โคโลสี 1:12 - พระคริสตธรรมคัมภีร ภาคพันธสัญญาใหม

¹² และ​ต้าน​ก็​จะ​ขอบพระคุณ​พระบิดา ผู้​ตี้​เยียะ​หื้อ​ต้าน​ตังหลาย​สมควร​จะ​ฮับ​ส่วน​แบ่ง​ตี้​พระเจ้า​เก็บ​ไว้​หื้อ​คน​ของ​พระองค์ ใน​แผ่นดิน​แห่ง​ความ​เป่งแจ้ง

โคโลสี 1:12 Iomraidhean Croise

มัทธิว 25:34

“แล้ว​พระองค์​ผู้​เป๋น​กษัตริย์​จะ​อู้​กับ​หมู่​ตี้​อยู่​ตัง​ขวา​มือ​ว่า ‘ต้าน​ตังหลาย​ตี้​ได้ฮับ​ปอน​จาก​พระบิดา​ของ​เฮา เจิญ​ฮับ​อาณาจักร​ตี้​ได้​เกียม​ไว้​สำหรับ​ต้าน​ตังหลาย​ตั้งแต่​สร้าง​โลก​มา​แล้ว

ยอห์น 14:6

พระเยซู​อู้​กับ​เขา​ว่า “เฮา​เป๋น​ตาง​นั้น เป๋น​ความ​จริง กับ​เป๋น​จีวิต บ่มี​ใผ​ไป​หา​พระบิดา​ได้​นอกจาก​มา​ตาง​เฮา

ยอห์น 20:17

พระองค์​ก็​อู้​กับ​นาง​ว่า “บ่ต้อง​เกาะ​เฮา เฮา​ยัง​บ่ได้​ปิ๊ก​ไป​หา​พระบิดา​ของ​เฮา​เตื้อ แต่​หื้อ​ไป​บอก​หมู่​ปี้น้อง​ตี้​ติดต๋าม​เฮา​ว่า เฮา​จะ​ปิ๊ก​ไป​หา​พระบิดา​ของ​เฮา ตี้​เป๋น​พระบิดา​ของ​ต้าน​ตังหลาย ก็​คือ​ไป​หา​พระเจ้า​ของ​เฮา​ตี้​เป๋น​พระเจ้า​ของ​ต้าน​ตังหลาย​ตวย”

ยอห์น 4:23

แต่​เวลา​นั้น​ก็​ใก้​มา​แผว​แล้ว บ่าเดี่ยวนี้​ก็​มา​แผว​แล้ว​ตวย ตี้​คน​นมัสก๋าน​พระเจ้า​อย่าง​แต๊​จริง จะ​นมัสก๋าน​พระบิดา​โดย​อำนาจ​ของ​พระวิญญาณ​กับ​นมัสก๋าน​ต๋าม​ความ​จริง พระเจ้า​ตวย​เซาะ​หา​คน​จาอี้​เนาะ​ตี้​จะ​มา​นมัสก๋าน​พระองค์​จาอั้น

กิจก๋าน 20:32

“บ่าเดี่ยวนี้​ข้าพเจ้า​ขอ​มอบ​ต้าน​ตังหลาย​ไว้​กับ​พระเจ้า​กับ​ถ้อยกำ​เกี่ยวกับ​พระคุณ​ของ​พระองค์ ตี้​สามารถ​เยียะ​หื้อ​ต้าน​ตังหลาย​เข้มแข็ง​ขึ้น​ใน​ความ​เจื้อ กับ​ฮับ​ปอน​ของ​พระเจ้า​ฮ่วม​กับ​คน​ตังหลาย​ของ​พระองค์

