กาลาเทีย 4:21 - พระคริสตธรรมคัมภีร ภาคพันธสัญญาใหม

²¹ หมู่​ต้าน​ตี้​ใค่​อยู่​ใต้​บท​บัญญัติ หมู่​ต้าน​บ่ฮู้​กา ว่า​บท​บัญญัติ​นั้น​เขียน​ว่า​จาใด​พ่อง

กาลาเทีย 4:21 Iomraidhean Croise

มาระโก 10:3

พระองค์​ย้อน​ถาม​เขา​ว่า “โมเสส​ได้​สั่ง​เกี่ยว​กับ​เรื่อง​นี้​ว่า​จาใด”

ลูก๋า 16:29

อับราฮัม​จึง​ตอบ​เขา​แหม​ว่า ‘หมู่​เขา​มี​กำสอน​ของ​โมเสส​กับ​หมู่​ผู้​เป๋น​ปาก​เป๋น​เสียง​แตน​พระเจ้า​หั้น​แล้ว หื้อ​หมู่​เขา​ฟัง​กำสอน​ของ​หมู่​นั้น​เต๊อะ’

ยอห์น 10:34

พระเยซู​ก็​ตอบ​ว่า “ใน​บท​บัญญัติ​ของ​หมู่​ต้าน มี​กำ​ของ​พระเจ้า​ตี้​เขียน​ไว้​บ่ใจ้​กา ว่า ‘พระเจ้า​อู้​ว่า หมู่​ต้าน​เป๋น​เทพเจ้า​ตังหลาย’

ยอห์น 12:34

คน​ตังหลาย​ก็​อู้​ว่า “บท​บัญญัติ​บอก​หมู่​เฮา​ไว้​ว่า พระคริสต์​จะ​มี​จีวิต​ตลอด​ไป แล้ว​เยียะ​หยัง​ต้าน​อู้​ว่า ‘บุตรมนุษย์​จะ​ต้อง​ถูก​ยก​ขึ้น’ กับ ‘บุตรมนุษย์’ เป๋น​ใผ”

ยอห์น 15:25

ตี้​เป๋น​จาอั้น​ก็​เปื้อ​หื้อ​เป๋น​ไป​ต๋าม​บท​บัญญัติ​ของ​เขา​ตี้​ว่า ‘หมู่​เขา​จัง​เฮา​โดย​บ่มี​สาเหตุ’

โรม 3:19

หมู่​เฮา​ฮู้​แล้ว​ว่า สิ่ง​ตี้​เขียน​ใน​บท​บัญญัติ​ตึง​หมด ก็​เปื้อ​บอก​กับ​คน​ตี้​อยู่​ใต้​บท​บัญญัติ​นั้น จาอั้น​จึง​บ่มี​ใผ​มี​ข้อ​แก้​ตั๋ว​ได้ กับ​คน​ตึง​โลก​จะ​ต้อง​ถูก​พระเจ้า​ตัดสิน​เหมือน​กั๋น​หมด

โรม 6:14

บาป​จะ​บ่ครอบงำ​หมู่​ต้าน​แหม ย้อน​หมู่​ต้าน​บ่ได้​อยู่​ใต้​อำนาจ​บท​บัญญัติ แต่​อยู่​ใต้​พระคุณ​ของ​พระเจ้า

กาลาเทีย 3:10

คน​ตังหลาย​ตี้​เปิ้ง​ก๋าน​เยียะ​ตวย​ต๋าม​บท​บัญญัติ ก็​ถูก​แจ้ง​สาป ต๋าม​ตี้​พระคัมภีร์​มี​เขียน​ไว้​ว่า “คน​ใด​ตี้​บ่ได้​เยียะ​ตวย​ต๋าม​ข้อ​ความ​ตี้​เขียน​ไว้​ใน​หนังสือ​บท​บัญญัติ​กู้​ข้อ ก็​ถูก​แจ้ง​สาป”

กาลาเทีย 4:9

บ่าเดี่ยว​นี้ ต้าน​ตังหลาย​ได้​ฮู้จัก​พระเจ้า​แล้ว กาว่า​อู้​หื้อ​ถูกต้อง​ก็​คือ​พระเจ้า​ได้​ฮู้จัก​ต้าน​แล้ว เป๋น​จาใด​หมู่​ต้าน​ใค่​ปิ๊ก​ไป​เป๋น​ขี้ข้า​ของ​วิญญาณ​ตี้​บ่มี​อำนาจ​กับ​บ่มี​ก้า ตี้​บ่ใจ้​พระเจ้า