เอเฟซัส 5:2 - พระคริสตธรรมคัมภีร ภาคพันธสัญญาใหม

² หื้อ​มี​ความ​ฮัก​ใน​ก๋าน​ใจ๊​จีวิต เหมือน​กับ​ตี้​พระคริสต์​ฮัก​เฮา กับ​สละ​จีวิต​ของ​พระองค์​เป๋น​เครื่อง​ถวาย​กับ​เครื่อง​ปู่จา​ตี้​หอม​หวาน​ตี้​พระเจ้า​เปิงใจ๋ เปื้อ​เฮา

เอเฟซัส 5:2 Iomraidhean Croise

มัทธิว 20:28

เหมือน​เดียว​กั๋น​กับ​บุตรมนุษย์​ตี้​บ่ได้​มา​เปื้อ​หื้อ​คน​อื่น​ฮับใจ๊ แต่​มา​เปื้อ​ฮับใจ๊​คน​อื่น แล้ว​ก็​สละ​จีวิต​ของ​ต้าน​เปื้อ​เป๋น​ก้า​ไถ่​คน​จ๋ำนวน​นัก​หื้อ​รอด​ป๊น​บาป​โต้ษ”

ยอห์น 13:34

“เฮา​หื้อ​กำสั่ง​ใหม่​กับ​หมู่​ต้าน ก็​คือ หื้อ​ฮัก​กั๋น หมู่​ต้าน​ต้อง​ฮัก​กั๋น​เหมือน​กับ​ตี้​เฮา​ฮัก​หมู่​ต้าน

ยอห์น 6:51

เฮา​เป๋น​ของกิ๋น​ตี้​หื้อ​จีวิต​เซิ่ง​ลง​มา​จาก​สวรรค์ ถ้า​ใผ​คน​ใด​กิ๋น​ของกิ๋น​นี้ เขา​จะ​มี​จีวิต​นิรันดร์ ของกิ๋น​นี้​ก็​คือ​เนื้อหนัง​ของ​เฮา ตี้​เฮา​จะ​หื้อ​คน​ใน​โลก​เปื้อ​มี​จีวิต​นิรันดร์​ได้”

โรม 15:16

เปื้อ​หื้อ​ข้าพเจ้า​เป๋น​ผู้​ฮับใจ๊​พระเยซู​คริสต์​ไป​หา​คน​ต่างจ้าด มี​หน้าตี้​เหมือน​เป๋น​ปุโรหิต​บอก​ข่าวดี​ของ​พระเจ้า เปื้อ​คน​ต่างจ้าด​ตี้​เจื้อ​จะ​เป๋น​คน​ตี้​พระเจ้า​ยอมฮับ​เหมือน​เครื่องปู่จา​ตี้​พระวิญญาณ​เยียะ​หื้อ​บริสุทธิ์

โรม 4:25

ตี้​พระเยซู​ถูก​มอบ​หื้อ​คน​ฆ่า​ต๋าย​นั้น​ก็​ย้อน​ความ​บาป​ของ​หมู่​เฮา แล้ว​พระเจ้า​เยียะ​หื้อ​พระเยซู​เป๋น​ขึ้น​มา​ใหม่​เปื้อ​หื้อ​เฮา​เป๋น​คน​ถูกต้อง​ต๋าม​ธรรม

โรม 8:3

สิ่ง​ตี้​บท​บัญญัติ​เยียะ​บ่ได้ ย้อน​สันดาน​บาป​เยียะ​หื้อ​อำนาจ​ของ​บท​บัญญัติ​นั้น​อ่อน​ลง พระเจ้า​ได้​เยียะ​หื้อ​แล้ว พระองค์​ได้​ตัดสิน​ลงโต้ษ​บาป โดย​ส่ง​พระบุตร​ของ​พระองค์​มา​ฮับ​สภาพ​เป๋น​คน​เหมือน​เฮา​ตี้​มี​บาป เปื้อ​เป๋น​เครื่อง​ปู่จา​ไถ่​บาป

โรม 8:37

แต่​ใน​สิ่ง​ตี้​เกิด​ขึ้น​ตึงหมด​นี้ หมู่​เฮา​ก็​มี​ชัย​อย่าง​ยิ่งใหญ่​ตี้​สุด โดย​ความ​จ้วยเหลือ​ของ​พระคริสต์​ผู้​ตี้​ฮัก​เฮา​ตังหลาย

