เอเฟซัส 4:24 - พระคริสตธรรมคัมภีร ภาคพันธสัญญาใหม

²⁴ กับ​หื้อ​หมู่​ต้าน​ยอมฮับ​จีวิต​ใหม่ ตี้​พระเจ้า​สร้าง​ขึ้น​หื้อ​เป๋น​เหมือน​พระองค์ เป๋น​จีวิต​ตี้​ถูกต้อง​ต๋าม​ธรรม​กับ​บริสุทธิ์​แต๊ๆ

เอเฟซัส 4:24 Iomraidhean Croise

ลูก๋า 1:75

ด้วย​ความ​บริสุทธิ์​กับ​ความ​ถูกต้อง​ต๋าม​ธรรม​ไป​ตลอด​จีวิต​ของ​หมู่​เฮา

ยอห์น 17:17

ถ้อยกำ​ของ​พระองค์​เป๋น​ความ​จริง ขอ​หื้อ​ถ้อยกำ​นั้น​เยียะ​หื้อ​หมู่​เขา​เป๋น​คน​ตี้​บริสุทธิ์​ของ​พระองค์

โรม 12:2

ห้าม​เยียะ​เหมือน​อย่าง​คน​สมัย​นี้ แต่​ยอม​หื้อ​พระเจ้า​เปี่ยน​จีวิต​เป๋น​คน​ใหม่​โดย​หื้อ​พระองค์​เปี่ยน​จิตใจ๋​ของ​หมู่​ต้าน​เหีย​ใหม่ แล้ว​หมู่​ต้าน​จะ​ได้​ฮู้​ความ​ต้องก๋าน​ของ​พระเจ้า​ว่า อะหยัง​ดี อะหยัง​เยียะ​หื้อ​พระเจ้า​ปอใจ๋ กับ​อะหยัง​สมบูรณ์​แบบ​ใน​ก๋าน​ใจ๊​จีวิต

โรม 13:12

เมื่อคืน​ใก้​จะ​ผ่าน​ไป​แล้ว ต๋อน​เจ๊า​ก็​ใก้​เข้า​มา ย้อนจาอั้น​หื้อ​เลิก​เยียะ​สิ่ง​ตี้​เป๋น​ของ​ความ​มืด​เหีย แล้ว​ใส่​เครื่อง​ป้องกั๋น​ตี้​เป๋น​ของ​ความ​เป่งแจ้ง

โรม 13:14

แต่​ต้าน​ตังหลาย​ควร​เยียะ​ตั๋ว​ต๋าม​แบบ​อย่าง​พระเยซู​คริสต์ องค์​พระ​ผู้​เป๋น​เจ้า กับ​ห้าม​เปิด​โอกาส​หื้อ​เยียะ​ต๋าม​กิเลส​ตั๋ณหา​ของ​สันดาน​บาป

โรม 6:4

ย้อน​จาอั้น​โดย​ก๋าน​ฮับ​บัพติศมา​เข้า​ฮ่วม​ใน​ก๋าน​ต๋าย​ของ​พระองค์​นั้น ก็​เหมือน​ว่า​หมู่​เฮา​ถูก​ฝัง​ตวย​พระองค์ เมื่อ​พระเจ้า​ใจ๊​ฤทธิ์​อำนาจ​อัน​ยิ่งใหญ่​เยียะ​หื้อ​พระเยซู​คริสต์​เป๋น​ขึ้น​จาก​ความ​ต๋าย​แล้ว หมู่​เฮา​ก็​มี​วิถี​จีวิต​ใหม่​ตวย​เหมือน​กั๋น

