ฮีบรู 13:3 - พระคริสตธรรมคัมภีร ภาคพันธสัญญาใหม

³ หื้อ​กึ๊ด​เถิง​หมู่​คน​ตี้​อยู่​ใน​คอก เหมือน​กับ​ว่า​ต้าน​ได้​ติด​คอก​ตวย​เขา หื้อ​กึ๊ด​เถิง​คน​ตังหลาย​ตี้​ถูก​ทรมาน เหมือน​กับ​ว่า​ต้าน​ก็​ถูก​ทรมาน​เหมือน​กับ​เขา

ฮีบรู 13:3 Iomraidhean Croise

มัทธิว 25:36

เฮา​บ่มี​เสื้อผ้า​ใส่ ต้าน​ก็​เอา​มา​หื้อ​เฮา​นุ่ง เฮา​บ่สบาย ต้าน​ก็​ผ่อกอย​เอา​ใจ๋​ใส่ เฮา​ติด​คอก ต้าน​ก็​มา​แอ่ว​หา​เฮา’

มัทธิว 25:43

เฮา​เป๋น​คน​แปลก​หน้า เจ้า​ตังหลาย​ก็​บ่ได้​เจิญ​เฮา​เข้า​ไป​ใน​บ้าน เฮา​บ่มี​เสื้อผ้า​ใส่ เจ้า​ตังหลาย​บ่ได้​หื้อ​เสื้อผ้า​เฮา​นุ่ง เฮา​บ่สบาย​กับ​ติด​คอก เจ้า​ตังหลาย​บ่เกย​มา​แอ่ว​หา​เฮา’

กิจก๋าน 24:23

เขา​สั่ง​นายร้อย​หื้อ​กุม​ตั๋ว​เปาโล​ไว้ แต่​หื้อ​ลด​หย่อน​ก๋าน​กวดขัน​ลง​พ่อง แล้ว​หื้อ​เปื้อนๆ ของ​เปาโล​ผ่อกอย​จ้วยเหลือ​ใน​สิ่ง​ตี้​จ๋ำเป๋น

กิจก๋าน 27:3

วัน​ถัด​มา​หมู่​เฮา​ก็​มา​แผว​ต้าเฮือ​เมือง​ไซดอน ยูเลียส​ดี​ต่อ​เปาโล​ขนาด ยอม​หื้อ​เปาโล​ไป​แอ่ว​หา​หมู่​เปื้อนๆ ได้ เปื้อ​เขา​หมู่​นั้น​จะ​จ้วยเหลือ​ต้าน​ต๋าม​ความ​จ๋ำเป๋น

โรม 12:15

หื้อ​จื้นจมยินดี​กับ​คน​ตี้​มี​ความ​จื้นจมยินดี หื้อ​โศกเศร้า​กับ​คน​ตี้​ก่ำลัง​โศกเศร้า

1 โครินธ์ 12:26

ถ้า​ส่วน​ใด​ส่วน​นึ่ง​เจ็บ ส่วน​อื่นๆ ตึงหมด​ใน​ตั๋ว​ก็​เจ็บ​ไป​ตวย ถ้า​ส่วน​ใด​ส่วน​นึ่ง​ได้ฮับ​เกียรติ ส่วน​อื่นๆ ตึงหมด​ก็​ฮ่วม​จื้นจม​ยินดี​ไป​ตวย

เอเฟซัส 4:1

ข้าพเจ้า​คน​ตี้​โดน​ขัง​คอก​ย้อน​ฮับใจ๊​องค์​พระ​ผู้​เป๋น​เจ้า ขอ​อ้อนวอน​หื้อ​หมู่​ต้าน​ใจ๊​จีวิต​หื้อ​เปิง​กับ​ตี้​พระเจ้า​ได้​ฮ้อง​หมู่​ต้าน​มา​เป๋น​คน​ของ​พระองค์

โคโลสี 4:18

สุดต๊าย​นี้ ข้าพเจ้า​เปาโล​เป๋น​คน​เขียน​กำอำลา​นี้​ด้วย​ลายมือ​ของ​ตั๋ว​เก่า บ่ดี​ลืม​ว่า​ข้าพเจ้า​ติด​คอก​อยู่ ขอ​หื้อ​พระคุณ​ของ​พระเจ้า​จง​มี​แก่​ต้าน​ตังหลาย​เต๊อะ

ฮีบรู 10:34

ต้าน​ฮ่วม​ตุ๊ก​กับ​คน​ตี้​ติด​คอก กับ​เมื่อ​คน​อื่น​ยึด​ทรัพย์​สมบัติ​ของ​ต้าน​ไป ต้าน​ก็​ยินดี​ยอม​หื้อ ย้อน​ต้าน​ฮู้​ว่า​ต้าน​มี​ทรัพย์​สมบัติ​ตี้​ดี​เหลือ​นั้น กับ​เป๋น​ทรัพย์​สมบัติ​ตี้​อยู่​ได้​ตลอด​ไป

ฮีบรู 11:37

บาง​คน​ถูก​บ่าหิน​ตุ๊บ​จ๋น​ต๋าย บาง​คน​ถูก​เล่ย​จ๋น​ตั๋ว​ปุด​เกิ่ง บาง​คน​ถูก​ดาบ​ฟัน​ต๋าย บาง​คน​ห่ม​หนัง​แป๊ะ​หนัง​แกะ บ่ได้​อยู่​เป๋น​หลัก​เป๋น​แหล่ง ตุ๊ก​จ๋น​หมด​เนื้อ​หมด​ตั๋ว โดน​ค่ำ​กับ​ถูก​เยียะ​ฮ้าย

1 เปโตร 3:8

สุดต๊าย​นี้ ขอ​หื้อ​หมู่​ต้าน​เป๋น​น้ำ​นึ่ง​ใจ๋​เดียว​กั๋น หันอกหันใจ๋​กั๋น ฮัก​กั๋น​เหมือน​ปี้น้อง มี​ใจ๋​เมตต๋า​กับ​ฮู้จัก​ถ่อมใจ๋