กิจก๋าน 5:5 - พระคริสตธรรมคัมภีร ภาคพันธสัญญาใหม

⁵ เมื่อ​อานาเนีย​ได้ยิน​กำ​ว่า​จาอั้น​ก็​โก้น​ลง​จั๊ก​ต๋าย​ขำตี้ คน​ตังหลาย​ตี้​หัน​จาอั้น​ก็​กั๋ว​ขนาด

กิจก๋าน 5:5 Iomraidhean Croise

กิจก๋าน 13:11

ผ่อ​เน่อ องค์​พระ​ผู้​เป๋น​เจ้า​จะ​ลงโต้ษ​เยียะ​หื้อ​เจ้า​ต๋าบอด​ผ่อ​บ่หัน​แสงแดด จ๋น​เถิง​เวลา​ตี้​พระเจ้า​ก๋ำหนด​ไว้” แล้ว​เอลีมาส​ก็​ต๋าบอด​บ่า​เดี่ยว​นั้น​เลย เขา​จึง​ซวาม​หา​คน​หื้อ​จู๋ง​มือ​เขา​ไป

กิจก๋าน 2:43

หมู่​อัครทูต​เยียะ​ก๋าน​ปาฏิหาริย์​ตึง​หมายสำคัญ​หลาย​สิ่ง​หลาย​อย่าง คน​ตังหลาย​ตี้​หั้น​ก็​มี​ความ​เก๋งกั๋ว​พระเจ้า

กิจก๋าน 5:13

คน​อื่นๆ บ่ก้า​เข้า​ไป​ฮ่วม เถิง​แม้​ว่า​เคารพ​นับถือ​หมู่​เขา​นัก​ขนาด​ก็​ต๋าม

1 โครินธ์ 4:21

หมู่​ต้าน​จะ​เอา​จาใด จะ​หื้อ​ข้าพเจ้า​ก๋ำ​ไม้แส้​มา​หวด​หมู่​ต้าน กาว่า​จะ​หื้อ​มา​หา​หมู่​ต้าน​โดย​ความ​ฮัก กับ​อย่าง​สุภาพ​อ่อนโยน

2 โครินธ์ 13:10

ย้อน​จาอี้ ข้าพเจ้า​จึง​เขียน​สิ่ง​หมู่​นี้​มา​ใน​หว่าง​ตี้​ข้าพเจ้า​บ่ได้​อยู่​ตวย เปื้อ​ว่า​เมื่อ​ข้าพเจ้า​ไป​เถิง ข้าพเจ้า​จะ​ได้​บ่ต้อง​เยียะ​แฮง​ต่อ​หมู่​ต้าน โดย​ก๋าน​ใจ๊​สิทธิ​อำนาจ​ตี้​พระเจ้า​มอบ​หื้อ​ข้าพเจ้า เปื้อ​เสริมสร้าง​หมู่​ต้าน บ่ใจ้​ทำลาย

2 โครินธ์ 13:2

ต๋อน​ตี้​ข้าพเจ้า​ไป​หา​หมู่​ต้าน​เป๋น​เตื้อ​ตี้​สอง​นั้น ข้าพเจ้า​ได้​เตื๋อน​หมู่​ตี้​เยียะ​บาป​อยู่​นั้น บ่าเดี่ยว​นี้​เถิงแม้​ข้าพเจ้า​จะ​บ่ได้​อยู่​ตวย​หมู่​ต้าน ข้าพเจ้า​ก็​ขอ​เตื๋อน​หมู่​นั้น​แหม​เตื้อ​กับ​คน​อื่นๆ กู้​คน เมื่อ​ข้าพเจ้า​ไป​แหม​เตื้อ ข้าพเจ้า​จะ​บ่เว้น​โต้ษ​หื้อ​ใผ​เลย

2 โครินธ์ 7:11

ผ่อ​เต๊อะ ความ​เสียใจ๋​ต๋าม​ความ​ต้อง​ก๋าน​ของ​พระเจ้า​นี้​เกิด​ผล​อะหยัง​กับ​หมู่​ต้าน​พ่อง ก็​เยียะ​หื้อ​หมู่​ต้าน​เอา​แต๊​เอา​ว่า​ขึ้น​มา กระตือรือร้น​ตี้​จะ​พิสูจน์​ว่า​ต้าน​บ่ได้​เยียะ​ผิด ขัดข้อง​หมอง​ใจ๋​คน​นั้น​ตี้​เยียะ​ผิด กั๋ว​ถูก​ลง​โต้ษ อาลัย​หา กับ​เป๋น​ห่วง​ข้าพเจ้า กับ​พร้อม​ตี้​จะ​ลง​โต้ษ​คน​ตี้​เยียะ​ผิด หมู่​ต้าน​ได้​พิสูจน์​ตั๋ว​เก่า​กู้​ด้าน​แล้ว​ว่า​หมู่​ต้าน​บ่มี​ความ​ผิด​ใน​เรื่อง​นี้

วิวรณ์ 11:13

ใน​เวลา​เดียว​กั๋น​ก็​เกิด​แผ่นดิน​ไหว​อย่าง​แฮง เยียะ​หื้อ​นึ่ง​ใน​สิบ​ส่วน​ของ​เมือง​นั้น​ถูก​ทำลาย​ลง มี​คน​ต๋าย​เจ็ด​ปัน​คน​จาก​แผ่นดิน​ไหว ส่วน​คน​ตี้​เหลือ​อยู่​ก็​อกสั่นขวัญหาย ก็​ปา​กั๋น​สรรเสริญ​พระเจ้า​ตี้​ปกครอง​ใน​สวรรค์

วิวรณ์ 11:5

ถ้า​มี​ใผ​ฮิ​ตี้​จะ​เยียะ​ฮ้าย​พยาน​ตึง​สอง​นี้​ก็​จะ​มี​ไฟ​ออก​จาก​ปาก​ของ​หมู่​เขา​ตึง​สอง เผา​ทำลาย​ศัตรู๋​นั้น​เหีย ถ้า​มี​ใผ​พยายาม​เยียะ​ฮ้าย​เขา​ตึง​สอง ก็​จะ​ต้อง​ต๋าย​จาอี้