ฮีบรู 2:3 - พระคริสตธรรมคัมภีร ภาคพันธสัญญาใหม

³ ถ้า​จาอั้น​หมู่​เฮา​จะ​รอด​ป๊น​บาป​โต้ษ​ได้​จาใด ถ้า​เฮา​บ่ได้​เอา​ใจ๋​ใส่​ความ​รอด​อัน​ยิ่งใหญ่​จาอี้ ความ​รอด​นี้​องค์​พระผู้เป๋นเจ้า​เป๋น​ผู้​ตั้งเก๊า​บอก แล้ว​คน​หมู่​นั้น​ตี้​ได้ยิน​จาก​พระองค์​ก็​ยืนยัน​เรื่อง​นี้​แก่​เฮา​ตังหลาย​ว่า​เป๋น​ความ​จริง

ฮีบรู 2:3 Iomraidhean Croise

มัทธิว 23:33

“หมู่​จ้าด​งู หมู่​จ้าด​งู​ปิ๊ด หมู่​เจ้า​จะ​ป๊น​จาก​หม้อหน้าฮก​ได้​จาใด

มัทธิว 4:17

ตั้งแต่​นั้น​มา​พระเยซู​ก็​ตั้ง​เก๊า​บอก​ว่า “หื้อ​กลับใจ๋​จาก​บาป​เหีย ย้อน​ว่า​แผ่นดิน​สวรรค์​ใก้​เข้า​มา​แผว​แล้ว”

มาระโก 1:14

หลัง​จาก​ยอห์น​ผู้​หื้อ​บัพติศมา​โดน​ยับ​ขัง​คอก​แล้ว พระเยซู​ก็​ปิ๊ก​ไป​แคว้น​กาลิลี ตั้งเก๊า​เตสนา​สั่ง​สอน​เรื่อง​ข่าวดี​ของ​พระเจ้า​หื้อ​คน​ตี้​หั้น​ว่า

ลูก๋า 1:2

ต๋าม​ตี้​หมู่​เขา​ได้​หัน​กับ​ต๋า​ตั้งแต่​เก๊า และ​ได้​เป๋น​ผู้​บอก​ถ้อยกำ​นั้น​หื้อ​เฮา​ฮู้

ลูก๋า 1:69

พระองค์​ได้​หื้อ​ผู้จ้วย​หื้อ​รอด​ป๊น​บาป​โต้ษ​ตี้​มี​ฤทธิ์​เกิด​มา ใน​เจื๊อสาย​ของ​กษัตริย์​ดาวิด​ผู้​ฮับใจ๊​ของ​พระองค์

ลูก๋า 24:19

พระเยซู​ถาม​เขา​ว่า “เหตุก๋ารณ์​อะหยัง” เขา​ก็​ตอบ​พระองค์​ว่า “เหตุก๋ารณ์​เรื่อง​พระเยซู​จาว​เมือง​นาซาเร็ธ เปิ้น​เป๋น​ผู้​เป๋น​ปาก​เป๋น​เสียง​แตน​พระเจ้า​ตี้​มี​ฤทธิ์​อำนาจ​ใน​ก๋าน​งาน กับ​ใน​กำ​อู้​ต่อหน้า​พระเจ้า​กับ​ต่อหน้า​คน​ตังหลาย

ยอห์น 15:27

และ​หมู่​ต้าน​ก็​จะ​เป๋น​พยาน​บอก​เรื่อง​ของ​เฮา​หื้อ​คน​ฮู้​ตวย ย้อน​หมู่​ต้าน​ได้​อยู่​กับ​เฮา​ตั้งแต่​เก๊า​แล้ว

กิจก๋าน 1:22

นับ​ตั้งแต่​พระเยซู​ฮับ​บัพติศมา​จาก​ยอห์น จ๋น​แผว​วัน​ตี้​พระเจ้า​ฮับ​พระองค์​ขึ้น​ไป​สวรรค์ เขา​คน​นี้​จะ​ต้อง​เป๋น​พยาน​ฮ่วม​กับ​หมู่​เฮา​ตี้​จะ​อู้​หื้อ​คน​อื่นๆ ฮู้​ว่า พระเยซู​เป๋น​ขึ้น​จาก​ความ​ต๋าย​แล้ว”

กิจก๋าน 2:22

“จาว​อิสราเอล​ตังหลาย​เหย จง​ฟัง​เน่อ พระเยซู​จาว​นาซาเร็ธ​เป๋น​ผู้​ตี้​พระเจ้า​รับรอง โดย​เยียะ​ก๋าน​ปาฏิหาริย์ ก๋าน​อัศจ๋รรย์ ตึง​หมายสำคัญ​ต่างๆ ผ่าน​พระเยซู ต๋าม​ตี้​ต้าน​ตังหลาย​ก็​ฮู้​ก็​หัน​มา​แล้ว