1 โครินธ์ 16:14

หื้อ​เยียะ​กู้​สิ่ง​กู้​อย่าง​โดย​ความ​ฮัก

1 โครินธ์ 5:7

หื้อ​ล้าง​เจื๊อ​เก่า​นี้​ออก​ไป​เหีย เปื้อ​ต้าน​จะ​เป๋น​คน​บริสุทธิ์​เหมือน​แป้ง​เข้าหนมปัง​ก้อน​ใหม่ ตี้​บ่มี​เจื๊อ​สูน​อยู่​อย่าง​ตี้​ต้าน​เป๋น ย้อน​พระคริสต์​ผู้​เป๋น​ลูก​แกะ​สำหรับ​งาน​ปัสกา ถูก​ฆ่า​ปู่จา​แล้ว

2 โครินธ์ 2:14

แต่​ขอบ​พระคุณ​พระเจ้า ผู้​ตี้​นำ​หมู่​เฮา เซิ่ง​เป๋น​เหมือน​เชลย​ของ​พระคริสต์ ใน​ขบวน​แห่​ฉลอง​มี​ชัย​ของ​พระองค์​ตลอด​มา พระเจ้า​ใจ๊​เฮา​เผยแพ่​ความ​ฮู้​เรื่อง​พระคริสต์​ไป​กู้ๆ ตี้ เหมือน​น้ำหอม​ตี้​หอม​ไป​ใคว่

2 โครินธ์ 2:15

ย้อน​ว่า​เฮา​เป๋น​เหมือน​กลิ่น​ของ​เครื่องหอม​ตี้​พระคริสต์​เผา​ถวาย​หื้อ​พระเจ้า ตี้​ลอย​ไป​ต้ามก๋าง​คน​ตี้​ก่ำลัง​จะ​รอด​ป๊น​บาป​โต้ษ​กับ​คน​ตี้​ก่ำลัง​จะ​ฉิบหาย

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก

กาลาเทีย 1:4

พระเยซู​ได้​สละ​จีวิต​ของ​พระองค์​เปื้อ​บาป​ของ​เฮา เปื้อ​จ้วย​เฮา​หื้อ​ป๊น​จาก​บาป​ใน​ยุค​นี้ ต๋าม​ความ​ต้องก๋าน​ของ​พระเจ้า​พระบิดา​ของ​เฮา

กาลาเทีย 2:20

ตั๋ว​ข้าพเจ้า​นี้​ได้​ถูก​เขิง​อยู่​บน​ไม้​ก๋าง​เขน​​ตวย​พระคริสต์ กับ​ได้​ต๋าย​ไป​แล้ว บ่าเดี่ยว​นี้​พระเยซู​ก็​อยู่​ใน​ตั๋ว​ของ​ข้าพเจ้า ข้าพเจ้า​ใจ๊​จีวิต​ต่อ​ไป​โดย​ก๋าน​เจื้อ​วางใจ๋​ใน​พระคริสต์ ผู้​เซิ่ง​เป๋น​พระบุตร​ของ​พระเจ้า พระองค์​ฮัก​ข้าพเจ้า​กับ​ได้​สละ​จีวิต​เปื้อ​ข้าพเจ้า

เอเฟซัส 1:4

ก่อน​สร้าง​โลก​นี้​พระเจ้า​ก็​ได้​เลือก​เฮา​เป๋น​คน​ของ​พระองค์​แล้ว ใน​ตาง​ความ​สัมพันธ์​กับ​พระคริสต์ เปื้อ​หื้อ​เฮา​เป๋น​คน​บริสุทธิ์ บ่มี​ตี้​ติ​ใน​สายต๋า​พระเจ้า

เอเฟซัส 3:17

ขอ​หื้อ​พระคริสต์​อยู่​ใน​ใจ๋​ของ​หมู่​ต้าน​โดย​ตาง​ความ​เจื้อ​ของ​หมู่​ต้าน ขอ​หื้อ​ต้าน​มั่นคง​อยู่​ใน​ความ​ฮัก

เอเฟซัส 3:19

ขอ​หื้อ​หมู่​ต้าน​ฮู้จัก​ความ​ฮัก​ของ​พระคริสต์​นั้น เถิงแม้​ว่า​จะ​บ่ได้​ฮู้จัก​ตึงหมด​ก็​ต๋าม เปื้อ​พระเจ้า​จะ​ได้​จ้วย​หื้อ​หมู่​ต้าน​เป๋น​เหมือน​พระองค์​อย่าง​สมบูรณ์

เอเฟซัส 4:15

แตน​ตี้​จะ​เป๋น​จาอั้น ก็​หื้อ​หมู่​เฮา​ยึด​ความ​จริง​ด้วย​ความ​ฮัก เปื้อ​หมู่​เฮา​จะ​จ๋ำเริญ​ขึ้น​กู้​อย่าง​จ๋น​เป๋น​เหมือน​พระคริสต์​ผู้​เป๋น​หัว​ของ​คริสตจักร

