เอเฟซัส 4:5 - พระคริสตธรรมคัมภีร ภาคพันธสัญญาใหม

⁵ มี​องค์​พระผู้เป๋นเจ้า​องค์​เดียว ความ​เจื้อ​เดียว บัพติศมา​เดียว

เอเฟซัส 4:5 Iomraidhean Croise

มัทธิว 28:19

ย้อน​จาอี้ หื้อ​หมู่​ต้าน​ไป​สอน​คน​กู้​จ้าด​หื้อ​เป๋น​สาวก​ของ​เฮา กับ​หื้อ​เขา​ฮับ​บัพติศมา​ใน​นาม​พระบิดา พระบุตร​กับ​พระวิญญาณ​บริสุทธิ์

กิจก๋าน 10:36

ต้าน​ก็​ฮู้​ถ้อยกำ​ตี้​พระเจ้า​มอบ​หื้อ​กับ​จาว​อิสราเอล คือ​ถ้อยกำ​ตี้​บอก​เถิง​ข่าวดี​เกี่ยวกับ​สันติสุข​ผ่าน​ตาง​พระเยซู​คริสต์​ผู้​เป๋น​องค์​พระ​ผู้​เป๋น​เจ้า​ของ​คน​ตังหลาย

กิจก๋าน 2:36

เปโตร​อู้​ต่อ​ว่า “ย้อนจาอั้น​ขอ​หื้อ​จาว​อิสราเอล​ตังหลาย​ฮู้​แต๊ๆ เน่อ​ว่า พระเจ้า​ตั้ง​พระเยซู​ผู้​ตี้​หมู่​ต้าน​ปา​กั๋น​เอา​ไป​เขิง​ไว้​บน​ไม้​ก๋าง​เขน​นั้น หื้อ​เป๋น​ตึง​องค์​พระ​ผู้​เป๋น​เจ้า​เป๋น​ตึง​พระคริสต์​ตวย”

โรม 3:30

ย้อน​ว่า​พระองค์​เป๋น​พระเจ้า​องค์​เดียว​เต้าอั้น กับ​พระองค์​ก็​โผด​หื้อ​ตึง​จาว​ยิว​ตึง​คน​ต่างจ้าด​เป๋น​คน​ถูกต้อง​ต๋าม​ธรรม​โดย​ความ​เจื้อ​ของ​เขา บ่ว่า​จะ​เป๋น​จาว​ยิว​กาว่า​คน​ต่างจ้าด​ก็​ต๋าม

1 โครินธ์ 1:13

พระคริสต์​ถูก​แยก​ออก​เป๋น​หลาย​องค์​แล้ว​กา เปาโล​ถูก​เขิง​บน​ไม้​ก๋าง​เขน​เปื้อ​หมู่​ต้าน​กาว่า​ใด หมู่​ต้าน​ฮับ​บัพติศมา​เปื้อ​จะ​เป๋น​ของ​เปาโล​จาอั้น​กา

1 โครินธ์ 1:2

เถิง​คริสตจักร​ของ​พระเจ้า​ตี้​อยู่​ใน​เมือง​โครินธ์ พระเจ้า​ได้​เยียะ​หื้อ​ต้าน​บริสุทธิ์​โดย​ตาง​พระเยซู​คริสต์ กับ​ได้​ฮ้อง​ต้าน​หื้อ​เป๋น​คน​ของ​พระองค์​ฮ่วม​กับ​กู้​คน​ใน​กู้ๆ ตี้ ตี้​อธิษฐาน​ใน​นาม​ของ​พระเยซู​คริสต์​องค์​พระ​ผู้​เป๋น​เจ้า​ของ​หมู่​เขา​กับ​ของ​เฮา

1 โครินธ์ 12:13

ย้อน​ว่า​บ่ว่า​จะ​เป๋น​จาว​ยิว​กาว่า​จาว​กรีก เป๋น​ขี้ข้า​กาว่า​มี​อิสระ กู้​คน​ก็​ได้ฮับ​บัพติศมา​โดย​พระวิญญาณ​องค์​เดียว เปื้อ​หื้อ​เป๋น​ส่วน​นึ่ง​ของ​ตั๋ว​เดียว​กั๋น เฮา​กู้​คน​ก็​ได้ฮับ​พระวิญญาณ​องค์​เดียว​กั๋น​อยู่​ใน​เฮา

1 โครินธ์ 12:5

ก๋าน​ฮับใจ๊​พระเจ้า​ก็​มี​ต่าง​กั๋น​ไป แต่​ก็​ฮับใจ๊​องค์​พระ​ผู้​เป๋น​เจ้า​องค์​เดียว​กั๋น

