กาลาเทีย 2:1 - พระคริสตธรรมคัมภีร ภาคพันธสัญญาใหม

¹ สิบ​สี่​ปี๋​ต่อ​มา ข้าพเจ้า​ตึง​บารนาบัส​ได้​ขึ้น​ไป​กรุง​เยรูซาเล็ม แล้ว​ปา​ทิตัส​ไป​ตวย​แหม​คน

กาลาเทีย 2:1 Iomraidhean Croise

กิจก๋าน 11:25

จาก​นั้น​บารนาบัส​ก็​ไป​ตวย​หา​เซาโล​ตี้​เมือง​ทาร์ซัส

กิจก๋าน 11:30

หมู่​เขา​ก็​เยียะ​จาอั้น คือ​เก็บ​ฮอม​เงิน​คำ แล้ว​มอบ​หื้อ​บารนาบัส​กับ​เซาโล​เอา​ไป​หื้อ​ผู้ปกครอง​ของ​คริสตจักร​ใน​กรุง​เยรูซาเล็ม

กิจก๋าน 12:25

เมื่อ​บารนาบัส​กับ​เซาโล​เยียะ​ก๋าน​ตี้​ฮับ​มอบหมาย​เสร็จ​แล้ว คือ​เอา​สตางค์​มา​จ้วยเหลือ ก็​ปา​กั๋น​เตียวตาง​ออก​จาก​กรุง​เยรูซาเล็ม​ปิ๊ก​ไป​เมือง​อันทิโอก กับ​ปา​ยอห์น​ตี้​มี​แหม​จื้อ​ว่า​มาระโก​ไป​ตวย

กิจก๋าน 13:2

เวลา​ตี้​หมู่​เขา​นมัสก๋าน​องค์​พระผู้เป๋นเจ้า​กับ​ถือ​ศีล​อด​อาหาร​อยู่​นั้น พระวิญญาณ​บริสุทธิ์​ก็​อู้​กับ​หมู่​เขา​ว่า “หื้อ​แต่งตั้ง​บารนาบัส​กับ​เซาโล​ไว้​สำหรับ​ก๋าน​งาน​ตี้​เฮา​ฮ้อง​หื้อ​หมู่​เขา​เยียะ”

กิจก๋าน 13:50

แต่​หมู่​จาว​ยิว​ไป​สุ่ย​หมู่​แม่ญิง​คน​ต่างจ้าด​ตี้​มี​ฐานะ​ดี​กับ​นับถือ​พระเจ้า ตึง​หมู่​ป้อจาย​ตี้​เป๋นใหญ่​เป๋นโต​ใน​เมือง หื้อ​ปา​กั๋น​ค่ำเข​แล้ว​ไล่เหิบ​เปาโล​กับ​บารนาบัส​ออก​ไป​จาก​ดินแดน​ของ​หมู่​เขา​เหีย

กิจก๋าน 14:12

หมู่​เขา​จึง​ฮ้อง​บารนาบัส​ว่า​เทพเจ้า​ซุส แล้ว​ฮ้อง​เปาโล​ว่า​เทพเจ้า​เฮอร์เมส ย้อน​ว่า​เปาโล​เป๋น​คน​อู้

กิจก๋าน 15:25

หมู่​เฮา​ตึงหมด​ตึงเสี้ยง​จึง​ตกลง​ใจ๋​ตี้​จะ​เลือก​บาง​คน เปื้อ​ส่ง​มา​หา​ต้าน​ตังหลาย​พร้อม​กับ​บารนาบัส​ตึง​เปาโล​ตี้​เฮา​ฮัก​ขนาด

1 โครินธ์ 9:6

กาว่า​มี​ก้า​ข้าพเจ้า​กับ​บารนาบัส​เต้าอั้น ตี้​ต้อง​เยียะ​ก๋าน​เปื้อ​หา​เลี้ยง​ตั๋วเก่า

2 โครินธ์ 2:13

แต่​ข้าพเจ้า​ก็​บ่สบายใจ๋​เลย ย้อน​บ่ปะ​ทิตัส​น้อง​บ่าว​ใน​ความ​เจื้อ​ของ​ข้าพเจ้า ข้าพเจ้า​จึง​ลา​คน​ตี้​หั้น แล้ว​เตียวตาง​ไป​ตี้​แคว้น​มาซิโดเนีย

