กิจก๋าน 20:3 - พระคริสตธรรมคัมภีร ภาคพันธสัญญาใหม

³ เปาโล​ย้าง​อยู่​ตี้​หั้น​สาม​เดือน แต่​เมื่อ​ต้าน​เกียม​จะ​ลง​เฮือ​ไป​แคว้น​ซีเรีย ก็​ได้​ฮู้​ว่า​มี​หมู่​จาว​ยิว​วางแผน​จะ​ฆ่า​ต้าน​ถ้า​เตียวตาง​ตัง​เฮือ เปาโล​ก็​เลย​ตัดสินใจ๋​งว้าย​เตียว​ปิ๊ก​ไป​แคว้น​ซีเรีย​มา​ตัง​แคว้น​มาซิโดเนีย​เหีย

กิจก๋าน 20:3 Iomraidhean Croise

มัทธิว 4:24

เยียะ​หื้อ​จื้อ​เสียง​ของ​พระองค์​ดัง​ไป​ใคว่​ประเทศ​ซีเรีย หมู่​คน​ก็​ปา​คน​ตังหลาย​ตี้​เป๋น​พยาธิ​ต่างๆ มา​หา​พระองค์ อย่าง​คน​ตี้​เจ็บ​ป่วย​นัก คน​โดน​ผี​เข้า คน​เป๋น​ลม​บ้า​หมู คน​เป๋น​ง่อย พระองค์​ก็​ได้​ฮักษา​หมู่​เขา​จ๋น​หาย​กั๋น​หมด​กู้​คน

กิจก๋าน 16:12

จาก​เมือง​เนอาบุรี​นั้น หมู่​เฮา​ก็​ไป​ตี้​เมือง​ฟีลิปปี เซิ่ง​เป๋น​เมือง​สำคัญ​ของ​แคว้น​มาซิโดเนีย กับ​เป๋น​เมือง​ขึ้น​ของ​โรม​ตวย หมู่​เฮา​อยู่​ใน​เมือง​นี้​หลาย​วัน

กิจก๋าน 16:9

ต๋อน​เมื่อคืน​เปาโล​หัน​นิมิต​ว่า​มี​ป้อจาย​จาว​แคว้น​มาซิโดเนีย​คน​นึ่ง​มา​ยืน​อ้อนวอน​ว่า “ขอ​มา​จ้วย​หมู่​เฮา​จาว​แคว้น​มาซิโดเนีย​กำ​เต๊อะ”

กิจก๋าน 18:18

เปาโล​ก็​อยู่​ตี้​เมือง​โครินธ์​ต่อ​แหม​เวลา​นึ่ง แล้ว​ลา​หมู่​ปี้น้อง​ผู้เจื้อ​ไป​เมือง​เคนเครีย​อยู่​ใก้​กั๋น​หั้น แต่​ก่อน​ตี้​เปาโล​จะ​ลง​เฮือ​ตี้​ต้า​เฮือ​เมือง​นั้น ต้าน​โก๋น​หัว​ของ​ตั๋วเก่า ย้อน​ว่า​เกย​บน​ตั๋ว​ไว้​กับ​พระเจ้า แล้ว​ไป​แคว้น​ซีเรีย​ฮ่วม​กับ​ปริสคา​กับ​อาควิลลา

กิจก๋าน 19:21

หลังจาก​เรื่อง​ตี้​เกิด​ขึ้น​หมู่​นี้​เสี้ยง​สุด​ลง​แล้ว เปาโล​ก็​ตัดสินใจ๋​จะ​เตียวตาง​ผ่าน​แคว้น​มาซิโดเนีย​กับ​แคว้น​อาคายา แล้ว​จะ​ลวด​ไป​กรุง​เยรูซาเล็ม ต้าน​อู้​ว่า “หลังจาก​ข้าพเจ้า​ไป​กรุง​เยรูซาเล็ม​แล้ว จะ​ต้อง​ไป​กรุง​โรม​ตวย”

