ยากอบ 2:14 - พระคริสตธรรมคัมภีร ภาคพันธสัญญาใหม

¹⁴ ปี้น้อง​ตังหลาย มัน​บ่มี​ประโยชน์​อะหยัง​เลย​ถ้า​คน​นึ่ง​บอก​ว่า​เขา​มี​ความ​เจื้อ แต่​เขา​ก็​บ่ได้​เยียะ​ต๋าม ความ​เจื้อ​นั้น​จะ​จ้วย​หื้อ​เขา​รอด​ป๊น​บาป​โต้ษ​ได้​กา

ยากอบ 2:14 Iomraidhean Croise

มัทธิว 5:20

เฮา​จะ​บอก​หื้อ​ฮู้​ว่า ถ้า​ต้าน​ตังหลาย​บ่เยียะ​ต๋าม​ความ​ต้องก๋าน​ของ​พระเจ้า​นัก​เหลือ​หมู่​ธรรมาจ๋ารย์​กับ​หมู่​ฟาริสี ต้าน​จะ​เข้า​แผ่นดิน​สวรรค์​บ่ได้​เลย

ลูก๋า 3:11

ยอห์น​ตอบ​หมู่​เขา​ว่า “คน​ใด​มี​เสื้อ​สอง​ผืน​หื้อ​แบ่ง​คน​ตี้​บ่มี คน​ใด​มี​ของกิ๋น​ก็​หื้อ​ปั๋น​คน​ตี้​บ่มี​กิ๋น”

ลูก๋า 6:49

แต่​คน​ตี้​ได้​ฟัง​กำสอน​ของ​เฮา แล้ว​ก็​บ่ได้​เยียะ​ตวย​ต๋าม เขา​ก็​เผียบ​เหมือน​คน​นึ่ง​แป๋ง​เฮือน​บน​ดิน ขุด​ขุม​วาง​ฐาน​ไว้​บ่เลิ็ก เมื่อ​มี​น้ำ​ท่วม สาย​น้ำ​ไหล​แฮง​ตั้ง​ใส่​เฮือน​นั้น เฮือน​นั้น​ก็​จะ​หลุ​จะ​ปัง​ลง​ตันที เสียหาย​หมด”

กิจก๋าน 15:9

พระองค์​บ่แบ่ง​หมู่​เขา​หมู่​เฮา แต่​จะ​ยกโต้ษ​บาป​หมู่​เขา​ย้อน​ความ​เจื้อ​เหมือน​กั๋น

กิจก๋าน 8:13

ซีโมน​ก็​เจื้อ​ตวย หลังจาก​ตี้​เขา​ฮับ​บัพติศมา​แล้ว เขา​ก็​ติดต๋าม​ฟีลิป​ไป​ผับใคว่ เขา​หัน​หมายสำคัญ​กับ​ก๋าน​อัศจ๋รรย์​ตี้​ฟีลิป​เยียะ ก็​งืด​ขนาด

กิจก๋าน 8:21

สู​จะ​บ่มี​ส่วน​ฮ่วม​ใน​เรื่อง​นี้​อย่าง​เด็ดขาด ย้อน​จิตใจ๋​ของ​สู​บ่ซื่อ​บ่ใส​ต่อ​พระเจ้า

โรม 2:25

ถ้า​ต้าน​ฮักษา​บท​บัญญัติ​อย่าง​ดี ก๋าน​เข้า​พิธี​สุหนัต​ก็​เป๋น​ประโยชน์​แต๊ๆ แต่​ถ้า​ต้าน​บ่เยียะ​ต๋าม​บท​บัญญัติ ก๋าน​เข้า​พิธี​สุหนัต​ของ​ต้าน​ก็​เหมือน​บ่ได้​เข้า​เลย

1 โครินธ์ 15:2

กับ​จะ​ได้ฮับ​ความ​รอด​ผ่าน​ตาง​ข่าวดี​นั้น​ถ้า​หมู่​ต้าน​ยึดถือ​ใน​กำ​ตี้​ข้าพเจ้า​ได้​บอก​ไป ถ้า​บ่จาอั้น​ความ​เจื้อ​ของ​หมู่​ต้าน​ก็​จะ​บ่มี​ประโยชน์​อะหยัง

