ยากอบ 2:12 - พระคริสตธรรมคัมภีร ภาคพันธสัญญาใหม

¹² จาอั้น​บ่ว่า​ต้าน​จะ​อู้​กาว่า​เยียะ​อะหยัง​ก็​หื้อ​จ๋ำ​เอา​ไว้​เต๊อะ​ว่า พระเจ้า​จะ​ตัดสิน​ลงโต้ษ​ต้าน​โดย​ใจ๊​บท​บัญญัติ​ตี้​เยียะ​หื้อ​คน​มี​อิสระ

ยากอบ 2:12 Iomraidhean Croise

ลูก๋า 4:18

“พระวิญญาณ​ของ​องค์​พระผู้เป๋นเจ้า​อยู่​กับ​ข้าพเจ้า ย้อน​ว่า​พระองค์​ได้​ตั้ง​ข้าพเจ้า​ไว้ หื้อ​บอก​ข่าวดี​แก่​คน​ตุ๊ก พระองค์​ใจ๊​ข้าพเจ้า​หื้อ​บอก​นักโต้ษ​ว่า​เขา​จะ​มี​อิสระ หื้อ​บอก​คน​ต๋าบอด​ว่า​เขา​จะ​หัน​แหม หื้อ​บอก​คน​ตี้​โดน​ค่ำ​ว่า​จะ​ป๊น​ตุ๊ก

ยอห์น 8:32

หมู่​ต้าน​จะ​ฮู้จัก​ความ​จริง แล้ว​ความ​จริง​นั้น​ก็​จะ​เยียะ​หื้อ​หมู่​ต้าน​มี​อิสระ”

กาลาเทีย 6:2

ใผ​มี​ปั๋ญหา​ก็​ขอ​หื้อ​จ้วย​กั๋น ก๋าน​ตี้​หมู่​ต้าน​เยียะ​จาอี้​ก็​เป๋น​ก๋าน​เยียะ​ตวย​กำสอน​ของ​พระคริสต์

ฟีลิปปี 4:8

ปี้น้อง​ผู้​เจื้อ​ตังหลาย ข้าพเจ้า​ขอ​สรุป​ว่า ขอ​กึ๊ด​หื้อ​ดี​ใน​สิ่ง​ต่างๆ ต่อไป​นี้ คือ​สิ่ง​ตี้​เป๋น​แต๊ ตี้​น่า​นับถือ ตี้​ยุติธรรม ตี้​บริสุทธิ์ ตี้​สมควร​จะ​ฮัก กับ​ตี้​น่า​ยกย่อง ถ้า​มี​สิ่ง​ใด​ตี้​ดี​กับ​สมควร​จะ​สรรเสริญ ก็​ขอ​หื้อ​กึ๊ด​ใน​สิ่ง​นั้น​หื้อ​ดีๆ

โคโลสี 3:17

แล้ว​อะหยัง​ก็​ต๋าม​ตี้​ต้าน​อู้​กาว่า​เยียะ ก็​หื้อ​เยียะ​ใน​นาม​ของ​พระเยซู​องค์​พระ​ผู้​เป๋น​เจ้า กับ​ขอบ​พระคุณ​พระเจ้า​พระบิดา ผ่าน​ตาง​พระเยซู

ยากอบ 1:25

แต่​คน​ตี้​เอา​ใจ๋​ใส่​บท​บัญญัติ​ตี้​ดี​พร้อม​ของ​พระเจ้า เซิ่ง​เป๋น​บท​บัญญัติ​ตี้​เยียะ​หื้อ​คน​มี​อิสระ แล้ว​เอาใจ๋​ใส่​เยียะ​ต๋าม​ต่อไป บ่ใจ้​ก้า​ฟัง​แล้ว​ก็​ลืม แต่​เยียะ​ต๋าม​กำ​สั่ง​สอน​นั้น พระเจ้า​ก็​จะ​ปั๋นปอน​ใน​สิ่ง​ตี้​เขา​เยียะ

ยากอบ 2:8

ถ้า​หมู่​ต้าน​เยียะ​ต๋าม​บท​บัญญัติ​ของ​พระเจ้า​แต๊ๆ ตี้​เขียน​ไว้​ใน​พระคัมภีร์​ตี้​ว่า “จง​ฮัก​เปื้อน​บ้าน​เหมือน​ฮัก​ตั๋ว​เก่า” หมู่​ต้าน​ก็​เยียะ​ถูก​แล้ว