เอเฟซัส 6:9 - พระคริสตธรรมคัมภีร ภาคพันธสัญญาใหม

⁹ คน​เป๋น​เจ้านาย​ก็​หื้อ​เยียะ​กับ​ขี้ข้า​อย่าง​เดียว​กั๋น ห้าม​ค่ำ​ขี้ข้า​ของ​ตั๋ว หื้อ​จ๋ำ​ไว้​ว่า​ต้าน​กับ​ขี้ข้า​ก็​มี​เจ้านาย​องค์​เดียว​กั๋น​อยู่​บน​สวรรค์ กับ​พระองค์​ก็​บ่หัน​แก่​หน้า​ใผ​ตวย

เอเฟซัส 6:9 Iomraidhean Croise

มัทธิว 22:10

แล้ว​หมู่​คน​ฮับใจ๊​ออก​ไป​ต๋าม​หนตาง แล้ว​ก็​เจิญ​กู้​คน​ตี้​หมู่​เขา​ปะ ตึง​คน​ดี​ตึง​คน​บ่ดี​แล้ว​ปา​มา จ๋น​ใน​ตี้​สุด​ห้อง​ฮับ​แขก​ก็​มี​คน​มา​เต๋ม​ห้อง

มัทธิว 22:8

“กษัตริย์​อู้​กับ​คน​ฮับใจ๊​ของ​พระองค์​ว่า ‘งาน​เลี้ยง​ฉลอง​ก๋าน​แต่งงาน​ก็​เกียม​ไว้​พร้อม​แล้ว แต่​แขก​ตี้​เฮา​ได้​เจิญ​ไว้​นั้น​บ่เปิง​ตี้​จะ​มา​ใน​งาน​ของ​เฮา

มัทธิว 24:48

แต่​ถ้า​คน​ฮับใจ๊​คน​นั้น​เป๋น​คน​บ่ดี แล้ว​กึ๊ด​ใน​ใจ๋​ว่า ‘แหม​เมิน​อยู่​กว่า​เจ้านาย​จะ​ปิ๊ก​มา’

มัทธิว 24:51

แล้ว​ก็​จะ​ลงโต้ษ​เขา​อย่าง​หนัก ตึง​ไล่​หื้อ​ไป​อยู่​ตวย​หมู่​คน​หน้า​ซื่อ​ใจ๋​ก๊ด ตั๊ด​ตี้​มี​เสียง​คน​ไห้​หุย​ขบ​เขี้ยว​เกี๊ยว​กาง​อย่าง​เจ็บ​ปวด”

มัทธิว 7:12

หื้อ​เยียะ​ต่อ​คน​อื่น​อย่าง​ตี้​ต้าน​ต้องก๋าน​หื้อ​คน​อื่น​เยียะ​ต่อ​ต้าน นี่​เป๋น​ความหมาย​ของ​บท​บัญญัติ​ของ​โมเสส กับ​เป๋น​กำ​สอน​ของ​หมู่​ผู้​เป๋น​ปาก​เป๋น​เสียง​แตน​พระเจ้า

ลูก๋า 6:31

หื้อ​เยียะ​ต่อ​คน​อื่น อย่าง​ตี้​ต้าน​ต้องก๋าน​หื้อ​คน​อื่น​เยียะ​ต่อ​ต้าน​จาอั้น

ยอห์น 13:13

หมู่​ต้าน​ฮ้อง​เฮา​ว่า ‘อาจ๋ารย์’ กับ ‘องค์​พระผู้เป๋นเจ้า’ ตี้​หมู่​ต้าน​ฮ้อง​จาอั้น​ก็​แม่น​แล้ว ย้อน​เฮา​เป๋น​จาอั้น​แต๊ๆ

กิจก๋าน 10:34

เปโตร​จึง​อู้​ว่า “บ่าเดี่ยวนี้​เฮา​เข้าใจ๋​อย่าง​ถองแกะ​ถองแก๋น​แล้ว​ว่า พระเจ้า​บ่เลือก​หน้า​ใผ

