โคโลสี 3:1 - พระคริสตธรรมคัมภีร ภาคพันธสัญญาใหม

¹ พระเจ้า​เยียะ​หื้อ​ต้าน​เป๋น​ขึ้น​จาก​ความ​ต๋าย​ฮ่วม​กับ​พระคริสต์​แล้ว จาอั้น​ก็​หื้อ​จดจ่อ​สิ่ง​ตี้​อยู่​บน​สวรรค์​เซิ่ง​พระคริสต์​นั่ง​อยู่​ตัง​ขวา​มือ​ของ​พระเจ้า

โคโลสี 3:1 Iomraidhean Croise

มัทธิว 22:44

‘พระเจ้า​อู้​กับ​องค์​พระผู้เป๋นเจ้า​ของ​ข้าพเจ้า​ว่า “หื้อ​นั่ง​ตัง​ขวา​มือ​ของ​เฮา จ๋น​เต๊า​ฮอด​เฮา​จะ​เยียะ​หื้อ​ศัตรู๋​ของ​ต้าน อยู่​ลุ่ม​ปื๊น​ตี๋น​ของ​ต้าน” ’

มัทธิว 26:64

พระเยซู​ตอบ​เขา​ว่า “อู้​ถูก​แล้ว แต่​เฮา​จะ​บอก​หื้อ​ฮู้​แหม​ว่า ตั้งแต่​นี้​ไป ต้าน​ตังหลาย​จะ​ได้​หัน​บุตรมนุษย์​นั่ง​ตัง​เผิก​ขวา​ของ​พระเจ้า​ผู้​มี​ฤทธิ์​อำนาจ กับ​จะ​ลง​มา​บน​เมฆ​ใน​ฟ้า​สวรรค์”

มัทธิว 6:20

แต่​หื้อ​เก็บ​ฮอม​ทรัพย์​สมบัติ​ไว้​ใน​สวรรค์ ตี้​ขี้เหมี้ยง​กับ​แมง​จะ​มา​ขบ​กิ๋น​เยียะ​หื้อ​ทรัพย์​สมบัติ​เสียหาย กาว่า​ขโมย​เข้า​บ้าน​ลัก​เอา​ไป​ตึง​บ่ได้

มัทธิว 6:33

แต่​สิ่ง​ตี้​สำคัญ​ตี้​สุด​สำหรับ​หมู่​ต้าน ก็​คือ​หื้อ​เซาะ​หา​แผ่นดิน​ของ​พระเจ้า​ก่อน กับ​เยียะ​ตวย​ต๋าม​ความ​ต้องก๋าน​ของ​พระเจ้า แล้ว​พระองค์​จะ​เตื่อม​แถ้ง​สิ่ง​ตี้​จ๋ำเป๋น​ตึง​หมด​นี้​กับ​หมู่​ต้าน

มาระโก 12:36

ย้อน​ว่า​ตั๋ว​กษัตริย์​ดาวิด​อู้​เถิง​พระคริสต์​โดย​พระวิญญาณ​บริสุทธิ์​ว่า ‘พระเจ้า​อู้​กับ​องค์​พระผู้เป๋นเจ้า​ของ​ข้าพเจ้า​ว่า “หื้อ​นั่ง​ตัง​ขวา​มือ​ของ​เฮา จ๋น​เต๊า​ฮอด​เฮา​จะ​เยียะ​หื้อ​ศัตรู๋​ของ​ต้าน​อยู่​ลุ่ม​ปื๊น​ตี๋น​ของ​ต้าน” ’

มาระโก 14:62

พระเยซู​ก็​ตอบ​ว่า “แม่น​แล้ว เฮา​เป๋น แล้ว​ต้าน​ตังหลาย​จะ​ได้​หัน​บุตรมนุษย์​นั่ง​ตัง​เผิก​ขวา​ของ​พระเจ้า​ผู้​มี​ฤทธิ์​อำนาจ กับ​จะ​ลง​มา​บน​เมฆ​ใน​ฟ้า​สวรรค์”

มาระโก 16:19

เมื่อ​พระเยซู​อู้​กับ​หมู่​เขา​จบ​แล้ว พระเจ้า​ก็​ฮับ​พระองค์​ขึ้น​ไป​สวรรค์​หื้อ​นั่ง​ตัง​เผิก​ขวา​ของ​พระองค์

