โคโลสี 1:29 - พระคริสตธรรมคัมภีร ภาคพันธสัญญาใหม

²⁹ ย้อน​จาอี้ ข้าพเจ้า​จึง​ฮำ​เยียะ​ก๋าน​หนัก​โดย​ก๋ำลัง​อัน​ยิ่งใหญ่​ตี้​พระองค์​หื้อ​กับ​ข้าพเจ้า เซิ่ง​เยียะ​ก๋าน​อยู่​ใน​ตั๋ว​ข้าพเจ้า

โคโลสี 1:29 Iomraidhean Croise

ลูก๋า 13:24

พระองค์​อู้​กับ​คน​ตังหลาย​ว่า “ต้าน​ตังหลาย​จง​พยายาม​เข้า​ไป​ตาง​ปะตู๋​กีดๆ เน่อ เฮา​บอก​ต้าน​ตังหลาย​ว่า มี​คน​นัก​ฮิ​จะ​เข้า​ไป​ก็​เข้า​บ่ได้

โรม 15:20

ใน​ก๋าน​บอก​ข่าวดี ข้าพเจ้า​ได้​ตั้ง​เป้า​ไว้​ว่า​จะ​ไป​บอก​ใน​ตี้​ตี้​คน​ยัง​บ่เกย​ได้ยิน​เรื่อง​พระเยซู​คริสต์​มา​ก่อน เปื้อ​ข้าพเจ้า​จะ​ได้​บ่ต้อง​เยียะ​งาน​ต่อ​จาก​ของ​คน​อื่น​ตี้​ได้​ตั้งเก๊า​เยียะ​มา​แล้ว

โรม 15:30

ปี้น้อง​ตังหลาย ย้อน​หันแก่​พระเยซู​คริสต์​องค์​พระ​ผู้​เป๋น​เจ้า​ของ​เฮา​ตังหลาย กับ​ย้อน​หันแก่​ความ​ฮัก​ตี้​มา​จาก​พระวิญญาณ​บริสุทธิ์ ข้าพเจ้า​ขอ​ร้อง​ต้าน​ตังหลาย​จ้วย​ออก​แฮง​กั๋น​อธิษฐาน​ต่อ​พระเจ้า​เผื่อ​ข้าพเจ้า​ตวย

1 โครินธ์ 12:11

ตึงหมด​นี้​ก็​มา​จาก​พระวิญญาณ​องค์​เดียว​กั๋น กับ​พระองค์​ก็​หื้อ​ของ​ประทาน​แต่​ละ​คน​ต๋าม​ตี้​พระองค์​หัน​สมควร

1 โครินธ์ 12:6

ก๋าน​งาน​ก็​มี​ต่าง​กั๋น​ไป แต่​มี​พระเจ้า​องค์​เดียว​กั๋น​ตี้​เยียะ​งาน​หมู่​นี้​ผ่าน​ตาง​กู้​คน

1 โครินธ์ 15:10

แต่​ตี้​ข้าพเจ้า​เป๋น​ได้​จาอี้​ก็​ย้อน​พระคุณ​ของ​พระเจ้า​ตี้​มี​หื้อ​ข้าพเจ้า บ่ใจ้​ว่า​ตี้​พระองค์​หื้อ​นั้น​จะ​บ่มี​ประโยชน์ แต๊ๆ แล้ว ข้าพเจ้า​ฮำ​เยียะ​ก๋าน​หนัก​เหลือ​หมู่​อัครทูต​ตึงหมด เถิง​แม้ว่า​บ่ใจ้​ข้าพเจ้า​ตี้​เป๋น​คน​เยียะ แต่​เป๋น​พระคุณ​ของ​พระเจ้า​ตี้​อยู่​กับ​ข้าพเจ้า​เยียะ

2 โครินธ์ 11:23

หมู่​เขา​เป๋น​คน​ฮับใจ๊​ของ​พระคริสต์​กา ข้าพเจ้า​ก็​เป๋น​นัก​เหลือ​นั้น​แหม (​ข้าพเจ้า​อู้​อย่าง​คน​เป๋น​ผีบ้า​) ข้าพเจ้า​ฮำ​เยียะ​ก๋าน​นัก​เหลือ​หมู่​เขา ติด​คอก​นัก​เหลือ​หมู่​เขา ถูก​เฆี่ยน​นัก​เหลือ​หมู่​เขา หวิด​ต๋าย​หลาย​เตื้อ

2 โครินธ์ 13:3

ตี้​ข้าพเจ้า​เยียะ​จาอี้​ก็​ย้อน​ว่า​หมู่​ต้าน​ใค่​อยาก​ได้​หลักฐาน​ตี้​ว่า พระคริสต์​อู้​ผ่าน​ตาง​ข้าพเจ้า​แต๊ๆ พระคริสต์​บ่ได้​อ่อนแอ​ต่อ​หมู่​ต้าน แต่​มี​ฤทธิ์​อำนาจ​นัก​ต้ามก๋าง​หมู่​ต้าน