1 โครินธ์ 8:6

แต่​สำหรับ​เฮา​แล้ว​มี​พระเจ้า​แต๊​องค์​เดียว​คือ​พระบิดา ตี้​สร้าง​กู้​สิ่ง​กู้​อย่าง กับ​จีวิต​เฮา​ก็​อยู่​เปื้อ​พระองค์ เฮา​มี​องค์​พระผู้เป๋นเจ้า​องค์​เดียว​เต้าอั้น​คือ​พระเยซู​คริสต์ ตี้​พระเจ้า​สร้าง​กู้​สิ่ง​กู้​อย่าง​ผ่าน​ตาง​พระองค์ กับ​เฮา​ก็​มี​จีวิต​อยู่​โดย​ผ่าน​ตาง​พระองค์​ตวย

2 โครินธ์ 11:4

ย้อน​เมื่อ​มี​คน​มา​สอน​เถิง​เรื่อง​พระเยซู​ตี้​แตกต่าง​จาก​ตี้​เฮา​เกย​สอน​ไป​นั้น กาว่า​เขา​หื้อ​หมู่​ต้าน​ฮับ​พระวิญญาณ​อื่น กาว่า ข่าวดี​อัน​อื่น​ตี้​แตกต่าง​จาก​ตี้​หมู่​ต้าน​เกย​ฮับ​มา​แล้ว หมู่​ต้าน​ก็​ยอมฮับ​เขา​ไว้​โดย​ง่าย

กาลาเทีย 5:6

ย้อน​ว่า​เมื่อ​เจื้อ​ใน​พระเยซู​คริสต์​แล้ว ก๋าน​เข้า​กาว่า​บ่เข้า​พิธี​สุหนัต ก็​บ่มี​ประโยชน์​อะหยัง แต่​สิ่ง​ตี้​สำคัญ​ก็​คือ​ความ​เจื้อ​ตี้​แสดง​ออก​มา​โดย​ความ​ฮัก

เอเฟซัส 4:13

จ๋น​หมู่​เฮา​ตึงหมด​จะ​เป๋น​อัน​นึ่ง​อัน​เดียว​กั๋น​ตาง​ความ​เจื้อ​กับ​ความ​ฮู้​เกี่ยว​กับ​พระบุตร​ของ​พระเจ้า แล้ว​เฮา​จะ​เติบโต​เป๋น​คน​ใหญ่​ใน​ความ​เจื้อ​อย่าง​สมบูรณ์ คือ เป๋น​เหมือน​พระคริสต์​กู้​อย่าง

ฟีลิปปี 2:11

กับ​กู้​คน​จะ​ยอมฮับ​ว่า พระเยซู​คริสต์​เป๋น​องค์​พระผู้เป๋นเจ้า เซิ่ง​เป๋น​ก๋าน​ถวาย​เกียรติ​พระเจ้า​พระบิดา

ฟีลิปปี 3:8

นัก​เหลือ​นั้น​แหม ข้าพเจ้า​หัน​ว่า​ซะป๊ะ​กู้​สิ่ง​บ่มี​ประโยชน์ เมื่อ​เผียบ​กับ​ก๋าน​ตี้​ได้​ฮู้จัก​พระเยซู​คริสต์​องค์​พระผู้เป๋นเจ้า​ของ​ข้าพเจ้า เซิ่ง​มี​ก้า​นัก​เหลือ ข้าพเจ้า​ยอม​ละ​ขว้าง​กู้​อย่าง ย้อน​หันแก่​พระองค์ ข้าพเจ้า​ถือ​ว่า​กู้​อย่าง​นั้น​เป๋น​ขยะ เปื้อ​จะ​ได้​พระคริสต์

ทิตัส 1:1

จดหมาย​ฉบับ​นี้​จาก​ข้าพเจ้า​เปาโล ผู้​ฮับใจ๊​ของ​พระเจ้า ผู้​เป๋น​อัครทูต​ของ​พระเยซู​คริสต์ เปื้อ​จ้วย​คน​ตี้​พระเจ้า​เลือก​ไว้​หื้อ​มี​ความ​เจื้อ​นัก​ขึ้น กับ​จ้วย​หื้อ​เข้าใจ๋​ความ​จริง​ใน​ตาง​ของ​พระเจ้า

ทิตัส 1:4

เถิง ทิตัส ลูก​แต๊ๆ ใน​ความ​เจื้อ​อัน​เดียว​กั๋น ขอ​หื้อ​ต้าน​ตังหลาย​ได้​ฮับ​พระคุณ​ตึง​สันติสุข​จาก​พระเจ้า​พระบิดา ตึง​พระเยซู​คริสต์​ผู้​จ้วย​หื้อ​รอด​ป๊น​บาป​โต้ษ​ของ​เฮา​เต๊อะ

