน​นิรันดร์​ของ​พระเยซู​คริสต์​องค์​พระ​ผู้​เป๋น​เจ้า ผู้​ตี้​เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา

วิวรณ์ 2:9

เฮา​ฮู้​ว่า​หมู่​ต้าน​มี​ความ​ตุ๊ก​ลำบาก​กับ​ยากจ๋น แต่​แต๊ๆ แล้ว​หมู่​ต้าน​เป๋น​คน​ร่ำรวย เฮา​ฮู้​ว่า​หมู่​ต้าน​ถูก​ใส่​ฮ้าย​จาก​คน​หมู่​นั้น​ตี้​ฮ้อง​ตั๋ว​เก่า​ว่า​เป๋น​จาว​ยิว​แต่​บ่ได้​เป๋น หมู่​เขา​เป๋น​คน​ของ​ซาต๋าน

วิวรณ์ 21:7

คน​ตี้​มี​ชัย​จะ​เป๋น​คน​ตี้​ได้ฮับ​สิ่ง​หมู่​นี้​ตึงหมด กับ​เฮา​จะ​เป๋น​พระเจ้า​ของ​เขา เขา​จะ​เป๋น​ลูก​ของ​เฮา

วิวรณ์ 3:18

เฮา​แนะนำ​หื้อ​หมู่​ต้าน​ซื้อ​คำ​ตี้​ได้​หลอม​ด้วย​ไฟ​หื้อ​บริสุทธิ์​แล้ว​จาก​เฮา เปื้อ​หมู่​ต้าน​จะ​ได้​ร่ำรวย​แต๊ๆ หื้อ​หมู่​ต้าน​ซื้อ​เสื้อผ้า​สี​ขาว​ไป​ใส่​เปื้อ​จะ​ได้​บ่ต้อง​อาย ย้อน​ป๋วย​ตั๋ว​อยู่ แล้ว​หื้อ​ซื้อ​ยา​มา​ใส่​ต๋า​ของ​หมู่​ต้าน​เปื้อ​จะ​ได้​ผ่อ​หัน