2 โครินธ์ 5:9

จาอั้น เฮา​จึง​ตั้ง​เป้า​ว่า บ่ว่า​เฮา​จะ​อยู่​ใน​ตั๋ว​นี้​ก็​ดี กาว่า​จะ​ไป​จาก​ตั๋ว​นี้​ก็​ดี เฮา​ก็​จะ​เยียะ​หื้อ​พระเจ้า​ปอใจ๋

2 โครินธ์ 6:5

เฮา​ถูก​เฆี่ยน​ถูก​ตี๋ ถูก​ยับ​เอา​ไป​ขัง​คอก ปะ​กับ​เหตุก๋ารณ์​วุ่นวะ​วุ่นวาย ฮำ​เยียะ​ก๋าน​อย่าง​หนัก อด​หลับ​อด​นอน ตึง​ข้าว​ก็​บ่มี​กิ๋น

เอเฟซัส 1:19

กับ​ฮู้​ว่า​ฤทธิ์​อำนาจ​ของ​พระองค์ ตี้​จ้วย​เฮา​ตี้​เป๋น​หมู่​ผู้เจื้อ​นั้น ยิ่งใหญ่​ขนาด​ไหน ฤทธิ์​อำนาจ​นี้​ก็​เป๋น​อย่าง​เดียว​กั๋น​กับ​ฤทธิ์​อำนาจ​อัน​ยิ่งใหญ่​ของ​พระองค์

เอเฟซัส 3:20

จง​ถวาย​เกียรติ​แก่​พระองค์ ผู้​ตี้​เยียะ​ได้​กู้​สิ่ง​กู้​อย่าง​นัก​เหลือ​ตี้​เฮา​ขอ​กาว่า​กึ๊ด โดย​ฤทธิ์​อำนาจ​ตี้​เยียะ​ก๋าน​อยู่​ใน​ตั๋ว​เฮา

เอเฟซัส 3:7

ข้าพเจ้า​ได้ฮับ​หน้าตี้​หื้อ​มา​บอก​ข่าวดี​นั้น ก็​โดย​พระคุณ​ของ​พระเจ้า​ตี้​หื้อ​ข้าพเจ้า​ผ่าน​ตาง​ฤทธิ์​อำนาจ​ของ​พระองค์

ฟีลิปปี 1:27

บ่ว่า​จะ​เกิด​อะหยัง​กับ​ข้าพเจ้า ขอ​หื้อ​ต้าน​ตังหลาย​ใจ๊​จีวิต​ฮ่วม​กั๋น​อย่าง​สมควร​กับ​คน​ตี้​ฮับเจื้อ​ข่าวดี​เกี่ยวกับ​พระคริสต์ แล้ว​บ่ว่า​ข้าพเจ้า​จะ​มา​หา​หมู่​ต้าน​กาว่า​บ่มา ก็​จะ​ได้ยิน​ว่า​หมู่​ต้าน​ยัง​ยึดมั่น​เป๋น​น้ำนึ่ง​ใจ๋เดียว​กั๋น กับ​ฮ่วม​ต่อสู้​ด้วย​จิตใจ๋​เดียว​กั๋น เปื้อ​ความ​เจื้อ​ตี้​เกิด​จาก​ข่าวดี​นั้น

ฟีลิปปี 1:30

ต๋อน​นี้​หมู่​ต้าน​ก่ำลัง​ต่อสู้​เหมือน​กับ​ตี้​หัน​ข้าพเจ้า​ต่อสู้​เมื่อ​ตะก่อน กับ​ได้ยิน​ว่า​ข้าพเจ้า​ยัง​ต่อสู้​อยู่​บ่าเดี่ยวนี้

ฟีลิปปี 2:13

หมู่​ต้าน​เยียะ​จาอี้​ได้ ย้อน​ว่า​พระเจ้า​ก่ำลัง​จ้วย​จิตใจ๋​ของ​หมู่​ต้าน​หื้อ​สามารถ​เยียะ​ตวย​ต๋าม​ความ​ต้องก๋าน​ของ​พระองค์​อย่าง​เต๋ม​ใจ๋

ฟีลิปปี 2:16

หื้อ​เยียะ​จาอี้​ใน​ต๋อน​ตี้​บอก​ถ้อยกำ​ของ​พระเจ้า​ตี้​หื้อ​จีวิต เปื้อ​ข้าพเจ้า​จะ​ภูมิใจ๋​ได้​ใน​วัน​ตี้​พระเยซู​คริสต์​จะ​ปิ๊ก​มา ว่า​ก๋าน​ตี้​ข้าพเจ้า​ฮิ​เยียะ​ก๋าน​กับ​ยอม​ตุ๊กยาก​นั้น​บ่ได้​เสีย​ไป​บ่ดาย