กิจก๋าน 4:12

นอกจาก​พระเยซู​แล้ว ก็​บ่มี​ใผ​จ้วย​หมู่​เฮา​รอด​ป๊น​บาป​โต้ษ​ได้ ย้อน​ว่า​บ่มี​ใผ​คน​ใด​ใน​โลก​ตี้​พระเจ้า​หื้อ​เป๋น​ผู้​จ้วย​หื้อ​รอด​สำหรับ​หมู่​เฮา”

โรม 11:14

เปื้อ​จะ​กระตุ้น​หื้อ​ปี้น้อง​จาว​ยิว​ขอย แล้ว​จะ​ได้​จ้วย​หมู่​เขา​บาง​คน​หื้อ​รอด​ป๊น​บาป​โต้ษ​ได้

โรม 2:3

แล้ว​ต้าน​ตี้​ตัดสิน​คน​ตี้​เยียะ​จาอั้น แต่​ต้าน​ก็​ยัง​เยียะ​อย่าง​เดียว​กับ​เขา ต้าน​กึ๊ด​ว่า​ต้าน​จะ​หนี​ก๋าน​ลงโต้ษ​ของ​พระเจ้า​ได้​กา

1 โครินธ์ 1:21

ย้อน​พระเจ้า​ได้​ใจ๊​พระ​ปั๋ญญา​ของ​พระองค์​วางแผน​ไว้​แล้ว​ว่า โลก​จะ​บ่สามารถ​ฮู้จัก​พระองค์​โดย​ก๋าน​เปิ้ง​ปั๋ญญา​ของ​ตั๋ว​เก่า พระเจ้า​จึง​ตั้งใจ๋​ตี้​จะ​จ้วย​คน​ตี้​เจื้อ​วางใจ๋​หื้อ​รอด​ป๊น​บาป​โต้ษ โดย​กำ​เตสนา​ง่าวๆ ของ​หมู่​เฮา​หมู่​นี้​แตน

1 เธสะโลนิก๋า 5:3

เมื่อ​คน​ตังหลาย​อู้​กั๋น​ว่า “กู้​อย่าง​สงบ​สุข​ปลอดภัย​แล้ว” จู่ๆ ก๋าน​ทำลาย​ก็​จะ​เกิด​ขึ้น​กับ​เขา​บ่า​เดี่ยว​นั้น​เลย เหมือน​แม่มาน​เจ็บ​ต๊อง​จะ​เกิด​ลูก หมู่​เขา​จะ​หนี​ไป​ตัง​ใด​ก็​ตึง​บ่ป๊น

1 ทิโมธี 1:15

กำ​อู้​นี้​เจื้อถือ​ได้​ตี้​กู้​คน​สมควร​ฮับ​ไว้​อย่าง​เต๋มตี้​คือ พระเยซู​คริสต์​ได้​เข้า​มา​ใน​โลก เปื้อ​จ้วย​คน​บาป​หื้อ​รอด​ป๊น​บาป​โต้ษ เซิ่ง​ข้าพเจ้า​เป๋น​คน​บาป​ตี้​แย่​ตี้​สุด​ใน​หมู่​คน​บาป​ตังหลาย

ทิตัส 2:11

ตี้​ข้าพเจ้า​อู้​จาอี้​ก็​ย้อน​ว่า​พระเจ้า​เปิดเผย​พระคุณ​ของ​พระองค์​เปื้อ​จ้วย​คน​ตังหลาย​หื้อ​รอด​ป๊น​บาป​โต้ษ

ฮีบรู 1:1

เมิน​มา​แล้ว​พระเจ้า​อู้​กับ​ป้อ​อุ๊ย​แม่​หม่อน​ของ​เฮา โดย​ตาง​ผู้​เป๋น​ปาก​เป๋น​เสียง​แตน​พระองค์​หลาย​เตื้อ​หลาย​วิธี​ตวย​กั๋น

ฮีบรู 1:14

ทูตสวรรค์​ตึง​หมด​เป๋น​ก้า​วิญญาณ​ตี้​ฮับใจ๊​พระเจ้า ตี้​พระองค์​ส่ง​มา​จ้วยเหลือ​คน​ตี้​จะ​ได้​ฮับ​ความ​รอด​ป๊น​บาป​โต้ษ