กิจก๋าน 20:1

เมื่อ​ก๋าน​วุ่นวาย​บ่มี​แล้ว เปาโล​ก็​ฮ้อง​หมู่​ผู้เจื้อ​มา​ปะ​กั๋น หลังจาก​อู้​กำ​หื้อ​ก๋ำลังใจ๋​หมู่​เขา​แล้ว เปาโล​ก็​ลา​หมู่​เขา​ไป​แคว้น​มาซิโดเนีย

กิจก๋าน 20:19

ข้าพเจ้า​ฮับใจ๊​องค์​พระ​ผู้​เป๋น​เจ้า​อย่าง​ถ่อมอก​ถ่อมใจ๋ กับ​ไห้​ย้อน​ความ​ตุ๊ก ข้าพเจ้า​อดทน​ความ​ตุ๊กยาก​ลำบาก​จาก​แผนก๋าน​ฮ้าย​ต่างๆ ของ​จาว​ยิว

กิจก๋าน 20:2

เปาโล​หื้อ​ก๋ำลังใจ๋​หมู่​ผู้เจื้อ​ต๋าม​ตี้​ต่างๆ ตี้​ต้าน​ก๋าย​ไป​ใน​แคว้น​นั้น​จ๋น​มา​แผว​ประเทศ​กรีก

กิจก๋าน 21:3

เมื่อ​หมู่​เฮา​ผ่อ​หัน​เกาะ​ไซปรัส​แล้ว เฮือ​ก็​ก๋าย​มา​ตาง​ใต้​ของ​เกาะ​ไป​แคว้น​ซีเรีย แล้ว​ก็​จอด​ตี้​เมือง​ไทระ เปื้อ​ขน​สินก๊า​ออก​จาก​เฮือ​ขึ้น​ฝั่ง

กิจก๋าน 25:3

แล้ว​อ้อนวอน​เฟสทัส​ขอ​ความ​กรุณา​หื้อ​จ้วย​ส่ง​เปาโล​มา​ตี้​กรุง​เยรูซาเล็ม​ตวย หมู่​เขา​เยียะ​จาอี้​ย้อน​ว่า​วางแผน​จะ​ฆ่า​เปาโล​หละหว่าง​ตาง

2 โครินธ์ 1:15

ข้าพเจ้า​มั่นใจ๋​ว่า​หมู่​ต้าน​ภูมิใจ๋​ใน​ตั๋ว​เฮา ข้าพเจ้า​จึง​กะ​ว่า​จะ​ไป​แอ่ว​หา​หมู่​ต้าน​ก่อน​เปิ้น เปื้อ​หมู่​ต้าน​จะ​ได้​ปอน​เถิง​สอง​เต้า

2 โครินธ์ 11:26

ข้าพเจ้า​เตียวตาง​เจื่อๆ ปะ​กับ​อันตราย​ใน​แม่​น้ำ อันตราย​จาก​โจ๋ร อันตราย​จาก​ตึง​หมู่​ปี้น้อง​จาว​ยิว​ของ​ข้าพเจ้า กับ​คน​ต่างจ้าด อันตราย​จาก​ใน​เมือง​ตึง​ใน​ป่า อันตราย​ใน​ทะเล​กับ​อันตราย​จาก​ปี้น้อง​ผู้เจื้อ​ตี้​บ่แต๊

2 โครินธ์ 7:5

ย้อน​ว่า​เมื่อ​มา​เถิง​แคว้น​มาซิโดเนีย​แล้ว เฮา​บ่ได้​ย้าง​เลย ผ่อ​ไป​ตาง​ใด​ก็​มี​ก้า​ปั๋ญหา ตังนอก​ก็​ต้อง​สู้ ตัง​ใน​ใจ๋​ก็​กั๋ว​หั้น​กั๋ว​นี่

กาลาเทีย 1:21

เมื่อ​ลูน​มา ข้าพเจ้า​ได้​เข้า​ไป​แคว้น​ซีเรีย​กับ​แคว้น​ซีลีเซีย