ฮีบรู 13:7

หื้อ​กึ๊ด​เถิง​หมู่​ผู้นำ​ของ​ต้าน ผู้​ตี้​ได้​อู้​เรื่อง​ถ้อยกำ​ของ​พระเจ้า​แก่​ต้าน หื้อ​ผ่อ​ดีๆ ว่า​ตลอด​จีวิต​ของ​หมู่​เขา​เป๋น​จาใด แล้ว​หื้อ​เฮียน​แบบ​ความ​เจื้อ​ของ​เขา

ฮีบรู 6:6

ถ้า​คน​หมู่​นั้น​ยัง​หลง​ไป​ก็​เป๋น​ไป​บ่ได้​ตี้​จะ​ปา​หมู่​เขา​กลับใจ๋​จาก​บาป​ได้​แหม ย้อน​เหมือน​กับ​ว่า​เขา​ได้​เขิง​พระบุตร​ของ​พระเจ้า​บน​ไม้​กาง​เขน​แหม​เตื้อ กับ​ซะหน้าซะต๋า​พระองค์​ต่อ​หน้า​คน​ตังหลาย

ยากอบ 2:18

แต่​บาง​คน​จะ​อู้​ว่า “ต้าน​มี​ความ​เจื้อ แต่​ตั๋ว​ข้าพเจ้า​เป๋น​คน​เยียะ” ข้าพเจ้า​จะ​บอก​กับ​เขา​ว่า “ขอ​แสดง​หื้อ​ข้าพเจ้า​หัน​ความ​เจื้อ​ของ​ต้าน​โดย​ก๋าน​บ่ต้อง​เยียะ​ต๋าม​กำ​ลอ แล้ว​ข้าพเจ้า​ก็​จะ​แสดง​ความ​เจื้อ​ของ​ข้าพเจ้า​โดย​ก๋าน​เยียะ​ต๋าม​หื้อ​ผ่อ​ตวย”

1 เปโตร 3:21

น้ำ​นี้​ละ ตี้​ก๋าย​เป๋น​สัญลักษณ์​ของ​พิธี​บัพติศมา เซิ่ง​โดย​พิธี​นี้​ต้าน​ได้​รอด​ป๊น​บาป​โต้ษ​แล้ว พิธี​นี้​บ่ใจ้​เป๋น​ก๋าน​ล้าง​ขี้เปอะ​ออก​จาก​ตั๋ว แต่​เป๋น​ก๋าน​หื้อ​สัญญา​กับ​พระเจ้า​จาก​จิต​สำนึก​ตี้​ดี ความ​รอด​ป๊น​บาป​โต้ษ​จาอี้​เกิด​ขึ้น​ได้​โดย​ก๋าน​เป๋น​ขึ้น​จาก​ความ​ต๋าย​ของ​พระเยซู​คริสต์

2 เปโตร 1:1

จดหมาย​ฉบับ​นี้​จาก ซีโมน​เปโตร ตี้​เป๋น​ผู้​ฮับใจ๊​กับ​เป๋น​อัครทูต​ของ​พระเยซู​คริสต์ เถิง​ผู้​ตี้​ได้ฮับ​ความ​เจื้อ​ตี้​มี​ก้า​นัก​ขนาด​เหมือน​เฮา ย้อน​พระเจ้า​ของ​เฮา​ตังหลาย คือ​พระเยซู​คริสต์​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา​นั้น​ยุติธรรม

ยูดา 1:20

แต่​ส่วน​หมู่​ต้าน เปื้อน​ตี้​ฮัก​เหย หื้อ​ก่อ​ตั๋ว​ขึ้น​บน​ความ​เจื้อ​ตี้​บริสุทธิ์​ตี้​สุด แล้ว​หื้อ​พระวิญญาณ​บริสุทธิ์​จ้วย​ต้าน​อธิษฐาน

ยูดา 1:3

เปื้อน​ตี้​ฮัก​เหย ข้าพเจ้า​ตั้งใจ๋​ขนาด​ตี้​จะ​เขียน​เถิง​หมู่​ต้าน​เกี่ยวกับ​ความ​รอด​ตี้​เฮา​มี​ฮ่วม​กั๋น แต่​หัน​ว่า​จ๋ำเป๋น​ตี้​ข้าพเจ้า​จะ​ต้อง​เขียน​มา​หื้อ​ก๋ำลังใจ๋​หมู่​ต้าน ใน​ก๋าน​ต่อสู้​เปื้อ​หลัก​ความ​เจื้อ​ตี้​พระเจ้า​ได้​มอบ​หื้อ​กับ​คน​ของ​พระองค์​เตื้อ​เดียว​สำหรับ​ตลอด​ไป