เอเฟซัส 4:2

หื้อ​ถ่อมใจ๋ อ่อนน้อม กับ​อดทน​ต่อ​กั๋น​โดย​ความ​ฮัก

เอเฟซัส 5:15

จาอั้น จง​หละวัง​ใน​ก๋าน​ใจ๊​จีวิต​หื้อ​ดี ห้าม​ใจ๊​จีวิต​เหมือน​คน​ง่าว แต่​หื้อ​ใจ๊​จีวิต​เหมือน​คน​หลวก

เอเฟซัส 5:25

คน​เป๋น​ผัว​ต้อง​ฮัก​เมีย​ตั๋วเก่า เหมือน​ตี้​พระคริสต์​ฮัก​คริสตจักร​กับ​ยอม​สละ​จีวิต​เปื้อ​คริสตจักร

ฟีลิปปี 4:18

ข้าพเจ้า​ได้​ฮับ​กู้​อย่าง​ครบ​แล้ว กับ​มี​อย่าง​เหลือ​เฟือ​ตวย ข้าพเจ้า​มี​กู้​อย่าง​ตี้​จ๋ำเป๋น ย้อน​ได้ฮับ​สิ่ง​ตี้​หมู่​ต้าน​ฝาก​เอปาโฟรดิทัส​มา​หื้อ ของ​ฝาก​หมู่​นี้​เป๋น​เหมือน​เครื่อง​ปู่จา​ตี้​หอม​หวาน เป๋น​เครื่อง​ถวาย​ตี้​พระเจ้า​ยอมฮับ​กับ​เปิงใจ๋​ตวย

โคโลสี 3:14

แล้ว​นัก​เหลือ​สิ่ง​หมู่​นี้​ก็​คือ หื้อ​มี​ความ​ฮัก ย้อน​ว่า​ความ​ฮัก ผูกพัน​หมู่​เฮา​ไว้​หื้อ​เป๋น​น้ำ​นึ่ง​ใจ๋​เดียว​กั๋น

1 เธสะโลนิก๋า 4:9

ส่วน​เรื่อง​ก๋าน​ฮัก​หมู่​ปี้น้อง​ผู้เจื้อ​นั้น ข้าพเจ้า​บ่จ๋ำเป๋น​ต้อง​เขียน​มา​บอก​ต้าน​ตังหลาย​แหม ย้อน​พระเจ้า​สอน​หมู่​ต้าน​หื้อ​ฮัก​กั๋น​อยู่​แล้ว

1 ทิโมธี 2:6

ผู้​ตี้​สละ​จีวิต​เป๋น​ก้าไถ่​สำหรับ​กู้​คน​หื้อ​ป๊น​จาก​อำนาจ​ของ​บาป​กับ​ความ​ต๋าย เรื่อง​นี้​เกิด​ขึ้น​ต๋าม​เวลา​ตี้​พระเจ้า​ก๋ำหนด เปื้อ​เป๋น​หลักฐาน​ตี้​ยืนยัน​ว่า พระเจ้า​ใค่​จ้วย​หื้อ​กู้​คน​รอด​ป๊น​บาป​โต้ษ

1 ทิโมธี 4:12

บ่ดี​หื้อ​ใผ​มา​ดู​แควน​ต้าน​ย้อน​เป๋น​คน​หนุ่ม แต่​หื้อ​เป๋น​ตั๋วอย่าง​ตี้​ดี​แก่​ผู้เจื้อ​ตังหลาย​ใน​เรื่อง​ก๋าน​อู้ ก๋าน​เยียะ​ตั๋ว​ดี ความ​ฮัก ความ​เจื้อ ตึง​ความ​บริสุทธิ์

ทิตัส 2:14

พระองค์​ต๋าย​เปื้อ​เฮา เปื้อ​ไถ่​เฮา​หื้อ​ป๊น​อำนาจ​บาป​ตึงหมด​ตึงเสี้ยง กับ​เปื้อ​เยียะ​หื้อ​เฮา​บริสุทธิ์ แล้ว​จะ​ได้​เป๋น​คน​ของ​พระเจ้า​ตี้​เอา​แต๊​เอา​ว่า​ใน​ก๋าน​เยียะ​ความ​ดี

ฮีบรู 8:3

มหา​ปุโรหิต​กู้​คน​ได้​ฮับ​ก๋าน​แต่งตั้ง​หื้อ​ถวาย​เครื่อง​ปู่จา​กับ​สัตว์​ปู่จา ย้อนจาอี้​ก็​จ๋ำเป๋น​ตี้​มหา​ปุโรหิต​คน​นี้​ของ​เฮา​จะ​ต้อง​เอา​ของ​มา​ถวาย​ตวย​เหมือน​กั๋น