โรม 7:6

แต่​บ่าเดี่ยวนี้​เฮา​ต๋าย​จาก​บท​บัญญัติ​แล้ว คือ​ได้ฮับ​ก๋าน​ปลดปล่อย​หื้อ​มี​อิสระ​จาก​บท​บัญญัติ​ตี้​เกย​มี​เหนือ​เฮา ต๋อน​นี้​เฮา​สามารถ​ฮับใจ๊​พระเจ้า​ต๋าม​แนว​ตาง​ใหม่​ตี้​พระวิญญาณ​จะ​นำ​เฮา บ่ใจ้​เยียะ​ต๋าม​ข้อ​บังคับ​แบบ​เก่า​ตี้​เขียน​ไว้​แหม​ต่อไป

โรม 8:29

ย้อน​ว่า​คน​ตี้​พระเจ้า​เลือก​ไว้​แล้ว พระองค์​ได้​ก๋ำหนด​ไว้​ล่วงหน้า​หื้อ​เป๋น​เหมือน​พระบุตร​ของ​พระองค์ เปื้อ​หื้อ​พระบุตร​นั้น​เป๋น​ลูก​คน​เก๊า​ใน​หมู่​ปี้น้อง​ผู้เจื้อ​ตังหลาย

1 โครินธ์ 15:53

ย้อน​ว่า สิ่ง​ตี้​เน่า​เปื่อย​ได้​ก็​จะ​ได้ฮับ​ก๋าน​เปี่ยน​ใหม่​เป๋น​สิ่ง​ตี้​เน่า​เปื่อย​บ่ได้ แล้ว​ตั๋ว​ตี้​ต้อง​ต๋าย​ก็​จะ​ได้​ฮับ​ก๋าน​เปี่ยน​เป๋น​ตั๋ว​ตี้​บ่มี​วัน​ต๋าย​ได้

2 โครินธ์ 3:18

หมู่​เฮา​กู้​คน​ตี้​บ่มี​ผ้า​คุม​หน้า​แล้ว ก็​ผ่อ​หัน​รัศมี​ของ​องค์​พระ​ผู้​เป๋น​เจ้า แล้ว​เฮา​ก็​ได้ฮับ​ก๋าน​เปี่ยนแปลง​หื้อ​เป๋น​เหมือน​ภาพ​สะท้อน​ของ​พระองค์ เยียะ​หื้อ​เฮา​มี​รัศมี​นัก​ขึ้น​ไป​ติกๆ เซิ่ง​มา​จาก​องค์​พระ​ผู้​เป๋น​เจ้า ผู้​ตี้​เป๋น​พระวิญญาณ

2 โครินธ์ 4:16

ย้อน​จาอั้น​เฮา​จึง​บ่เกย​ยอม​ก๊าน เถิง​แม้ว่า​ตั๋ว​ตังนอก​ของ​เฮา​ก้อยๆ เสื่อม​สภาพ​ไป แต่​จิตใจ๋​ตัง​ใน​ของ​เฮา​นั้น​ได้ฮับ​ก๋ำลัง​ใหม่​ใน​กู้ๆ วัน

2 โครินธ์ 5:17

จาอั้น​ถ้า​ใผ​เป๋น​อัน​นึ่ง​อัน​เดียว​กั๋น​กับ​พระคริสต์ เขา​ก็​เป๋น​คน​ใหม่​แล้ว สิ่ง​เก่าๆ ก็​หมด​ไป ผ่อ​ลอ สิ่ง​ใหม่ๆ ก็​เกิด​ขึ้น

กาลาเทีย 3:27

ย้อน​ว่า​ต้าน​ตังหลาย​ตี้​ได้ฮับ​บัพติศมา​หื้อ​เป๋น​คน​ของ​พระคริสต์​แล้ว ก็​ก๋าย​เป๋น​เหมือน​พระคริสต์​ตวย

กาลาเทีย 6:15

ก๋าน​เข้า​กาว่า​บ่เข้า​พิธี​สุหนัต บ่ใจ้​เรื่อง​สำคัญ​เลย เรื่อง​สำคัญ​คือ ก๋าน​เป๋น​คน​ตี้​พระเจ้า​ได้​สร้าง​ขึ้น​ใหม่