กิจก๋าน 26:18

เปื้อ​เปิด​หู​เปิด​ต๋า​ของ​หมู่​เขา​หื้อ​บิ่นหลังต๋ำ​จาก​ความ​มืด​เข้า​มา​หา​ความ​เป่งแจ้ง กับ​จาก​อำนาจ​ของ​ซาต๋าน​เข้า​มา​หา​พระเจ้า เปื้อ​เขา​หมู่​นั้น​จะ​ฮับ​ก๋าน​ยกโต้ษ​บาป แล้ว​เป๋น​สมาชิก​ฮ่วม​กั๋น​กับ​หมู่​คน​ตี้​พระเจ้า​เลือก​ไว้​เป๋น​คน​ของ​พระองค์ โดย​ความ​เจื้อ​ใน​เฮา’

โรม 11:17

แต่​พระเจ้า​ได้​หัก​บาง​กิ่ง​ของ​เก๊า​บ่ากอกเทศ​สวน​ตี้​เผียบ​เหมือน​จาว​ยิว​ออก​เหีย แล้ว​เอา​หมู่​ต้าน​ตี้​เป๋น​คน​ต่างจ้าด​เผียบ​เหมือน​กิ่ง​บ่ากอก​เทศ​ป่า​มา​ต่อ​ไว้​แตน หมู่​ต้าน​จึง​ได้ฮับ​ก๋าน​หล่อเลี้ยง​จาก​ฮาก​เก๊า​บ่ากอก​เทศ​สวน

โรม 15:27

เรื่อง​นี้​หมู่​เขา​ยินดี​เยียะ​กั๋น​คน​เดียว แต๊ๆ แล้ว​หมู่​เขา​ฮู้สึก​ว่า​เป๋น​หนี้​บุญคุณ​ผู้เจื้อ​จาว​ยิว​อยู่ ย้อน​ปี้น้อง​จาว​ยิว​หมู่​นั้น​ได้​ปั๋น​ปอน​ตาง​จิตวิญญาณ​หื้อ​กับ​หมู่​เขา ก็​สมควร​ตี้​หมู่​เขา​จะ​ปั๋น​ปอน​ตาง​ของ​ใจ๊​หื้อ​ปี้น้อง​ผู้เจื้อ​หมู่​นั้น​พ่อง

โรม 8:17

ถ้า​เฮา​เป๋น​ลูก​ของ​พระเจ้า​แล้ว เฮา​ก็​มี​ส่วน​ได้​มรดก​ตี้​พระเจ้า​ได้​หื้อ​ไว้​กับ​พระคริสต์​ตวย ถ้า​เฮา​ตังหลาย​ฮ่วม​ตุ๊ก​กับ​พระองค์​นั้น เฮา​ก็​จะ​ได้​ฮับ​เกียรติ​ตวย​กั๋น​กับ​พระองค์​ตวย

โรม 9:23

เปื้อ​พระเจ้า​จะ​เปิดเผย​ความ​ยิ่งใหญ่​ของ​พระองค์ ต่อ​ผู้​ตี้​พระองค์​เมตต๋า​แล้ว เป๋น​ผู้​ตี้​พระองค์​ได้​เกียม​ไว้​หื้อ​มี​ส่วน​ใน​ความ​ยิ่งใหญ่​ของ​พระองค์

1 โครินธ์ 8:6

แต่​สำหรับ​เฮา​แล้ว​มี​พระเจ้า​แต๊​องค์​เดียว​คือ​พระบิดา ตี้​สร้าง​กู้​สิ่ง​กู้​อย่าง กับ​จีวิต​เฮา​ก็​อยู่​เปื้อ​พระองค์ เฮา​มี​องค์​พระผู้เป๋นเจ้า​องค์​เดียว​เต้าอั้น​คือ​พระเยซู​คริสต์ ตี้​พระเจ้า​สร้าง​กู้​สิ่ง​กู้​อย่าง​ผ่าน​ตาง​พระองค์ กับ​เฮา​ก็​มี​จีวิต​อยู่​โดย​ผ่าน​ตาง​พระองค์​ตวย

1 โครินธ์ 9:23

ข้าพเจ้า​ยอม​เยียะ​กู้​สิ่ง​นี้​เปื้อ​ข่าวดี​นั้น กับ​เปื้อ​ข้าพเจ้า​จะ​ได้​มี​ส่วน​ได้ฮับ​ปอน​ใน​ข่าวดี​นั้น​ตวย

