ฮีบรู 6:5 - พระคริสตธรรมคัมภีร ภาคพันธสัญญาใหม

⁵ กับ​ตี้​เกย​มี​ประสบก๋ารณ์​ว่า​ถ้อยกำ​ของ​พระเจ้า​นั้น​ดี กับ​อำนาจ​ของ​ยุค​ตี้​จะ​มา​เถิง​นั้น​เป๋น​จาใด

ฮีบรู 6:5 Iomraidhean Croise

มัทธิว 12:32

พระเจ้า​ยัง​จะ​ยกโต้ษ​หื้อ​กับ​คน​ตี้​ด่า​บุตรมนุษย์​ได้ แต่​จะ​ยกโต้ษ​หื้อ​คน​ตี้​ด่า​พระวิญญาณ​บริสุทธิ์​ตึง​บ่ได้ บ่ว่า​บ่าเดี่ยว​นี้​กาว่า​ตลอด​ผด​ไป​แผว​ยุค​หน้า”

มาระโก 6:20

ย้อน​พระองค์​กั๋ว​ยอห์น ต้าน​ฮู้​ว่า​ยอห์น​เป๋น​คน​ถูกต้อง​ต๋าม​ธรรม​ตึง​เป๋น​คน​บริสุทธิ์ ก็​เลย​ปกป้อง​ยอห์น​ไว้ กู้​เตื้อ​ตี้​กษัตริย์​เฮโรด​ฟัง​ยอห์น​สอน​ก็​บ่ม่วนใจ๋ แต่​ก็​ยัง​ใค่​ฟัง​อยู่

ลูก๋า 8:13

ตี้​ตก​ลง​ดิน​ตี้​ปื๊น​ตัง​ลุ่ม​เป๋น​บ่าหิน​เต๋ม​ไป​หมด ก็​เหมือน​คน​ตี้​ได้​ฟัง​ถ้อยกำ​แล้ว​ก็​ฮับ​ถ้อยกำ​นั้น​ตัน​บาด​ตัน​บ้วง​อย่าง​จื้นจม​ยินดี แต่​ฮาก​ลง​ดิน​บ่เลิ็ก เขา​เจื้อ​บ่ปอ​เมิน เมื่อ​ถูก​ทดลอง​ก็​เลิก​เจื้อ​ไป​เหีย

เอเฟซัส 6:17

เอา​ความ​รอด​ป๊น​บาป​โต้ษ​เป๋น​เหมือน​หมวก​เหล็ก​มา​สุบ​หัว กับ​หื้อ​ก๋ำ​ดาบ​ตี้​มา​จาก​พระวิญญาณ​บริสุทธิ์ ดาบ​นั้น​ก็​คือ​ถ้อยกำ​ของ​พระเจ้า

ฮีบรู 11:3

ย้อน​ความ​เจื้อ เฮา​จึง​เข้าใจ๋​ว่า​พระเจ้า​สร้าง​จักรวาล​ขึ้น​มา​โดย​ถ้อยกำ​ของ​พระองค์ จาอั้น​สิ่ง​ตี้​คน​เฮา​หัน​ได้​ก็​เกิด​จาก​สิ่ง​ตี้​คน​เฮา​ผ่อ​บ่หัน

ฮีบรู 2:5

โลก​ใหม่​ตี้​เฮา​ก่ำลัง​อู้​เถิง​นั้น พระเจ้า​บ่ได้​ยก​หื้อ​หมู่​ทูตสวรรค์​ปกครอง​เลย

ฮีบรู 4:12

ถ้อยกำ​ของ​พระเจ้า​นั้น​มี​จีวิต เยียะ​หื้อ​เกิด​ผล คม​เหลือ​ดาบ​สอง​คม​กู้​เถี่ยน แตง​จิต​จ๋น​ผด​เถิง​วิญญาณ​ตึง​ข้อต่อ​กระดูก ผด​เถิง​ไข​ใน​กระดูก ตัดสิน​กำกึ๊ด​กับ​ความ​ใค่​ได้​ใน​จิตใจ๋​ได้

1 เปโตร 1:25

แต่​ถ้อยกำ​ของ​องค์​พระผู้เป๋นเจ้า​จะ​อยู่​ตลอดไป​” ถ้อยกำ​นี้​ก็​คือ ข่าวดี​ตี้​มี​คน​มา​บอก​หื้อ​หมู่​ต้าน​ฮู้​แล้ว

1 เปโตร 2:3

หมู่​ต้าน​ก็​ได้​จิม​แล้ว​ลอ​ว่า​องค์​พระผู้เป๋นเจ้า​นั้น​ดี​มอกใด

2 เปโตร 2:20

จาอั้น ใผ​ตี้​ป๊น​จาก​สิ่ง​ตี้​บ่ดี​ตาง​โลก​นี้​ได้​แล้ว โดย​ก๋าน​ฮู้จัก​พระเยซู​คริสต์​องค์​พระ​ผู้​เป๋น​เจ้า ผู้​ตี้​เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา แต่​หมู่​เขา​ยอม​ก๊าน​หื้อ​กิเลสตั๋ณหา​เหีย แล้ว​ปิ๊ก​ไป​หา​ตาง​โลก​อย่าง​เก่า สุดต๊าย​สิ่ง​ตี้​จะ​เกิด​ขึ้น​กับ​หมู่​เขา​จะ​ฮ้าย​เหลือ​ต๋อน​แรก​แหม