เอเฟซัส 2:10

เฮา​เป๋น​ผล​งาน​ของ​พระเจ้า​ตี้​พระองค์​สร้าง​ขึ้น​ผ่าน​ตาง​พระเยซู​คริสต์ เปื้อ​หื้อ​เฮา​เยียะ​สิ่ง​ดีๆ ตี้​พระองค์​เกียม​ไว้​หื้อ​เฮา​เยียะ​ก่อน​แล้ว

เอเฟซัส 2:15

พระองค์​ได้​ยกเลิก​บท​บัญญัติ​ตึง​กำ​สั่ง​กับ​กฎเก๋ณฑ์​ต่างๆ เปื้อ​เยียะ​หื้อ​คน​ตึง​สอง​ฝ่าย​รวม​เป๋น​หมู่​ใหม่ เซิ่ง​เป๋น​หมู่​เดียว​กั๋น​โดย​ความ​สัมพันธ์​กับ​พระองค์ แล้ว​สันติสุข​ก็​เกิด​ขึ้น

เอเฟซัส 6:11

หื้อ​ใส่​เครื่อง​ป้องกั๋น​ใน​ก๋าน​ฮบ​ตึงหมด​ของ​พระเจ้า เปื้อ​ต้าน​จะ​ยืน​อยู่​ต่อสู้​กับ​แผนก๋าน​ของ​มาร​ได้

ทิตัส 2:14

พระองค์​ต๋าย​เปื้อ​เฮา เปื้อ​ไถ่​เฮา​หื้อ​ป๊น​อำนาจ​บาป​ตึงหมด​ตึงเสี้ยง กับ​เปื้อ​เยียะ​หื้อ​เฮา​บริสุทธิ์ แล้ว​จะ​ได้​เป๋น​คน​ของ​พระเจ้า​ตี้​เอา​แต๊​เอา​ว่า​ใน​ก๋าน​เยียะ​ความ​ดี

ฮีบรู 1:8

แต่​ส่วน​พระบุตร​นั้น​พระเจ้า​อู้​ว่า “ข้า​แต่​พระเจ้า บัลลังก์​ของ​พระองค์​จะ​อยู่​ตลอดไป กับ​พระองค์​จะ​ปกครอง​แผ่นดิน​ของ​พระองค์​อย่าง​ยุติธรรม

ฮีบรู 12:14

หื้อ​พยายาม​อยู่​ฮ่วม​กับ​คน​ตังหลาย​อย่าง​สงบ​สุข​กับ​มี​จีวิต​ตี้​บริสุทธิ์ ย้อน​ว่า​ใผ​ตี้​มี​จีวิต​ตี้​บ่บริสุทธิ์​ก็​จะ​บ่หัน​องค์​พระ​ผู้​เป๋น​เจ้า​เลย

1 เปโตร 2:2

หื้อ​เป๋น​อย่าง​หละอ่อน​หน้อย ตี้​ใค่​อยาก​กิ๋น​นม​ฝ่าย​วิญญาณ​ตี้​บริสุทธิ์​เปื้อ​หมู่​ต้าน​จะ​ได้​เติบใหญ่​ฝ่าย​จิตวิญญาณ​ขึ้น แล้ว​ฮับ​ความ​รอด​ป๊น​บาป​โต้ษ

2 เปโตร 1:4

โดย​สิ่ง​หมู่​นี้​ละ พระเจ้า​ได้​หื้อ​พระสัญญา​ตี้​มี​ก้า​กับ​ยิ่งใหญ่​แก่​หมู่​เฮา เปื้อ​หมู่​ต้าน​จะ​ได้​หลุด​ป๊น​จาก​สิ่ง​ตี้​เยียะ​หื้อ​จิตใจ๋​เสื่อม​ลง เซิ่ง​เกิด​จาก​กิเลส​ตั๋ณหา​ตี้​มี​อยู่​ใน​โลก แล้ว​ต้าน​จะ​ได้ฮับ​ก๋าน​เปี่ยนแปลง​หื้อ​เป๋น​เหมือน​พระเจ้า