2 โครินธ์ 11:14

บ่ต้อง​งืด​เนาะ ย้อน​ว่า​ขนาด​ซาต๋าน​ยัง​ป๋อม​ตั๋ว​เป๋น​ทูตสวรรค์​ของ​ความ​เป่งแจ้ง​เลย

2 โครินธ์ 5:5

พระเจ้า​เป๋น​ผู้​ตี้​เกียม​เฮา​ไว้​สำหรับ​ก๋าน​เปี่ยนแปลง​นี้ กับ​พระองค์​เป๋น​ผู้​ตี้​หื้อ​พระวิญญาณ​เป๋น​ก้า​มัดจ๋ำ​ของ​สิ่ง​ตี้​พระองค์​สัญญา​ไว้​กับ​เฮา

เอเฟซัส 1:11

พระองค์​ได้​เลือก​เฮา​หื้อ​เป๋น​คน​ของ​พระองค์ โดย​ตี้​หื้อ​เฮา​มี​ความ​สัมพันธ์​กับ​พระคริสต์ ย้อน​นี่​เป๋น​ความ​ต้องก๋าน​ของ​พระองค์​ตี้​พระองค์​ได้​ตั้งใจ๋​ไว้​ตั้งแต่​เก๊า

เอเฟซัส 1:18

ขอ​พระองค์​จ้วย​เปิดต๋า​เปิดใจ๋​ของ​หมู่​ต้าน เปื้อ​หมู่​ต้าน​จะ​ได้​ฮู้​ว่า พระองค์​ฮ้อง​หื้อ​หมู่​ต้าน​มา​มี​ความ​หวัง​อะหยัง กับ​ฮู้​ว่า​ปอน​ตี้​พระองค์​สัญญา​ว่า​จะ​หื้อ​กับ​คน​ของ​พระองค์​นั้น​ดีเลิศ​มอก​ใด

เอเฟซัส 2:18

ย้อน​ว่า โดย​ตาง​พระเยซู​คริสต์​ตึง​สอง​หมู่​มี​สิทธิ์​ตี้​จะ​เข้า​ใก้​พระบิดา​ได้ โดย​ตาง​พระวิญญาณ​บริสุทธิ์​องค์​เดียว​กั๋น

เอเฟซัส 3:6

ข้อล้ำเลิ็ก​นั้น​ก็​คือ โดย​ผ่าน​ตาง​ข่าวดี​นั้น คน​ต่างจ้าด​ก็​จะ​ได้ฮับ​มรดก​ฮ่วม​กั๋น​กับ​จาว​ยิว กับ​เป๋น​เหมือน​ส่วน​ต่างๆ ใน​ตั๋ว​เดียว​กั๋น กับ​มี​ส่วนฮ่วม​ใน​พระสัญญา​ตี้​พระเจ้า​หื้อ​ไว้​ผ่าน​ตาง​พระเยซู​คริสต์

เอเฟซัส 4:6

กับ​มี​พระเจ้า​พระบิดา​องค์​เดียว​ของ​กู้​คน ผู้​ตี้​มี​อำนาจ​สูงสุด เยียะ​ก๋าน​ผ่าน​กู้​คน กับ​อยู่​ใน​กู้​คน

เอเฟซัส 5:11

ห้าม​ไป​ยุ่ง​เกี่ยว​อะหยัง​กับ​ก๋าน​ของ​คน​ตี้​อยู่​ใน​ความ​มืด เซิ่ง​บ่มี​ประโยชน์​นั้น แต่​หื้อ​เปิดเผย​ก๋าน​หมู่​นั้น​ออก​มา​หื้อ​คน​ฮู้​เหีย​เน่อ

เอเฟซัส 5:20

หื้อ​ขอบ​พระคุณ​พระเจ้า​พระบิดา​ใน​นาม​พระเยซู​คริสต์​องค์​พระผู้เป๋นเจ้า​ของ​เฮา สำหรับ​กู้​สิ่ง​กู้​อย่าง​อยู่​ตลอด

