กิจก๋าน 24:12 - พระคริสตธรรมคัมภีร ภาคพันธสัญญาใหม

¹² หมู่​เขา​บ่หัน​ว่า​ข้าพเจ้า​เถียง​กับ​ใผ​ใน​พระวิหาร กาว่า​อู้​สุ่ย​หมู่​คน​ตี้​ธรรมศาลา​ของ​จาว​ยิว กาว่า​ตี้​อื่นๆ ใน​เมือง​ตวย

กิจก๋าน 24:12 Iomraidhean Croise

มาระโก 9:14

เมื่อ​พระเยซู​กับ​สาวก​ลง​ดอย​มา​หา​หมู่​สาวก​ตี้​ถ้า​อยู่​ตัง​ลุ่ม ก็​หัน​มี​คน​จ๋ำนวน​นัก​แวด​ตะหลุ้ม​หมู่​สาวก​อยู่ มี​หมู่​ธรรมาจ๋ารย์​ก่ำลัง​เถียง​หมู่​เขา

ยอห์น 18:21

ต้าน​มา​ถาม​เฮา​เยียะ​หยัง ไป​ถาม​คน​หมู่​นั้น​ตี้​ได้​ยิน​กำ​อู้​ของ​เฮา​เต๊อะ หมู่​เขา​ฮู้​ดี​ว่า​เฮา​อู้​อะหยัง​ไป​พ่อง”

กิจก๋าน 24:18

เวลา​นั้น​หมู่​เขา​ก็​หัน​ข้าพเจ้า​ใน​พระวิหาร หลังจาก​ข้าพเจ้า​เยียะ​พิธี​ล้าง​ตั๋ว​หื้อ​บริสุทธิ์​แล้ว หมู่​เขา​ก็​หัน​ว่า​ข้าพเจ้า​บ่ได้​อยู่​กับ​หมู่​คน กาว่า​ก่อ​ความ​วุ่นวาย

กิจก๋าน 24:5

“หมู่​เฮา​หัน​ว่า ป้อจาย​คน​นี้​เป๋น​คน​อันตราย สุ่ย​หื้อ​เกิด​ก๋าน​จลาจล​ใน​หมู่​จาว​ยิว​ใน​กู้​ตี้ เขา​เป๋น​หัวหน้า​ลัทธิ​นาซาเร็ธ

กิจก๋าน 25:8

แล้ว​เปาโล​ก็​แก้​ข้อ​กล่าวหา​ว่า “ข้าพเจ้า​บ่ได้​เยียะ​อะหยัง​ผิด​ต่อ​บท​บัญญัติ​ของ​จาว​ยิว กาว่า​ต่อ​พระวิหาร กาว่า​ต่อ​ซีซาร์​เน่อ”

กิจก๋าน 28:17

ผ่าน​ไป​สาม​วัน​เปาโล​ฮ้อง​ประชุม​หมู่​ผู้นำ​ของ​จาว​ยิว หลังจาก​กู้​คน​มา​หมด​แล้ว เปาโล​จึง​อู้​ว่า “ปี้น้อง​ตังหลาย ข้าพเจ้า​ถูก​ยับ​ใน​กรุง​เยรูซาเล็ม แล้ว​ถูก​มอบ​หื้อ​กับ​ทหาร​โรมัน​เถิงแม้​ว่า​ข้าพเจ้า​บ่ได้​เยียะ​ผิด​ต่อ​คน​ของ​หมู่​เฮา กาว่า​ต่อ​ฮีต​เก่า​ฮอย​เดิม​ของ​ป้ออุ๊ย​แม่หม่อน​ของ​หมู่​เฮา​เลย