ยากอบ 1:10 - พระคริสตธรรมคัมภีร ภาคพันธสัญญาใหม

¹⁰ คน​ตี้​ร่ำรวย​ก็​หื้อ​ภูมิใจ๋​ตั๋ว​เก่า​เหมือน​กั๋น​เมื่อ​พระเจ้า​เยียะ​หื้อ​เขา​ตก​ต่ำ​ลง ย้อน​ว่า​คน​ร่ำรวย​ก็​จะ​เหี่ยวแห้ง​ต๋าย​ไป​เหมือน​ดอก​หญ้า

ยากอบ 1:10 Iomraidhean Croise

มัทธิว 5:3

“คน​ใด​ตี้​ตุ๊กยาก​ตาง​ฝ่าย​วิญญาณ พระเจ้า​โผด​หื้อ​คน​นั้น​เป๋น​สุข ย้อน​ว่า​เขา​ได้​เป๋น​คน​ของ​แผ่นดิน​สวรรค์​แล้ว

มัทธิว 6:30

ถ้า​พระเจ้า​แต่งหย้อง​ดอก​หญ้า​ต๋ำ​โต้ง​ต๋ำ​นา เซิ่ง​อยู่​ได้​วัน​นี้​วัน​เดียว ตก​แหม​วัน​ก็​จะ​ถูก​ก๋ำปือ​เข้า​ก๋องไฟ จาอั้น​แล้ว​พระองค์​ก็​จะ​แต่งหย้อง​หมู่​ต้าน​นัก​เหลือ​นั้น​แหม โอ หมู่​ต้าน​มี​ความ​เจื้อ​หน้อย​แต๊ๆ

1 โครินธ์ 7:31

กับ​คน​ตี้​ใจ๊​ของ​ของ​โลก​นี้ ก็​เยียะ​เหมือน​ว่า​บ่ได้​ใจ๊​มัน​อย่าง​เต๋มตี้ ย้อน​โลก​ตี้​เป๋น​อยู่​บ่าเดี่ยว​นี้​ก่ำลัง​จะ​ล่วง​ป๊น​ไป

ฟีลิปปี 3:8

นัก​เหลือ​นั้น​แหม ข้าพเจ้า​หัน​ว่า​ซะป๊ะ​กู้​สิ่ง​บ่มี​ประโยชน์ เมื่อ​เผียบ​กับ​ก๋าน​ตี้​ได้​ฮู้จัก​พระเยซู​คริสต์​องค์​พระผู้เป๋นเจ้า​ของ​ข้าพเจ้า เซิ่ง​มี​ก้า​นัก​เหลือ ข้าพเจ้า​ยอม​ละ​ขว้าง​กู้​อย่าง ย้อน​หันแก่​พระองค์ ข้าพเจ้า​ถือ​ว่า​กู้​อย่าง​นั้น​เป๋น​ขยะ เปื้อ​จะ​ได้​พระคริสต์

1 ทิโมธี 6:17

สำหรับ​คน​รวย​ใน​โลก​นี้ หื้อ​สั่ง​หมู่​เขา​ว่า​บ่ดี​หยิ่ง กาว่า​ฝาก​ความ​หวัง​ไว้​กับ​ทรัพย์​สมบัติ​ตี้​บ่แน่นอน แต่​หื้อ​ฝาก​ความ​หวัง​ไว้​กับ​พระเจ้า ผู้​แบ่งปั๋น​กู้​สิ่ง​กู้​อย่าง​หื้อ​กับ​เฮา​อย่าง​เหลือ​ล้น เปื้อ​หัน​แก่​ความ​สุข​สบาย​ของ​เฮา

ยากอบ 4:14

แต่​ต้าน​ยัง​บ่ฮู้​เลย​ว่า​จีวิต​ของ​ต้าน​วัน​พูก​จะ​เป๋น​จาใด ย้อน​ต้าน​ก็​เป๋น​เหมือน​หมอก​จ๋างๆ ตี้​อยู่​ได้​กำเดียว​แล้ว​ก็​ก้อยๆ หาย​ไป

1 เปโตร 1:24

เหมือน​กับ​ตี้​มี​เขียน​ไว้​ใน​พระคัมภีร์​ว่า “​คน​กู้​คน​ก็​เป๋น​เหมือน​หญ้า เกียรติ​ของ​หมู่​เขา​ก็​เป๋น​เหมือน​ดอก​หญ้า หญ้า​ต๋าย ดอก​มัน​ก็​หลุด​หลวะ​ไป

1 ยอห์น 2:17

โลก​นี้​ตึง​กิเลส​ตั๋ณหา​ของ​โลก​ก่ำลัง​สิ้นสุด​ไป แต่​คน​ตี้​เยียะ​ต๋าม​ความ​ต้องก๋าน​ของ​พระเจ้า​จะ​มี​จีวิต​อยู่​ตลอด​ไป