ฮีบรู 9:14

แล้ว​เลือด​ของ​พระเยซู​คริสต์​จะ​ซ่วย​ล้าง​เฮา​นัก​เหลือ​นั้น​มอก​ใด ย้อน​โดย​ตาง​พระวิญญาณ​ตี้​อยู่​ตลอด​ไป พระคริสต์​ถวาย​ตั๋ว​เป๋น​เครื่องปู่จา​ตี้​บ่มี​ต๋ำหนิ​ต่อ​พระเจ้า เลือด​ของ​พระองค์​ก็​สามารถ​ซ่วย​ล้าง​จิต​สำนึก​ของ​เฮา​หื้อ​บริสุทธิ์​ป๊น​จาก​ก๋าน​เยียะ​ตี้​นำ​ไป​เถิง​ความ​ต๋าย เปื้อ​เฮา​จะ​ได้​ฮับใจ๊​พระเจ้า​ผู้​มี​จีวิต​อยู่

ฮีบรู 9:23

ย้อน​จาอั้น​จึง​จ๋ำเป๋น​ต้อง​ใจ๊​เครื่อง​ปู่จา​จาอี้​ซ่วย​ล้าง​สิ่ง​ของ​ต่างๆ หมู่​นี้​ตี้​เป๋น​ของ​เฮียน​แบบ​ใน​สวรรค์​หื้อ​หมดใส ส่วน​ของ​ใน​สวรรค์​นั้น​ต้อง​ใจ๊​เครื่อง​ปู่จา​ตี้​ดี​เหลือ​นั้น​มา​เยียะ​หื้อ​หมดใส

ฮีบรู 9:26

ย้อน​ถ้า​เป๋น​จาอั้น​พระคริสต์​ก็​ต้อง​ทน​ตุ๊ก​หลาย​เตื้อ​นับ​ตั้งแต่​สร้าง​โลก​มา แต่​แต๊ๆ แล้ว​พระองค์​มา​ป๋ากฏ​ใน​ยุค​สุดต๊าย​เตื้อ​เดียว​เต้าอั้น เปื้อ​ถวาย​ตั๋ว​เป๋น​เครื่อง​ปู่จา​ก๋ำจัด​บาป​จ๋น​หมด​เสี้ยง

1 เปโตร 4:8

สิ่ง​ตี้​สำคัญ​ตี้​สุด ก็​คือ​หื้อ​ฮัก​กั๋น​นักๆ ย้อน​ความ​ฮัก​ยกโต้ษ​บาป​ตี้​นัก​ขนาด​ได้

1 ยอห์น 3:16

จาอี้​เฮา​จึง​ฮู้​ว่า​ความ​ฮัก​เป๋น​จาใด คือ​พระคริสต์​ได้​สละ​จีวิต​ของ​พระองค์​เปื้อ​เฮา​ตังหลาย เฮา​ก็​สมควร​จะ​สละ​จีวิต​ของ​เฮา​เปื้อ​ปี้น้อง​ผู้เจื้อ​ของ​เฮา​ตวย

1 ยอห์น 3:23

กำสั่ง​ของ​พระองค์​คือ​หื้อ​เฮา​เจื้อ​วางใจ๋​พระเยซู​คริสต์​พระบุตร​ของ​พระองค์ กับ​หื้อ​เฮา​ฮัก​กั๋น​เหมือน​อย่าง​ตี้​พระองค์​ได้​สั่ง​เฮา​ไว้

วิวรณ์ 1:5

กับ​จาก​พระเยซู​คริสต์​ผู้​เป๋น​พยาน​ตี้​ซื่อสัตย์ เป๋น​คน​เก๊าหัวที​ตี้​เป๋น​ขึ้น​จาก​ความ​ต๋าย​กับ​เป๋น​ผู้​มี​อำนาจ​เหนือ​กษัตริย์​ตังหลาย​ใน​โลก​นี้ พระเยซู​คริสต์​ฮัก​เฮา กับ​ได้​จ้วย​หื้อ​เฮา​มี​อิสระ​จาก​บาป​ของ​เฮา​ผ่าน​ตาง​เลือด​ของ​พระองค์​เอง

วิวรณ์ 5:9

หมู่​เขา​ก็​ฮ้อง​เพลง​บท​ใหม่​ว่า “พระองค์​เป๋น​ผู้​ตี้​สมควร​ตี้​จะ​ได้ฮับ​หนังสือ​ม้วน​นี้ กับ​แกะ​ก๋า​ออก ย้อน​พระองค์​ได้​ถูก​ฆ่า​แล้ว กับ​ได้​ไถ่​คน​ตังหลาย​หื้อ​พระเจ้า​โดย​เลือด​ของ​พระองค์ เซิ่ง​คน​หมู่​นั้น​มา​จาก​กู้​เผ่า กู้​ภาษา กู้​จ้าด กับ​กู้​บ้านเมือง