ลูก๋า 12:33

ต้าน​ตังหลาย​จง​ขาย​ของ​ตี้​มี​อยู่ แล้ว​แจก​หื้อ​คน​ตุ๊ก หื้อ​แป๋ง​ถง​สตางค์​ตี้​บ่มี​วัน​ปุด คือ​มี​ทรัพย์​สมบัติ​ไว้​ใน​สวรรค์​ตี้​บ่ฮู้จัก​หมด ตี้​ขโมย​ก็​บ่เข้า​มา​ใก้ แมง​ก็​บ่มา​ขบ​กิ๋น

ลูก๋า 20:42

ย้อน​กษัตริย์​ดาวิด​ได้​บอก​ไว้​ใน​พระธรรม​สดุดี​ว่า ‘พระเจ้า​อู้​กับ​องค์​พระผู้เป๋นเจ้า​ของ​ข้าพเจ้า​ว่า หื้อ​นั่ง​ตัง​ขวา​มือ​ของ​เฮา

ลูก๋า 22:69

ตั้งแต่​นี้​ไป​บุตรมนุษย์​จะ​ได้​นั่ง​ตัง​เผิก​ขวา​ของ​พระเจ้า​ผู้​มี​ฤทธิ์​อำนาจ”

กิจก๋าน 2:34

กษัตริย์​ดาวิด​บ่ได้​ขึ้น​ไป​บน​สวรรค์ แต่​ต้าน​อู้​ว่า ‘พระเจ้า​อู้​กับ​องค์​พระผู้เป๋นเจ้า​ของ​ข้าพเจ้า​ว่า “หื้อ​นั่ง​ตัง​ขวา​มือ​ของ​เฮา

กิจก๋าน 7:55

แต่​สเทเฟน​ก็​ฮับ​ก๋าน​ดลใจ๋​จาก​พระวิญญาณ​บริสุทธิ์ ต้าน​แหงน​ผ่อ​ขึ้น​บน​ต๊องฟ้า​ก็​หัน​รัศมี​ของ​พระเจ้า กับ​หัน​พระเยซู​ยืน​อยู่​ตัง​เผิก​ขวา​ของ​พระเจ้า​หั้น

โรม 8:34

แล้ว​ใผ​จะ​ตัดสิน​ลงโต้ษ​หมู่​เฮา พระเยซู​คริสต์​กา บ่ใจ้​เน่อ ย้อน​พระองค์​ได้​ต๋าย​เปื้อ​หมู่​เฮา แล้ว​พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย แล้ว​อยู่​ตัง​ขวา​มือ​ของ​พระเจ้า กับ​ได้​อ้อนวอน​ขอ​จาก​พระเจ้า​เปื้อ​หมู่​เฮา

โรม 8:6

ถ้า​หื้อ​สันดาน​บาป​ควบคุม​จิตใจ๋ ก็​จะ​นำ​ไป​เถิง​ความ​ต๋าย แต่​ถ้า​หื้อ​พระวิญญาณ​ควบคุม​จิตใจ๋ ก็​จะ​นำ​ไป​เถิง​จีวิต​กับ​สันติสุข

2 โครินธ์ 4:18

เฮา​บ่ได้​จ๋ม​อยู่​กับ​สิ่ง​ตี้​ผ่อ​หัน แต่​เฮา​อยู่​กับ​สิ่ง​ตี้​ผ่อ​บ่หัน ย้อน​ว่า​สิ่ง​ตี้​ผ่อ​หัน​นั้น​อยู่​ได้​บ่เมิน แต่​สิ่ง​ตี้​ผ่อ​บ่หัน​นั้น​คง​อยู่​ตลอด​ไป

เอเฟซัส 4:10

พระองค์​ผู้​ตี้​ลง​ไป​นั้น ก็​คือ​พระองค์​ตี้​ขึ้น​ไป​อยู่​ตี้​สูง​ตี้​สุด​เหนือ​ฟ้า​สวรรค์​ตวย เปื้อ​พระองค์​จะ​ได้​อยู่​กู้​ตี้​กู้​ตาง