1 โครินธ์ 16:22

ถ้า​ใผ​บ่ฮัก​องค์​พระ​ผู้​เป๋น​เจ้า ก็​ขอ​หื้อ​เขา​ถูก​แจ้ง ขอ​หื้อ​องค์​พระ​ผู้​เป๋น​เจ้า​มา​เต๊อะ

กาลาเทีย 5:13

ปี้น้อง​ตังหลาย พระเจ้า​ฮ้อง​หมู่​ต้าน​มา​เป๋น​คน​ตี้​มี​อิสระ​แล้ว แต่​ห้าม​เอา​ความ​อิสระ​นี้​มา​เป๋น​ข้ออ้าง​ใน​ก๋าน​เยียะ​ต๋าม​สันดาน​บาป แต่​หื้อ​ฮับใจ๊​กั๋น​ด้วย​ความ​ฮัก​เต๊อะ

กาลาเทีย 5:6

ย้อน​ว่า​เมื่อ​เจื้อ​ใน​พระเยซู​คริสต์​แล้ว ก๋าน​เข้า​กาว่า​บ่เข้า​พิธี​สุหนัต ก็​บ่มี​ประโยชน์​อะหยัง แต่​สิ่ง​ตี้​สำคัญ​ก็​คือ​ความ​เจื้อ​ตี้​แสดง​ออก​มา​โดย​ความ​ฮัก

1 เธสะโลนิก๋า 1:3

เมื่อ​หมู่​เฮา​อธิษฐาน​ต่อ​พระเจ้า​พระบิดา​ของ​เฮา​เผื่อ​หมู่​ต้าน หมู่​เฮา​กึ๊ด​เถิง​ก๋านงาน​ของ​หมู่​ต้าน​ตี้​เกิด​จาก​ความ​เจื้อ ตึง​กึ๊ด​เถิง​ตี้​ต้าน​เต๋มใจ๋​เยียะ​ก๋าน​หนัก​ย้อน​ความ​ฮัก กับ​กึ๊ด​เถิง​ความ​อดทน​ของ​ต้าน​ตี้​เกิด​จาก​ความ​หวัง​ใน​พระเยซู​คริสต์​องค์​พระผู้เป๋นเจ้า​ของ​เฮา

1 ทิโมธี 1:5

กำสั่ง​ของ​ข้าพเจ้า​นี้​มี​เป้าหมาย​เปื้อ​เยียะ​หื้อ​ผู้เจื้อ​ตังหลาย​ฮัก​กั๋น เป๋น​ผล​จาก​ใจ๋​บริสุทธิ์ ตึง​จิต​สำนึก​ตี้​ดี กับ​ความ​เจื้อ​อย่าง​จริง​ใจ๋

1 ทิโมธี 4:8

ก๋าน​เฝิ็ก​ตั๋ว​เปื้อ​สุขภาพ​มี​ประโยชน์​อยู่​พ่อง แต่​ก๋าน​เฝิ็ก​จิตวิญญาณ​เปื้อ​ยำเก๋ง​พระเจ้า​มี​ประโยชน์​เต๋มตี้​ใน​จีวิต​บ่าเดี่ยวนี้ ตึง​อนาคต​ต๋าม​ตี้​พระเจ้า​สัญญา​ไว้

ทิตัส 1:16

คน​หมู่​นี้​อ้าง​ว่า​ฮู้จัก​พระเจ้า​ดี แต่​สิ่ง​ตี้​หมู่​เขา​เยียะ​แสดง​ว่า แต๊ๆ แล้ว บ่ฮู้จัก​พระเจ้า​เลย คน​หมู่​นี้​น่า​ขี้จ๊ะ บ่เจื้อฟัง​ใผ บ่เปิง​ตี้​จะ​เยียะ​ความ​ดี​อะหยัง​สัก​อย่าง