เอเฟซัส 5:4

ตึง​ก๋าน​อู้​ลามก อู้​เล่น​ไป​เล่ย​บ่มี​สาระ ก๋าน​อู้​ฮะ ก็​บ่สมควร​เหมือน​กั๋น แต่​หื้อ​อู้​ขอบ​พระคุณ​พระเจ้า​ดี​กว่า​เน่อ

เอเฟซัส 5:8

ย้อน​ว่า​ตะก่อน​หมู่​ต้าน​ก็​เกย​อยู่​ใน​ความ​มืด แต่​บ่าเดี่ยวนี้​หมู่​ต้าน​อยู่​ใน​ความ​เป่งแจ้ง​แล้ว ย้อน​เป๋น​คน​ของ​องค์​พระผู้เป๋นเจ้า ก็​หื้อ​ใจ๊​จีวิต​อย่าง​คน​ตี้​อยู่​ใน​ความ​เป่งแจ้ง

โคโลสี 2:2

ข้าพเจ้า​เยียะ​จาอี้​เปื้อ​หมู่​เขา​จะ​มี​ก๋ำลังใจ๋ มี​ความ​ฮัก​ตี้​จะ​เยียะ​หื้อ​เขา​เป๋น​อัน​นึ่ง​อัน​เดียว​กั๋น กับ​มี​ความ​ฮู้​ความ​เข้าใจ๋​อย่าง​เต๋มตี้​ใน​ข้อ​ล้ำเลิ็ก​ของ​พระเจ้า คือ​พระคริสต์

โคโลสี 3:15

หื้อ​สันติสุข​ตี้​มา​จาก​พระคริสต์​นำ​ปา​จิตใจ๋​ของ​หมู่​ต้าน ย้อน​ใน​หมู่​ต้าน​กู้​คน​เป๋น​ส่วน​ต่างๆ ใน​ตั๋ว​เดียว​กั๋น กับ​พระเจ้า​ฮ้อง​หมู่​ต้าน​หื้อ​อยู่​ตวย​กั๋น​อย่าง​มี​สันติสุข หื้อ​ขอบ​พระคุณ​พระเจ้า​ตวย

โคโลสี 3:17

แล้ว​อะหยัง​ก็​ต๋าม​ตี้​ต้าน​อู้​กาว่า​เยียะ ก็​หื้อ​เยียะ​ใน​นาม​ของ​พระเยซู​องค์​พระ​ผู้​เป๋น​เจ้า กับ​ขอบ​พระคุณ​พระเจ้า​พระบิดา ผ่าน​ตาง​พระเยซู

ทิตัส 2:14

พระองค์​ต๋าย​เปื้อ​เฮา เปื้อ​ไถ่​เฮา​หื้อ​ป๊น​อำนาจ​บาป​ตึงหมด​ตึงเสี้ยง กับ​เปื้อ​เยียะ​หื้อ​เฮา​บริสุทธิ์ แล้ว​จะ​ได้​เป๋น​คน​ของ​พระเจ้า​ตี้​เอา​แต๊​เอา​ว่า​ใน​ก๋าน​เยียะ​ความ​ดี

ฮีบรู 12:23

ต้าน​ได้​มา​แผว​ตี้​จุมนุม​ของ​หมู่​ตี้​เป๋น​ลูก​คน​เก๊า​ผู้​ตี้​มี​จื้อ​จด​ไว้​แล้ว​ใน​สวรรค์ ต้าน​ได้​มา​แผว​พระเจ้า ผู้​ตัดสิน​กู้​คน ต้าน​ได้​มา​แผว​วิญญาณ​ของ​คน​ถูกต้อง​ต๋าม​ธรรม​ตี้​พระองค์​เยียะ​หื้อ​สมบูรณ์​แบบ​แล้ว

