ฮีบรู 11:10 - พระคริสตธรรมคัมภีร ภาคพันธสัญญาใหม

¹⁰ ตี้​ต้าน​เยียะ​จาอี้​ก็​ย้อน​ว่า​ต้าน​ก่ำลัง​รอถ้า​เมือง​ตี้​ตั้ง​อยู่​บน​ฐาน​ตี้​มั่นคง เซิ่ง​เป๋น​เมือง​ตี้​พระเจ้า​เป๋น​ผู้​ออกแบบ​กับ​แป๋ง​ขึ้น

ฮีบรู 11:10 Iomraidhean Croise

ยอห์น 14:2

ใน​บ้าน​พระบิดา​ของ​เฮา​ก็​มี​ตี้​อยู่​นัก และ​เฮา​จะ​ไป​เกียม​ตี้​หื้อ​หมู่​ต้าน ถ้า​บ่มี เฮา​ก็​จะ​บ่บอก​หมู่​ต้าน​จาอี้​เน่อ

2 โครินธ์ 5:1

ย้อน​เฮา​ฮู้​ว่า ถ้า​เต็นท์​ของ​เฮา​ตี้​เฮา​อาศัย​อยู่​ใน​โลก​นี้ คือ​ตั๋ว​ของ​เฮา ถูก​ทำลาย​ไป พระเจ้า​ก็​จะ​หื้อ​บ้าน​หลัง​ใหม่​ตี้​อยู่​ใน​สวรรค์​กับ​เฮา ตี้​บ่ได้​แป๋ง​โดย​คน กับ​อยู่​ได้​ตลอด​ไป

ฟีลิปปี 3:20

แต่​เฮา​ตังหลาย​เป๋น​คน​ของ​สวรรค์ กับ​รอ​ถ้า​พระ​ผู้​จ้วย​หื้อ​รอด​ป๊น​บาป​โต้ษ​จาก​สวรรค์ คือ​พระเยซู​คริสต์​องค์​พระ​ผู้​เป๋น​เจ้า

ฮีบรู 11:16

แต่​หมู่​เขา​ใค่​ได้​บ้าน​เมือง​ตี้​ดี​เหลือ​นั้น คือ​เมือง​สวรรค์ ย้อนจาอั้น​พระเจ้า​จึง​บ่อาย​ตี้​หมู่​เขา​ฮ้อง​พระองค์​ว่า​เป๋น​พระเจ้า​ของ​หมู่​เขา ย้อน​พระองค์​เกียม​เมือง​นึ่ง​ไว้​หื้อ​หมู่​เขา​แล้ว

ฮีบรู 12:22

แต่​ต้าน​ตังหลาย​ได้​มา​แผว​ดอย​ศิโยน มา​แผว​กรุง​เยรูซาเล็ม​ตี้​อยู่​ใน​สวรรค์ เป๋น​เมือง​ของ​พระเจ้า​ผู้​มี​จีวิต​อยู่ กับ​เป๋น​ตี้​ตี้​หมู่​ทูตสวรรค์​จ๋ำนวน​นัก​เป๋น​หมื่นๆ จุมนุม​กั๋น​อย่าง​จื้นจมยินดี

ฮีบรู 12:28

ย้อน​จาอั้น​เมื่อ​เฮา​ก่ำลัง​ได้ฮับ​แผ่นดิน​ตี้​บ่สั่น​ไหว ก็​หื้อ​เฮา​ขอบพระคุณ​กับ​นมัสก๋าน​พระเจ้า​ใน​แบบ​ตี้​พระองค์​เปิงใจ๋ โดย​ความ​เคารพ​กับ​ยำเก๋ง

ฮีบรู 13:14

ใน​โลก​นี้​เฮา​บ่มี​เมือง​ตี้​คง​อยู่​ได้​ตลอด​ไป แต่​เฮา​ก่ำลัง​เซาะหา​เมือง​ตี้​ก่ำลัง​จะ​มา​ปายหน้า

ฮีบรู 3:4

ย้อน​ว่า​บ้าน​กู้​หลัง​ต้อง​มี​คน​สร้าง แต่​พระเจ้า​เป๋น​ผู้​สร้าง​กู้​สิ่ง​กู้​อย่าง

วิวรณ์ 21:2

ข้าพเจ้า​หัน​เมือง​บริสุทธิ์ คือ​กรุง​เยรูซาเล็ม​แห่ง​ใหม่ เซิ่ง​มา​จาก​พระเจ้า​ลง​มา​จาก​สวรรค์ เมือง​นี้​ได้​เกียม​ไว้​พร้อม​แล้ว เหมือน​กับ​เจ้าสาว​ตี้​แต่งตั๋ว​งาม​ไว้​ถ้า​ฮับ​คน​ตี้​จะ​เป๋น​ผัว​ของ​นาง