โคโลสี 2:1

ข้าพเจ้า​ใค่​หื้อ​ต้าน​ตังหลาย​ฮู้​ว่า​ข้าพเจ้า​ฮำ​เยียะ​ก๋าน​หนัก​เปื้อ​ต้าน เปื้อ​จาว​เมือง​เลาดีเซีย กับ​เปื้อ​คน​ตังหลาย​ตี้​บ่เกย​หัน​หน้า​ข้าพเจ้า

โคโลสี 2:12

เมื่อ​ต้าน​ฮับ​บัพติศมา​ก็​เหมือน​ถูก​ฝัง​ไว้​กับ​พระคริสต์​แล้ว กับ​พระเจ้า​เยียะ​หื้อ​เป๋น​ขึ้น​จาก​ความ​ต๋าย​ฮ่วม​กับ​พระคริสต์ ย้อน​ต้าน​ได้​เจื้อ​ใน​อำนาจ​ของ​พระเจ้า​ผู้​ได้​เยียะ​หื้อ​พระองค์​เป๋น​ขึ้น​จาก​ความ​ต๋าย

โคโลสี 4:12

เอปาฟรัส ตี้​เป๋น​จาว​โคโลสี​เหมือน​กั๋น กับ​เป๋น​ผู้​ฮับใจ๊​ของ​พระเยซู​คริสต์ ก็​ฝาก​กำ​กึ๊ดเติง​หา​ต้าน​ตวย เขา​อธิษฐาน​อย่าง​หนัก​เผื่อ​ต้าน​บ่เกย​ขาด เปื้อ​หื้อ​ต้าน​มั่นคง​ใน​ความ​เจื้อ เป๋น​เหมือน​คน​ตี้​ใหญ่​แล้ว กับ​เจื้อ​มั่น​ใน​ก๋าน​เยียะ​ต๋าม​ความ​ต้อง​ก๋าน​ของ​พระเจ้า

1 เธสะโลนิก๋า 2:9

ปี้น้อง​ตังหลาย​จ๋ำ​ได้​แน่นอน​แล้ว​ว่า ใน​ต๋อน​ตี้​เฮา​บอก​ข่าวดี​ของ​พระเจ้า​หื้อ​ฟัง​นั้น หมู่​เฮา​เยียะ​ก๋าน​หนัก​มอกใด​ต้ามก๋าง​ต้าน หมู่​เฮา​เยียะ​ก๋าน​วัน​ค่ำ​คืน​ฮุ่ง​เปื้อ​เฮา​จะ​บ่เป๋น​ภาระ​ต่อ​หมู่​ต้าน​สัก​คน​เดียว

2 เธสะโลนิก๋า 3:8

หมู่​เฮา​บ่กิ๋น​อาหาร​บ่ดายๆ จาก​ใผ​สัก​คน​เลย แต่​หมู่​เฮา​หมั่น​เยียะ​ก๋าน​หนัก​ตึง​เมื่อวัน​เมื่อคืน เปื้อ​บ่เป๋น​ภาระ​กับ​ใผ

2 ทิโมธี 2:10

ข้าพเจ้า​จึง​ยอม​ทน​ตุ๊ก​กู้​อย่าง เปื้อ​หัน​แก่​คน​ตี้​พระเจ้า​ได้​เลือก​ไว้​แล้ว หมู่​เขา​จะ​ได้​ฮับ​ความ​รอด​ป๊น​บาป​โต้ษ​ผ่าน​ตาง​พระเยซู​คริสต์ กับ​ได้ฮับ​เกียรติ​อัน​ยิ่งใหญ่​ตี้​คง​อยู่​ตลอด​ไป​ตวย

ฮีบรู 12:4

ใน​เรื่อง​ก๋าน​ต่อสู้​กับ​บาป ต้าน​ยัง​บ่ได้​ต่อสู้​จ๋น​เถิง​ถูก​ฆ่า​ต๋าย​เลย

ฮีบรู 13:21

โผด​หื้อ​กู้​สิ่ง​กู้​อย่าง​ตี้​ดี​กับ​ต้าน​ตังหลาย เปื้อ​หมู่​ต้าน​จะ​เยียะ​ตวย​ต๋าม​ความ​ต้องก๋าน​ของ​พระองค์ ขอ​หื้อ​พระองค์​เยียะ​ก๋าน​อยู่​ใน​หมู่​เฮา​ต๋าม​ตี้​พระองค์​เปิงใจ๋ โดย​ผ่าน​ตาง​พระเยซู​คริสต์ ขอ​หื้อ​พระองค์​ได้​ฮับ​เกียรติ​ตลอดไป อาเมน

วิวรณ์ 2:3

เฮา​ฮู้​ว่า​หมู่​ต้าน​อดทน​ต่อ​ความ​ตุ๊กยาก​ย้อน​หัน​แก่​เฮา กับ​บ่ได้​อ่อนล้า​ใน​ก๋าน​ติดต๋าม​เฮา