กิจก๋าน 5:40 - พระคริสตธรรมคัมภีร ภาคพันธสัญญาใหม

⁴⁰ หมู่​เขา​ก็​ยอม​ฟัง​กำ​แนะนำ​ของ​กามาลิเอล จึง​ฮ้อง​หมู่​อัครทูต​เข้า​มา แล้ว​ก็​ใจ๊​คน​เฆี่ยน กับ​สั่ง​ห้าม​บ่หื้อ​อู้​ใน​นาม​พระเยซู​แหม แล้ว​ก็​ปล่อย​ตั๋ว​ไป

กิจก๋าน 5:40 Iomraidhean Croise

มัทธิว 10:17

หละวัง​หื้อ​ดี ย้อน​ว่า​คน​หมู่​นั้น​จะ​ยับ​ต้าน​ตังหลาย​ปา​ไป​ขึ้น​ศาล แล้ว​เฆี่ยน​ลง​โต้ษ​ต้าน​ตี้​ก๋าง​ธรรมศาลา​ของ​จาว​ยิว

มัทธิว 20:19

แล้ว​จะ​มอบ​ต้าน​หื้อ​กับ​คน​ต่างจ้าด​เฆี่ยน​ตี๋​กับ​เยาะเย้ย แล้ว​ก็​ปา​ไป​เขิง​ตี้​ไม้​ก๋าง​เขน​จ๋น​ต๋าย แต่​ใน​วัน​ตี้​สาม​พระเจ้า​จะ​เยียะ​หื้อ​เป๋น​ขึ้น​จาก​ความ​ต๋าย”

มัทธิว 23:34

ย้อน​จาอั้น เฮา​จะ​ส่ง​ผู้​เป๋น​ปาก​เป๋น​เสียง​แตน​พระเจ้า คน​ตี้​มี​ปั๋ญญา กับ​ธรรมาจ๋ารย์​มา​หา​เจ้า​ตังหลาย แล้ว​เจ้า​ตังหลาย​ก็​จะ​ยับ​เขา​หมู่​นั้น​ไป​ฆ่า​เหีย​พ่อง ไป​เขิง​บน​ไม้​ก๋าง​เขน​พ่อง​ไป​เฆี่ยน​ใน​ธรรมศาลา​ของ​จาว​ยิว​พ่อง ไล่​หมู่​เขา​หนี​จาก​เมือง​นึ่ง​ไป​แหม​เมือง​นึ่ง​พ่อง

มาระโก 13:9

แต่​จง​หละวัง​ตั๋ว​ไว้​หื้อ​ดี ย้อน​ว่า​หมู่​ต้าน​จะ​ถูก​ยับ​ปา​ไป​ขึ้น​ศาล จะ​ถูก​เฆี่ยน​ถูก​ตี๋​ใน​ธรรมศาลา​ของ​จาว​ยิว กับ​จะ​ต้อง​ไป​ยืน​ต่อ​หน้า​เจ้าเมือง ต่อ​หน้า​กษัตริย์​ย้อน​ว่า​หมู่​ต้าน​ติดต๋าม​เฮา เปื้อ​จะ​เป๋น​พยาน​เรื่อง​เฮา​ต่อ​หน้า​หมู่​เขา

ลูก๋า 20:10

เมื่อ​เถิง​หน้า​เก็บ​หน่วย​องุ่น เจ้าของ​สวน​ก็​หื้อ​ลูกจ้าง​ไป​ฮับ​ส่วน​แบ่ง​องุ่น หมู่​คน​เจ้า​ก็​ยับ​ลูกจ้าง​คน​นั้น​ไว้​แล้ว​บุบ​ตี๋ แล้ว​ไล่​ปิ๊ก​โดย​บ่ได้​อะหยัง​ติด​มือ​ไป​สัก​อย่าง

กิจก๋าน 5:28

“หมู่​เฮา​สั่ง​ห้าม​อย่าง​เด็ดขาด​แล้ว​ว่า บ่หื้อ​สอน​ใน​นาม​ของ​พระเยซู​เวลา​ตี้​สั่ง​สอน​บ่ใจ้​กา แต่​หมู่​เจ้า​ก็​ยัง​เผยแพ่​กำสอน​ของ​เจ้า​นี้​ไป​ใคว่​กรุง​เยรูซาเล็ม แล้ว​ตั้งใจ๋​นาบโต้ษ​หมู่​เฮา​ว่า​เยียะ​หื้อ​เยซู​ต้อง​ต๋าย”

2 โครินธ์ 11:24

หมู่​จาว​ยิว​เฆี่ยน​ข้าพเจ้า​ห้า​รอบ รอบ​ละ​สาม​สิบ​เก้า​เตื้อ