โรม 2:11

ย้อน​ว่า​พระเจ้า​บ่หัน​แก่​หน้า​ใผ

1 โครินธ์ 1:2

เถิง​คริสตจักร​ของ​พระเจ้า​ตี้​อยู่​ใน​เมือง​โครินธ์ พระเจ้า​ได้​เยียะ​หื้อ​ต้าน​บริสุทธิ์​โดย​ตาง​พระเยซู​คริสต์ กับ​ได้​ฮ้อง​ต้าน​หื้อ​เป๋น​คน​ของ​พระองค์​ฮ่วม​กับ​กู้​คน​ใน​กู้ๆ ตี้ ตี้​อธิษฐาน​ใน​นาม​ของ​พระเยซู​คริสต์​องค์​พระ​ผู้​เป๋น​เจ้า​ของ​หมู่​เขา​กับ​ของ​เฮา

1 โครินธ์ 7:22

ย้อน​ว่า​ใผ​ตี้​เป๋น​ขี้ข้า ต๋อน​ตี้​องค์​พระ​ผู้​เป๋น​เจ้า​ฮ้อง​มา เขา​ก็​ก๋าย​เป๋น​คน​มี​อิสระ​ของ​องค์​พระ​ผู้​เป๋น​เจ้า อย่าง​เดียว​กั๋น​กับ​คน​ตี้​มี​อิสระ​อยู่​แล้ว ต๋อน​ตี้​องค์​พระผู้เป๋นเจ้า​ฮ้อง​มา เขา​ก็​ก๋าย​เป๋น​ขี้ข้า​ของ​พระคริสต์

โคโลสี 3:25

สำหรับ​คน​ตี้​เยียะ​ผิด พระเจ้า​จะ​ลง​โต้ษ​ต๋าม​ความ​ผิด​นั้น​อย่าง​บ่หัน​แก่​หน้า​ใผ

โคโลสี 4:1

คน​เป๋น​เจ้านาย​หื้อ​เยียะ​ต่อ​ขี้ข้า​ของ​ตั๋ว​อย่าง​ยุติธรรม​กับ​เต้า​กั๋น​หมด หื้อ​จ๋ำ​ไว้​ว่า​ต้าน​ก็​มี​เจ้านาย​ใน​สวรรค์​เหมือน​กั๋น

ยากอบ 2:13

ย้อน​ว่า​เมื่อ​พระองค์​ตัดสิน​ลงโต้ษ พระองค์​จะ​บ่เมตต๋า​กับ​คน​ตี้​บ่เมตต๋า​กับ​คน​อื่น​ตวย แต่​ถ้า​คน​มี​เมตต๋า​กับ​คน​อื่น พระองค์​ก็​จะ​มี​เมตต๋า​กับ​เขา​เมื่อ​ตัดสิน​ลงโต้ษ

ยากอบ 2:8

ถ้า​หมู่​ต้าน​เยียะ​ต๋าม​บท​บัญญัติ​ของ​พระเจ้า​แต๊ๆ ตี้​เขียน​ไว้​ใน​พระคัมภีร์​ตี้​ว่า “จง​ฮัก​เปื้อน​บ้าน​เหมือน​ฮัก​ตั๋ว​เก่า” หมู่​ต้าน​ก็​เยียะ​ถูก​แล้ว

ยากอบ 5:4

ฟัง​ลอ คน​งาน​ตี้​เยียะ​ก๋าน​ใน​นา​ของ​ต้าน​ตี้​ต้าน​โก๋ง​ก้า​แฮง เขา​ก็​ฮ้อง​ขึ้น​มา​แล้ว เสียง​ของ​หมู่​เขา​ตี้​จ่ม​ก็​ดัง​ไป​เถิง​หู​ของ​องค์​พระ​ผู้​เป๋น​เจ้า​ผู้​มี​ฤทธิ์​อำนาจ​สูง​สุด