ฮีบรู 13:8 - พระคริสตธรรมคัมภีร ภาคพันธสัญญาใหม

⁸ พระเยซู​คริสต์​บ่เกย​เปี่ยน​บ่ว่า​จะ​เป๋น​ตะวา วัน​นี้ กาว่า​ตลอดไป

ฮีบรู 13:8 Iomraidhean Croise

2 โครินธ์ 1:19

ย้อน​ว่า พระเยซู​คริสต์​พระบุตร​ของ​พระเจ้า ผู้​ตี้​ข้าพเจ้า กับ​สิลวานัส ตึง​ทิโมธี ได้​บอก​กับ​หมู่​ต้าน ก็​บ่ใจ้​เป๋น “แต๊” กับ “บ่แต๊” แต่​กู้​อย่าง​ตี้​พระองค์​บอก​นั้น​ก็​เป๋น “แต๊”​หมด

2 โครินธ์ 1:20

ย้อน​ว่า​พระ​สัญญา​ของ​พระเจ้า​กู้​ข้อ​ก็​เป๋น “แต๊”​โดย​พระคริสต์ ย้อน​จาอี้​หมู่​เฮา​จึง​อู้​กำ​ว่า “อาเมน” ผ่าน​ตาง​พระคริสต์ เซิ่ง​เป๋น​ก๋าน​หื้อ​เกียรติ​พระเจ้า

ฮีบรู 1:12

พระองค์​จะ​หมวด​สิ่ง​หมู่​นี้​เหมือน​หมวด​เสื้อ​คุม สิ่ง​หมู่​นี้​จะ​เปี่ยน​ไป​เหมือน​เปี่ยน​เสื้อผ้า แต่​พระองค์​ก็​ยัง​คง​เหมือน​เก่า จีวิต​ของ​พระองค์​บ่มี​วัน​สิ้นสุด”

ยากอบ 1:17

ของ​ตี้​ดี​กับ​ดี​พร้อม​กู้​อย่าง​ก็​มา​จาก​สวรรค์ คือ​มา​จาก​พระเจ้า ผู้​ตี้​สร้าง​กู้​อย่าง​ตี้​ส่อง​แสง​ใน​ต๊องฟ้า แต่​พระองค์​บ่เปี่ยนแปลง บ่เหมือน​กับ​สิ่ง​หมู่​นั้น​กาว่า​เงา​ของ​มัน​ตี้​เปี่ยน​ไป​เปี่ยน​มา

ยูดา 1:25

พระองค์​เป๋น​พระเจ้า​องค์​เดียว​เต้าอั้น เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา​ผ่าน​ตาง​พระเยซู​คริสต์​องค์​พระ​ผู้​เป๋น​เจ้า​ของ​เฮา ขอ​หื้อ​เกียรติ ความ​ยิ่งใหญ่ ฤทธิ์​อำนาจ ตึง​สิทธิ​อำนาจ​จง​มี​แก่​พระองค์ ตึง​ใน​อดีต บ่าเดี่ยว​นี้ กับ​ตลอดไป​เต๊อะ อาเมน

วิวรณ์ 1:11

เสียง​นั้น​อู้​ว่า “หื้อ​เขียน​กู้​สิ่ง​กู้​อย่าง​ตี้​ต้าน​หัน​ลง​ไว้​ใน​หนังสือ แล้ว​ส่ง​ไป​หื้อ​คริสตจักร​ตึง​เจ็ด คือ​คริสตจักร​ตี้​อยู่​ใน​เมือง​เอเฟซัส เมือง​สเมอร์นา เมือง​เปอร์กามัม เมือง​ธิยาทิรา เมือง​ซาร์ดิส เมือง​ฟิลาเดลเฟีย กับ​เมือง​เลาดีเซีย”

วิวรณ์ 1:4

จาก​ยอห์น เถิง​คริสตจักร​ตึง​เจ็ด​ตี้​อยู่​ใน​แคว้น​เอเชีย ขอ​หื้อ​ต้าน​ตังหลาย​ได้ฮับ​พระคุณ​กับ​สันติสุข​จาก​พระเจ้า​ผู้​เป๋น​อยู่​ตลอด​ใน​อดีต บ่าเดี่ยวนี้ กับ​ตี้​จะ​มา​ใน​ปายหน้า กับ​จาก​วิญญาณ​ตึง​เจ็ด​ตี้​เฝ้า​อยู่​ต่อหน้า​บัลลังก์​ของ​พระองค์

วิวรณ์ 1:8

พระเจ้า​ผู้​เป๋น​อยู่​ตลอด​ใน​อดีต บ่าเดี่ยว​นี้ กับ ตี้​จะ​มา​ใน​ปายหน้า เป๋น​ผู้​มี​ฤทธิ์​อำนาจ​สูงสุด​อู้​ว่า “เฮา​เป๋น​จุด​ตั้งเก๊า​กับ​จุด​สุดป๋าย​ ผู้​เป๋น​อยู่​ตลอด​ใน​อดีต บ่า​เดี่ยว​นี้ กับ​ตี้​จะ​มา​ใน​ปาย​หน้า เป๋น​ผู้​มี​ฤทธิ์​อำนาจ​สูง​สุด”