กิจก๋าน 8:5 - พระคริสตธรรมคัมภีร ภาคพันธสัญญาใหม

⁵ ส่วน​ฟีลิป​ไป​ตี้​เมือง​นึ่ง​ใน​แคว้น​สะมาเรีย แล้ว​บอก​เรื่อง​ของ​พระคริสต์​หื้อ​คน​ตี้​หั้น​ฟัง

กิจก๋าน 8:5 Iomraidhean Croise

กิจก๋าน 1:8

แต่​เมื่อ​พระวิญญาณ​บริสุทธิ์​มา​อยู่​กับ​หมู่​ต้าน​แล้ว หมู่​ต้าน​ก็​จะ​ได้​ฮับ​ฤทธิ์​อำนาจ แล้ว​จะ​เป๋น​พยาน​เล่า​เรื่อง​ของ​เฮา​หื้อ​คน​ตังหลาย​ฟัง ตั้งแต่​กรุง​เยรูซาเล็ม​ใคว่​แคว้น​ยูเดีย แคว้น​สะมาเรีย จ๋น​ใคว่​โลก​นี้”

กิจก๋าน 21:8

วัน​ถัด​มา​หมู่​เฮา​เตียวตาง​ต่อ​ไป​แหม​จ๋น​มา​แผว​เมือง​ซีซารียา หมู่​เฮา​แว่​บ้าน​ของ​ฟีลิป แล้ว​ย้าง​อยู่​กับ​เขา ฟีลิป​เป๋น​คน​บอก​ข่าวดี​ของ​พระเจ้า เป๋น​คน​นึ่ง​ใน​หมู่​เจ็ด​คน​ตี้​ฮับ​ก๋าน​เลือก​หื้อ​เป๋น​ผู้​ผ่อกอย​ก๋าน​แจก​อาหาร​หื้อ​คน​ตุ๊ก

กิจก๋าน 5:42

แล้ว​กู้​วัน​ใน​ข่วง​พระวิหาร​ตึง​ใน​บ้านเฮือน​ของ​คน​ตังหลาย หมู่​อัครทูต​ก็​สั่ง​สอน​ตึง​บอก​ข่าวดี​บ่เกย​ขาด​ว่า​พระเยซู​คือ​พระคริสต์

กิจก๋าน 6:5

คน​ตังหลาย​ก็​ปออก​ปอใจ๋​กับ​ข้อ​เสนอ​นี้ จึง​เลือก​สเทเฟน (​ป้อจาย​ตี้​มี​ความ​เจื้อ​นัก​ขนาด​กับ​ได้​ฮับ​ก๋าน​ดลใจ๋​จาก​พระวิญญาณ​บริสุทธิ์​) ฟีลิป โปรโครัส นิคาโนร์ ทิโมน ปารเมนัส กับ​นิโคเลาส์ (​ตี้​เป๋น​จาว​เมือง​อันทิโอก เซิ่ง​ก่อน​หน้า​นี้​เข้า​ฮีต​ศาสนา​ยิว​)

กิจก๋าน 8:1

เซาโล​ก็​อยู่​ตี้​หั้น เขา​หันดี​ตวย​ใน​ก๋าน​ฆ่า​สเทเฟน ใน​วัน​นั้น​มี​ก๋าน​ตั้งเก๊า​ค่ำเข​คริสตจักร​ครั้ง​ใหญ่​ใน​กรุง​เยรูซาเล็ม ผู้เจื้อ​ตังหลาย​เว้น​แต่​หมู่​อัครทูต​แตก​หนี​ขะแล​ขะแจ​ไป​ทั่ว​แคว้น​ยูเดีย​กับ​แคว้น​สะมาเรีย

กิจก๋าน 8:26

ทูตสวรรค์​ของ​องค์​พระ​ผู้​เป๋น​เจ้า​องค์​นึ่ง​สั่ง​ฟีลิป​ว่า “เกียม​ตั๋ว​เตียวตาง​ลง​ไป​ตัง​ใต้​ต๋าม​เส้นตาง​จาก​กรุง​เยรูซาเล็ม​เถิง​เมือง​กาซา เป๋น​เส้นตาง​กั๋นดาร”

กิจก๋าน 8:30

ฟีลิป​ก็​ล่น​เข้า​ไป​ใก้​รถ​กัน​นั้น ได้ยิน​เสียง​คน​ก่ำลัง​อ่าน​หนังสือ​ตี้​อิสยาห์​ผู้​เป๋น​ปาก​เป๋น​เสียง​แตน​พระเจ้า​เขียน​ไว้ ฟีลิป​จึง​ถาม​ว่า “ต้าน​เข้าใจ๋​ตี้​ก่ำลัง​อ่าน​หั้น​ก่อ”

กิจก๋าน 8:40

ส่วน​ฟีลิป​ก็​มา​ผด​ตี้​เมือง​อาโซทัส แล้ว​ก็​บอก​ข่าวดี​เรื่อง​พระเยซู​ต๋าม​กู้​เมือง​ตี้​ต้าน​เตียวตาง​ก๋าย​ไป​จ๋น​มา​แผว​เมือง​ซีซารียา

กิจก๋าน 8:6

เมื่อ​คน​ตังหลาย​ได้ยิน​ฟีลิป​บอก ก็​ตั้งใจ๋​ฟัง​ใน​สิ่ง​ตี้​ต้าน​อู้ กับ​หัน​ก๋าน​อัศจ๋รรย์​ตี้​ต้าน​เยียะ

กิจก๋าน 9:20

แล้ว​เซาโล​ก็​บ่รอ​จ๊า​ตี้​จะ​ไป​ธรรมศาลา​ของ​จาว​ยิว แล้ว​ตั้งเก๊า​บอก​เรื่อง​ของ​พระเยซู​ว่า “พระองค์​เป๋น​พระบุตร​ของ​พระเจ้า”

1 โครินธ์ 1:23

แต่​หมู่​เฮา​บอก​ข่าวดี​เรื่อง​ของ​พระคริสต์​ตี้​ถูก​เขิง​บน​ไม้​ก๋าง​เขน เรื่อง​นี้​เยียะ​หื้อ​จาว​ยิว​โขด กับ​คน​ต่างจ้าด​ก็​ถือ​ว่า​เป๋น​เรื่อง​ง่าวๆ

1 โครินธ์ 2:2

ย้อน​ข้าพเจ้า​ตั้งใจ๋​ว่า​ต๋อน​ตี้​อยู่​กับ​หมู่​ต้าน ข้าพเจ้า​จะ​บ่สอน​เรื่อง​อะหยัง​เลย นอก​จาก​เรื่อง​ของ​พระเยซู​คริสต์​กับ​ความ​ต๋าย​ของ​พระองค์​บน​ไม้​ก๋าง​เขน

1 โครินธ์ 3:11

ฐาน​ตี้​วาง​ไว้​แล้ว​นั้น​คือ​พระเยซู​คริสต์ จะ​บ่มี​ใผ​วาง​ฐาน​อย่าง​อื่น​ได้​แหม