2 โครินธ์ 8:16

แต่​ขอบพระคุณ​พระเจ้า​ผู้​ตี้​หื้อ​ทิตัส​มี​ใจ๋​ห่วง​หมู่​ต้าน​เหมือน​เฮา​ตวย

2 โครินธ์ 8:23

ส่วน​ทิตัส​นั้น เขา​เป๋น​หุ้นส่วน กับ​เป๋น​เปื้อน​ฮ่วม​ฮับใจ๊​ของ​ข้าพเจ้า​ใน​ก๋าน​ฮับใจ๊​หมู่​ต้าน ส่วน​ปี้น้อง​ผู้เจื้อ​สอง​คน​ตี้​ไป​กับ​เขา​นั้น หมู่​เขา​เป๋น​ตั๋ว​แตน​คริสตจักร​ต่างๆ กับ​หมู่​เขา​หื้อ​เกียรติ​พระคริสต์​ตวย

กาลาเทีย 1:18

อยู่​ตี้​หั้น​ได้​สาม​ปี๋ แล้ว​ข้าพเจ้า​ก็​ได้​ไป​หา​เปโตร​ใน​กรุง​เยรูซาเล็ม กับ​อยู่​ตวย​เขา​สิบ​ห้า​วัน

กาลาเทีย 2:13

ผู้เจื้อ​จาว​ยิว​คน​อื่นๆ ตี้​อยู่​ตี้​หั้น ก็​ก๋าย​เป๋น​คน​หน้า​ซื่อ​ใจ๋​ก๊ด​ตวย​เปโตร แม้​แต่​บารนาบัส​ก็​ยัง​หลง​ไป​กับ​หมู่​เขา​เหมือน​กั๋น

กาลาเทีย 2:3

เถิง​แม้​ว่า​ทิตัส​ตี้​อยู่​ตวย​ข้าพเจ้า​นั้น​เป๋น​จาว​กรีก ก็​บ่ได้​ถูก​เข​หื้อ​เข้า​พิธี​สุหนัต

กาลาเทีย 2:9

เมื่อ​ยากอบ เปโตร กับ​ยอห์น ตี้​เป๋น​เหมือน​ผู้นำ​ของ​หมู่​ผู้เจื้อ หัน​พระคุณ​ตี้​พระเจ้า​ได้​หื้อ​ก๋าน​นี้​กับ​ข้าพเจ้า​แล้ว หมู่​เขา​ก็​จับ​มือ​ข้าพเจ้า​กับ​บารนาบัส แสดง​ว่า​หมู่​เฮา​เป๋น​เปื้อน​ฮ่วม​ฮับใจ๊​ตวย​กั๋น แล้ว​ตกลง​กั๋น​ว่า​หื้อ​เฮา​ไป​บอก​ข่าวดี​กับ​คน​ต่างจ้าด แล้ว​หมู่​เขา​ก็​จะ​ไป​บอก​กับ​หมู่​จาว​ยิว

โคโลสี 4:10

อาริสทารคัส​คน​ตี้​ติด​คอก​กับ​ข้าพเจ้า ก็​ฝาก​กำ​กึ๊ดเติง​มา​หื้อ​ต้าน มาระโก​ตี้​เป๋น​ลูก​ปี้​ลูก​น้อง​ของ​บารนาบัส​ก็​ฝาก​กำ​กึ๊ดเติง​หา​มา​เหมือน​กั๋น (​ต้าน​ได้ฮับ​กำสั่ง​เรื่อง​ของ​มาระโก​แล้ว ถ้า​เขา​มา​หา​ต้าน​ก็​หื้อ​ต้อนฮับ​เขา​ตวย​)

ทิตัส 1:4

เถิง ทิตัส ลูก​แต๊ๆ ใน​ความ​เจื้อ​อัน​เดียว​กั๋น ขอ​หื้อ​ต้าน​ตังหลาย​ได้​ฮับ​พระคุณ​ตึง​สันติสุข​จาก​พระเจ้า​พระบิดา ตึง​พระเยซู​คริสต์​ผู้​จ้วย​หื้อ​รอด​ป๊น​บาป​โต้ษ​ของ​เฮา​เต๊อะ