เอเฟซัส 5:22

คน​เป๋น​เมีย​ก็​ต้อง​เจื้อฟัง​ผัว เหมือน​ตี้​เจื้อฟัง​องค์​พระผู้เป๋นเจ้า

โคโลสี 2:20

เมื่อ​สันดาน​บาป​ของ​ต้าน​ได้​ต๋าย​ตวย​พระคริสต์ เยียะ​หื้อ​ป๊น​จาก​ก๋าน​ครอบงำ​ของ​หมู่​วิญญาณ​ต่างๆ ใน​โลก​นี้ เป๋น​จาใด​ต้าน​ยัง​ยอม​อยู่​ใต้​กฎเก๋ณฑ์​อำนาจ​ของ​โลก​อยู่

โคโลสี 3:2

หื้อ​กึ๊ด​เถิง​สิ่ง​ตี้​อยู่​บน​สวรรค์ บ่ใจ้​สิ่ง​ตี้​อยู่​ใน​โลก​นี้

ฮีบรู 1:13

พระเจ้า​เกย​อู้​กับ​ทูตสวรรค์​ต๋น​ใด​พ่อง​ว่า “หื้อ​นั่ง​ตัง​ขวา​มือ​ของ​เฮา จ๋น​เต๊า​ฮอด​เฮา​จะ​เยียะ​หื้อ​ศัตรู๋​ของ​ต้าน เป๋น​ตี้​ฮอง​ตี๋น​ของ​ต้าน”

ฮีบรู 1:3

พระบุตร​สำแดง​หื้อ​หัน​รัศมี​ของ​พระเจ้า กับ​เป๋น​ปิม​เดียว​กั๋น​กับ​พระเจ้า พระบุตร​ก๊ำจู​กู้​อย่าง​โดย​กำ​อู้​ตี้​มี​ฤทธิ์​อำนาจ​ของ​พระองค์ เมื่อ​พระบุตร​ได้​ล้าง​บาป​หื้อ​คน​ตังหลาย​แล้ว พระองค์​ก็​ได้​นั่ง​ตัง​ขวา​มือ​ของ​พระเจ้า​ผู้​ตี้​ยิ่งใหญ่​ตี้​สุด​ใน​สวรรค์

ฮีบรู 10:12

แต่​พระเยซู​คริสต์​ได้​ถวาย​ตั๋ว​เป๋น​เครื่อง​ปู่จา​เตื้อ​เดียว​ตี้​มี​ผล​ตลอด​ไป เปื้อ​ล้าง​บาป แล้ว​ก็​นั่ง​อยู่​เผิก​ขวา​มือ​ของ​พระเจ้า

ฮีบรู 12:2

หื้อ​ตั้ง​ต๋า​ผ่อ​ไป​ตี้​พระเยซู​ผู้​นำ​ตาง​ความ​เจื้อ​กับ​เยียะ​หื้อ​ความ​เจื้อ​นั้น​สมบูรณ์ พระองค์​อดทน​ต่อ​ความ​ตุ๊ก​ทรมาน​บน​ไม้​ก๋าง​เขน เปื้อ​ความ​จื้นจม​ยินดี​ตี้​อยู่​ต่อหน้า​พระองค์ โดย​บ่กึ๊ด​ว่า​ก๋าน​ต๋าย​บน​ไม้​ก๋าง​เขน​เป๋น​สิ่ง​น่า​อาย แล้ว​บ่าเดี่ยว​นี้​พระองค์​นั่ง​อยู่​ตัง​ขวา​บัลลังก์​ของ​พระเจ้า​แล้ว

ฮีบรู 8:1

สิ่ง​ตี้​สำคัญ​ของ​เรื่อง​ตี้​เฮา​อู้​มา​นี้​ก็​คือ​ว่า เฮา​มี​มหา​ปุโรหิต​จาอี้ ผู้​ตี้​นั่ง​อยู่​ตัง​ขวา​บัลลังก์​ของ​พระเจ้า​ผู้​ตี้​ยิ่งใหญ่​ตี้​สุด​ใน​สวรรค์

1 เปโตร 3:22

พระองค์​ได้​ขึ้น​ไป​บน​สวรรค์​แล้ว​อยู่​ตัง​ขวา​มือ​ของ​พระเจ้า พระองค์​ปกครอง​หมู่​ทูตสวรรค์​ตึงหมด หมู่​วิญญาณ​ตี้​มี​อำนาจ กับ​หมู่​ตี้​มี​ฤทธิ์​เดช​ตังหลาย