โคโลสี 2:16 - พระคริสตธรรมคัมภีร ภาคพันธสัญญาใหม

¹⁶ ย้อน​จาอี้​บ่ต้อง​สนใจ๋​เมื่อ​ใผ​ว่า​ต้าน​ใน​สิ่ง​ตี้​กิ๋น​ตี้​ดื่ม ตึง​ตี้​ต้าน​บ่ได้​เข้า​ฮ่วม​งาน​ตาง​ศาสนา กาว่า​พิธี​วัน​ต้น​เดือน กาว่า​บ่นับ​ถือ​วัน​สะบาโต

โคโลสี 2:16 Iomraidhean Croise

มัทธิว 15:11

บ่ใจ้​สิ่ง​ตี้​เข้า​ปาก​เยียะ​หื้อ​คน​เป๋น​มลทิน​ใน​สาย​ต๋า​พระเจ้า​เน่อ แต่​สิ่ง​ตี้​ออก​มา​จาก​ปาก​เยียะ​หื้อ​คน​เป๋น​มลทิน”

มาระโก 7:19

ย้อน​ว่า​บ่ได้​เข้า​ไป​ใน​จิตใจ๋ แต่​ลง​ต๊อง​แล้ว​ก็​ถ่าย​ออก​ไป​เหีย” (​ตี้​อู้​จาอี้​เป๋น​ก๋าน​บอก​หื้อ​ฮู้​ว่า​ของ​กิ๋น​กู้​อย่าง​กิ๋น​ได้ บ่มี​อัน​ใด​เป๋น​มลทิน)

กิจก๋าน 15:20

แต่​เฮา​ควร​จะ​เขียน​จดหมาย​ไป​บอก​หมู่​เขา​ว่า อย่าง​ตี้​นึ่ง ห้าม​กิ๋น​อาหาร​ตี้​เป๋น​มลทิน​ย้อน​ได้​เอา​ไป​ปู่จา​ฮูป​เคารพ​แล้ว อย่าง​ตี้​สอง ห้าม​เยียะ​บาป​ตาง​เพศ อย่าง​ตี้​สาม ห้าม​กิ๋น​จิ๊น​สัตว์​ตี้​ถูก​ฮัด​คอ​ต๋าย​ตี้​เลือด​ยัง​ค้าง​อยู่​ใน​ตั๋ว กับ​อย่าง​ตี้​สี่ ห้าม​กิ๋น​เลือด

โรม 14:10

แล้ว​เป๋น​จาใด​ต้าน​จึง​ตัดสิน​ปี้น้อง​ผู้เจื้อ​ของ​ต้าน กาว่า​ดู​แควน​ปี้น้อง​ผู้เจื้อ​ของ​ต้าน ย้อน​เฮา​ตังหลาย​ต้อง​ยืน​ต่อ​หน้า​พระเจ้า​หื้อ​พระองค์​ตัดสิน​กั๋น​กู้​คน

กาลาเทีย 4:10

ต้าน​ยัง​ถือ​ฤกษ์​ถือ​ยาม ถือ​วัน​เดือน​ปี๋ กาว่า​หละดู​นั้น​หละดู​นี้​อยู่

โคโลสี 2:20

เมื่อ​สันดาน​บาป​ของ​ต้าน​ได้​ต๋าย​ตวย​พระคริสต์ เยียะ​หื้อ​ป๊น​จาก​ก๋าน​ครอบงำ​ของ​หมู่​วิญญาณ​ต่างๆ ใน​โลก​นี้ เป๋น​จาใด​ต้าน​ยัง​ยอม​อยู่​ใต้​กฎเก๋ณฑ์​อำนาจ​ของ​โลก​อยู่

ฮีบรู 13:9

บ่ดี​หื้อ​กำสอน​แปลกๆ เยียะ​หื้อ​ต้าน​หลง​ไป ย้อน​เป๋น​สิ่ง​ตี้​ดี​ตี้​จะ​หื้อ​จิตใจ๋​ของ​เฮา​เข้มแข็ง​ขึ้น​โดย​พระคุณ บ่ใจ้​โดย​ก๋าน​เยียะ​ต๋าม​ฮีต​เก่า​ฮอย​เดิม​เรื่อง​ก๋าน​กิ๋น เซิ่ง​บ่มี​ประโยชน์​แก่​จิตใจ๋​ของ​คน​ตี้​ถือ​ต๋าม​จาอั้น​เลย

ฮีบรู 9:10

สิ่ง​หมู่​นี้​เป๋น​ก้า​เรื่อง​เกี่ยว​กับ​ของ​กิ๋น​กับ​พิธี​ซ่วย​ล้าง​ต่างๆ เป๋น​กฎเก๋ณฑ์​ตี้​เกี่ยวกับ​เรื่อง​ภาย​นอก​เต้าอั้น จ๋น​เถิง​เวลา​ตี้​พระเจ้า​จะ​เปี่ยน​เป๋น​ระบบ​ใหม่

ยากอบ 4:11

ปี้น้อง​ตังหลาย ห้าม​ใส่ฮ้าย​ป้าย​สี​กั๋น​เน่อ ย้อน​คน​ตี้​ใส่ฮ้าย​กั๋น​กาว่า​ตัดสิน​ปี้น้อง​ผู้เจื้อ​ตวย​กั๋น ก็​เต้า​กับ​ว่า​ได้​ใส่​ฮ้าย​ป้าย​สี​กับ​ตัดสิน​บท​บัญญัติ​ตวย ถ้า​หมู่​ต้าน​ตัดสิน​บท​บัญญัติ ต้าน​ก็​บ่ได้​เป๋น​ผู้​เยียะ​ต๋าม​บท​บัญญัติ แต่​เป๋น​ผู้ตัดสิน​ไป​เหีย