ฮีบรู 3:1

ปี้น้อง​ตังหลาย​ผู้​ตี้​เป๋น​คน​ของ​พระเจ้า ตี้​พระองค์​ฮ้อง​เหมือน​กั๋น ขอ​หื้อ​มี​ใจ๋จดจ่อ​ตี้​พระเยซู ผู้​ตี้​พระเจ้า​ใจ๊​มา​กับ​เป๋น​มหา​ปุโรหิต​ของ​ความ​เจื้อ​ของ​เฮา

ฮีบรู 3:14

ย้อน​เฮา​มี​ส่วน​ฮ่วม​กับ​พระคริสต์ ถ้า​เฮา​ยึดมั่น​ใน​ความ​เจื้อ​ตี้​เฮา​มี​ตั้งแต่​เก๊า​จ๋น​เถิง​ตี้​สุด

ยากอบ 3:9

เฮา​ใจ๊​ลิ้น​สรรเสริญ​องค์​พระ​ผู้​เป๋น​เจ้า​ผู้​ตี้​เป๋น​พระบิดา แล้ว​เฮา​ก็​ใจ๊​ลิ้น​นั้น​สาป​แจ้ง​คน​ตี้​พระเจ้า​สร้าง​มา​ต๋าม​แบบ​อย่าง​ของ​พระองค์

1 เปโตร 5:1

ข้าพเจ้า​ขอ​วิงวอน​หมู่​ผู้ปกครอง​ใน​คริสตจักร​ของ​หมู่​ต้าน ใน​ฐานะ​ตี้​ข้าพเจ้า​เป๋น​ผู้ปกครอง​เหมือน​กั๋น ข้าพเจ้า​เป๋น​พยาน​ได้​เถิง​ความ​ตุ๊ก​ทรมาน​ตี้​พระคริสต์​ได้​ฮับ กับ​ข้าพเจ้า​ก็​จะ​มี​ส่วน​ใน​ความ​ยิ่งใหญ่​ของ​พระคริสต์​เมื่อ​พระองค์​ปิ๊ก​มา​หื้อ​กู้​คน​หัน

1 ยอห์น 1:3

หมู่​เฮา​ก็​บอก​สิ่ง​ตี้​หมู่​เฮา​ได้​หัน​กับ​ได้ยิน​นั้น​หื้อ​หมู่​ต้าน​ฟัง​ตวย เปื้อ​ว่า​หมู่​ต้าน​จะ​ได้​มี​สามัคคีธรรม​กับ​หมู่​เฮา สามัคคีธรรม​นี้​คือ​ก๋าน​สามัคคีธรรม​ตี้​หมู่​เฮา​มี​กับ​พระบิดา​ตึง​กับ​พระเยซู​คริสต์​พระบุตร​ของ​พระองค์​ตวย

วิวรณ์ 21:23

เมือง​นี้​บ่จ๋ำเป๋น​ต้อง​มี​แสง​สว่าง​จาก​ดวง​ตะวัน​กาว่า​ดวงเดือน ย้อน​รัศมี​ของ​พระเจ้า​เยียะ​หื้อ​เมือง​นี้​เป่งแจ้ง ลูก​แกะ​ตั๋ว​นั้น​เป๋น​โกม​ไฟ​ของ​เมือง​นี้

วิวรณ์ 22:14

หมู่​คน​ตี้​ซ่วย​ล้าง​เสื้อ​คุม​ของ​ต๋น​ก็​เป๋น​สุข เขา​จะ​ได้​มี​สิทธิ์​กิ๋น​จาก​เก๊าไม้​ตี้​หื้อ​จีวิต กับ​ผ่าน​ปะตู๋​เข้า​ไป​ใน​เมือง​ได้

วิวรณ์ 22:5

จะ​บ่มี​เมื่อคืน​แหม​ต่อ​ไป จะ​บ่มี​ใผ​ต้องก๋าน​แสง​จาก​โกม​ไฟ​กาว่า​แสง​ตะวัน ย้อน​พระเจ้า​องค์​พระผู้เป๋นเจ้า​จะ​เป๋น​แสง​สว่าง​หื้อ​หมู่​เขา หมู่​เขา​จะ​ปกครอง​ตลอดไป