ฮีบรู 1:2

แต่​ใน​ยุค​สุดต๊าย​นี้ พระเจ้า​ได้​อู้​กับ​เฮา​โดย​ตาง​พระบุตร ผู้​ตี้​พระเจ้า​ได้​แต่งตั้ง​หื้อ​เป๋น​ผู้​ฮับ​มรดก​กู้​อย่าง กับ​พระเจ้า​ได้​สร้าง​จักรวาล​โดย​ตาง​พระบุตร​ตวย

ฮีบรู 12:25

หื้อ​ฟัง​พระองค์​อู้​หื้อ​ดี ถ้า​คน​หมู่​นั้น​ตี้​บ่ได้​ยอม​ฟัง​กำเตื๋อน​ของ​พระองค์​ใน​โลก​นี้ ยัง​หนี​ก๋าน​ลงโต้ษ​บ่ป๊น แล้ว​เฮา​ตี้​บิ่นหลังต๋ำ​พระองค์​ตี้​เตื๋อน​เฮา​จาก​สวรรค์ จะ​หนี​ป๊น​กา

ฮีบรู 4:1

พระ​สัญญา​ของ​พระเจ้า​ตี้​จะ​หื้อ​เฮา​ได้​เข้า​ไป​ย้างพัก​อยู่​ใน​ตี้​ของ​พระองค์​นั้น​ก็​ยัง​มี​อยู่ ย้อน​จาอั้น​หื้อ​เฮา​ตังหลาย​หละวัง​ตั๋ว​ไว้​หื้อ​ดี เปื้อ​จะ​ได้​บ่มี​ใผ​คน​ใด​ใน​หมู่​ต้าน​เสีย​โอกาส​นั้น​ไป

ฮีบรู 4:11

ถ้า​จาอั้น​ขอ​หื้อ​เฮา​ฮิ​แต๊ๆ ตี้​จะ​ได้​เข้า​ไป​ย้างพัก​ใน​ตี้​ของ​พระองค์ เปื้อ​จะ​บ่มี​ใผ​หลง​ไป​อย่าง​คน​ตี้​บ่เจื้อฟัง​หมู่​นั้น

ฮีบรู 5:9

เมื่อ​พระเจ้า​เยียะ​หื้อ​พระเยซู​สมบูรณ์​แบบ​แล้ว พระเยซู​ก๋าย​เป๋น​ผู้​ตี้​เยียะ​หื้อ​กู้​คน​ตี้​เจื้อฟัง​พระองค์ ฮับ​ความ​รอด​ป๊น​บาป​โต้ษ​ตี้​คง​อยู่​ตลอด​ไป

ฮีบรู 9:28

ก็​เหมือน​กั๋น​ตี้​พระคริสต์​ก็​ถวาย​ตั๋ว​เป๋น​เครื่อง​ปู่จา​เตื้อ​เดียว เปื้อ​ฮับ​เอา​บาป​ของ​คน​จ๋ำนวน​นัก​ไป กับ​พระองค์​จะ​ปิ๊ก​มา​เป๋น​เตื้อ​ตี้​สอง บ่ได้​มา​เปื้อ​ก๋ำจัด​บาป แต่​มา​เปื้อ​นำ​ความ​รอด​ป๊น​บาป​โต้ษ​มา​หื้อ​กับ​หมู่​คน​ตี้​รอถ้า​พระองค์

1 ยอห์น 1:1

หมู่​เฮา​ขอ​บอก​เรื่อง​ของ​ผู้​นึ่ง เซิ่ง​มี​มา​ตั้งแต่​เมื่อ​เก๊าหัวที​แล้ว เซิ่ง​หมู่​เฮา​ได้ยิน กับ​หัน​มา​กับ​ต๋า ได้​แยง​ผ่อ​อย่าง​ละเอียด กับ​ได้​หยุบ​ได้​ซวาม​มา​กับ​มือ​ของ​หมู่​เฮา คือ​ผู้​ตี้​ฮ้อง​กั๋น​ว่า​ถ้อย​กำ​ตี้​หื้อ​จีวิต

ยูดา 1:17

เปื้อน​ตี้​ฮัก​เหย หื้อ​จ๋ำ​กำ​ตี้​หมู่​อัครทูต​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​เกย​อู้​ไว้​เต๊อะ​ว่า

วิวรณ์ 7:10

หมู่​เขา​เอิ้น​ฮ้อง​เสียง​ดัง​ว่า “ความ​รอด​ป๊น​บาป​โต้ษ​เป๋น​ของ​พระเจ้า​ของ​เฮา ผู้​ตี้​นั่ง​อยู่​บน​บัลลังก์ ตึง​เป๋น​ของ​ลูก​แกะ​ตั๋ว​นั้น​ตวย”