ทิตัส 3:8

กำ​อู้​นี้​เจื้อถือ​ได้ ข้าพเจ้า​ใค่​หื้อ​ต้าน​เน้น​เรื่อง​นี้ เปื้อ​ว่า​คน​ตี้​เจื้อ​พระเจ้า​จะ​ได้​ทุ่มเท​เยียะ​ความ​ดี เซิ่ง​เป๋น​สิ่ง​ตี้​ดี​กับ​มี​ประโยชน์​สำหรับ​กู้​คน

ฮีบรู 11:17

ย้อน​ความ​เจื้อ เมื่อ​พระเจ้า​ทดสอบ​อับราฮัม ต้าน​ก็​ได้​เอา​อิสอัค​มา​ถวาย​เป๋น​เครื่อง​ปู่จา ต้าน​เป๋น​ผู้​ตี้​ได้​ฮับ​พระสัญญา​จาก​พระเจ้า​เกี่ยวกับ​ลูก​คน​นี้ แต่​ก็​พร้อม​ตี้​จะ​ถวาย​ลูก​คน​เดียว​ของ​ตั๋ว​เก่า

ฮีบรู 13:9

บ่ดี​หื้อ​กำสอน​แปลกๆ เยียะ​หื้อ​ต้าน​หลง​ไป ย้อน​เป๋น​สิ่ง​ตี้​ดี​ตี้​จะ​หื้อ​จิตใจ๋​ของ​เฮา​เข้มแข็ง​ขึ้น​โดย​พระคุณ บ่ใจ้​โดย​ก๋าน​เยียะ​ต๋าม​ฮีต​เก่า​ฮอย​เดิม​เรื่อง​ก๋าน​กิ๋น เซิ่ง​บ่มี​ประโยชน์​แก่​จิตใจ๋​ของ​คน​ตี้​ถือ​ต๋าม​จาอั้น​เลย

ยากอบ 1:16

ปี้น้อง​ตี้​ข้าพเจ้า​ฮัก​เหย ห้าม​หื้อ​ใผ​จุล่าย​ได้​เน่อ

ยากอบ 2:16

แล้ว​หมู่​ต้าน​คน​นึ่ง​อู้​ว่า “ขอ​พระเจ้า​ปั๋น​ปอน​ต้าน​หื้อ​อยู่​ดี​มี​สุข มี​ผ้า​ใส่​อบอุ่น กับ​อยู่​ดี​กิ๋น​ดี​เต๊อะ” แต่​ก็​บ่ได้​หื้อ​สิ่ง​ตี้​จ๋ำเป๋น​ใน​จีวิต​สำหรับ​เขา​เลย แล้ว​จะ​มี​ประโยชน์​อะหยัง

ยากอบ 2:18

แต่​บาง​คน​จะ​อู้​ว่า “ต้าน​มี​ความ​เจื้อ แต่​ตั๋ว​ข้าพเจ้า​เป๋น​คน​เยียะ” ข้าพเจ้า​จะ​บอก​กับ​เขา​ว่า “ขอ​แสดง​หื้อ​ข้าพเจ้า​หัน​ความ​เจื้อ​ของ​ต้าน​โดย​ก๋าน​บ่ต้อง​เยียะ​ต๋าม​กำ​ลอ แล้ว​ข้าพเจ้า​ก็​จะ​แสดง​ความ​เจื้อ​ของ​ข้าพเจ้า​โดย​ก๋าน​เยียะ​ต๋าม​หื้อ​ผ่อ​ตวย”

ยากอบ 2:26

ก็​อย่าง​เดียว​กั๋น​กับ​ตั๋ว​ตี้​บ่มี​จิตวิญญาณ​นั้น​ต๋าย​แล้ว​จาใด ความ​เจื้อ​ตี้​บ่ได้​เยียะ​ตวย​ต๋าม​ก็​ต๋าย​แล้ว​จาอั้น

2 เปโตร 1:5

ย้อน​จาอี้ หมู่​ต้าน​จะ​ต้อง​เอา​ใจ๋​ใส่​อย่าง​เต๋ม​ตี้ ตี้​จะ​ใจ๊​ความ​ดี​งาม​เสริม​ความ​เจื้อ​ของ​หมู่​ต้าน กับ​ใจ๊​ความ​ฮู้​เสริม​ความ​ดี​งาม